好耐冇來呢間餐廳食野了～今日終於有時間再來食，同以前一樣，呢間滨滝啲員工服務真係一流，個個員工都好熟悉所有間鋪賣梗嘅食物同飲品，因為入咗去坐低之後，無論換咗邊位問一問啲食物問題，都可以講得出係有揀呀、點樣食最好、本期推薦食飲啲咩，仲有會反問番你有無話想要啲咩口味，切合番今日你想要嘅味道同胃口，所以啲員工培訓真係頂瓜瓜！ 咁入到就推介呢期食啲新鮮嘅飛機運送嚟嘅魚類，咁問咗我哋想今日要啲咩類型嘅口味，咁就答咗佢話想要啲唔太濃多油仲要有啲爽口嘅魚，之後聽完走入去問咗位師傅再同我哋推介番可以試吓食目仁奈魚，可以兩食咁添。就要咗佢啦，首先上咗條魚嘅刺身先，首先感覺係新鮮有鮮味，之後好似係近骨位啲肉質會較爽啲，再試吓啲醬汁，佢仲介紹埋係由高知縣出產嘅柚子醬汁，感覺上好釣味，但係我哋想保持佢種鮮味，所以繼續食啲刺身。淨番排骨會拎去煲湯，咁大個都未飲過咁好味嘅魚湯，好多鮮味走哂出嚟，又唔會整到好濃味，要等你飲到清新甜美嘅清湯！真係好正🤤🤤🤤 仲叫左個我最愛～火炙平目魚邊～啖啖魚邊鬆油脂充滿於口腔，再加上加了芥茉，有少少辛辣，中和了油膩感覺，真係好好味😍 另外叫了一個燒飯團🍙，第一次食，又幾特別，外脆內軟，鬆化的感覺！不錯👍🏻

心最近太耐冇食串燒啦！所以今日放工決定左同朋友去食啦～朋友介紹左一間新的串燒店，所以同佢一齊去試下～去到發現原來選擇都幾多～最重要的係我見到最愛的鰻魚同燒賣！咁就緊係唔可以唔食啦！可惜當天沒有鱔柳，朋友說很好食～所以我地都叫左好幾樣野 第一是燒燒賣，外皮趣卜卜，入面就軟綿綿，口感幾得意 第二是鰻魚，外皮有少少焦脆，幾好食 第三是一口羊，一口一粒好方便，唔韌，都冇羊肉嘅腥味，味道不錯！ 第四是烤咖喱魷魚，我都幾鍾意食烤魷魚，因為好香，唔韌，配啤酒一流！ 另外仲叫咗個手撕雞烏冬，嘩！佢呢度嘅手撕雞烏冬真係辣得來好好食！雖然點樣都係濃味，但係食得出呢一間舖頭嘅特別調味，辣辣地同果種痹痹麻麻的，真係幾正，不過我就怕太辣，所以只係叫咗小辣，大家可以去挑戰下🤣 同埋呢度有好少何傳銷舖頭有嘅蔬菜，咁平時冇得食菜嘅你，就可以叫來食下啦

又一個夜晚出去食飯，就即興約埋個同事出去食呢間意大利餐廳，因為我仲記得佢係幾好食，咁啱同事又住呢頭，約埋佢一齊出去放吓負先啦。一邊放灰一邊享受美食，無得頂呀!! 咁就叫咗個烤原隻鴨胸同燒菠蘿，配埋香橙青檸汁真係幾特別，要試真啲。另一個係黑松露野菌意大利飯，我知道意大利飯都唔係咁易去整得好食，所以一人揀一個，最後大家分享大家個菜式。 WOW果然個鴨胸真係整得好好味，烤得啱啱好，好柔軟又香濃嘅鴨味，再配合埋香橙片加青檸汁混合放入口，簡直完美，搞到負都放唔到幾多，俾個美食搞到心情好哂!塊燒菠蘿好靚好多汁，咬落去都要喺個口入面噴哂出嚟咁。好彩無叫飯或意粉咪飽死我，有青檸汁溝薯蓉又係一個好配搭。 到另一道菜式係個意大利飯，睇落去好普通，其實真係整得好好，連鎖大餐廳都未必整到呢個水準。最重要係唔會話好油膩同濟，會係每匙都想載最多嘅份量上去再放入口，好似食上癮咁，好食到好誇張呀真係。

又好耐無點出街食好嘢，咁啱呢排忙完喇終於都！出街食個飯慰勞吓自己。 走到出嚟，尖東呢邊食個豐富啲嘅晚餐，上網見人食呢間好似幾正咁，就同個朋友轆咗過嚟試吓佢咩料咁話！呢度話哂都有個吧位，咁就點咗杯白酒試吓，sangria white因為呢杯酒正正係西班牙嘅國酒嚟，我又未去過西班牙，所以就點咗嚟飲，點知係幾清爽嘅，有啲似飲汽水咁，仲有好幾種生果喺入面，而檸檬都十分之突出。 「👆🏽西班牙吐司,幾香口」 我就好鍾意飲湯嘅，周打魚湯都唔會放過，呢度整得好好飲，因為好少地方會咁多魚喺入面，整體又唔會太凝結，真係可以試吓呀👍🏻 另外有份海鮮煎餅，我覺得好食過其他式嘅海鮮煎餅，因為佢整得到唔會令我覺得好多麵粉咁，而且內裡有好多蝦同魷魚，又唔會太碎少食咗好似無食咁，呢個都好好食。 安格斯牛小扒，呢度真係整得無得彈！每一嚿牛都好嫩滑，亦唔會好老同煙韌，而且仲要係厚切添呀！我都未試過食牛會咁好味，本身都唔係好好食牛，呢個體驗對我嚟講係一個大突破！ 「👆🏽西班牙雞肉燉飯，茄味濃，飯軟硬度合適」

呢排真係天氣好悶熱，咁悶熱嘅時候除咗去游水，平時喺條街度就係去買野飲。 元朗都有好多選擇，行幾間鋪位都仲有間喺左近，咁啱今日嚟到呢間淳沐個位嗰陣突然間落咗陣雨，咁唯有一邊避雨一邊就買嘢飲啦。咁就嗌咗兩杯，一杯就係小芋圓大甲芋頭鮮奶，呢杯要等十幾分鐘先有得拎，可能因為佢地標明新鮮制作，即叫即整的原則吧～令我更期待呢一杯，因為我自己都幾鍾意食小芋圓仲要加埋芋頭就真係無得頂啦，相重至愛！再加埋鮮奶，簡直就係絕配，我會將呢杯癈水定為心中第一！ 另一杯比較快就調好嘅係楊枝甘露，朋友話我知呢杯比較上飽啲肚啲，飲落好滑溜，芒果味都幾重，仲有好多重不同的口感，唔同一般食到嘅糖水咁樣，係幾好飲，岩晒佢的口味～

好耐都無打過食評了，亦都好耐無點出過街食好嘢，疫情令我瘦咗唔少呀！餐餐外賣咗好耐喇，食外賣食到口都寡埋。襯住而家個市況好啲，要好好咁填番飽個胃呀！ 今日同家人一齊出嚟分享吓美食，都好耐無見過面了，嚟番呢間尖沙咀嘅印度嘢食，今日好多人出嚟食嘢呀！ 諗咗陣終於都叫咗個比薩、燒羊腿、仲有份烤雞添，餓咗陣都逐樣逐樣咁嚟到了，大碟到張枱都放唔哂咁濟，初頭仲諗食唔食得哂㗎！點知咁耐無食好嘢嘅我哋，好快就清哂。咁講吓啲嘢食先，個比薩比起出面啲連鎖嘅好食喎！皮薄餡靚，又少少脆邊，上面啲芝士份量適中，唔會太濟；另外個燒羊腿係三款食物中最好味嘅，又唔羊騷味喎，份量預到兩個人啱啱好，配合底下嘅薯容就一流；最後係個烤雞，因為之前兩款都食到咁上下飽，所以呢味烤雞就可以填飽埋最後嘅位置，我一向都好鍾意食烤雞嘅，尤其係印度嘅菜式，真係賣飛佛呀！！！好耐都無試過咁滿足味蕾了

今日嚟到呢間校長燒肉度慶祝一下，因為都好耐無點出街食嘢喇，所以出嚟食個大餐，佢有分三輪入座時間嘅，咁我哋就揀咗最早嗰輪五點去到食嘢，點之袛係遲咗幾分鐘到，上到去已經成村人喺度周圍行嚟行去拎嘢食，估唔到都幾多人嚟。 出去都幾多選擇可以揀，有好多炸嘢食呀、熟食點心、刺身壽司、冷盤、甜品同生燒物食，最後我哋就揀咗最鍾意嘅燒烤類同菜類，所以我哋就輪流出去拎呢啲相關食物番嚟整熟佢食啦。 當中生燒物選擇比較多，就算是雞翼都最少有3隻味選擇！仲有得燒3文魚骨丫，秋刀魚，鯖魚那些，呢d都係比其他店少見的選擇呢～對於愛食魚的我來說緊係覺得超正啦！ 如果你燒緊野食又未熟，但又好餓wo,都唔怕！因為有十款以上的熟食比你頂住肚仔先！😋😋😋唔好以為質素一定唔夠好啦～我食果輪有蒸鯧魚tim丫！店家真是夠晒誠意～所以點解比咁多like😀 無得出去郊野公園燒烤走入嚟城市中嘅室內燒烤都係個唔錯嘅選擇嚟，可以任揀自己食得到嘅份量，慢慢燒熟佢；再可以揀選要嘅飲品甜品咁好好享受一下！🤤🤤值得下次再嚟呀！👍🏻 另外真心要提下，店家的貼心服務之中，最令我開心是每台都有個小的爐比你打邊爐咁用，鍾意食白煮菜的我，真係係呢到先可以唔怕肥咁煮菜食！真係值得一讚！

今日放工就好餓了，想搵d野食，但又唔知食咩好wo,行行下經過一間好像不錯的餐飲～就打算試下了 入到去裝修也不錯～幾有中式、馬來西亞式的感覺～而且店員都很友善很主動～ 咁我一直以來都好鐘意食叻沙麵～呢到就有個檳城亞參叻沙麵，見好似幾有趣，就叫個來試試！ 登登！來了來了，佢聞落就好似唔太好味🤣但係食落ok wo佢係由魚容、蝦醬做到個口味出來～加上好多配菜的味道同埋口感，例如：青瓜、生菜、波蘿、紅洋蔥、等等～wow 多重口感我幾喜歡～成個湯底係酸酸辣辣的（不過最後食到超級辣⋯⋯有少少頂唔順🤣）不過味道係特別的！幾喜歡！ 但唯一有少少失望係份量⋯因都$52蚊都感覺上是希望夠飽的，size就好似一般雲吞麵店的咁少⋯有點不夠呢～～～

前陣子同朋友到呢間台式麵店食飯～雖然價格都有點點貴⋯但已是呢間商場來說是算是平點的餐廳呢～（都60幾70蚊嫁！） 不過點都好～呢間店的雞排麵很不錯啊，雞排炸得剛剛好！外面超脆！入面肉質很嫩又多汁！而且應該是即叫即炸吧，當時都等了一會兒⋯～但真的很呢那份雞排！而且份量都不少啊～～～～～～～ 麵的口感都不錯，不太淋也不太硬，也是剛剛好的，而清湯味道都唔會太過濃，幾岩我地香港人的口味～ 而且坐的位置空間都不錯～唔會好迫～～

最近師姐想飲下野又食下野咁，去酒吧是一個談心的好地方～呢間酒吧給每位客人足夠的空間去傾計～很不錯呢 而且裝修得都好靚，搞下小派對好像也不錯～ 因為我自己就唔飲酒～所以就叫了杯無酒精雞尾酒～～～moksha~ 好正丫！入面有蘋果、薄荷、檸檬（青檸？）調味～甜甜酸酸又清爽～很喜歡～ 之後我就哪了個牛油果🥑雞肉漢堡配薯條！哇！超級大個丫真係！ 而且漢堡包十分足料，雞排很厚～滿滿的牛油果醬！仲有入面溶化了的芝士～yummy~~~~~ 但是我更欣賞是那 薯條同埋旁邊的沙律！真係超級好食薯條係粗薯條～又長（好多時見到都是較短的⋯）好脆！入面好軟熟！唔會好咸～好正丫 沙律🥗味道就真係好特別，唔知果個沙律醬是什麼醬～但是好開胃！令你食不停🤣成個set 配合得好好～ 期待下次再來食😋😋😋