生日當天找好地方食野，見到NMSL幾得意，就2pm後去避開人潮。 去到見到有靚靚卡位，問職員可以畀我坐嗎佢面有難色，我就話佢知，我今日生日，可唔可以畀我坐陣。男職員無回應一句就走去請示另一位女職員。女職員就一直望自已嘅資料沉思。我想：係咪有人訂左位令佢頭痛呢？我就同佢講，唔知下一位幾時到呢？我地兩個食一陣，好快可以還枱。佢睇資料一陣後，只同男職員講唔得，無同我講任何野。最後，我話咁我隨便坐啦。不過，直到我走，張格係一直無人坐過。有d失望。 算啦，講返食物。我地叫左兩個lunch set 。佢Lunch做到3pm都幾長。 蟹肉白汁飯。白汁濃度剛剛好，不太希或杰，不太奶味。蟹肉無腥味，份量都夠，至少唔係得一兩粒。唔錯吖。 另外，叫了一個尤魚pizza。炸尤魚圈唔錯，唔會油及濃。我好少食炸物，但佢炸得幾好。pizza 是薄批，夠芝士，帶小小辣。味道剛好。 最後兩杯咖啡，我叫了打卡的白痴戀人。其實味道普通，朋友那杯反而比較好飲。$56一杯都貴，跟餐減$20一杯，可接受啦。

此店不經不覺好像已開了有8年了，以前 Peel Street。現在搬了落少少，食物水準不變啊。 如果你追求平食平飲就唔啱喇。但如果你追求環境，慢慢食及飲下野，佢就好適合三五知己小聚了。 食物質素一直不錯，大廚會常常更改菜式保持新鮮感。今晚便試左幾款新菜式， 但真係唔記得個菜名🤣。 首先呢一款係開胃前菜。酸酸的魚好開胃。配菜有好特別嘅阿支竹。 ， 呢款係新菜式，薯蓉好煙韌，好味。另外，仲有素椰菜花。個汁好味，但椰菜花不太入味，我地都有同廚師反映。 另外，仲有一個雜豆煮鱿魚，就咁食唔覺好特別，只覺魷魚煮得好好。但入面有一樣配菜帶小小酸味，加埋一齊食就成個味覺唔同哂。我地強烈要求要加多d呢個配菜🤣。 最後，要介紹一下員工Vincent。佢識調教好多酒精及非酒精飲品，又會介紹不同嘅紅白酒。所以，鍾意試新野嘅人好啱。

最初因為 "慢煮" 而去。最後因"慢煮"而走。 原骨牛肉, 肉質差, 超多根。最大問題係唔熱, 又無味。 豬肋骨, 切開剛巧5條。味道還可以, 但又係唔熱。 pizza, 算係好食嘅。最低限度是熱。 蟹肉沙律。唔講都唔知食緊蟹肉。 最後, 坐係廚房隔離。好煙, 對眼好辛苦。食完急急腳走了。 同侍應反應食物唔熱, 佢話一開始同佢地講, 佢地會換過。但每人分左一舊, 又點同佢講呢。不過, 佢話可以整過一塊俾我地, 但我地放棄了。 希望佢地真係會改善啦。

日式燒肉放題, 選擇都多, 但只包兩罐飲品, 選擇只有4款。亦沒有水供應。 一坐低, 會先提供一set 牛。有不同部份類別的牛, 有和牛粒, 牛片等。都好, 試啱邊樣先再encore。 基本上牛味可以, 唔會重味精,應該係全部無醃過的。 和牛粒最好食, 其他款就一般放題本色啦。厚燒牛舌最恐怖, 食唔到牛舌味。 另外, 亦會先放低一盤海鮮。有蝦,硯,螺。海鮮都新鮮。一路食都無話食到壞嘅。我覺得海鮮質素勝過牛噃。可能比較有原味(雖然都係雪藏)。 雞類就真係一般, 完全無肉味。點了醬汁就基本食醬汁味咁囉。而豬類就一半半啦! 壽司同剌身, 都可以入口, 但唔好期望 "嘩! 超好味".

係openrice 搵下搵下, 搵到呢間新野。於是去試下啦。估唔到有驚喜: 推廣產品: 避風塘炒蟹及龍蝦。蟹夠肉, 唔會空心。當然, 龍蝦唔會大隻。小辣。我唔食辣都食到啊。唔會咸, 仍保留到海鮮嘅鮮味。 前菜, 我地叫了話梅苦瓜, 冰鎮秋葵, 泡椒鳳抓。秋葵新鮮不過唔特別。另外兩款就好好味。 苦瓜上檯時嘅色好似被人地煮老左咁, 但一入口, 梅汁及甘味好配, 話梅味唔會好搶, 苦瓜爽, 連唔食苦瓜朋友都讚好。泡椒鳳抓都好入味, 好爽, 小小辣剛好。 另外, 叫了酸菜魚。魚好滑好鮮, 唔係用下價用噃, 朋友話應該都你班仔。酸菜唔會咸, 酸度剛好! 另外, 欖角骨, 蒸雞, 蟹油炒麵都係水準之作。不過, 略為覺得蟹油炒麵多些蟹油會更好。蒸雞 即係屋企成日整金針雲耳蒸雞, 但佢嘅味調得剛好, 大部份雞件入口軟滑, 唔會老。亦無雪味! 最後, 有一道辣酒煮花螺, 呢個就真係唔得了。又係唔入味, 連入面嘅四季豆都無味。現在, 好難食到好味架喇。

呢個鋪主打沖繩食物, 上到去真係心大心細架。到底食放題定散叫呢???? 最後選擇左放題啦! 先嚟前菜三點, 有我最愛的沖繩苦瓜, 好爽口, 好夠味。當然仲有又薄又脆的豬耳仔啦。 Sashimi 3 點, 好有魚味噃。唔覺有雪味吖。望落幾靚, 咬落去仲好味! 之後就係主菜豬牛蟹任食!!! 真係停不了, 好味。每次上嘅蟹, 新鮮, 多肉, 肉汁甜, 絕不是一般雪蟹!! 兩大肉食, 切得薄薄的,一滾即食。肉味濃烈, 肉質嫩滑。 所以, 放題係抵食嘅。不過,酒水係唔包, 鐘意飲酒嘅朋友就要留意了。

重新開張，食物質素確實有所提升。

即開生蠔，每次可取4隻啊。當晚有兩款選擇，都好新鮮啊任食龍蝦，正啊！入口食到新鮮味道。另有一籃蟹鉗任食，最重要是個殼有處理過，好易開，咁就可以食多d..而且，蟹蓋入面的糕真是多到不得了，食完後，真係飽左5分。海鮮整體新鮮，不過海鮮味就差一點點呢。另外，凍食還有螺，cold cut, 蝦，沙律等等。我最愛的甜品，說實在，賣相唔錯，但味道就不是很出色了。沒有一款令我想一食再食。倒是雪糕有點特色。

有五糧液，鵝干等特別味道，真的不要錯過。特別是五糧液雪糕，好強酒味，但又未至於入唔到口。最後熟食，真係無位了。選擇都可以，有點心，湯，咖喱等。但都食了一件牛，鵝干，質素算合格以上啦。但鵝干就一般了。而最讚的是任飲價錢吸引。雖話飲的多食唔到野。但呢個價位真係平啊。。

見到食Egypt food，去試下啦。估唔到好味woo. 兩個人都係食左$440。酸乳酪青瓜沙律，原來係將青瓜切碎再混入乳酪中。新鮮蔬菜味令到個乳酪更清新。配以無料薄餅，唔錯。羊肉 kebab, 羊帶小許蘇味，但好juicy。味道適中。食店提供三款醬汁：mint, garlic and spicy。 最like 蒜蓉醬，好惹味。亦有很多伴菜，不會感到油油的。芝士焗矮瓜及牛肉，呢個味比較濃。以蕃茄汁焗，酸味夠再加埋香草。但不斷地食又可能覺得酸。最出色係，你唔會覺得矮瓜及其他蔬菜過熟。我最怕稔哂嘅焗菜絕對無發生係呢個菜上面。唔好睇佢細細碗，好足料架！即日燒鮮魚，每日都會有機會唔同嘅魚。今天是“蘆魚“。呢條係真.鮮肉。不會濃味，吃到鮮魚的味道。滑滑的溜入口中。伴以入味薯仔，Yummy! 唯一美中不足的是有小許魚鱗未能清理好。點了肉桂洛神花茶，用的是家鄉茶包。好！

整體係一間可以再去的食店，而招呼我們的侍應好熱情，亦見到很多熟容去光顧。事實上，價錢亦合理，比很多名店還好。

因應經濟，食店都要出招。放題$298／$398。我選擇了$398。可是，時間不夠的情況，只可以食燒肉吧了。牛肉雖非頂級，但肉味，係牛肉味依然正。個人最愛牛胸外膜， 里脊，厚牛舌。每一款因應人數上碟，因此可以試哂。那入口香噴噴的牛香氣，牛油慢慢的滲出，肉汁滑入，真的很好吃。我們不停的叫，因為實在太喜歡牛了，只試了豬花肉。雖然唔錯，但不及牛啦。另外，海鮮都有，都算新鮮，但我選擇硯，因為鮮咪好夠吖。蝦就好像差一點了。

整體，好適合能短時間內食好多肉的人啊！

第二次到這家分店了，因為它有除甜品外提供其他餐飲食物。

今次吃了一個沙律。球沒有太多醬汁，對我來說幾好。菜新鮮爽口。蛋不是全熟蛋，幾好。Ham亦不是很咸。麵包粒粒不是很硬，唔錯。 之後是黑松露意大利飯。味道初入口覺得好有味。但慢慢就覺得偏咸了點。飯亦沒有那樣的煙韌感覺。有點像普通匯飯。小食，韓式炸雞翼。但有“子然“ 粉，有些不搭配吧。而雞炸得還可以，不是很特別。另外，叫了一杯牛油果冰，飲品始終係拿手。感覺好豐富，甜度可以。飲完係會好飽的。最後，本來是還有一個甜品。可惜，等了30分鐘還沒弄好，其間三次查詢亦不獲回應。至少，話我知要等幾耐。而當中一位高級的男服務員甚或無視我的要求。希望他們知道甚麼是基本服務標準啦。