充滿日式風格嘅土瓜灣日式小店，除咗日本菜之外，仲有美酒伴佳餚！服務質素非常好。未到7點餐廳己爆滿，想食的朋友要學我6點到。 是日叫左兩個定食套餐同兩個小食，定食set包埋美味嘅茶碗蒸、小鉢、漬物同麵鼓湯。 極尚牛舌定食 $178 牛舌好大塊共有5舊，口感爽彈又有嚼勁，外層燒到微脆，內裏粉嫩，沾上檸檬同日本醬油更提鮮，set附送嘅個茶碗蒸勁好食，係有雞蛋配蟹柳，好滑嫩好清甜。 鹽燒鯖魚定食 $98 鯖魚肉地飽滿，表皮香脆，加啲檸檬同附送醬汁更好食，再配搭暖暖嘅日本米飯，大滿足！另外個麵豉湯很對味，好好飲。 明太子雞翼 $58 無骨雞翼炸得恰到好處，唔會太乾太油膩，雞翼內釀入明太子，入口嫩滑。 七味魚翅 $68 日本嘅餐前小食，乾身魚翅同七種味粉而成，烤完然後剪開一條一條，沾上沙律醬享用，送酒食一流。 飲品分別叫左蜜桃生啤$48同無糖可樂$18。 食飽飽都 📍Gyutan Toku @gyutan_toku 📍土瓜灣天光道44號天光大樓地舖 . . . . . . . .

今日試咗中環另一間打工仔恩物兩餸飯店，餸菜選擇好多，菜類同肉類各有最少6，7種選擇。 兩餸飯 $32 自己今次就揀咗西蘭花同咸蛋肉餅，西蘭花食落都幾爽脆，肉餅就無望落咁乾身，汁都算多，唯獨是咸蛋有啲太硬，但呢個價錢有呢個味道都算性價比十足。 添飯餸 (中環) 中環威靈頓街43-49號新利大廈地下C號舖

荃灣抵食下午茶，4人$200有找唔使加一。tea time黎到都full曬，不過staff都好有禮貌。 豬頸肉喇沙摻摻 $48 濃郁嘅湯底微微辣，豆卜索曬湯好惹味，摻摻即係油麵同米粉mix埋一齊，豬頸肉肉質都爽口彈牙。 飲品：凍桔仔話梅水 凍飲+$3 豬扒喇沙摻摻 $58 豬扒煎得非常香口又入味，而喇沙湯底同摻摻都好出色，呢個推薦呀！ 飲品：熱桔仔紅茶（唔使加錢） 牛肉椰漿飯 $62 巴東汁牛肉同班蘭椰漿飯的牛肉分量都算多，岩曬食肉獸。 飲品：熱桔仔話梅水（唔使加錢） 班蘭咖也多士 $28 咖央醬與港式西多士製成嘅香口小吃，比起花生醬，咖央醬帶有椰香及蛋味，令西多士的味道更上一層。 飲品：熱飲桂圓紅棗茶 （唔使加錢） 馬六（荃灣千色匯）

作為一個中環返工嘅打工仔，食飯嘅選擇十分之咁多，但抵食夾大件嘅真係少之又少，所以有兩餸飯呢個選擇真係好緊要，廿幾三十蚊就有十幾個餸揀，份量仲唔少。 味道方面就唔可以十分之出色，但都拍得住好多普通茶餐廳碟頭飯嘅級數，大部份餸食落會較油，菜類味道較淡，之前試過肉餅就都幾好。 今次揀嘅瓜同雞肉都算唔錯，白飯夠大碟。 位置係中環街市對面嘅小卷，斜路上少少就到，兩餸都係$28。 …………………… 岱民中環店 中環嘉咸街9號。

行開銅鑼灣見到呢間餐6點前入座幾抵食。 1.燉湯套餐 $65 招牌脫骨海南雞飯 + 人蔘紅棗玉竹燉烏雞湯 有肉厚嫩滑可以脫骨啖啖肉的「招牌海南雞」，係招牌菜。 泰式鳳抓沙律 跟餐+20🫶🏻 呢間的無骨鳳爪勁爽口又超入味，有嚼勁醬汁酸酸甜甜，推薦！ 🫶🏻燉左好多個鐘的人蔘紅棗玉竹燉烏雞湯，湯味濃而不膩外，烏雞肉食落好鮮美，仲有大大條人蔘架，絕對足料。 +$8 特飲紅豆冰 2.燉湯套餐 香辣咖哩牛腩飯 $60 牛腩都好有6-8大舊，而且好入味又軟熟，老人家食都輕而易舉。 花旗參鮑魚紅棗燉唐排 花旗參味濃郁，個湯有滿滿嘅豬骨、鳳爪，竟然仲有鮑魚！湯好甜好滋補，推薦！ 花雕醉鴨舌 $32 鴨舌好重花雞味，有6件鴨舌左右，鍾意酒味嘅朋友可以一試。 +$8 特飲紅豆冰 瓊天 銅鑼灣軒尼詩道475-481號東南大廈地下E號舖

又有得玩又有得食！呢間餐廳主打手打牛肉漢堡。 叫左份兩人套餐$359，包括有芝士蛋蒜韓牛漢堡扒兩份、一份 韓式豬頸肉丼飯；再加左$18/杯的特飲：巨峰提子特飲同百香果特飲。 牛肉漢堡係圓形肉球狀，最好玩既係可以自己DIY煮熟啲牛，放心唔會周身油煙，因有個圓柱體咁嘅物體吸走油煙，牛肉上有蒜片，底有鐵板雞蛋。二人餐有前菜泡菜食，飲品+18係勁巨型嘅巨峰提子soda，超好飲又鄧消滯。 @福岡漢堡扒 （深水埗） #福岡漢堡扒 #牛肉漢堡 #抵食

旺角呢間樓上cafe有嘢食有嘢飲仲有board game玩，而且食物質素都唔錯。 二人套餐 $388 千島夏威夷pizza 10吋 千島醬mix鮮甜嘅菠蘿同火腿，底層有厚厚嘅芝士，成個配搭完全唔滯，而且好香口。 香辣虎蝦海鮮意粉 醬汁香濃惹味微微哋辣，虎蝦都算大隻，口感彈牙，仲有兩大隻青口，意粉都好掛汁。 炸春卷 跟餐+$25 食落夠惹味，泰國酸辣汁，即叫即炸好脆口。 跟餐叫左杯特飲黑森林mocha+$23同梳打凍檸菊蜜+15 #部屋咖啡室 (旺角) 旺角登打士街43H號登打士廣場12樓 . . . . . . . . .

難得嚟開青衣附近做嘢，周圍搵食就入咗呢間越南餐廳，堂食有9折，食物質素都ok。 雞翼拼豬扒湯檬 $68 份量一眼望落都幾多，湯檬有好多蔥同洋蔥圈幾啱我口味，湯底味道正常唔算太濃，雞翼同豬扒就炸得幾脆，聞落有好香香矛味，但食落就略微淡，不過不失。 凍奶茶 +$2 茶底正正常常，茶、奶比例ok。 …………………………………….. …………………………………….. 越滿越式料理 (青衣) 青衣楓樹窩路1號翠怡商場1期地下4號舖

難得又嚟到天水圍，就去返之前試過好正嘅居酒屋，見佢原來仲有任食火鍋放題，就一於試吓。 五花腩豚肉套餐 每位$198 藥膳醉雞湯底 上枱就聞到好香嘅酒香味，雞肉同藥材配料俾得好足，味道夠晒濃。 跟餐會先送你一set肉類拼盤，入面有美國牛頸脊、美國牛板腱、鹿兒島茶美豚肉眼同五花腩豚肉，4種肉質都好出色，當中個人最鍾意就係鹿兒島茶美豚，薄片加上滿佈雪花，入口超軟腍多汁，加埋湯底嘅酒香味超正。 火鍋配料個人覺得好正嘅係： 香菇貢丸 超級大粒，味道又夠晒香口。 陳皮魚蛋 彈牙有口感，有淡淡嘅陳皮香味。 蜂巢豆腐 食火鍋如果個湯底超正就必點，湯汁浸晒入去咬落爆汁果下超正👍🏻。 熟食方面我就試勻晒佢全部種類嘅壽司卷，包括蟹柳小卷、青瓜小卷、玉子小卷、加州卷、太卷同三重芝士大蝦反卷，事關佢哋本身係居酒屋，壽司有返咁上下水準。另外就係牛肉薯餅，外脆內軟仲有濃郁牛肉薯蓉，好味😋。 甜品種類有雪糕、雪米滋、雪糕泡芙等， 飲品有各類汽水、樽裝茶、紙包飲品同啤酒任飲。 天鳥居酒屋 (天水圍) 天水圍天華路33號T Town North 2樓N212號

小魚兒原來唔係得魚食，原來仲有雞煲，仲有好多串燒同小菜架！店內環境好闊落，走少少暗黑路線，落單就用QR code落單喔。 烤魚分別有海鱸魚 （$308）、江團魚（$348）同凌波魚（$378）。 我揀左烤魚必食的海鱸魚，魚嘅表面鋪滿莞茜、辣椒、花椒、芫荽同洋蔥。肉質食落不油膩又唔腥，而且啖啖肉，仲要原條一大條。湯底有幾款揀，我就揀左老壇酸菜魚豆花，配料有豆腐、瓜、寬粉、芽菜、雲耳。可根據個人喜好選擇小、中、大酸辣麻辣度~我揀左中辣都已經好辣。 避風塘澳洲龍蝦 $198 見到有優惠價$198就食到大大隻龍蝦，可揀蒜蓉牛油燒同避風塘風味兩種煮法，我就揀左避風塘，龍蝦肉質鮮嫩又厚肉。 🐠金湯酸菜魚客飯 $73 + $6 有得解甘蔗馬蹄汁 超大份勁抵食！ 魚片大大片厚身又滑溜，惹味得黎又唔油，魚肉又多件，份量極多，仲有一客飯送。 小魚兒 @little.fish.hk 銅鑼灣波斯富街24-30號寶漢大廈1樓