德國佬餐廳

營業中

休息中

正宗德國脆皮炸豬手，剩係賣相已非常吸引，燒到層皮非常卜卜脆，豬手肉樕滑！味道非常好！配以特定醬汁, 食落皮脆肉滑，口感非常一流，最厲害連伴菜既薯菜都有幾個款式，有炸薯條，焗薯，仲有酸菜提供，唔怕會食滯，連同德國啤酒，簡直係絕配，正正……諗諗下，都想再去食

之前經過過幾次 都想試下 前幾日終於去左食 無book位 咁啱walkin有兩個位 不過係室外既位 照坐 還掂仲好氣氛首先上既係餐包 有得點黑醋同橄欖油 味道正常 跟住就係南瓜湯 幾香甜濃郁 口感幾滑 但餐飲就細杯左d 橙汁兩啖就飲完 沙律菜配埋個醬汁食都OK 不過今晚既重點唔係呢d 而係個德國咸豬手 皮脆肉嫩 而且一早已經幫客人分好一件件 方便得黎亦見廚師既貼心 加分 肉既咸味啱啱好 食落都有肉汁 配埋隔離果兩個醬食就將個味道升到另一層次 食到滯滯地就可以食下d酸菜同酸瓜 中和下 可解膩 仲嗌左個牛扒 雖然望落細細舊 但好厚 所以都好夠飽 五成熟 切開肉呈粉紅色 食落富有肉味 亦有肉汁 旁邊既配菜亦都唔錯 幾新鮮 甜品叫左個心太軟 餐廳仲送多個粉紅色心形小蛋糕 又一加分位 味道酸酸甜甜 唔錯 可惜心太軟唔夠流心 但味道頗濃 可接受

是晚朋友建議嚟試試, 其實呢間餐廳都已開業好一段時間, 不過以往一話食德國嘢, 就會去洪水橋嗰間多沒有訂位, 不過因為時間尚早, 好好彩唔駛等就可入座食過其他的才有比較, 我就較喜歡呢度的咸豬手, 因為皮脆唔un, 肉的咸道剛好而且肉質嫰滑, 配的酸菜也很可口, 只係份量少一點忘了這個是甚麼腸了, 但似乎比想像中細條通常海鮮飯都係配白汁的, 但呢度帶子飯配紅汁, 酸酸地又幾醒胃, 又冇白汁的那種飽滯感, 值得推介

Book 唔到位，試下walkin。成功。先來一杯Paulaner，事實都係得一款啤酒，只不過分黑同白。易入口，淡淡的，有小小似stella的味道。德國芝士腸。都juicy, 味淡，無咩特別。但我鍾意個醬汁。牛肉味可以，密糖醬ok,不會甜過頭。 咸豬手，巧大隻啊！皮脆肉滑。不這有些位置就硬左d了。處理手法有待改進。味道不咸，可以再咸些小。配菜的酸菜味道剛好，但青瓜就酸左小小。燒羊架，7成熟剛好。肉質可以。肥廋適中。配菜都唔錯，沒有草青味，熟度剛好。送的麵包，熱發軟。Ok woo. 黑醋及橄欖油都可以woo..不會 “拿“ 喉吖。整體唔錯，雖然價錢不算平，但可媲美名店。支持小店好吖。不過，服務要改善了，忘了我們的餐茶及甜品。

朋友睇中左<德國佬>多時…點知黎左幾次都碰門釘…~.~...今次靈機一觸…打左電話黎book定位先…原來入面座位唔多…有30左右…裝潢簡簡單單…只有幾幅掛牆畫…晚上搖身一變做酒吧…大概德國人生活就係咁樣…ˇoˇ...呢個好似浸住成串提子既玻璃樽…非常特別…仲好有design…唔知有無得賣既呢…^^¡¡…左邊出口係黑醋…右邊就係橄欖油…仲以為係意大利獨有沾麵包用添…麵包係法包黎…呢隻牌子既牛油十分之香…真係肥都要食哂佢…>，<…朋友似乎每次都會order湯…唔通西式迷魂湯真係咁令人神魂顛倒？？！！黃黃地色既係粟米忌廉湯…絕對唔係罐頭蓉黎…夠哂香甜…米米地色既係香蒜薯仔忌廉湯…第一啖感覺真係好蒜頭味…第二啖再慢慢品嚐...可能加左薯仔中和左d味道…蒜味未算太濃烈而不會變得難入口…都幾特別…頭盤係鮮吞拿魚蟹肉他他伴牛油果…造型幾新鮮…好有層次感…上層唔係好覺係蟹肉黎…反而似罐頭水浸吞拿魚加沙律醬…中間紅色既係鮮吞拿魚…無咩魚味…底層既牛油果…天生味道不濃…三樣無味配搭埋一齊…好似有d古怪…香煎羊架配百里香燒汁係set lunch黎…賣相都唔差吖…$68包湯包餐

從來未試過食一餐德國餐,要去三次,第一次去,被人包場,第二次去無開,第三次聰明,打電話book位先,今次肯定有先約友人,餐廳不算大,燈光比較暗,有3個待應,都有禮好客,會主動幫助,當食物多時,會比4人位使用。因聽聞呢到份量比一般餐廳多,今次唔敢叫太多菜,只叫了四道菜一甜品,兩湯,湯跟餐包,餐包好脆好味,朋友話佢地選用牛油好香,可配黑醋食,我要了粟米湯,好足料,每一口都是粟米溶。前菜要了個牛油食蟹肉鮮吞拿魚他他,入口啖啖魚肉配合牛油果蟹肉,又清新又好味。主菜叫了德國咸豬手,做得咸味剛好,外皮好脆,肉唔乾,仍有肉汁,配燒汁,介辣一流。燒羊架,有兩大片,好好肉,又嫩,燒汁又開胃。檸檬汁銀雪魚配帶子,帶子大大粒好肉,但檸檬汁唔突出,銀雪魚不太滑。甜品本來要蘋果批,但今日冇,改了藍梅芝士蛋糕,芝士味濃厚,中間心有藍梅醬,唔錯。飲品要了朱古力奶同意大利咖啡,愛朱古力友人話朱古力唔得,得甜味,但咖啡好香。總括來說,餐廳服務好,會定時加水,有問有答,食物水準中上,客人長期爆滿,但必定要book位。

元朗有間餐廳叫德國佬，顧名思義係食西菜尤其德國菜，如德國腸、鹹豬手等。點個德國腸拼盤，可以一次過嘗多款腸，配以酸菜最為正宗，食多都不會膩。主菜我比較喜歡燒原隻鮮魷魚墨汁意粉香草汁及焗茄子肉醬千層麵，前者魷魚鮮，後者肉醬香濃。最後來杯即磨咖啡，濃郁誘人的咖啡香撲鼻而來，醒神。值得讚賞係假日中午都有午餐供應，頭盤沙律非常新鮮，餐湯亦非常有水準。主菜一般有牛扒、羊扒、三文魚扒、千層麵等，$88 一set 真係超值。

坏境不錯, 相约三五知己一聚,確認一个好地方是晚冇乜客, 所以大家可以慢慢吹水德國豬手 - 大家讚不绝囗 , 皮脆又唔乾身,控制得啱啱好雜腸 - 好多款,每款味道都好不同, 因其他店子的雜腸唔多款之餘,每條都差不多味道Ribs - 又係好好食, 夾雜d肥油一齐食, 好香口燒雞 - 一般,冇乜特別西冷排 - 朋友話好一般帶子意大利飯- 完全唔係果樣野, 彼失望 前菜牛油果三文魚 - 外型不錯,味道都可以,係三文魚有点腥餐湯 - 唔掂, 好“希”, 又唔夠味甜品 - 朋友話好似食洗潔精咁 總括来說： 他們煮豬比較出色, 其他野表現得麻麻, 所以我下次再去的話,都係叫番豬既系列会好d

星期日下午三人行去食，大約兩點幾到，店裏無乜人，被安排坐窗邊卡位，店裏氣氛唔錯，暗暗地好舒服，位置亦唔多，所以唔驚會好嘈好多人。嗌左三份set lunch 全部都係安格斯肉眼扒配黑椒汁每樣野都係等你食曬先上，唔會食得好趕咁先黎沙律，好好食！啲菜好fresh，配埋啲調味同蛋，鹹鹹地好正跟住上餐包同南瓜湯，餐包好脆，暖暖地幾好食南瓜湯味道淡淡，不過好清新個扒就不過不失，係肉質滑但無乜特別最後黎埋餐飲，無人既話可以坐係度傾計傾好耐如果想同朋友坐下傾下計，呢間係唔錯既選擇

呢間餐廳真係好好味，我地聽聞呢度最出名德國咸豬手，所以order左一分，另外叫左個呑拿魚蟹肉他他牛油果starter , 極黑安格斯牛肉眼扒，黑松露意大利飯伴法國鵝肝，檸檬牛油汁加拿大銀雪魚拼帶子。德國咸豬手真係好好味，皮脆肉嫩，食過出面好多間德國豬手，真係呢間最好味！又香又脆同埋安格斯肉眼好juicy，食得出係用靚肉眼！環境好舒服，感覺好乾淨，服務好好我地4個人，平均每位$240 ，好抵食西餐黎講唔算貴，我地會再黎encore 

嚟過呢條街食幾次飯, 街口有間老地坊菜館, 不過唔夠資料寫唔到食評. 因為周圍搵食, 先發現到呢間德國餐廳~次次經過, 都見到有人係餐廳門口等, 所以就嚟試試~4個人去食~ 嗌左個2人餐再加其他野食二人餐有沙律, 餐包, 餐湯, 香腸拼盆, 烤雞半隻....... 蟹肉他他, 等等(好似仲有一樣 >"< 唔記得~)食物上枱, 賣相合格, 但係以上全部味道都好一般, 感覺上似西餐多過德國菜.另加鵝肝意大利飯, 咸豬手一隻, 薯仔忌廉湯, 及德國啤酒兩大杯.鵝肝煎到深啡色, 意大利飯味道偏淡, 薯仔湯合理味道, 咸豬手真係唔好食, 皮韌味道亦不吸引.食物味道真係好一般.可能小店座位不多, 成日都有爆場既感覺.

一行13人去左呢到慶祝朋友生日....但唔知係咪人數太多, 佢地安排左一間房比我地...但問題係間房轉身都唔方便...所以感覺一般..加上侍應反應太慢, 態度一般....所以第一感覺己不太良好...另外, 食物方面, 都叫左d豬手, 腸仔拼盤..千層麵, 生蠔, 肉卷之類食物..但份量較細..基本上一碟都唔夠咁多人share食...所以其實人多去食, 絕對不是好地方..叫左十幾樣食物都唔飽...而且啤酒只得1,2款, 所以飲開啤酒都冇咩choice...所謂出名既豬手..只係覺得一般, 冇尖咀某間德國餐廳那麼香....而且中段都發生左小插曲, 就係個侍應唔小心將d 果汁林左落我朋友身上, 由頭淋到落腳...原因係佢完全冇留意一直都有人坐係到...其實頓時全部人嚇呆左...之後當然要處理...但個侍應呆左...所以人少去食可能會比較好... 

一入到餐廳一眼望晒，得嗰幾 將臺 ，我地嗌左個煙三文魚沙律 ，德國腸拼盤 ，鵝肝意大利飯 ，德國咸豬手， 安格斯牛扒 ，個煙三文魚沙律D菜咸到飛起 、德國腸拼盤一咬落去成口油、鵝肝意大利飯個鵝肝ok ，但個飯濕到好似水飯咁、 個德國咸豬手又鹹又乾 、仲話招牌……不知所謂！ 安格斯牛扒個質素 ……俾大家樂好少少！ 服務亦唔見得好！一入到去個女人待應 已經好似趕收工咁。 望多個餐牌一陣 ，已經行過黎問“order得未？“ 期間仲要冇換過碟……要叫先換…… 咁既價錢我覺得唔可以得D咁既服務質素！ 快餐店嘅水平！基本上係一間絕對唔會再去嘅餐廳

放假想食個午餐，周圍都要等位，見到呢間環境唔差就入去試下，我平時唔太好沙律，但呢個鴨胸沙律有驚喜，鴨胸厚身入味，黑醋汁洽到好處，雜菜湯唔咸，應該無落味覺，餐包外脆內軟，羊架少少穌幾好味，即磨咖啡香濃，下次有機會要再黎試佢地德國咸豬手

星期六...差唔多成3點先去食lunch...比較過附近o既西餐廳都似乎呢間吸引d~ 叫o左兩個set lunch~ 好快就有南瓜湯飲~ 味道唔錯~ 好creamy~ 兩款唔同o既餐包都好快到~ wa!!! 熱到一掂落去辣到手...攡一陣先茶到牛油...不過個面都仲好脆~ 送湯一流~ 主菜都好快到~ 老公叫o左羊肉條配飯~ 我叫o左牛扒配薯菜~ 比較兩款肉...我覺得羊肉整得好味d~ 好林~ 牛扒中間有少少un~ 不過都唔差~ 菜就真係少o左d啦...得一兩舊...薯仔有三舊仔...女仔嚟講份量係ok...男仔就唔好叫薯菜啦~ 叫飯就好...因為有唔係白飯...係有d蔬菜一齊燴過~ 好味~ 餐茶叫o左意大利即磨咖啡~ 一凍一熱~ 都係熱o既香好多~ 以呢個價錢o既lunch我都算收貨ga la...因為味道真係唔錯~ 呢間餐廳豬手咁出名...雖然食評就一般而且出名貴...不過下次有機會都想試o下~