德國佬餐廳

營業中

休息中

自從在雜誌上得知元朗開了家德國佬, 一直找尋機會來試, 終於在月前到來吃晚飯。據知店子小小, 座位並不多, 致電訂位時得知分了6:30和8:30兩輪, 而當日只得後段仍未滿。 準時到達, 不用多等便可入座, 以木色為主調, 富簡約風格, 燈光微昏暗。 其實吃德國菜, 燒豬手是必點的, 但見二人套餐($398)有齊沙律、湯、主菜、飲品和甜品, 又心動呢!點餐後送上兩個餐包, 分別是原味有些穀物粒和香草味, 侍者度還會一提小心燙熱, 很窩心。麵包外邊脆脆的, 帶咬勁, 包芯鬆軟不過濕, 麵粉味很香, 隨喜好伴上牛油或油醋, 很快便吃下一個。選了德國薯仔沙律, 盤底鋪著不同款式的雜菜, 薯仔切得大大的, 粉糯得來又保持爽身的口感, 芥末醬汁混有煙肉碎和醋, 清新醒胃, 不覺又吃了半碟。 事前還猜想會是雜菜湯還是忌廉蘑菇湯, 到底都是較大路的選擇嘛! 結果兩者皆不是, 竟然是罕見的椰菜花忌廉湯, 熱度很夠, 有燙的感覺。 奶味濃重但滲出一絲鮮甜, 順滑細緻, 不會看到粉粒的出現。 主菜選擇實不少, 有牛、魚、香腸、 和羊扒可選。嗜羊的的我不用多想便點了燒羊架, 共有兩件, 外面燒到金黃微焦,

同事介紹黎到德國佬食lunch.lunch set 有5款, 價錢為$58-$68 (包湯, 餐包, 主菜, 飲品)湯: 英豆忌廉湯, 雖然唔知英豆係咩, 但係飲得出有豆味, 個樣就似磨菇湯, 幾好味餐包: 係熱la la 既香草包, 好味。 主菜: 自制肉丸配天使麵, 肉丸應該用左好多黑椒, 幾辣下, 意粉唔夠淋, 比較硬身, 但佢個蕃茄醬底好味, 幫佢加返d分飲品: 檸茶朋友個南瓜意大利飯$58, 好硬, 有d 生既感覺, 食淨左一大半。另外有個燒肉眼扒配薯菜$68, 同事話肉眼扒好鞋, 同埋塊扒好薄, 唔夠飽, 薯菜只係幾舊薯仔同西蘭花總括: 環境ok, 食物普通, 價錢較貴

今日老公同我預祝了生日, 點了:焗肉醬茄子千層麵（牛肉）:味道濃得黎不會嗆喉, 可能是用上了茄子, 令感覺不膩. 個人更喜歡於食時再加上芝士粉令到整體味道更添上了咸香, 好好味呀, OR食家們果然無騙人!!德國腸併盤: 都有好多條, 其實不太認得邊條打邊條, 只記得波子腸皮好un,芝士腸就好膩, 另外有條無味,有條好油, 有條重黑椒味……再加上餐前2個麵包點油同醋，好飽呀！！順帶一提星期日,是沒有午餐的！另外再加一！

小弟喜歡咖啡不少朋友也知道，就連同學也笑言我為＂咖啡佬＂。今天，同學帶路前往此食店，一嚐德國餐，也正是咖啡佬遇上德國佬。店子不難找，位置於較寧靜的地段。店內擺設整齊，午間時段有柔和光線透入，營造出舒適的進食環境。為了不錯過德國菜色，故除了叫了set lunch外，也散叫了豬手及德國腸拼盤：餐湯(蕃茄忌廉湯）,餐包：是日只有這款餐湯供應，以蕃茄製湯，味道酸甜且清新，在開餐前先來把胃開一開。每人一個餐包，是香草包和小麥包，蠻特別的，味道也不差，香氣討好。德國燒豬手：來到德國佬的地方，當然要一嚐＂豬手＂。重分量的豬手經切件上碟，更奉上燒汁與芥末醬。整隻豬手燒製而成，外皮燒得通脆的，但略厭火候控制不足，導致肉質欠佳，蠻難嘴嚼的。此外，其咸香味道雖有，但若果能在鹹上些，進食時配杯德國啤更是一流。當然如此重口味的菜色，還可以吃點酸瓜或酸菜來平衡口腔油膩感。德國腸仔拼盤：(芝士腸,波子腸,慕尼黑腸,圓林根腸,胡椒腸,醇酒美腸除了豬手此經典菜色外，接下來便是德國腸，選了個拼盤好等能嚐盡那六種腸。波子腸乃腸如其名，小球狀外皮彈牙，但味道普通。芝士腸混入雞肉與豬肉，富芝士味的。胡椒腸以牛肉混搭胡椒，胡椒味

繼續歡樂假期的片段：平安夜前夕，寶寶有兩場訪客；繼老公的同事後，晚上很高興有漏滯二人組來訪，上門前大家去了不遠處的德國佬開餐，時值假日前夕，小小的店十分爆場，充滿熱鬧的預慶聖誕氣氛!　當晚大家點了一個$398二人晚餐，再散點其他主菜及甜品，首先上檯是麵包籃，來貨的麵包仍然討喜，只是這回熱度不夠溫吞吞的，未夠熱暖令牛油融化。還好套餐的薯仔大蒜湯，湯身既富蒜香薯香並重，口味不俗，拌麵包同令滋味提昇。　也是很快的，套餐的德國薯仔沙律也上檯了；薯仔沙律的重點是調味，這裡的成品醬汁不多，口味較淡，個人認為可以濃惹些。二人晚餐可從五款主菜中選出兩款，既是吃德國菜自然不會放過德國腸併盤：三款腸中，最好吃是白色的豬肉腸，鮮味且多汁；而最特別是紅色小肉腸，圓豉豉的十分可愛，也有一定口感；較失色的，則是粗又黑的牛肉腸，食感較粗糙，黑椒咸味也蓋過了牛味。　另一主菜則選了澳洲羊架，落單時要求五成熟，成品做到外煎香、內嫣紅粉嫩效果，吃起來多汁又騷香，輕輕點上芥末醬及薄荷醬，好吃! 套餐的主菜選擇，並不包括最經典的德國烤豬手($178)，那就自己散點一客吧! 巨大的豬手上檯時已細心切好，成品皮脆肉香，咸香有致，十

睇 openrice 知道元朗新開了間德國餐廳「德國佬」, 一向愛吃德國豬手香腸的老公又點可以放過!七點幾去到, 嘩, 雖然位置偏僻但係好多人, 證明應該唔錯掛~點餐後, 有兩個據聞係自家製的香草麵包送上, 味道實在好, 夠鬆軟又很香的香草味! 這是元朗沒有的美味~千層麵是很用心去做, 在其他餐廳食過的有時都好 hea,呢度的有肉醬同埋茄子餡, 加了不同的香草同香葉, 千層麵的軟硬度適中, 一啖中有齊不同的美味, 很讚!最期待的豬手出場了, 份量果然好多,不過其實較為失望, 太咸同埋個皮燒得太硬了, 沒有白飯去送一送的情況下, 實在咸得有點難以下嚥,最後, 我食了兩件都放棄了, 老公食完都話食到個口痛.......希望下次再來會有改善

我對德國菜的認識很淺,只是在跑馬地馬場.一路飲啤酒.一路食串燒時接觸過德國菜.在我食評.也什少接觸西餐.因西餐很貴.我曾經.經過呢間店.因這個地點較冷清也末有嘗試.今天是星期六.周圍都人山人海.才想到呢間店.我去到時店內只有5成客人...店內環境,不大..牆上有不少德國色彩的掛畫.較暗的環境.突顯食西餐的情調.樓面只有一男一女..男店員主動幫我拉椅.放物品.當時我帶左很重的隨身物品.男店員都沒有埋怨..服務十分殷勤而有效率....吃午餐只是58至68元...當然不會是貴價食物.也不可以,要求什麼正宗德國色彩?順帶一提是免加一的.......前菜:飽.香草味十足.入口香脆.當然好食.... 雜菜湯:偏淡.可以講味道欠決.一般.....肉眼扒配青胡椒汁:扒大約5成熟.相當易切.雖則不是入口即溶.入口充滿牛香味.只食無根.同林.也值回票價.相比起茶記的牛扒餐也勝10條街,茶記的牛扒餐也不便宜..若要食入口充滿牛香味的牛扒至少百五元以上.配菜.薯條又炸至金黃色,熱辣辣.香口.....最後熱咖啡:似特濃咖啡.偏苦.不合我口味.......埋單就68元..合理...........

發掘此店，是在媽媽產前的事了，那時已覺這間位於偏僻車房的小店好坐又抵食；生下寶寶後，剛好樓下商場大裝修，幾乎所有食肆（包括好的如太興，及差的如紅樹林）都沒有營業，所以也常常到這裡吃午餐，反正由家裡走過去只是十分鐘左右。　小店以啡色為主調，加上仿磚牆壁，氣氛寧靜而且格調沉實，頗得媽媽歡心。正如好些食家指出，這裡不只提供德國菜，基本上可當它是間西餐廳；而媽媽幫襯數次，午餐也不設豬手供應，不過價位只由$58-68兼不收加一，抵食方面實在有餘了!　每次來訪，侍者都會送來剛烘好、超熱暖的麵包籃。麵包有蕃茄包及香草包，據知都是來貨，而兩款都很鬆軟富麵粉香，趁熱加上牛油（也可以要求配以意式油醋）同吃十分美味，我只嫌它每人只配給一個麵包，老實講真的不太夠喉呢! 午餐包一份是日餐湯，款式每次不同，媽媽首訪當天是蕃茄忌廉湯，帶有蕃茄鮮香的微酸口味，是個令人開胃的開始，後來再重溫一次仍然保持水準，令人滿意。也有一次餐湯轉成了意大利菜湯，那就有點太清，飲來略有淡而無味之感；還有一次是洋蔥湯，這回媽媽又嫌香草味過濃，掩蓋了洋蔥原有的清甜。說起來，幾款湯中還是蕃茄忌廉湯最得媽媽歡心!這裡午餐主菜有5個選擇，通常有

昨晚放工返元朗, 試黃生book左的德國佬餐廳.餐廳位置都幾偏僻, o係一條住宅的內街, 餐廳外放了幾張椅桌, 方便食煙人士, 內裡裝潢算有feel, 燈色昏暗有情調, 加上聖誕小佈置, 增添溫暖氣氛.order左2人set, 揀左大蝦及德國腸拼盤, 可惜套餐無德國豬手, 下次吧.--餐飽是熱烘烘的, 香草飽比淡淡的蒜蓉飽較吸引.--薯仔沙律, 忘記加上一早附上的黑醋/油, 否則應該更味美.--大蝦燒得新鮮彈牙, 配上特別醬汁及什菜, 尤其茄子吸收晒精華, 增加豐富的口感!--德國腸算不過不失, 無預其中特別, 不知是否我食得太多隨處可買的司華力腸關係, 其中一款的味道實在好相似, 配上特別調制肉汁, 十分匹配!--餐前湯係忌廉蕃茄湯, 新鮮蕃茄制成, 喜歡蕃茄的人一定喜愛, 雖然我都覺得做得好好, 但個人喜好問題, 如果係鮮mushroom soup會更合我口味.--甜品係忌廉泡夫, 奇怪個皮係濕的, 唔知係出面食的唔正宗或是正常先係咁呢?!餐廳員工殷勤有禮介紹食物, 服務加分.2人set $398/, 未計黃生order的黑啤及加一

以為食德國餐只有鹹豬手便大錯特錯， 歌日做導遊去完濕地公園， 想起元朗已經發展成新興的食家樂園， 各樣菜式應有盡有，於是周圍行下， 在西鐵元朗站附近找到一間裝修新淨的西餐廳， 睇menu不只德國香腸咁齋，仲有海鮮 、意粉呢D比較適合女仔吃嘅dishes, 於是坐低試試，先來一個香草包，還是熱辣辣的～又軟熟，食得好滋味！跟住到周打蠔湯。隻蠔成隻USB咁大！都幾好食，最好係個湯底，好鬼creamy o(^_^)o飲完湯就試下個田園沙律，蔬菜好新鮮，呷呷聲！朋友好肚餓，”啦啦“聲叫左隻燒雞一齊share。我估唔到隻雞咁滑，好香口。我就叫左隻唔記得叫meh名嘅大蝦，果然名副其實，真係好大隻＝＝（飽死我）都好好食，好惹味！笑笑口歌個老闆娘（好似姓張）介紹我地食重點推介嘅魚，其實我都唔知meh魚，但係朋友仲肚餓（無奈mode），所以先叫～ 條魚個presentation好惦！而且仲好鮮味，重點係紅色同綠色嘅sauce，好襯條魚個味。整體好好好好滿意！估唔到元朗有咁有誠意geh西餐廳。下次一定再食，老闆娘仲暗示話聖誕有特別野食。p.s.個廁所好乾淨

星期5晚想試新野,7:30沒訂台唸住一支公應該可以入到位.典知堅多人. 好在有個booking要delay1個鍾到,留左電話比個姐姐5分鍾就打番比我.讚!一入門口果陣肉香味太利害.特別係肚仔饿果時係會剎死人......即刻order朝牌菜豬手&黑啤.佢地提供erdinger生啤&黑啤.我心目中hogarden係永遠no.1而erdinger就係no.2抵飲係主要因數 ^_^主菜前既麥包仔暖粒粒,表皮脆PokPok,加上的多香草,點d橄欖油真係一絕配.之後大既10零20分鐘就上豬手喇,感覺有d中式燒肉feel...皮係好脆,但係有d咸口.而且d肉都比較dry沒乜肉汁.配菜酸瓜酸菜薯仔沒乜特別.主打菜沒高水準真係一個反高潮 原本配豬手既酸菜好食都係有橋妙.呢點金壘既豬手&酸菜就做到恰如其份.

今日約了朋友來元朗吃吃飯～上星期已看準這間餐廳～於是今日下午12點多便打去BOOK位8：30～2位4點30左右，他們打來CONFIRM BOOKING～我沒空接他們留了VOICE MAIL著我回覆～很有交帶～5點多有空了，覆了他們OK～5分鐘後另一朋友也想加入～於是再打去改人數～接電的人說會安排～於是我們8：25PM到達餐廳，門口的藍恤哥哥竟說沒有，最後只是CONFIRM了兩位。。。混亂一輪後，終於安排了門口右面窗口位置～4人枱！餐廳內約可容納36 人，門外也放了2SET6人枱，方便吸煙客～由於朋友們都非常餓，於是在8：35分 叫了一名身穿黑衣的哥哥ORDER了一個2人SET，頭盤點了田園沙律，主菜點了羊架及西冷～～並即時點了凍熱朱古力各一及黑啤一杯！！！！！！在8：40PM，頭盤、湯、黑啤及包送上！不消5分鐘清空了～～～～我們談天說地，眼見左右隔離都不停上菜～甚至後面一枱比我們遲來ORDER，吃的都紛紛上，吃得津津有味～我們還餓著肚，於是在9：05PM，問一問藍恤哥哥因為等左太耐喇，而且比我們遲的也差不多吃完，他說會跟並回應很多SET的都未出。。。。。9：15PM，有野食來喇，來的

曾於開飯網上見鳳攸北街開了間德國菜餐廳, 一早想來支持下, 但住元朗的我路經此地時竟找不到, 只見已盛名的爽爽麵店, 這次與女友終於找到正確位置, 原來門口位於鳳攸北街後面, 店旁暫设有其他食肆.中午時份到, 小店給我的印象是裝修簡約, 十分整潔, 本來服務員安排我們坐四人餐桌的, 但我選窗口旁邊的二人雅座, 服務員還加一張椅子给我兩安放袋子, 服務不俗, 還兩次幫我將空調温度提升, 使我坐得舒服, 食得安樂.先送來兩杯水及兩種不同口味的餐前包, 其中香草包在元朗區的餐廳我才是第一次遇到的, 兩款麵包感覺鬆軟, 附上的牛油不是剛從冰箱拿出來冷冰冰的. 午餐: 燒羊仔柳配芥末籽燒汁 ($68)五款午餐不設加一, 價錢介乎於$58至$68, 女友嗜吃羊肉, 而我只作參與, 先送上是日忌廉湯, 濃度較稀, 味道偏淡, 略感香滑.三件燒羊仔柳女友讚好味, 羊羶味適中, 不至過重, 配上小量薯仔及疏菜, 份量適合女生, 而芥末燒汁重味, 鹹了一點. 德國燒豬手 ($168)服務員告知, 來自美國的鹹豬手是即叫即燒, 故需待等半小時, 上檯時見豬手已被切開, 與尖東西鐵站旁的德國餐廳不同, 鹹豬手

星期五晚大約7點去到，只有幾個客，不過原來有幾張檯已被BOOK, 好彩仲有位叫左2人餐($398), 有湯, 沙律(2選1), 主菜(5選2), 甜品, 餐茶在未叫餐前自動送上麵包... 甘筍薑忌廉湯, 好濃味，薑味, 甘筍味都好出，不過鹹左少少 薯仔沙律: 幾好 主菜: 我地選西冷牛扒同香腸拼盤: 2樣都好好, 牛扒70% 熟, 剛剛好, 肉汁濃郁 甜品: 蘋果批, 即叫即整的, 好食 整體來說係好食, 份量都可以, 一男一女剛剛好(今次無影相.....)另外，因為係新餐廳，裝修得幾別緻, 而侍應服務都有心不過, 以元朗來說，貴左少少LA......

元朗這陣子，不知怎的刮起了一陣德意志旋風，連鎖德國餐廳、德國酒吧齊進駐，難得一家元朗本土的德國餐廳，便敲定了跟舊同事去了。店鋪就在交通廣場不遠處，接近但較為隱蔽，花了一點時間才找到。侍應相當有禮地向我們介紹餐單，頗多都相當吸引，我們就要了一個二人SET DINNER，再來一些MAIN DISH。先來的是面包，但我們都覺得面包太好吃了！面包有兩種，一種是香草面包，一種是DRIED TOMATO面包，兩種都是白面包但香氣撲鼻，配以黑醋及橄欖油，如果能做到歐陸面包的紮實口感更好。不過，如此特別的面包，在元朗應只此一家吧，所以面包早被我們掃個精光。接下來，今天的DAILY SOUP是忌廉蕃茄湯，湯頭甚甜，帶出了蕃茄微微的酸甜味，忌廉中和了較強的味道，又使蕃茄湯變得CREAMY一點。我和B君加了酥皮，嘻，好小孩子的味道，超愛的。下一道是薯仔沙律。我猜這裡最講究最多花款的就是薯仔。沙律裡的薯仔較高澱粉質，故Z君言吃到馬鈴薯覆蓋著澱粉造成的薄膜。沙律菜非我所喜，但見B君在對面吃得不亦樂乎，相信不差矣。腸仔拼盤不算多，只有三款，比見慣的PLATTER要的骰得多。佐以芥末和肉汁，個人覺得三種香腸都屬彈牙