小漁港海鮮舫 鮮蒸‧鮮味火鍋

營業中

休息中

呢度每個蒸爐都有計時器，一開就即刻有蒸汽出，而呢到係會逐層逐層蒸，咁就唔怕海鮮蒸得太老啦！不過，員工就忙咗好多，難得佢地嘅服務態度仲要好好添！除咗鮮甜，我真係無其他形容詞！絕對認同「海鮮都係蒸的好」，強烈建議，連豉油都唔好落，咁先食到嗰鮮甜味！元貝用蒜蓉粉絲蒸，完全吸收哂元貝嘅精華，好惹味呀。大連鮑就好有咬口，好彈牙！而蒜蓉花竹蝦就夠晒新鮮，蒜蓉味好match呀！隻蟹好多好好多膏呀！好鮮甜，停唔到口呀！店主仲提醒我哋要快啲食，如果唔係膏就會變硬喇！糯米飯都唔遜色，吸晒深海龍躠嘅精華！最後，食番個菜先！菜心吸收了梅菜嘅甜，原來蒸菜係咁好味㗎！