個個返大陸吃飯，唔通個個都想返去咩？唔洗舟車勞頓，起碼可以慳返啲時間，在香港都會搵到好嘢食嘅，唔使迫餐懵喺香港就食到！👍🏻而且真心佢哋服務態度都幾好! 綜合色、香、味於一身，食物造型方面真係無得頂，全部都超級有驚喜！好食之餘仲會留下一個深刻印象！無論男女都想打返個卡呃吓like！香港都有如此水準川菜，味道真心讚👍🏻，上到碟真係「嘩！嘩！」聲！香港其他餐廳真係要好好學習一下，大家要一齊提高水準，唔好拉低個curve，爭番啖氣！ 食物:⭐️⭐️⭐️⭐️⭐️ ✨仙氣爆燈✨《荔枝蝦球》 $108 上菜一刻非常震撼呢~好似進入仙境一樣….充滿仙氣，荔枝樹嘅造型真係既新奇又有趣….仲可以摘荔枝落嚟！荔枝波波其實就係炸蝦球，外脆內裏彈牙蝦味十足，加上酸味味開胃嘅沾醬，真係無令我失望！正！👍🏻 酸菜魚 $268 選了小辣，酸及麻平衡，黑魚片份量多，大大一盆～魚無骨啖啖肉，唔腥，整體食落舒服👍🏻。川椒、青胡椒，大量酸菜、豆卜、萵筍、金菇、寬粉，最後加上炸蒜同埋菊花片嘅香味～畫龍點睛！啖湯都好好味😋！ 香辣蠔 $178 蠔嘅份量大概有6至8隻，做法類似麻辣香鍋，蠔已經吸晒所有醬汁，少少辣非常入味，仲有蓮藕、芹菜、辣椒等配菜，鮮香辣濃。 炸饅頭 $58 孔明登船加上白煙出場，🌟麻辣風雲🌟，非常霸氣，牌場十足！新鮮熱辣辣，脆卜卜外皮沾上煉奶，My favorite! 非常推薦! 👍🏻 是日前菜 $9 x 2 香辣花生，香辣中華沙律，等候上菜期間，食吓前菜嘆番杯酒，閑話家常，呢兩款前菜嘅味道亦都調得唔錯，非一般行貨嘢，未食過這種味道。 環境: 環境闊落，古色古香，適合大parties 朋友聚餐，仲有一個經典亭台樓閣位置！唔去打個咭邊度對得起自己？ 總結: 今次又唔小心叫多左😂，佢哋菜式嘅份量好大份，四五個朋友分，絕對冇問題！份量大，大家夾番開其實好抵食！而且餐廳空間好大，好適合一大班人聚餐之餘，冇乜特別點限時，可以好好傾偈，食得特別盡興。 ✨除了辣佢哋都有多款唔辣嘅菜式，以蠔做主題嘅蠔仔粥、酥炸蠔仔餅！（旺角限定）就算唔食得辣嘅朋友都有大把選擇，比較少喺朋友聚會建議食辣嘅餐廳，不妨推薦朋友過嚟呢間質素唔錯又IGable嘅餐廳啦！包你哋嘅朋友大開眼界! 係值得大家經常再光顧嘅餐廳！👍🏻 另外早前曾經光顧午餐，性價比都很高！平日午市價錢$100樓下，超值👍🏻，居高臨下坐得好舒服，無謂在樓下鬧市同人迫！

去完Megabox玩，想找一間適合一家大細聚餐、飲一杯、休閒一下，我通常都會去The Salted Pig 豬門店。因為餐廳大好闊落，開揚玻璃間隔，裝修夠chill，梳化卡座坐得特別舒服 ，餐廳水準穩定，可以慢慢坐。 餐廳充滿大型飛豬壁畫和擺設，餐碟都印有飛豬有趣的風格，類似XXX Tuesday美式餐廳，不過就主打吃豬的不同菜式，選擇多元化，亦有漢堡、海鮮，甜品、Cocktail等供應，也有兒童餐。 餐廳很大，進來的第一印象是乾淨開揚，而職員亦都好年輕非常有活力，經常會幫我們加水👍🏻。 食物: ⭐️⭐️⭐️⭐️ 🥗牛油果香芒大蝦沙律 Grilled Prawn & Avacado 淨係睇到顏色嘅刺激已經覺得口水大增，好多牛油果，芒果同大蝦非常之夾，沙律菜同車厘茄都非常新鮮，甜辣汁有少少辣，但係好開胃！我哋好鍾意！ 🍖脆皮鹹豬手 Crispy Pork Knuckle $318 完全冇令人失望，呢一間嘅鹹豬手做得出色！一定要點! 豬皮唔係「硬脆」係「酥脆」，而肉質唔係太鹹而且係軟滑，食落唔油膩，配菜有紅蘿蔔、薯仔和酸椰菜，好好味再多啲就好！豬手大家share食，幾多都食得晒！ 🥘西班牙海鮮炒飯 Seafood Paella $235 香港難得食到比較接近西班牙口味嘅海鮮炒飯，絕對唔係茄汁炒飯，有番紅花和海鮮嘅香味！有大蝦、藍青口、魷魚、魚肉和白蜆，非常足料！上到枱熱辣辣，面層有焦香，又有黑橄欖片，飯粒紮實唔會腍曬，吸收到海鮮湯汁精華。 🍝蒜辣欖油大蜆意粉 Spaghetti Vongole $172 白蜆煮到剛剛熟，但係估唔到白蜆嘅香味已經入曬意粉，非常入味！蒜味欖油味唔算太出，顯微非常清新，係一道令人舒服嘅意粉！ 🚗兒童餐 - 肉丸意粉 $78 兒童餐已經跟埋飲品和雲呢拿雪糕，有齊沙律、薯條和肉丸意粉，蕃茄醬好香加上手制大大粒肉丸和芝士，熱辣辣薯條，小朋友好鍾意！ 環境: 開揚玻璃間隔，就算多人都唔會太嘈，因為餐廳夠大開揚，舒服可以慢慢坐，真係好重要！就算帶埋BB車入去都仲有大把位，非常鍾意佢哋嘅飛豬壁畫和擺設，有用心設計！ 總結: 菜式多元化，唔只豬肉料理出色，西班牙海鮮炒飯仲非常有驚喜！而平日一至四晚仲會有不同菜式嘅優惠，絕對係一大班人食飯和happy hour嘅開心之選！ 親子Friendly程度:⭐️⭐️⭐️⭐️ ✅有high chair供應，適合幼兒👶🏻 ✅有顏色筆提供比小朋友畫畫

有時我哋都鍾意返大陸食嘢，曾經試過湖南湘菜，有點掛住那種香辣惹味嘅滋味，不過始終湊住兩個小朋友，時間唔係太多，未必成日有時間返大陸，真係寧願喺香港食。















行過佐敦諗住撐吓枱腳，周圍搵嘢食，見到菜館門口魚缸有水魚好吸睛，呢啲係小時候先會喺酒家門口見到，原來裏面係一間湘菜館、仲有烤魚、雞煲選擇好多，有裝修又坐得舒服，唔會迫迫夾夾，而且仲有樓上雅座，水魚我就未有興趣試，不過佢啲佢啲湘菜好似好吸引，一於入去試吓。








侍應”姐姐亦好好人，熱情招待，好有心機同我哋講解推介食物，亦都有問我哋食得幾辣，我哋嘅Level只係食到BB辣😂。



首先我哋揀了兩款涼菜開一開胃先～

涼拌海帶絲 $38
簡單清爽，用醋涼拌，酸味比較重，小小蒜味調味，作為開胃菜一流👍🏻！

涼拌貢菜 $68
侍應”姐姐熱烈推介，清脆爽口，咸鮮酸辣齊備嘅一味涼菜，未食過貢菜嘅朋友要一試！






孜然寸骨 （BB辣） $158
份量非常多，有5大條寸骨，無半點豬嘅臊味，係我食過孜然寸骨裏面做得幾好的一家，外面炸到酥脆，上面鋪滿炸過嘅辣椒，仲有芝麻同孜然粉，非常香口，令人食指大動，肉質炸得啱啱好唔會過老，肉食愛好者必點！真係啖啖肉非常滿足！











小炒黃牛肉（BB辣） $168 - 鹹酸鮮辣
無敵下飯之選，小米辣辣椒、泡椒、蒜沫、香菜一齊爆炒牛肉，炒到剛剛好即刻上碟，又辣又過癮。





毛氏紅燒肉 $168
肉質非常好，肥而不膩，豬皮唔會煮到爛晒，一讚！砂鍋上特別香噴噴噴，下面係佢哋店家醃製嘅醃豆角，睇得出廚師係非常用心經營，好可惜我哋嗌得比較多，食剩好多醃豆角，如果唔係拎返去撈飯真係超級正！👍🏻起碼食三碗🍚!




茶位費（$10/位）

汽水，可樂/雪碧（$15/罐）

食物:⭐️⭐️⭐️⭐️1/2
正宗湖南家常菜，每道菜都香氣十足，似足喺大陸食咁好味，看起來雖很辣，吃下肚好刺激，係非常惹味地道嘅湘菜。
建議大家第一次試湘菜，必點小炒王牛肉、孜然寸骨！讓人吃完也在回味，另外紅燒肉都係超級無敵下飯之選👍🏻！

環境: ⭐️⭐️⭐️⭐️有裝修係坐得舒服嘅，尤其是張凳坐得好舒服，與隔離枱嘅空間亦都好足，而且冇提及時間限制真係好難得，可以坐得舒舒服服唔使食得太趕。樓上有雅座，適合一大班朋友、或者公司食飯請客，豐儉由人，甚至貴價海鮮，例如水魚龍蝦都有。

總結: 有另外收茶錢，有熱茶供應，就算食辣嘢都唔怕啦，食物份量非常足，約多幾位朋友一齊食都好足夠！慢慢食之餘，唔使咁趕坐得舒服。佢哋午市木桶飯套餐都係非常抵食👍🏻，$60-$70就有一個。

聽講喺Airside呢一間比較旺場，晚飯時間都需要排隊，平時比較忙真係比較怕排隊，就趁平日過嚟探下店，平日有午餐客飯供應，價錢仲好親民，唔知而家熱潮過咗夜晚仲使唔使排隊呢…. 餐廳位於Airside 6樓，空中花園嗰一層，所以位置比較隱蔽。 食物⭐️⭐️⭐️ 酸辣湯 + $18 跟餐加錢試吓個酸辣湯，大概飯碗咁大，有木耳、筍絲、豆腐乾、肉絲，食落去唔辣，酸辣鹹度不平均，明顯太酸，唔太啱我飲。 涼拌土豆絲 +$22 食落口舒服，清爽有口感，微微嘅酸味已經帶出爽脆嘅土豆絲，唔會太酸，唔錯。 酸菜魚 （鮮鱸魚） 跟白飯 $62 + $16 酸菜魚味道不過不失，魚肉滑溜，但湯就只有酸菜的味道，少了一份香味，酸度和酸菜份量都OK，魚肉切得比較薄，食到有少少魚鱗，但以午市客飯嚟講份量都足，大概有10多塊小魚片，雲耳和粉條略嫌太少很碎，加返多少少配料口感會更加豐富。 水煮牛肉 跟白飯 $62 要求要微辣亦有作出調整👍🏻，辣湯嘅味道係豆醬味很重，我諗一般香港嘅水煮牛肉都作出了調整減少油份，但就會令到牛肉不夠滑溜，配料大豆芽、紹菜、粉條、金菇，配料都係比較少，不夠過癮。 環境：⭐️⭐️⭐️ 餐廳夠開揚唔侷促，主要係四至六人枱，座位之間都有空間，坐得舒服。 總結：⭐️⭐️⭐️ 菜式選擇多，適合一家嚟食，價錢亦都算大眾化，算係Airside裏面比較平嘅一間，食物質素不過不失，份量都足可以醫好五臟六腑，但要留住味道，令大家再次幫襯，就有很多進步的一間。下次要試吓佢哋嘅片皮鴨，好似幾抵食咁！ 🌟留意：信用卡/支付寶都要滿$300先可以使用，另外餐廳有收茶位錢，焗俾$5一位，不過係可以接受嘅，算平。 👶🏻🤰For 幼兒reference, 沒有high chair, 只有放上去那一款BB座椅，非常容易移位，要BB坐定定就比較困難了。😂

終於去左Kuromi 主題拉麵店朝聖，周不時同卡通人物做 crossover 既富山麵家，今期既主題係 #KUROMI 呀! 店鋪裡裡外外，每個角落，都佈滿粉紫色Kuromi裝飾，真係好正💜，好適合去打卡！少女心爆發😍！尤其是鍾意可羅米同埋紫色迷真係唔好錯過呀！期間限定至到2月29號咋！ 入到去裏面就好似進入咗邪惡的Kuromi世界，牆紙都滿佈紫色嘅Kuromi、掛畫裝飾、餐牌、餐具、門簾甚至職員制服都搵到Kuromi嘅蹤影，仲loop住Kuromi嘅歌曲，真係非常kawaii! 😈 佢哋仲有多款期間限定😈KUROMI主題拉麵🍜🍥、小食🍤、飲品🥤同甜品🍰！食物都非常精緻！ 😈🥛KUROMI特製牛奶拉麵 🍜🍥HKD$98 三款麵份量都幾多架! 用咗KUROMI紫色拉麵碗上枱，我就比較喜歡特製牛奶拉麵，淡淡牛奶湯底味道😋，加埋拉麵好好味，仲有Kuromi個樣嘅鳴門卷😍 ！兩款拉麵裏面有豬軟骨、日式叉燒、溫泉蛋和Kuromi鳴門卷，溫泉蛋好味😋。 😈🍜 KUROMI特製黑醬油拉麵 HKD$98、 而黑醬油拉麵，湯底有醬油味，但係唔會太鹹，加埋竹筍非常入味😋。 😈🍛 KUROMI特制黑咖喱撈麵HKD$118 特制黑咖喱撈麵，超巨型大頭Kuromi造型😍好吸睛呀，我哋都係第一次食黑咖喱撈拉麵，超巨型大頭Kuromi鋪滿滿滿紫菜，下面就係拉麵，加上雜菜、叉燒粒、糖心蛋，然後撈埋黑咖喱&紫菜一齊食，都幾特別，可以食到香濃嘅黑咖喱，大大塊Kuromi塊面嘅鳴門卷，連Kuromi個樣都食得㗎！ 😈KUROMI紫薯蒸包🥯 HKD$28 成個KUROMI頭嘅紫薯蒸包連蒸籠上枱，真係可愛到唔捨得食呀! 滿滿紫薯餡唔會太甜💜 😈 KUROMI章魚燒🦑 HKD$48 KUROMI花花蝶裝住五粒章魚小丸子，上到枱啲木魚絲仲郁緊，醬汁加上明太子沙律醬好香，上面仲有一塊Kuromi造型嘅餅乾做裝飾。 💜特製荔枝啫喱梳打 HKD$38 我覺得全場最靚靚嘅就係兩杯特色Kuromi飲品，兩杯飲品一嚟到真係要嘩一聲呀，粉紅色嘅荔枝啫喱加上梳打水，上面仲有一層忌廉，然後放上可愛嘅粉紅色Kuromi水泡棉花糖，仲有紅色心心點綴，叫返杯打卡影相點影都靚。 💜特製蝶豆花啫喱梳打 HKD$38 紫色嘅蝶豆花啫喱加上梳打水，味道好香，而且唔會太甜，上面一層忌廉，仲有可愛嘅粉紅色Kurumi水泡棉花糖，真係兩杯飲品都想忍唔住叫晒。 😈💜仲可以買埋紀念品返屋企㗎，只要 HKD$356就可以帶埋Kuromi珍藏餐具套裝返屋企啦! 背包在一個Kuromi掛飾公仔，拉麵碗🍜及湯匙，仲有一個環保袋🛍️，Kuromi嘅Fans記得買返一套珍藏喇！ 🌟Remark: 只有walk-in，冇得訂枱，人氣熱店真係盡量避免星期六繁忙時間過嚟，建議平日中午過嚟打卡，唔使排隊！每位最低消費一碗拉麵～ Kuromi themed ramen restaurant in Hong Kong. 食物: 充滿可愛味道💜 環境: ⭐️⭐️⭐️⭐️ 總結: 進入個餐廳就好似進入咗Kuromi嘅世界，好夢幻，周圍都比Kuromi包圍，食物價錢合理，仲有可愛滿分嘅Kuromi打埋卡，👍🏻👍🏻👍🏻👍🏻

天氣微涼，去打返個邊爐就最正，天氣凍真係特別有胃口，今次我哋揀咗一間冇限時，輕輕鬆鬆慢慢食！真係非常好，可以放肆咁滿足一下個肚子。😋😋😋😋 台式養生火鍋店，地點就腳就喺旺角瓊華中心樓上，每次想食得專門啲、專心食高質嘅火鍋配料，唔想變咗食放題咁雜，就會揀呢一間！佢哋專注喺精選台式火鍋湯底和配料上面，我覺得係我食過好食嘅台式養生火鍋！ 環境：⭐️⭐️⭐️⭐️ 地方很大，打邊爐最驚坐得迫，呢間餐廳大部份都係寬敞卡位，枱面有好多空間可以放食物，光猛闊落，入到嚟唔會覺得好侷促，通風唔錯！而且枱面唔會油淋淋，感覺清潔衛生。除咗飲品和醬料係自助之外，全部採用QR自助落單，上菜速度很快。 食物🥩🍗🥬：⭐️⭐️⭐️⭐️ 我們揀了 【台灣養生涮涮鍋吃到飽套餐】 7:30pm前離座 🥩Prime Grade安格斯牛頸脊 🥩Prime grade 美國安格斯牛肉 🥩西班牙伊比利亞黑毛豬 🥩西班牙無激素豬肉片 兩款牛肉顏色鮮嫩，脂肪分布均勻，牛頸脊油花相對較少，肉味突出，而安格斯牛肉油花比較多，厚身食入口即化！兩款牛肉質素都非常好，唔會一碌就散晒消失咗！另外黑毛豬肉片嘅質素都唔錯！肉質嫩滑，冇臊味！ 配料🍗🍡🥬: 一般打邊爐嘅配料，你數得出嘅都有! 蔬菜類有20多款，海鮮方面有海蝦、白鱔片任食！推介！👍🏻 花膠片都係任食！👍🏻 而比較特別嘅配料有: 滷水豬耳、豬大腸、雞腎 各式台灣丸類，台灣瀨尿麻辣滷肉丸、三星蔥熔岩漿貢丸、米血糕、台灣鴨血 個人必點推介！手工黑松露墨魚丸！👍🏻黑松露味道很出，墨魚丸超級彈牙，手工製造非常新鮮！幾款手打丸質素都好高，細細粒很貼心，可以食多幾粒！ 仲有送咗每枱一碟，我好鍾意嘅即炸台式地瓜條，外脆內軟，仲有4款不同口味嘅調味粉俾你shake share地瓜條！最鍾意話梅口味，好夾好開胃！👍🏻 🍲湯底 有19款自家秘製湯底可以選擇，真係超級多！😍 我哋揀咗鴛鴦鍋，養生花膠雞和麻辣牛肉鍋 湯底可以直接飲用、雞湯味道很香甜，趁雞肉嫩滑可以食咗先，花膠煲多陣淋咗食就最好味，麻辣牛肉鍋裏面已經有炆好嘅牛肋條，炆得好入味可以即時食咗先，辣度都好足夠，越食越辣好過癮！另外加湯嘅湯底亦都唔係Hea做㗎，杞子上湯，加咗湯都仍然咁香甜養生。 飲品🥤🍺🧃: 話明養生涮涮鍋，果然特別貼心！冷熱飲品都有配備俾大家選擇，熱嘅飲品方面有薑母茶、無糖烏龍茶和解茶，暖心嘅有維他奶！凍嘅飲品有汽水、多款口味嘅低糖手工冷泡茶，例如愛民芒果茉莉花茶、黑糖冬瓜檸檬茶等，健康養生解膩。 甜品🍨🍦: 每人送一款甜品，選擇非常多，有Häagen-Dazs、Dreyer’s、Movenpick、Kitkat多款口味雪糕及雪糕批！ 總結：⭐️⭐️⭐️⭐️ 專注喺自家秘製火鍋湯底和配料，選擇夠多，肉類、台式食材質素高，無限時任食，係一間真正高質嘅任食台式火鍋！抽風很好，坐得舒服，職員亦服務有禮！保持到水準，非常滿意！👍🏻下次做節真係考慮下，全家人過嚟再食過！

比我無意間發現到呢間日本野，性價比好高，我同小朋友嘅飯堂又可以加多一間喇！真係冇諗過喺黃大仙屋村商場裏面，竟然有間食物唔錯、打卡又一流嘅日本餐廳。我自己鍾意食刺身、壽司，而小朋友鍾意食烏冬，Menu見到超級多款式，價錢亦都親民，一於入去試下先！ 聽講呢間餐廳係剛剛重新裝修再營業，我地幫襯當日係平日下午，已坐滿大半，相信呢間餐廳都有唔少捧場客。店內環境簡潔乾淨，如一般列車號，大部份位置係個人吧枱位，亦都預留咗多張寬闊卡座。 餐廳主題是忍者，路軌上方LED不停播放的忍者圖案公仔跳來跳去好可愛。呢度係用QR code自助落單，然後食物會由列車經路軌送到，送到嘅時候小車廂會慢慢打開，就好似列車埋站咁，等你拎食物出嚟，小朋友見到列車將食物送到覺得好好玩，小小列車迷就更加唔好錯過。 食物: 中午有午餐定食嘅選擇，有好多款揀添！例如壽喜牛肉鍋、刺身定食，我哋點咗兩份午餐同埋散叫咗一份沙律，午餐定食仲可以追加指定小食、壽司、甜品。 🥗牛油果三文魚沙律（胡麻汁）$38 有沙律菜、青瓜、車厘茄、粟米、仲有滿滿牛油果和大粒三文魚，吃得出食材新鮮，即叫即做，沙律很清新開胃，而三文魚真係大大粒，一啲都唔吝嗇。 壽司定食B 附木魚湯烏冬 $98 店內使用越光米，真材實料，性價比高！9件壽司真係好豐富呀，唔係放題質素咁細件，魚生都有一般厚度，有芝士吉列炸蝦卷4件、甜蝦、帆立貝、海鰻、三文魚玉子各一。炸蝦卷加上燒過芝士、沙律醬、脆脆飛魚子香口又開胃😋，食一件真係唔夠喉好彩有四件！玉子、甜蝦夠香甜，三文魚、帆立貝，清甜唔腥都幾厚肉、海鰻長長一條有肉汁唔乾。 再加埋煙靭嘅讚岐烏冬，唔係Hea煮㗎，有粟米&鳴門卷，食埋真係超級大滿足！ 三文魚子花之戀壽司 $35 三文魚新鮮厚切，加埋三文魚籽沙律醬，好肥美好味道😋 蒲燒鰻魚、香辣豬頸肉定食 $98 跟餐有日式蒸蛋、胡麻醬豆腐做前菜，真係好豐富呀😍，兩款我哋都好鍾意食！ 而鰻魚吸晒醬汁，豬頸肉燒得香脆，加埋下面嘅蛋絲，送飯一流！呢個定食又係會食到好滿足！ 草莓番石榴乳酸梳打 $12 （午市套餐轉特飲） 草莓酸酸甜甜，下面有少少果肉碎，加埋乳酸梳打水，唔會太甜，好不錯！ 斑蘭椰乳紅豆 $12 （午市套餐轉特飲） 呢一款椰香味非常突出，淡淡滲出斑蘭香味，最特別原來係「爆漿紅豆」，咬開脆脆嘅外皮一口爆開紅豆沙，未試過嘅朋友一定要試下！ 綠茶奶凍 $18 （午市套餐加錢$追加） 抹茶味非常香濃，再加埋滑嫩嫩嘅奶凍，仲有「爆漿紅豆」，口味非常夾，值得一試！ 環境: 餐廳主題是忍者，裝修風格好有居酒屋嘅味道，枱嘅位置空間夠大，就算叫多款食物都有足夠位置安放，座椅特別寬闊，和隔離的人保持足夠空間，中間亦有間隔，有私人空間。 綠茶喺枱上面自助斟，餐具就放在枱下面的抽屜非常方便，枱夠高，不會頂到膝蓋。 亦有細心考量小孩高度不夠，會提供軟墊可以墊高坐，但不肯定有沒有嬰兒High Chair。 總結: ⭐️⭐️⭐️⭐️ 環境舒適有個人風格，可以安心靜靜享受美食， 雖自助落單，但店員細心，服務不錯。食物賣相很不錯，又有列車打卡，而食物新鮮味道不錯，性價比都很高，價錢亦都唔貴。有個人位置及寬闊卡座，所以無論你係一人之境或者一家大細，呢度都照顧得到，值得返兜！

一直都on my list，想去試的過江龍泰菜，今次終於一嚐，星期六一個舒服的下午，過開來海港城打卡影相行街街，帶著小朋友一定要揀一間坐得舒服的！呢間絕對符合我們的需要！裝修好靚，坐喺窗邊位置可以望住個海，真係好舒服。行到入去見到餐廳真係幾大，每一part有不同嘅主題裝修，坐喺窗邊或特色藤椅位置，影相都一流！不過要坐喺窗邊位置就記得要預約喇！Top東北小食拼盤 $168
食得辣嘅一定要挑戰一下！可以一次過試道幾款泰北小食。豬肉碎炒得惹味，配上兩款生菜包住食，刺激又清新。東北豬肉丸大大粒，咬入去充滿香料和辛辣的鹹香，非常刺激，味蕾爆炸，仲有泰式香腸油香十足！ 配埋杯凍啤酒就非常一流！菠蘿肉鬆海鮮炒飯 $158
見到炒飯上面嗰隻香脆虎蝦炸到脆卜卜，仲要啖啖肉，已經流晒口水，加上時令嘅新鮮菠蘿，黃色嘅炒飯加上蝦仁、青口、雞肉、提子乾和菠蘿，上面鋪滿惹味肉鬆，飯粒分明又淡淡滲出香甜菠蘿香氣。泰式炒金邊粉 $148 non-spicy
金黃色嘅蛋網，吸睛得來又引起食慾，有四隻爽脆中蝦，金邊粉吸晒酸酸甜甜嘅醬汁，加上蝦乾仔嘅鹹香非常惹味，再配上豆乾、爽口芽菜，又係另外一個層次嘅口感，仲可以按喜好加入花生、砂糖和青檸汁去調味。泰式奶茶 $45
茶味加上花奶和冰塊，非常平衡，香滑。

草莓乳酪特飲 +$38
酸味味草莓加上香濃乳酪加埋冰，非常清新，消暑解渴一流！小朋友仲非常鍾意❤️！


Nara Thai手工蛋糕配雪糕 $136
手工朱古力蛋糕
超級香濃Double chocolate蛋糕，上面灑上滿滿可可粉，層次豐富，苦味再加上甜味，配上一球冰凍雪糕增加清新感，愛朱古力人士大愛，不過小朋友就略嫌有點苦。 蝦片 -
厚身蝦片香脆有海鮮鹹香，充滿胡椒味道，辣味非常刺激


👶🏻比返個資訊俾幼兒家長，餐廳有提供BB High Chair，所以帶埋小朋友過嚟High Tea食個下午茶都好適合。
環境：枱與抬之間，有充分的私人空間，餐廳很大，坐得非常舒適，位處海港城，裝修精緻，適合一家人或大班朋友聚餐總結：⭐️⭐️⭐️⭐️
食物味道不錯，選擇亦花多眼亂，有辣同唔辣選擇，有泰菜西式嘅選擇，雖是新派泰菜，味道有一定水準，海景，味道和環境都精緻，令人滿意！呢間餐廳係值得再幫襯！

真係冇諗到旺角鬧市樓上有一個咁有風格咁chill嘅地方! 地方雖然唔係好大，但係160個粉紅月球波波燈真係幾靚。 我哋坐喺花園沙化位置，出邊一樣有冷氣涼，而且空間更大坐得更舒服，我哋揀咗兩個主食、一個小食、同埋兩款Zodiac Cocktail，傾咗好耐偈，好好咁過左一個下午。 食物🥙🍕： 🍛J.Moon All Day Breakfast $118 (Tea menu) 英式全日早餐有水準，整個配搭都好好，滑蛋香滑Creamy，煙三文魚配兩片烤好嘅酸種麵包多士，雖然無配上茄汁豆，但配上炒雜菇更美味😋，仲有香腸和香脆的炸薯餅，食到大滿足，share食真係啱啱好！ 🍝Pepperoni Spaghetti with Tomato Sauce $118 (Tea menu) 清新嘅蕃茄汁配咸香嘅pepperoni香腸片好夾，意粉煮得啱啱好，好掛汁，非常合格 🍘Fried Thai Shrimp Cake with Sweet Chili Sauce $72 (Snacks for sharing) 泰式魚餅炸得好香口，好彈牙，嗌個小食送酒就最啱 Drinks🍹🥂🍺： 12星座為主題的Zodiac Cocktail，每杯Cocktail都有自己的意思 🌒 Aquarius $108 Base係冧酒、蘋果汁、檸檬汁同埋乳酪，這是一款超易入口&清新嘅Cocktail，酸酸甜甜，而且加埋鮮花嘅裝飾，女仔叫呢款會好適合! 🌒 Taurus $98 Base係Tequila、芒果&芒果糖漿，杯外面圍滿糖和辣椒粉，入口第一啖會充滿熱情，之後香甜溫暖，充滿果香，好飲嘅一杯Cocktail 環境：旺角鬧市樓上，舖頭唔大但vibe 很好，而且cocktails 和食物質素唔錯！ 總結：夜晚想飲杯嘢Chill一Chill，記得提前預約，平日晚市都好滿座要排隊，& 預時間排隊

忙裏偷閑約吓BFF出嚟輕鬆吓，朋友係要見㗎嘛，無意中搵到一間響鬧市裏面少有的餐廳，坐得舒服之餘，仲可以嘆杯咖啡，慢慢傾消磨一個下午，又唔怕俾人趕，喺旺角嚟講真係好難得。 行過朗豪坊隔離街口，就係上海618，上海街618係由唐樓重建，保留返唐樓外觀石柱，活化成為一個有唔少餐廳和精品小檔攤的商場，響3樓就搵到Lucky Ristorante。 餐廳環境好大，好適合公司聚餐，大型朋友聚會，而且仲有部份位置係露天嘅，好適合坐喺出邊曬吓太陽飲杯咖啡、食個brunch。兩邊窗戶自然光照入餐廳，餐廳天花位和兩邊用了一束束乾花嚟裝飾，再加上黑色和Royal Blue的主調顏色，覺得好舒服，很有異國感覺，又帶點浪漫，夜晚情侶過嚟都唔錯！ 佢哋主打Pizza，又師傅即叫即製，當然要試試啦！我哋叫咗一個午餐、一個Pizza包一杯茶或咖啡或是日餐湯，點其他飲品需要補差價，午餐方面仲有定食、All Day Breakfast等選擇。 午餐Set 是日餐湯 -> 羅宋湯 食得到配料椰菜、紅蘿蔔、牛肉、薯仔，煲到入晒味，好濃好酸夠開胃 是日沙律 新鮮蔬菜加上車厘茄、粟米粒，酸味味胡麻醬，可以開胃 三重芝士煙腩肉焗煙斗粉 $92 極Rich & Creamy醬汁，煙斗粉形狀可以吸滿醬汁！好味！😋呢個有驚喜！ 煙三文魚薄餅 $118 佢哋嘅Pizza係薄批，賣相好吸引，每一塊Pizza都有煙三文魚，加上滿滿火箭菜，千島醬汁真係好refresh！新鮮熱辣焗出嚟，食完一塊再想即刻食第二塊！ Mocha (熱) $20 粉紅色茶杯+ 靚靚拉花，朱古力咖啡平衡,啱晒女仔打咭！ 蜜桃烏龍(熱) $15 蜜桃烏龍用茶壺上，就算唔加糖飲都舒服！適合唔飲咖啡的朋友 以上另收加一服務費 總結：環境加分，地點就腳，左右兩邊自然光，加淡淡異國風情，座位寬闊坐得舒服！就算坐滿人空間感都好足夠，唔會嘈到聽唔到朋友講嘢，食物質素合理，pizza高質好味！ 諗唔到去邊、食啲乜，建議上嚟呢度嘆杯咖啡，下次可以約埋一大班朋友，一齊食飯打咭影相都好靚！