小漁港海鮮舫 鮮蒸‧鮮味火鍋

太子超人氣海鮮蒸盛宴 ❤️ 平民價$398豪華海鮮餐🦐海鮮控最愛小漁港香濃粥鍋😋 海鮮蒸鍋打卡必食之選✨小漁港海鮮舫海鮮盛宴✨小漁港海鮮舫主打超新鮮嘅海鮮，全部都係活生生游緊水！色澤鮮豔亮麗，睇到已經令人流晒口水～😋環境又靚又乾淨，光線充足舒服，啱晒一家親友或者朋友聚餐👏 咁受歡迎一定要提前訂位呀！服務仲非常之好，又細心又到位。先叫咗一個🦑椒鹽魷魚，魷魚新鮮彈牙，椒鹽入晒味，做得真係好好呀。🔥每位$398海鮮蒸鍋套餐（2人起） 餐單好豪華，唔止海鮮蒸鍋，仲有刺身拼盤、貝殼三寶、農家四寶等超多美食。今日精選刺身拼盤有元貝、三文魚刺身、生蠔、北寄貝，啖啖新鮮滋味，滿足刺身控！ 貝殼三寶，蒜蓉粉絲蒸元貝、肉厚帶子、鮑魚、海蝦、半隻龍蝦、仲有超大隻尿蝦同香滑海魚～🐚🦐🦑 全部都新鮮，食到真正海鮮嘅味道，原汁原味，必食之選。農家四寶：蟲草花蒸雞配烏冬底，加埋新鮮海鮮同蔬菜落去蒸煮，烏冬吸收晒精華，好滿足！👍最大highlight就係最後嘅龍蝦頭小元貝排骨粥鍋底✨所有海鮮、雞、鮮料嘅精華都入晒去，香濃到不得了！每啖都sooo good🤩最後仲有甜品，簡直完美的一餐用料新鮮，高質素有保證；意大利血橙汁特飲酸酸甜甜，好解膩又醒神🍹！💡推薦：性價比高，海鮮又新鮮又足料！記得book位先去～食得咁開心，海鮮控一定唔可以miss！…Read More

好友生日，自然要約出嚟見吓面，食生日飯也是順理成章；老友推介這間食店，當然立即行動訂位。以吃蒸海鮮為主的火鍋店，坊間其實也有不少，但要做到海鮮新鮮，價錢又實惠的，就未必有幾多間。🤔這間位於太子荔枝角道附近的食店，環境幽靜，離地鐵站大概10分鐘路程，其實正確位置就在古蹟「雷生春」附近。食店門面非常光亮，遠遠的也能清楚看到；店內放有多張繪畫香港的老壁畫，加上頭頂的紅燈籠及對聯，給人很有中國風及懷舊的感覺。餐牌以套餐為主，而這個PARCD發板餐非常抵食，價錢也只是每位$398（兩位起)，食物已包括有：象拔蚌剌身拼盤、每人更有貝殼三寶、元貝一隻、鮑魚一隻、龍蝦半隻、尿蝦一隻、海蝦一隻、海魚一件、農家四寶、蟲草蒸雞烏冬底，更可另加$78添加為粥底火鍋。侍應還可代為蒸煮，我們主要安心食用便可；海鮮新鮮，時間又有專人負責，大家食得自然更加開懷！在這結業潮下，餐廳完全不受影響，食店更是座無虛席；如沒有訂位，分分鐘便要白行了。如想再優惠多一點，可考慮星期一至四晚到來，套餐埋單價更可免收加一、茶芥 及小食(*公眾假期除外)。老闆堅持：不時不食，不鮮不賣！便是信心的保證。水準相當出色，值得一試！海鮮舫 鮮蒸‧鮮味火鍋 (太子)地址: 香港太子荔枝角道127-133號地舖電話: +852 28689863…Read More

好耐無去小漁港報到，今次食咗個貴少少嘅套餐，可以食到龍蝦、象拔蚌刺身等，真係海鮮控夢幻之選😌.✨Parco發板餐（$398/ 2位起）.🔥脆皮豆腐（$38）豆腐細細粒，外層炸到金黃香脆，內裏依然保持滑嫩，完全冇因為炸過而變乾，配埋炸蒜同食好夾，食完一粒又一粒，停唔到口😌🔥象拔蚌刺身拼盤象拔蚌爽口有脆，帶少少海水鹹香，啱晒鍾意鮮味嘅人，配埋其他刺身如帆立貝、甜蝦等，擺盤好豐富，未食已經先打卡😌🔥龍蝦、尿蝦龍蝦加入蒜蓉同蒸，肉質厚實鮮甜，蒸完唔會乾，反而仲保持彈性，之後仲將龍蝦頭加入粥底同煲；尿蝦拆殼唔算難，肉質清甜啖啖肉😌🔥貝殼三寶：花甲、沙白、蟶子花甲雖然細細隻，但鮮味爆燈，蒸完啖啖汁；沙白肉質滑溜，無沙無腥，食得安心；蟶子爽口又多汁，咬落去仲有少少甜，唔使蘸醬都夠味😌🔥元貝、鮑魚、海蝦、海魚元貝蒸完唔縮水，仲保留到原有甜味；鮑魚勁厚身軟腍，有半隻手掌咁大，食落帶煙韌感，口感一流；海蝦新鮮到不得了，彈牙又爽甜；海魚係馬友，肉質滑溜無骨，蒸完仲有少少油香，好有層次😌🔥農家四寶＋蟲草花蒸雞烏冬底農家四寶有蒜蓉蝦乾絲瓜、日本甜薯、南瓜及芋頭，與雞件、蟲草花，配烏冬底同蒸，烏冬吸晒雞汁同蟲草花精華，食落勁入味，雞肉滑嫩唔乾，透著蟲草花獨有香氣，食完有種「被滋補咗」嘅錯覺，暖胃又暖心😌🔥海鮮粥海鮮粥加入龍蝦頭一齊煲，入口有陣陣龍蝦香，粥底呈金黃色，賣相好吸引；建議食到幾飽都要留肚食個粥，食唔晒可打包返屋企繼續回味😌🔥甜品甜品依然係熟悉嘅豆沙糯米糍，口感煙靭唔黏牙，入口軟糯唔太甜，啱晒打邊爐後清清地收尾。…Read More

【🐠小漁港海鮮舫|♨️蒸海鮮之夜】想食海鮮大餐又唔想熱氣，「蒸」的確係幾多嘅烹調方法，嘅溫和又能食出海鮮鮮味！今次朋友帶去太子茘枝角道《小漁港海鮮舫》，歷史悠久，都幾爆場，朋友們要記得訂位啊！.🔰製作過程🔰店員首先會加入米、香肉、龍蝦頭係蒸爐最底層，預備製作海鮮粥底！海鮮分批蒸焗，店員都會作出提示及指導，間中都會由人客自己操作。逐款食，熱辣辣新鮮嘅保證，而海鮮的水份精華都會墜落入底層，形成香濃美味的海鮮粥，非常之令人期待😊.🦐頭盤剌身，三文魚、油甘魚、北寄貝，通通新鮮鮮甜，最驚喜係象拔蚌！無諗過食set都會食到，而且仲超爽甜！為這餐飯揭開序幕！⚠️注意:包日本芥辣超級大辣，份量要小心衡量.🦐椒鹽豆腐外脆內軟、炸得金黃脆口但又完全唔多油，兩個人食吓食吓好快食晒！.🦐炸黃豆酸蕎頭懷舊前菜，黃豆脆炸到卜卜脆，酸蕎頭好有回憶，好有開胃功能！.🦐蒜蓉龍蝦&瀨尿蝦龍蝦開邊鋪滿蒜蓉和瀨尿蝦一齊蒸，幾份鐘後店員提醒我們，時間剛剛好，甜又肉質好好食😋.🦐帶子、海蝦、馬友、鮑魚呢個組合非常之出色，我最欣賞馬友，少少鹹，魚味濃肉滑滑。.🦐蟶子、青口、蜆甜甜甜的貝殼組合，佢哋蒸完後嘅汁直接倒入粥底中.🦐荷葉蟲草花嫩雞烏冬食完幾輪海鮮後，食碗熱烏冬感覺幾舒服，荷葉做承托，中間放烏冬，烏冬面放滿蟲草花鮮雞件，旁邊有芋頭、粟米、南瓜、蒜蓉勝瓜，烏冬完全吸收晒雞嘅味道，意想不到嘅滑同香！.🦐海鮮龍蝦粥最後當然要慢慢品嘗精華粥底，粥感棉棉又有齊晒海鮮味，完美演繹。.…Read More

同班friend去咗「小漁港」食晚飯，海鮮真係特別出色！龍蝦係今晚嘅重頭戲，蒸熟後蝦肉飽滿彈牙，鮮味十足，甘香濃郁，食完之後個種鮮味仲停留喺口腔入面一段時間。刺身拼盤入面嘅帶子同象拔蚌最為搶眼。帶子肉質肥厚，口感軟糯鮮甜；象拔蚌就爽脆清新。鮑魚食落煙韌彈牙之餘又唔會太韌，鮮味十足。蒸馬友魚肉質嫩滑，魚油豐腴；扇貝加入蒜蓉粉絲一齊蒸，更加惹味！農家四寶，蒜蓉蒸絲瓜蝦乾嘅組合幾得意，絲瓜清甜，蝦乾鹹香。南瓜同番薯蒸完之後保持到本身嘅甜味，粟米都幾清甜。蟲草花蒸雞下面墊咗烏冬，吸收晒雞汁同蟲草花嘅精華，食落好入味。肉蟹厚肉鮮甜，蟹膏好多，鮮味融入瑤柱排骨粥，粥底綿滑，瑤柱和大蟹的鮮味同排骨嘅肉香完全融入粥裡，飲落好暖胃！脆皮豆腐外脆內嫩，豆香十足！…Read More