德國佬餐廳

營業中

休息中

和朋友於星期日在元朗午飯，在俗稱「雞地」的大街小巷「尋寶」，發現這家位置不顯眼的德國菜餐廳，便決定一試。午餐款式有數款，有餐湯、麵包、主菜和餐飲，價錢在$100以內，十分經濟。餐湯是波菜湯，有啖啖的波菜蓉，新鮮的青綠色，令人開胃醒神。麵包是長形硬身的法包，鬆脆可口。品嚐了餐湯和麵包，對午餐的主菜很有期望，我點的是牛脷意大利飯。等了大約10分鐘，仍未有食物送來，再過了大約10分鐘，仍然在等候，而且見旁邊的食客亦未有主菜。最後大約差不多半個小時才送來。牛脷有兩大片，煎得乾身亦很有香氣，肉質仍軟腍，帶有陣陣鹹香。意大利飯的米粒煙韌，外軟內硬，米飯亦混了紅椒和洋蔥，增加了口感。鮮茄汁甜度適中，不會太酸。食物質素不俗，環境可以，但上菜速度真的太慢了。

10月初已經約定Mike 哥食呢餐生日飯，由於大家都好忙，所以大伙人要約到月底!我哋一向係生日果個大晒，Mike話想食德國菜，咁我哋就揀咗去呢間德國佬開餐!我基本上入黑後就會發雞盲，同埋朋友係元朗地膽，一路嚟都係抆住佢衫尾行，所以完全唔知呢度喺邊樹。入面裝修好country feel，四方窗框加復古壁燈，簡單又不失優雅。舖頭唔算大，我哋一行8人坐咗成半間餐廳咁濟。餐廳備有各式餐酒黑啤，但我哋唔好酒，所以冇幫襯!Menu 只有兩頁都係大路嘢，頭盤有唔同嘅德國腸，沙律，前菜小食，餐湯，另外係德國豬手，牛扒，豬肋骨，豬鞍，羊架燒春雞，海鮮……等主食，再嚟Risotto 同pasta!有選擇困難嘅都唔易發作!餐包+黑醋橄欖油我本身唔好黑醋同橄欖油，所以無食到麵包，但見朋友sssss食得好開心，應該ok！煙三文魚凱撒沙律生菜都算幾生鮮，煙三文魚唔會過鹹，配上帶微酸嘅dressing，作為頭盤幾醒胃。 其實幾鍾意食凱撒沙律，佢個dressing每間餐廳都有唔同配方，主要都係Mayonnaise、蛋黃同 Parmesan cheese，加d黑胡椒碎同檸檬汁調下味已經好好味！牛油果蟹肉他他配多士呢個係

昨天幾家人Gathering要搵地方開餐，睇食評見到呢間德國佬餐廳，就諗住去試一試，打去訂位，室內位已訂滿，只有室外位置，有篷遮都ok喇，反正秋涼都無所謂，去到發現坐位上條排煙喉，起初食都唔大煙，食到中尾段煙味濃烈，所以大家有得選，千萬唔好坐室外。講番主菜，其實質素好好，豬手羊架必食，田螺薯容，豬肋條都好味，咖哩虎蝦意大利飯都食得過，帶有小朋友去食的話，肉醬意粉都好啱小朋友食，由其是贈送麵包好鬆軟，芝麻包最出色，德國麥啤都好好飲，夠麥味，唯獨要彈的一樣係墨魚意大利飯,本身幾好食，但太咸，食剩成半碟，德國牛肉條味道Ok,但太琳唔算好出色，唔一定要食

八點鐘walk in有位，兩個女仔試下新野，店鋪環境少少暗都幾好feel（可惜我係兩個女仔），有outdoor都好好feel，等天氣涼d先台墊都好特別，唔係一般紙質。order後店員立即奉上熱辣辣既包，黑芝麻包好好味呀可以點醋食，但唔點都好好味之後再上左個水牛芝士波蕃茄！賣相嚇親我同朋友，因為好特別！！係一個白色大波波可惜食緊先記得個相機未食只係影到分屍樣！芝士味唔太濃，同沙律菜蕃茄mix埋一齊感覺好fresh！再黎一個豬肋條！好！好！好！好味！真心！店員示意可加海鹽一齊食，真係好好味，豬肋條原來係平時食一排豬仔骨，骨與骨中間條肉，油份加上海鹽味好帶出到豬味，不過配燒汁就麻麻地啦，唔加好d！呢個香草意粉都好好味，加埋松子仁，好正，好特別，唔係周圍食到，中意香草既人可以試下，不過食到最尾凍左感覺有d油。朋友叫左羊架，五成熟，肉味同油份同少少焦香加埋啤酒正到呢配菜都好味，豆同日本蕃薯，好特別！雖然價位在元朗屬於中價位，但一個月一次半次，好值得！返工更加有動力，因為為左食店員態度都唔錯都nice，有問必答！最後重點係廁所係好乾淨同好香，我相信呢點好多食肆都未必做到！我會再黎架！等我

食過大件壽司，食過泰國菜，掃過街，元朗仲有咩好食？今次黎到試德國菜！6:30到，walk-in 都有位，環境舒服，小店感覺食物:1. 香煎廣島蠔 (8/10) 好juicy, 有4隻，個白色嘅醬幾好食2. 香煎鵝肝(9/10)好甘香，煎得岩岩好，但一小塊份量有點小3. 德國牛仔腸 (7/10)無咩特別，但係酸菜好好食4. 德國豬手 (10/10)主角！好脆身，啲肉又腍，上枱熱嗱嗱，好好味！而且$198好抵食整體來說，食物質好，店員服務貼心，係高質德國菜！

父親節帶老豆去食德國菜， 有室外地方坐可以帶埋爱犬一齊去， 如果唔落雨的話 ，呢個天氣去坐室外都幾舒服 麵包 - 微熱好好味，麵包條味架鹹 德國豬手 - 炸得剛剛好,不會太乾身， 沒有豬騷味 煙三文魚凱撒沙律 - 用煙三文魚整出三朵花 ， 賣相好靚，味道都不錯, 沙律菜都好新鮮 蛇型豬肉腸 - 唔點任何酱汁都已經好夠味 帶子魷魚墨汁意大利飯 - 味道都不錯, 如果帶子或魷魚再多会更好 不過白麥啤酒 - 清清地幾好飲環境不錯 ，服務幾好， 價錢合理，一定會再去

有驚喜的一餐，由頭盆、麵包、小食開始，他們主張的是一道道菜的上，傾計一流，食得好舒服～很多餐廳只着重廚房的品質，但這間餐廳不只廚房手勢好，還做到食物及服務兩方面都一流，真的很難得

今日嚟元朗周圍搵野食， 無意中搵到呢間小店， 我哋十二點鐘嚟嘅時候都冇乜人， 十二點半左右就已經要等位， 店內裝修幾雅致， 有設有室外座位， 方便吸煙人士同埋帶寵物嘅人， 大家可以同自己嘅愛犬一齊享用美食。午餐平均價錢都唔貴仲要唔收加一， 真係幾抵食。我哋揀咗兩個餐， 當然一開波就嚟餐廳同麵包， 啲包已經令人好驚喜， 又熱又脆， 紅湯都非常濃郁。我哋叫咗個辣肉腸pizza， 好香芝士味， 仲好大個，一個人一定食唔曬。最令人驚喜嘅係個鰻魚意大利飯， 鰻魚汁好香， 鰻魚又一啲都唔腥， 原來鰻魚通意大利粉出奇咁夾， 真係要再嚟食多一次!

假日的晚上黎到，唔算多人，可以揀室外或者室內坐，天氣咁熱，都係入去涼下冷氣好。人少少，靜靜地，都幾有情調。點餐後先送上麵包，麵包夠熱夠軟熟，可配黑醋食。餐牌有set dinner或者散叫，我地叫左一個set，前菜有煎蠔，呢個煎蠔好好食😍。蠔好大隻，表面煎到脆脆地，但入面仲係似生蠔嘅口感，配埋襯底的洋蔥煙肉，真係好正👍🏼主菜有牛扒，五成熟剛剛好，另外有提供海鹽同芥茉醬等，但塊扒本身已經好濃味了，點埋其他調味就太鹹了。另外散叫了黑松露意大利飯配煎鵝肝，意大利飯落咗好多菇等等嘅配料，所以口感好豐富，煎鵝肝亦煎到外脆內軟，好食👍🏼最後有跟餐的小朱古力蛋糕作甜品餐廳食物大多都偏濃味，所以無點啤酒嘅話最好都係飲多杯水，免得太口乾吧😂

繼續元朗食店分享，這篇也是午餐，因為我實在不多在本區晚餐！Never Too Late dining 的成功，令好些元朗西餐也跟住不加一兼打折，德國佬 就是其中一個例子。不經不覺，餐廳已經六年了；想起來最初幫襯時還是孕媽媽，算起來又差不多！那時元朗的西餐水準還比較差，今時今日選擇多了太多，才慢慢遺忘了這裡。事實上會到訪，也是因為同街的 Chef's Movement 正好關了門！ 午餐 ($48-78) 奉送是日餐湯、咖啡或茶或果汁，質素也可以。 不過主菜的 紅酒燴牛尾 ($68) 及 意大利辣肉腸薄餅 ($68) 就無論賣相還是味道都是平平，兩口子還是寧願到 Chef's Movement 吃漢堡去～ 市場，的確是貪新忘舊又殘忍的，為了不給淘汰，希望小店要好好努力改進出品！

去完南生圍郊遊，窩夫與蝦子餅去元朗找地方吃東西，由於窩夫突然想吃德國豬手，便去試試網上評語不錯的德國佬餐廳。先來小麵包，暖暖的，軟軟的，醮黑醋和橄欖油來吃，味道不錯。吃德國菜除了豬手，還要吃德國腸，德國佬的德國腸選擇不少。窩夫與蝦子餅選了豬肉蛇形卷腸($78)，腸衣夠薄，腸肉肉汁得以保持，水準不錯。主角德國燒豬手($198)來了，豬手已經切件，吃起來很方便，豬手皮脆肉嫩，味道不會太鹹，窩夫吃得很滿足。結帳時才知道德國佬為慶祝開業六週年推出早鳥優惠，星期六、日及公眾假期晚市時段8時30分前離座可享九折優惠。

餐廳位處較寧靜的位置，但靠google map 都不難找到。入座後店員很細心的給我們介紹是日精選菜式，餐牌亦有提供多款晚餐，價錢合理，但由於我和家人都想試試德國招牌菜，所以決定散叫，然後一齊分享。點菜後店員問我們是否趕時間，若不趕時間可以慢慢食，他們會按次序幫我們上菜，先來剛烘好的餐包配黑醋油，香脆鬆軟，再來雜菜沙律，黑醋汁甜甜的，很清新美味，接著是是日精選的雞肉腸卷，一碟有兩小條，共砌為六小件一口的大小，入口酥脆可口，還有豬肉卷腸，砌開小粒一家人分得好幾粒，點蜜糖芥末或黑醋燒汁都很美味。接著是“內有秘密黑松露意粉“,由於本人是超愛黑松露，所以就點了這個，一客的份量不多，但妹妹吃完卻十分喜歡，店員還會問我們吃到內裏有甚麼秘密，想不到還有互動的環節，這個意粉真的好食又好玩呢！最後兩道菜分別是羊架和豬手，羊架一人一支，肉質鮮嫩，大家都很滿意，配菜紫薯批和蕃茄蓉雜菜亦很精美，必吃的德國豬手爸爸略嫌皮太硬，但我們倒覺得皮脆肉嫩，十分滿意！店員服務真的十分週到，在我們用餐期間，會因應需要為我們換碟，最後還給我們休息片刻，再幫我們端上生日蛋糕，下一有機會，一定會再來光顧！

周日午餐在德國佬解決，上次試過豬手和麵包後，令我對餐廳的出品頗有信心，個人認為，德國佬在食物質素和價位上，都勝過附近大商場的德國菜餐廳，難怪能在元朗多年仍能䇄立不倒。今天午餐我選了主菜烤羊架，隨餐附有餐包、湯和餐飲，另加錢可配雜菜沙律。先來的是南瓜忌廉湯，入口香滑甜美，贊。再來雜菜沙律，以新鮮雜菜配上橄欖油和黑醋沙律汁，雖然算不上特別，但清新美味。主菜烤羊架有兩件，配菜有椰菜、粟米及金黃香脆的薯角。我沒特別要求羊架生熟的程度，想試試廚師會做出什麼來，我在中間切開，羊架呈漂亮的粉紅色沒有血水但仍保有肉汁，口感不靭，輕輕帶點羶味，但是我個人喜歡，所以十分滿意。以下就是我第一次吃德國餐廳時吃的豬手：雖然餐前麵包賣相可謂其貌不揚（第一眼看頗失望），因為有點像隔夜麵包，怎料一入口竟然是暖暖的，很有烘焙香，外皮酥脆，内裏鬆軟，口感非常美妙！極之好吃！吃完一片會非常想再來多一片！我問過，原來餐廳是訂麵團回來再自己焗，所以烘焙香味特別濃，也特別新鮮好吃。豬手是這兒的名菜，我相信不用任何言語，相片自己都會說話。化皮！肉嫩！實在出色！配菜的酸菜和酸青瓜亦很美味，二人吃一份，十分滿足！難怪朋友間都盛傳這裏的

居於元朗多年 一直都有經過德國佬外形裝飾好有德國感覺而且地理位於人流較少的小街 因為慶生 所以一試餐包是自家製作好香軟 👍🏾👍🏾👍🏾薯角幾好食 切到好大條 好有口感 芝士腸（$98 for 2）芝士腸好濃芝士味啦已經我覺得唔加醬都好好食 之間睇食評對醬汁滿懷希望但醬汁食落還可以吧重頭菜 德國豬手（$218）肉好林好香 但個皮好硬好乾最後都係只吃肉 乾脆唔食皮天氣唔熱 所以就算坐室外都無問題 連風扇都唔洗開 而且小街關係 唔會好多人行來行去 環境好舒適 而且坐出面有cam留意室外客情況所以員工都會留意到出面客人需要會主動幫你加水等服務態度細心 環境舒適

港女愛洋腸，一啲都出奇，睇下呢個德國腸併盤，粗幼長短應有盡有，仲有唔同味道唔同口感添。侍應仲會話你聽由淡口味食到重口味，等你可以食真每條腸嘅味道！賣相：味道：價錢：除咗呢幾條多汁多肉嘅洋腸之外，仲有大大隻嘅咸豬手，睇下佢啲肉幾粉嫩！脹卜卜咁都幾sexy，仲要皮脆肉嫩添！賣相：味道：價錢：