小漁港海鮮舫 鮮蒸‧鮮味火鍋

營業中

休息中

呢間既蒸氣火鍋真係好正！個套餐好多野食呀！首先就係食左刺身先，一共有5款，件件厚切新鮮！呢度除咗蒸氣鍋，仲會有其他餐前小食，我哋叫咗個椒鹽鮮魷，非常惹味然後就會開始蒸海鮮，全程都會有店員幫手同計時！ 首先就準備左個粥底先，粥底係另外加的，有排骨同瑤柱，陣間蒸海鮮既精華就會融合哂！開始時就蒸左蟹先，隻蟹大隻又多膏！然後有蒜蓉粉絲扇貝、鮑魚同大蝦！跟住就係幾款唔同嘅貝類，全部都好新鮮啊！食完所有海鮮之後就到蟲草花蒸雞同埋蔬菜雞件夠晒嫩滑！最後就係吸收晒所有海鮮精華嘅粥底，鮮味無窮！最後食埋個甜品真係好滿足

📍呢間位於太子嘅【小漁港海鮮舫】，一入門口已經見到座無虛席，好彩朋友仔一早book咗咋，今次我哋就叫咗個$318嘅是日廚師精選套餐，呢個套餐裏面有齊晒🍣刺身拼盤，椒鹽鮮魷作前菜，仲有唔同種類嘅時令海鮮，包括🦀大肉蟹+🐚鮑魚+🐚扇貝+🦐海蝦+🐟馬友+🐚蟶子+🦪蠔同埋🐚蜆呀，而除咗海鮮之外，仲有埋🐓蟲草花蒸雞烏冬，最後最後仲有壓軸出場嘅海鮮排骨粥添😋🍣刺身拼盤三文魚+吞拿魚+北寄貝+希靈魚+帶子，款款都係厚切，樣樣都好新鮮，每一啖都好滿足，而我個人就最鍾意個三文魚啦，味道甘美清甜嘅三文魚，咬落肉質厚實鮮嫩，夠晒肥美🐟時令海鮮🦀大大隻嘅肉蟹，見到啲蟹膏已經流晒口水，蒸完出嚟之後肉質更係鮮味爽滑，啖啖都係肉🐚新鮮又厚肉嘅鮑魚，咬落煙靭又彈牙🐚蒜蓉粉絲扇貝係每次食海鮮嘅標配，鮮甜嘅扇貝加上吸晒蒜蓉汁同扇貝汁嘅粉絲，真係好惹味🦑椒鹽鮮魷外層被炸到金黃酥香嘅魷魚，入邊仲係好Juicy，而且魷魚仲好爽口彈牙，🍻配搭啤酒簡直一流🐓蟲草花蒸雞烏冬嫩滑嘅雞肉加埋蟲草花一開蓋已經聞到好香，而烏冬已經吸晒佢哋嘅精華，味道夠哂豐富🍲最後梗係唔少得個排骨粥底啦，海鮮嘅湯汁令到個粥夠晒鮮甜，真係忍唔住食完一碗又一碗㗎

天氣凍凍地，最啱打邊爐，去左太子小漁港海鮮舫蒸氣火鍋，分別設有卡位和圓枱，今次揀左廚師精選套餐$318/位，免茶芥、加一及小食費, 性價比超高刺身拼盤🍣新鮮肥美的三文魚、帶子、北寄貝、希靈魚和油甘魚，厚切刺身，入口即化😍新鮮時令海鮮🦀🦐新鮮的大肉蟹，花甲，蜆，蠔，嫰滑鮑魚、多汁扇貝、彈牙海蝦，馬友，搭配四款時蔬，專人計時蒸煮，海鮮熟度完美拿捏 ⏱️ 四款時蔬🥬+蟲草花蒸雞🐔有粟米,南瓜片,芋頭片,蝦乾釀勝瓜,小甜薯, 而雞肉吸盡荷葉清香，烏冬 🍜索晒精華，雙重享受🤗瑤柱排骨粥🥣 $78融合了海鮮的鮮味和蟹膏的香氣，搭配瑤柱和排骨，粥底香滑綿密，十分暖胃，特別適合於寒冷的日子享用 避風塘鮮魷🦑 $68濃郁蒜香的避風塘鮮魷，香脆可口😚豆沙茶粿煙韌軟糯的豆沙茶粿，甜而不膩🥰另加飲品：意大利有汽鮮果燈汁🥤$20 汽水🥤$16

早排我哋一家人去咗係太子既小漁港海鮮舫蒸氣火鍋，啲海鮮好新鮮，超好味😋✨刺身拼盤刺身新鮮，好味👍✨海鮮蒸氣火鍋佢嘅海鮮全部都好新鮮，元貝、鮑魚、蝦，海魚，每一樣都食到鮮味👍隻龍蝦蒸完勁爽勁彈牙，真係好正😍好正既海鮮餐👍佢每次蒸海鮮，侍應都會計時，確保蒸既時間岩岩好，唔會生又唔會過熟👍個蟲草花蒸雞烏冬底真係好好味，蟲草花蒸雞好普通，但呢間店鋪咗塊大荷葉喺底，蒸出嚟嘅雞不但嫩滑多汁，仲有好濃嘅荷葉味，好好食👍個烏冬吸收咗嘅精華同埋荷葉嘅味道，都好好味👍最正嘅係個粥底，入面擺咗龍蝦頭、乾瑤柱、小元貝去煲，個粥勁有龍蝦味，又有瑤柱味，好鮮甜，好好味，我哋食完覺得好滿足，真係要試吓😍呢餐海鮮蒸氣火鍋真係冇得頂，我囡話下次又要過嚟食👍

今日黎左呢間食蒸海鮮火鍋，好彩有book位😎,超級多人！但係有原因，因為好好食😋叫左個小食 椒鹽炸豆腐，呢個出色，外脆內軟加埋椒鹽好惹味，令人一口接一口。簡左是日廚師智選套餐 ＄318/位包左 刺身拼盤 同 八款時令海鮮 生蠔🦪 海蝦 🦞、鮑魚、沙白同花甲 都係超大隻同大粒，蒸出黎好鮮甜，食到佢既原汁原味！扇貝 貝類既都好鮮甜又冇沙 好甜，加埋啲粉絲係無敵配搭蟹 - 肉質鮮甜，姐姐見我唔識開，仲好好人咁教我❤️呢到服務態度好好，全程都有人行埋黎幫你馬友-個魚好有驚喜，勁滑，加埋豉油帶出去嘅鮮甜味、好好食四款時蔬蒜蓉蝦勝瓜、芋頭、粟米、日本蕃薯同南瓜蒸蔬菜保留原汁原味蟲草花蒸雞烏冬鳥冬吸晒啲雞汁味好濃，雞好滑溜。佢仲可以加粥變粥底，d粥吸晒上面海鮮既汁，成餐都好正😎 佢有timer 計埋 ，所以蒸出黎時都係完美鮮嫩多汁😆

作為太子街坊的我，經常來這間餐廳慶祝節日或與朋友聚餐，總是無一例外地收到讚美，沒有任何投訴。這裡的海鮮新鮮得令人讚歎，每次都讓人忍不住舔舔脷。我選擇了$318的日廚師精選套餐，裡面有刺身拼盤和豐富的時令海鮮，包括大肉蟹、鮑魚、扇貝、海蝦、馬友、蟶子和蜆，搭配四款時蔬，還有蟲草花蒸雞烏冬和瑤柱排骨粥，真是超級滿足！此外，我們還加點了椒鹽鮮魷作為前菜，熱辣辣的味道非常惹味。除了海鮮，我特別推薦蟲草花蒸雞烏冬，鮮香入味，還有額外加錢點個吸收盡海鮮精華的瑤柱排骨粥，絕對是必食的美味。總的來說，這次的用餐體驗讓我感到非常滿意，期待下次再來！

位於太子荔枝角道到到8點幾都仲好爆場兼要排隊原來係因為平日一口價無加一茶芥既海鮮蒸氣套餐好抵食,難得甘多人排隊🤩店內有圓枱,卡位,無論2個定一班人都夠坐蒸任何野都有店員去幫忙所以唔擔心時間控制得唔好⏰🔸是日廚師智選套餐 $318/位🔻刺身拼盤 - 帶子、希靈魚、油甘魚、三文魚、北寄貝🍣剌身都唔錯,用黎做前菜開胃🔻八款時令海鮮鮑魚、元貝、海蝦、馬友魚、肉蟹、蟶子、貴妃蚌、沙白每一樣都鮮味十足,保留了海鮮最原始既鮮甜🔻四款時蔬 - 蝦米節瓜、粟米、芋頭、蕃薯仔🔻一款主食 - 蟲草花蒸雞（烏冬底）雞肉鮮嫩,烏冬吸收了雞汁同蟲草花精華🐥🔻甜品 - 黑糖豆沙糕雖然係黑糖同豆沙,但唔太甜,好好食*星期一至四（套餐埋單價免加一•免茶芥•免小食）*公眾假期除外🆙 加粥底瑤柱排骨粥 $78蒸氣海鮮必點! 海鮮既鮮味同蟹膏都混合粥底🦀加埋瑤柱排骨口感味道好豐富,粥底好綿,好暖胃🔸避風塘鮮魷 $68仲平過大排檔! 避風塘鮮魷香脆可口,好惹味🦑🔸竹庶茅根 $20🔸San Pellegrino 有氣甜橘飲品 $20

我同老公都好鍾意食海鮮，今日就黎左朋友介紹嘅呢間餐廳食是日廚師智選套餐！款款都係時令又新鮮嘅海鮮！包括有刺身拼盤、八款時令海鮮、四款時蔬、一款主食刺身拼盤有唔同嘅刺身，款款都係厚切，包括有三文魚、北寄貝、帶子、希靈魚等等利用電子計時器計時蒸煮唔同嘅海鮮，全部時令海鮮都好新鮮！我地食左元貝+蝦+鮑魚+魚+蟹+ 蠔+蜆 +蟶子王！大大隻元貝鋪滿粉絲同埋蒜蓉，元貝好鮮甜，粉絲仲吸滿哂扇貝汁同埋蒜蓉，好入味！蝦新鮮又彈牙！厚肉鮑魚肉質鮮嫩又有彈性！魚肉綿滑爽口，食落口好鮮甜！蟹肉味道細緻鮮甜，仲有好多蟹膏，甘香濃厚！大大隻蠔、蜆同埋蟶子，肉厚鮮甜又好肥美，鮮甜十足，好好味農家四寶包括有勝瓜、甜粟米、南瓜同埋芋頭，夠哂原汁原味！我特別鍾意食芋頭同埋南瓜，芋頭綿密又香，南瓜質感較為粉又好清甜仲有蟲草花蒸雞烏冬底，雞肉鮮香嫩滑，加埋蟲草花一齊食，真係香噴噴！烏冬吸滿晒蒸雞同埋蟲草花嘅味道，味道好豐富！甜品凍凍地，外表煙韌，而內餡係豆沙，幾好味另外，我同老公再叫左避風塘鮮魷、瑤柱排骨粥同埋飲品，真係好飽好滿足！避風塘鮮魷炒得好有鑊氣，鮮魷爽口彈牙，配埋粒粒炸蒜，辣辣地好惹味！而瑤柱排骨粥好足料，有瑤柱

呢間係個人心水推薦嘅蒸海鮮食堂🦐🐚🦀老闆話佢堅持每日都會親自去挑選海鮮～難怪每次海鮮都保持到高水準👍🏻是晚平日嚟到依舊全場滿座！大家想食必須記得訂位呀！照舊揀咗✨是日廚師智選套餐 每位都係$318 (免茶芥❗免加一❗免小食費❗) 一個價錢食勻鮮味食材～性價比極高👏🏻👏🏻貼心店員會逐一安排蒸煮食材🥰🥰服務一如既往非常貼心！！. ✨刺身拼盤五款時令刺身🙆🏻‍♀️有三文魚, 帶子, 北寄貝, 希靈魚, 油甘魚😍😍片片新鮮肥美又厚切！！. ✨八款時令海鮮店員會根據不同海鮮種類分批蒸🤗是日有✨馬友魚片, ✨大海蝦, ✨鮑魚,✨蟹, ✨金蒜粉絲元貝, ✨蟶子, ✨大沙白, ✨花螺！！通通都鮮味得令人難以忘懷‼️‼️當中最爲驚豔嘅係嘅🐟馬友魚片！極其鮮嫩滑溜！！！. ✨四款時蔬 ＋✨一款主食擺盤好豐富嘅🐔蟲草花雞件烏冬 旁邊仲伴有🌽粟米, 🎃南瓜片, 芋頭片, 蝦乾釀勝瓜, 🥔小甜薯！蔬菜同烏冬都吸收哂鮮雞件嘅雞油！真材實料嘅滋味👍🏻👍🏻. ✨粥底 +$38最後一定要食埋精華粥底❤️鍋底放咗蟹膏蟹蓋+貝柱排骨嘅粥底✌🏻集合哂以上所有食材嘅鮮味精華！綿綿密密嘅粥底之中仲食到蟹膏添😋. ✨豆沙茶粿 入口煙韌軟糯

最近天氣凍咗都會好想去食打邊爐，但係諗起打邊爐又要諗乜嘢粥底都覺得好煩，所以就索性去食蒸氣火鍋！呢間蒸氣火鍋，對於我嚟講個價錢比較合理，三百幾蚊就已經有一個套餐 入面仲要包含咗刺身，海鮮，同埋有我最鍾意食嘅蟹首先刺身嘅話就覺得種類都比較多，有帶子三文魚希靈魚等等，而蒸海鮮方面佢會幫我哋分開幾盆去蒸，因應返唔同海鮮有唔同時間去烹調再令到我深刻嘅就係佢嘅青口，同埋蜆真係超級之新鮮，食落去夠晒鮮甜同埋冇沙另外都要提嘅就係佢嘅烏冬超級好食，因為配埋佢嘅黃油雞再加埋蟲草花喺塊荷葉上面蒸，味道夠晒特別！最尾我哋都忍唔住叫咗一個小食就係佢嘅椒鹽豬手豬手炸得夠乾身，而且食落去又唔會最尾我哋都忍唔住叫咗一個小食就係佢嘅椒鹽豬手豬手炸得夠乾身，而且食落去又唔會覺得特別辣！所以超級適合我呢啲好怕辣嘅人

#冬至 #聖誕 #慶祝 食好東西系列🤤凍冰冰同Lisba & Lisboy想食海鮮🦞特登搵咗呢間特色又傳統嘅蒸氣火鍋🍲放工嚟到太子嘅「小漁港海鮮舫」過個暖笠笠嘅冬天❄️🌟🌟🌟 Parco發板套餐 🌟🌟🌟超級開心，蒸氣火鍋都有廚師發辦，我哋就叫咗呢個套餐一齊享受我哋新鮮海鮮之旅！🐟 刺身拼盤前菜係多款海鮮包括有象拔蚌、三文魚、吞拿魚、響螺、帆立貝、生蝦及北寄貝😋🍠 脆炸番薯仔由於呢個係廚師發辦，加上老闆見到我哋有Lisboy，脆炸番薯仔岩晒Lisboy，又好味道！🦞 海鮮拼盤呢個套餐主角嘅海鮮拼盤有好多嘢食🤤有正爆大隻新鮮龍蝦🦞手掌咁大粒鮑魚、帶子、蚌肉、大蜆、大蝦、鮮魚片、蜆⋯ 開邊龍蝦、鮑魚同埋大蜆仲喺度郁動中😍全部都好新鮮🤤每個食材蒸煮嘅時間都唔同，我哋根據枱面嘅指示3分鐘、4分鐘、5分鐘🤤真係好鮮味啊🥳第一輪大大開邊龍蝦爆膏🦞肉質肥美鮮甜😋大大隻瀨尿蝦喺鍋入邊跳動，夠晒新鮮呀😍第二輪鮑魚彈牙，馬友肉質鮮甜，魚皮夠嫩滑！扇貝夠晒juicy😋Yummy~~~第三輪到正爆貝殼類，蠔、蜆、生蠔🦪等貝類粒粒飽滿新鮮，蜆肉、蠔肉爽彈！🐣 蟲草花蒸雞烏冬蒸完出黎成個烏冬充滿雞油既香🤤夠晒煙靭好味

今晚約左屋企食好西，想食靚海鮮又想食得又飽又滿足😌就要來太子既小漁港，食靚靚既海鮮蒸鍋啦😃小漁港最出名就係海鮮，而呢度既海鮮蒸鍋套餐真係好抵食，材料新鮮份量種類也多，我們揀左$318一位既海鮮蒸鍋，一來頭盤就係刺身拼盤，都有四款刺身，厚切美味👍🏻😋八款時令海鮮，海鮮會因應時令每日轉換，八款都又新鮮又係靚海鮮，包括鮑魚，🦐，聖子，蜆，扇貝，🦀等等，真係新鮮。四款時蔬，再配一款主食 蟲草雞，咁樣蒸法D雞真係好滑，時蔬🥬🥦🥒都滿滿海鮮同雞既味道，咁蒸又好食又健康。想食到呢個海鮮蒸鍋的精華，就係一定要揀粥底，因為最後一定係食滿滿海鮮汁的粥底，集合曬所有精華，好食到爆炸😋😛大家想食新鮮蒸海鮮粥底，就一定要來小漁港，包你返尋味🤗

小漁港海鮮舫(太子)今日老公同我慶祝生日，佢帶著我去食海鮮蒸氣鍋，餐廳坐無虚席，人山人海，我地一個是日廚師智選套餐，由主廚推薦菜單PARCO發板餐$318/位。餐牌非常豐富，可以品嚐刺身、各款海鮮同煮食。食物非常高質，選擇有豐富， 10分推薦。餐牌於專頁每日更新，海鮮每日日新鮮，款款時令！1.刺身拼盤首先頭盤係刺身拼盤，有三文魚、吞拿魚、希靈魚、油甘魚及帶子。三文魚油脂豐富，食落非常軟腍腍。北寄貝帶點爽口。而帶子就大大片，非常鮮甜，滑身。2.八款時令海鮮然後就到主打嘅八款海鮮，店員會幫忙計時，放喺蒸爐上邊蒸熟，夠鐘就可以食。今日嘅海鮮有扇貝、馬友、鮮虾、生蠔、蟹、鲍魚、白刀貝和大蜆。扇貝大大隻，好厚肉，面頭鋪滿左蒜蓉粉絲，非常美味。馬友魚好新鮮，魚肉嫩滑。鮮蝦每人兩隻，食落非常彈牙，鮮甜美味。生蠔連殼上，睇得出好新鮮，真源後都唔會太縮水，大大隻。生蠔食落海水味重，帶點Creamy嘅感覺。另外仲有蟹，蟹好多膏，蟹肉鮮甜。鮑魚大大隻，一啲都唔會韌，點豉油已經好夠味。另外有啲貝殼類海鮮，例如白刀背同大顯，食落真係非常鮮甜，每粒肉都脹卜卜，充滿海水味。3.四款時蔬套餐仲包含咗蔬菜，包括有南瓜、

婆婆好鐘意食海鮮🦀🦐🐟，我一諗就諗起“小漁港”，“是日廚師智選套餐“$318/位，今日星期四，所以埋單❎免加一，❎免茶芥，❎免小食，真係好抵食👍。椒鹽豆腐：豆腐外層脆卜卜，內層也保留了豆腐軟腍腍的口感！刺身拼盤：一如以往既新鮮肥美。八款時令海鮮：除左基本既八款海鮮外，仲有瀨尿蝦，因為我地隻蟹比較細隻，雖然細隻但仍然啖啖肉，婆婆讚不絕口，貝殼類食吾到有沙，最震撼係瀨尿蝦，上枱時仲郁架，長度佔左成個蒸盤，食完真係超級滿足。其二最鐘意呢度係，每樣野姐姐會幫手較時間，蒸到岩岩好，另每樣口感都非常彈牙。四款時蔬：烏冬上面有蟲草，加埋蒸雞既精華雞汁，撈埋一齊好好味。最底下面既粥，配料有元貝，排骨，蟹蓋，吸晒海鮮既精華，正。甜品係豆沙餡料，吾會好甜📍小漁港海鮮舫 鮮蒸‧鮮味火鍋📌太子荔枝角道127-133號地舖#小漁港 #海鮮餐 #刺身拼盤 #火鍋 #粥底 #hkfoodblogger #yummy #foodie #香港美食 #美食推介 #美食日記 #太子美食 #太子好去處 #餐廳推介 #假日好去處 #ilovefood #hkfood #美食日記#hkkol #blogger #hkfo

The price is extremely affordable, it's really cheap to laugh! However, there are numerous different types, so you can try each one. The chicken at the end is fantastic in the broth, and the congee at the end is very fresh. The essence of the whole pot is present, with the freshness of the pig bones, crab shells, and dried dried shrimps all pouring out, I couldn't stop sipping.