德國佬餐廳

營業中

休息中

正宗德國菜就係肉、肉、肉，啱晒好似我地呢D Meat Lover，今日試了位於元朗，都算近西鐵站嘅德國餐廳，行多幾分鐘一離開D大商場就變得性價比高晒。德國菜點會少得德國香腸呢？呢度嘅德國香腸可以遂條散叫，又或者簡單D叫個德國香腸拼盤，拼盤可以自選3款腸，分別有芝士腸、辣肉腸、香草豬肉腸、慕尼黑牛仔腸同埋豬肉蛇形卷腸，我地就揀咗辣肉腸、慕尼黑牛仔腸同豬肉蛇形卷腸，3款都幾好食，辣肉腸就最普通，豬肉蛇形卷腸就夠晒長，感覺上好似抵D，而當中最有特色嘅就係條慕尼黑牛仔腸，一來係白色香腸，二來D牛肉味又真係幾香。除咗香腸之外，食德國菜又點可以唔叫豬手呢？呢度個豬手都做得幾好食，外皮crunchy，入面D肉又唔會好「鞋」好韌，最正當然係可以揸住支骨去扯淨設嗰少少肉啦。