德國佬餐廳

營業中

休息中

正宗德國菜就係肉、肉、肉，啱晒好似我地呢D Meat Lover，今日試了位於元朗，都算近西鐵站嘅德國餐廳，行多幾分鐘一離開D大商場就變得性價比高晒。德國菜點會少得德國香腸呢？呢度嘅德國香腸可以遂條散叫，又或者簡單D叫個德國香腸拼盤，拼盤可以自選3款腸，分別有芝士腸、辣肉腸、香草豬肉腸、慕尼黑牛仔腸同埋豬肉蛇形卷腸，我地就揀咗辣肉腸、慕尼黑牛仔腸同豬肉蛇形卷腸，3款都幾好食，辣肉腸就最普通，豬肉蛇形卷腸就夠晒長，感覺上好似抵D，而當中最有特色嘅就係條慕尼黑牛仔腸，一來係白色香腸，二來D牛肉味又真係幾香。除咗香腸之外，食德國菜又點可以唔叫豬手呢？呢度個豬手都做得幾好食，外皮crunchy，入面D肉又唔會好「鞋」好韌，最正當然係可以揸住支骨去扯淨設嗰少少肉啦。 

今晚喺元朗試咗一間以德國菜為主打嘅餐廳，食物質素高，而且價錢合理，性價比高。食德國菜第一樣嘢諗到就梗係脆皮豬手啦，所以我哋都叫咗一份，份豬手嘅size比想像之中多，豬手嘅皮好脆，而佢嘅肉質都唔錯，當然比較瘦嘅部位會有少少韌啦，不過係正常嘅。呢個係黑毛豬豬肋條，係老闆娘推介嘅，真係冇介紹錯，豬肉味香，切成一條條咁樣個咬口幾好，而且煮得好香，真係有激喜嘅一味餸菜。去德國餐廳梗係要飲返德國啤酒啦，呢隻德國麥啤味道唔錯，而且價錢合理，都幾易入口。

德國脆皮豬手配德國麥啤似乎都真係冇得輸。呢一間德國餐廳嘅豬手做得唔錯，外皮真係脆而唔會韌，咬落去short short聲，另外豬手嘅肉會唔會好鹹又唔會好韌，豬手嘅size都算大隻，份量足。雖然多肉，不過飲住啤酒黎食就唔會覺得好滯，而且亦有配德國酸椰菜絲，有助幫助腸胃消一消滯，佢用嘅芥辣只係普通芥辣，如果有埋德國嗰隻甜芥辣應該會更加正。至於杯啤酒係幾正嘅，夠冰凍，連隻杯都凍，好香小麥味，又無若苦澀味，正。

去德國餐廳食嘢點可以唔飲嚟自德國嘅啤酒呢？坊間德國小麥啤嘅選擇比較少，而且一般嘅啤酒都係以Lager為主，其實麥啤味道都幾好㗎，就好似呢間餐廳嘅呢個牌子咁樣，麥味香，冇苦澀味，易入口，清香得來帶少少蜜糖嘅香味，其實以五十幾蚊一杯嚟講都可以話係物超所值，呢杯係500毫升黎嘅。飲得德國麥啤就梗係要配德國傳統食品啦，不過因為得我自己一個，食唔到德國豬手，所以就揀咗呢一個德國香腸拼盤。拼盤有一條德國卷腸仲有慕尼黑白腸，再加多一條辣辣地嘅德國香腸，其實一個人要食晒佢都有少少勉強，好彩有啲酸椰菜等到食嘅時候冇咁滯。

今天元朗工作試咗一間性價比高嘅西餐廳，食物質素唔錯，而且坐得幾舒服。佢呢度嘅set lunch都有好多選擇可以揀，我就揀咗紅酒燴牛尾，牛尾嘅份量比想像之中多，而且肉嘅部份亦都算多，唔會一味得牛尾嘅骨冇牛尾肉食，佢個牛尾炆得好入味，而且啲肉質都比較嫩，好食。就咁睇落去呢個餐要$85好似價錢偏高，但係除咗主菜之外，佢仲有餐湯同埋餐包，餐包仲要係多士，脆卜卜好正，今日個餐湯係南瓜湯，味道唔錯。 個餐仲連埋一杯餐飲，我就叫咗熱咖啡。

德國香腸拼盤配上一杯冰凍德國麥啤真係冇得輸，啲德國腸有五六款畀你揀，可以揀三條，我就揀咗辣肉腸、香草豬肉腸同埋豬肉蛇形卷腸(又稱蝸牛腸)，d香腸質素高，唔係求其比d,香腸比你就話係德國香腸，三條之中我最喜歡豬肉蛇形卷腸。呢個牌子嘅德國麥啤外間少見，味道幾好，佢濃味得黎又唔苦，幾易入口，而且佢嘅小麥味都幾出色。食德國菜又點少得德國豬手呢？呢度個豬手味道唔錯，塊皮夠香脆，豬手肉唔會好乾，而且都幾大隻。

成日食lunch都會去呢間西餐廳🍴中午放飯時間都好多人去食✨有時天氣好我都會坐下露天位都幾chill性價比幾高，有曬餐湯、餐包同餐飲～$100頭就有得食個牛扒好正～😋餐湯同餐包係不定時轉款✨當日飲嘅係蘑菇湯蘑菇湯行清淡路線 似係將蘑菇打成蓉飲落唔會好鹹 同餐包幾夾佢地嘅餐包都係會烤到好脆～墨魚咀廣島蠔意粉份量都幾大 白汁唔會好漏💗廣島蠔好大隻 表面有煎過嚟 不過就有少少腥牛扒要讚一下炭烤味幾重 每次食牛扒都差唔多大細 仲會有啲肥肉位 配埋佢哋個牛扒汁點嚟食好唔錯 🙌🏻牛扒餐可以揀配飯意粉或者薯條全部都一定會配埋蔬菜 口感爽脆新鮮✨而且薯條都炸得好脆 有茄汁可以點仲包埋餐飲 都好大杯👍🏻

星期六中午，我們在元朗的德國佬餐廳用餐，選擇了室外位置，享受陽光。我們點了午餐焗蠔海鮮意粉和咖哩汁龍利柳飯，午餐附送菠菜餐湯、法式餐包和飲品。整體食物味道還不錯，咖哩汁味道略淡。人均消費不到$100，性價比高，是個不錯的選擇！

試過唔同嘅白酒汁炒蜆肉扁意粉，覺得呢間最好味，性價比高！ 粒粒都咁大隻蜆肉冇沙白酒汁香，而且linguine 炒得啱啱好以$78呢個價錢，質素好好😋去西餐廳成日嗌白酒蜆肉意粉，真心覺得呢度做得出色。第一個食評，支持小店下次會再去

openrice搵嚟搵去在元朗都唔知食邊間最穩陣，唔想再食安娜餐廳， 睇咗youtube又睇埋食評揀咗呢一間德國佬餐， 點佢哋最出名 兼又有youtuber推介德國咸豬手 #超級失敗失望$238再加一，一食肉乾兼會咬傷牙因為太硬， 如果你話佢炸得皮脆，不如直接D佢皮硬唔好食， 烹調方法有問題， 就算係用急凍貨，也可以整出好味可惜佢哋唔識整， 配燒汁 汁稀 ，另有芥辣 溝水開又係溝得好稀。

嚟過好多次，逢星期六日，都特別多人，特別多行完山及踩單車嘅人士。唔洗加一，味道又唔錯，性價比高。最鍾意食佢嘅紅酒牛尾，屋企人就喜歡配意粉，我自己就鍾意配薯菜。牛尾煮得好淋及juicy,有好多件，平過自己買嚟煮。餐包外脆內軟，仲熱辣辣今日甘筍湯，唔係忌廉湯，感覺健康d，無咁肥

尋日啱啱去完德國佬餐廳食午餐…今晚朋友話想食西餐….我就帶佢去德國佬再食多次點知有驚喜喺佢哋門口今晚見到有兩個特價套餐…..分別係白汁焗海鮮飯和焗鮮茄豬扒飯…每份都係98元…又有湯又有麵包所以我同老友一齊叫晒今晚個湯幾特別…有綠豆的忌廉西湯….有別於一般餐廳嘅忌廉湯餐廳先上一個白汁焗海鮮飯…睇到都流口水份量超十足佢哋嘅白汁教得相當惹味🤗🤗🤗再嚟鮮茄焗豬扒飯….👍🏻👍🏻👍🏻酸酸甜甜，而且豬扒味道鬆軟💐💐💐我哋仲叫咗一個豬肋條食….老闆娘好細心….等我哋食晒兩個飯先至上呢個俾我哋慢慢嘆😆😆😆呢個豬肋條也是相當惹味的🫶🏻🫶🏻🫶🏻問一問原來呢間餐廳已經開咗10幾年…而且仲做好多熟客添😆😆😆我諗我都將會成為佢哋嘅熟客

今日放假，行行吓雞地突然之間想食西餐..就走入去呢間德國佬餐廳試試….呢間餐廳嘅午餐係12:00先開始…我11:55入到去都未有人….點知去到12點已經坐滿人了相信呢間餐廳都做好多熟客生意呢間餐廳嘅性價比都幾高….因為價錢唔會太貴，而且唔使+1添先嚟咗一個牛油小麥包再嚟一個忌廉西蘭花湯我主菜叫咗一個香煎豬扒配洋蔥汁飯…有兩大塊大大豬扒份量十足只係略嫌豬扒un咗少少最後飲咗杯大大杯嘅熱檸水下次我都要試吓佢其他唔同嘅午餐

位於元朗的德國餐廳 店舖劃分室外室內兩部分 位置沒有很多 要去吃的朋友建議先訂座 適合家庭聚會的餐廳👨‍👩‍👧‍👧💕點完餐每一枱都也會提供一籃餐包 包款式有兩款 麵包剛烤起 熱騰騰 很鬆軟 配上牛油或醋醬吃 美味😝🥗香辣鮮蝦凱撒沙律 💰98沙律菜新鮮 配上脆麵包 加芝士粉 醬汁吃 酸酸的 蝦有醃製過 煎香 口感彈牙 作為前菜蠻開胃 🥔法式田螺配薯蓉 💰108田螺有六隻 鮮甜 算大隻 下面配上一大堆薯蓉 要稱讚一下薯蓉 做得很creamy 牛油味濃 中間有配搭薯粒 增加口感 🍭特式德國腸拼盤 💰208 + 黑啤酒可以選擇3款德國腸 選了辣肉腸 黑牛仔腸 及 豬肉蛇型腸 本人比較愛吃辣肉腸 有少辣惹味 烤得脆口 可以配上芥辣醬或燒汁吃 🥘帶子墨汁意大利飯 💰168用帶子跟墨魚仔圍在碟邊 帶子煎至金黃色 帶鮮味 墨魚仔口感彈牙 墨汁飯帶濃郁蒜香味 意大利飯做得剛好 口感煙韌🍝蕃茄海鮮意粉 💰138海鮮比想像中多 有蝦 帶子 蜆 魷魚等 蕃茄味濃郁 酸酸甜甜 吃下更開胃🍖德國燒豬手 💰228 吃德國菜當然不可缺少主打的德國豬手 這家做到皮脆肉嫩 肉汁豐富 鹹香惹味 點上芥末醬吃 一流 🫶🏻

上次食完三文魚之後，今日再去試下晚餐，6點鐘去到室外都好多位，環境乾淨舒服。職員推薦哩個牛扒辣意粉。有兩片薄切牛扒，重點係個意粉好好食😋。我揀咗少辣，辣辣地好惹味 好香。$158大大碟意粉，份量真係比想像中多，好抵食👍🏼👍🏼佢地晚餐仲有好多款式選擇下次約埋朋友一齊試多幾款👍🏼另外一讚：老闆娘好好人，職員服務態度都好好👍🏼 係元朗區好有人情味，又用心經營的老店，值得支持同推介⭐️⭐️⭐️⭐️⭐️