小漁港海鮮舫 鮮蒸‧鮮味火鍋

營業中

休息中

坐低之後我哋叫咗$318 廚師智選套餐🍽️套餐包括：✨刺身拼盤✨時令海鮮✨1️⃣款主食蟲草花蒸雞+時蔬對於有選擇困難症嘅我哋嚟嘅，呢個套餐就啱晒啦💓💓刺身拼盤🐟有5️⃣款，有超肥美嘅三文魚、油甘魚、帆立貝、希靈魚同埋北寄貝，每一款都好新鮮肥美💓8款時令海鮮🦀未開始蒸海鮮之前，店員會先放入排骨、小元貝同蟹蓋做粥底🍲之後就開始蒸海鮮❣️鮑魚、蝦🦐馬友魚片、金蒜粉絲扇貝、蠔🦪花螺、蜆同埋爆曬膏嘅蟹🦀店員會根據唔同海鮮需要嘅時間去分批蒸，一蒸好就會即刻幫你打開個蓋，時間真係掌握得啱啱好✨每一款嘅海鮮都食得出好新鮮，完全唔需要另外加醬料已經好好食😋主食蟲草花蒸雞+ 時蔬🐤蟲草花蒸雞同唔同嘅蔬菜一齊蒸，全部蔬菜同烏冬都吸晒蒸雞嘅精華🥰真係好好食✨壓軸嘅就梗係吸收晒全部精華嘅粥底啦！成個粥已經變咗金黃色，充滿着海鮮嘅鮮味，完全唔使調味，仲要煲到好綿😋為呢一餐畫上一個完美嘅句號💓

避風塘鮮魷$68。個炸粉唔會好厚。正常發揮。是日廚師精選套餐$318/1位 。 刺身拼盤。因為佢冇曬海蝦所以比琵琶蝦。鮑魚、扇貝、🐟魚。個魚有碎骨 。 但好滑。蒸左五分鐘。蜆、🐚東風螺、蠔🦪 。蒸左4分鐘。個蜆D蜆水流出黎好鮮甜。蟹🦀蒸左12分鐘。D 膏又多又香。🥒翠玉瓜、芋頭、🌽粟米、南瓜、🐥雞、烏冬。係脂肪既味道🤭🤭。個烏冬撈埋 D 雞油 。 Wow 我的天呀。如果佢個烏冬係讚岐烏冬或更有彈性既會更好。其實上面一路蒸嘢留咗啲海鮮汁落個粥度都好難唔好食 。 間野個裝修。佢d餐牌

$398抵到爛嘅海鮮套餐可以喺邊度搵？每日新鮮嘅食材送到小漁港 每日嘅精選都有所不同 保證大家大飽口福😋😋首先為大家呈獻嘅係刺身拼盤 總共有五款分別係希靈魚 北寄貝 三文魚 吞拿魚同埋帶子 每樣都有2-3塊 感覺好新鮮另外仲有多款海鮮 呢度嘅海鮮全部都好新鮮唔需要點出邊嘅調味料都已經好夠味首先蜆同花甲都好大隻 貝殼類全部都超級新鮮啖啖肉 而且完全冇晒沙 蒸完之後肉就完全脫離咗外殼 今日成個餐仲有我最鍾意食嘅東風螺 超正丫喂😍😍😍之後再食蝦同肉蟹 蟹大概蒸12分鐘 即刻變咗橙色 外殼相當堅固 用鉗一夾 啲肉汁爆曬出嚟 就連啲膏一樣都係咁出色 吃得津津有味 隻蟹鉗大過我塊面呀最後仲飲埋意大利有汽橙汁 每啖都有埋果肉 仲有好多氣 樽裝靠晒 爽YY 飲完汽水仲有甜品 就係紅豆糕 感覺煙煙韌韌 紅豆好清香 幸福大概就是這種味道

粥底火鍋好多年前食過一次好好味， 最近聽朋友講呢間小漁港晚晚爆滿，座無虛席🤔 去到門口八點鐘已經排滿曬人龍😆 果然唔係浪得虛名✅ 一坐低已經有碟刺身，有三文魚、油甘魚、北寄貝、希靈魚、帶子，全部刺身厚切，帶子大大粒，好鮮味🤤 餐前小食點咗椒鹽豆腐！非常惹味👍 蒸海鮮之前，店員先將🦀 蟹蓋、排骨同米放落去鍋底準備熬粥，之後再輪流蒸唔同嘅海鮮🤤 九款蒸海鮮馬友魚、 扇貝、 鮑魚、蝦、肉蟹、大蜆、花甲、蠔....... 全部海鮮都好鮮甜，完全唔使點任何醬料，但如果愛重口味仍可去自取區攞調味料🤗 食完海鮮到時蔬拼蟲草花蒸雞烏冬，D烏冬吸收晒雞嘅精華，雞件嫩滑，烏冬煙靭🫶🫶 最後一定要食埋個粥，吸收哂全部海鮮嘅精華，鮮味十足🤗🤗 人頭300蚊左右有8款海鮮， 又刺身， 又海鮮粥，全程仲有專人幫你蒸埋🤗 逢星期一至四仲免加一🤑 又好味又著數唔多人至奇啦😋😋

入冬隨俗，十二月就算唔凍都喺有打邊爐食蒸鍋嘅必要！今日被命運選中嘅孩子喺位於太子，喺食飯APPS有500幾個好評同2萬幾人收藏嘅海鮮蒸鍋《小漁港海鮮舫》！ 《小漁港》夜晚主打三款同樣刺身行先，海鮮緊隨其後，碳水收尾嘅海鮮餐：🦀 $318/位嘅蝦蟹餐🦞 $398/位嘅龍蝦尿蝦2人餐🦀 $498/位嘅長腳蟹6人餐 今日星期一，8點鐘嚟到，唔使等位，8~9成入坐率，無諗過平日都甘旺場！我哋2個人，唔使諗，龍蝦尿蝦2人餐啱哂：〰️〰️〰️〰️🍽 象拔蚌刺身併盤▪️ 琵琶蝦 🈵️：煮熟凍上，比想像中厚肉，充滿彈性，凍食都有突出嘅鮮味甜味，唔錯啵！▪️ 5️⃣ 款刺身 🉑️：三文魚、油甘魚、帶子、北寄貝 同 白玉貝。解凍處理做得唔錯，喺正常發揮嘅味道。🗣 精靈嘅你喺咪搵緊象拔蚌？！你無眼花啊！一片都無啊！MENU大大隻字寫住象拔蚌刺身併盤嫁！嚟到姐姐話無哂會用琵琶蝦代替。。。。。我除咗“哦“，無其他野想發表。😡 🍽 龍蝦，瀨尿蝦 🈵️▪️ 唔理龍蝦定瀨尿蝦，只要好食就喺好蝦！🗣 龍蝦啖啖肉，質地緊致喺有回饋力嘅爽彈，鮮殺無誤！與其拎個蝦頭去煮粥，倒不如留返啲膏沾肉一齊食，保證喺鮮上鮮衝擊味蕾嘅味道！🗣 瀨尿蝦上枱仲郁緊，

天氣咁凍想食啲食完全身暖笠笠嘅嘢☺️但又唔想食火鍋燒烤咁heavy？！腦海即刻聯想到蒸海鮮🦐🐚🦀事不宜遲即刻book位！！. 嚟到坐低已經全場滿座！好慶幸訂咗位至嚟！我哋揀咗✨是日廚師智選套餐 每位都係$318 (免茶芥❗免加一❗免小食❗) 會由廚師挑選是日最新鮮嘅時令海鮮＆食材👨🏻‍🍳CP值極高👏🏻👏🏻襯海鮮蒸緊時我哋點咗個✨避風塘鮮魷 $68 食住先！熱辣炸起卜卜脆好香口👍🏻邊食邊飲🥥椰青水＆意大利血橙果汁🍊跟住就準備品嚐蒸海鮮啦(貼心店員會逐樣安排蒸煮🥰🥰服務非常好) . ✨刺身拼盤有五款當造刺身！包括三文魚, 帶子, 北寄貝, 希靈魚, 油甘魚😍😍片片新鮮肥美又厚切👍🏻. ✨八款時令海鮮店員會根據不同海鮮種類分批蒸🤗是日有✨馬友魚片, ✨大海蝦, ✨鮑魚,✨蟹, ✨金蒜粉絲元貝, ✨馬刀貝, ✨大沙白, ✨花螺！！通通都鮮味得令人驚艷‼️‼️尤其嫩滑到一個點嘅🐟馬友魚片、滿滿鮮味蟹膏蟹肉嘅蟹蟹🦀、爽口彈牙嘅馬刀貝😍😍單單係蒸海鮮呢一個環節已感值回票價！. ✨四款時蔬 ＋✨一款主食擺盤好豐富嘅🐔蟲草花雞件烏冬 旁邊仲伴有🌽粟米, 🎃南瓜片, 芋頭片, 蝦乾釀勝瓜, 🥔小甜薯！蔬菜同烏冬

小漁港海鮮舫 鮮蒸‧鮮味火鍋 Seafood Port Restaurant 📍太子荔枝角道127-133號地舖星期四晚，媽咪帶咗我妹去澳門，得返我同老爸食自己。既然機會難得，無理由食外賣咁頹嘅，於是我就帶咗老豆食海鮮大餐，實行有大食大，等佢哋隔住個海羡慕下！我會知道太子有呢間叫小漁港嘅餐廳，全因為我嘅識食好友介紹，佢食過之後讚口不絕，話性價比高，海鮮又新鮮，叫我bookmark定搵次去食。呢晚臨時臨急要搵餐廳，我就醒起可以帶老爸嚟呢度食，一嚟清蒸健康啲，二嚟又可以坐得耐，唔洗趕頭趕命食。呢間餐廳嘅店員姐姐們都非常好服務，即使座無虛席，忙到甩轆，佢哋依然好有禮貌咁介紹食材、又會不時check下個爐，主動招呼食客，服務一流！ 💰$68避風塘鮮魷 🦑主打海鮮嘅小漁港，除咗蒸氣火鍋外，最受歡迎嘅小菜必定要數到呢道避風塘仙遊。佢嘅炸粉唔會好厚，魷魚炸得剛剛好，爽脆唔韌，我自己最鍾意食魷魚鬚嘅位置。雖然睇落好多辣椒，但其實個椒鹽唔會好辣，反而好重蒜香味，係等海鮮蒸熟期間，可以邊食呢度人氣小菜，邊嘆住玻璃樽裝嘅飲料，唔使呆等。 💰$318/位是日廚師智選套餐 👨🏻‍🍳我哋揀咗呢一個比較優惠嘅套餐，

二訪性價比高海鮮店🦞🦐想食蒸海鮮😋第一時間就會諗起小漁港😆上次同朋友食完真係念念不忘🤭今次帶爸爸嚟食😛真係有服務有質素💯我哋叫左$318 厨師智選套餐🍴真係食到捧住個肚走😋🔼刺身拼盤🍱小食🍗🔼8款時令海鮮🔼蟲草花蒸雞+時蔬🔼瑶柱豬骨粥🔼甜品及飲品😋天婦羅蕃薯仔第一次食天婦羅蕃薯仔🍠外皮脆卜卜😌咬開又甜又軟冧🥰😋刺身拼盤🍱有三文魚，北寄貝，油甘魚，希靈魚，象拔蚌，好新鮮👍🏻😋蒸海鮮第一轉▶️扇貝/鮑魚/馬友/海蝦馬友好滑好嫩💕鮮味十足👏🏻鮑魚蒸完直接食就得🥹完全唔洗點調味😉扇貝上面鋪滿蒜蓉粉絲😙好入味☺️海蝦啖啖肉😋好新甜🤭第二轉▶️蟹超大隻肉蟹🦀職員會幫手將個蟹蓋放落粥底🍲成隻蟹肥美又新鮮🤭連手手腳腳都有爆滿嘅肉🤫我哋食到舔舔脷👅第三轉▶️花甲/生蠔/蟶子王好乾淨嘅幾款🫶🏻蒸完完全唔會有沙😆生蠔脹卜卜☺️啖啖都好鮮甜🥰😋蟲草花蒸雞烏冬好大盤😌有勝瓜，南瓜，粟米，芋頭，蟲草花同大量雞件一齊蒸♨️啲烏冬索曬味😜真係好滿足🤗😋瑤柱豬骨粥嚟到呢度我哋已經好飽🤣但望住啲粥又好吸引🥹豬骨粥由一開始已經褒緊😄經過幾份海鮮蒸煮後😉金黃色嘅粥出現係你面前💕忍唔住食多碗🤭啖啖都係精華🥹😋黑糖紅豆蓉菓子黑糖糯米皮好正😌

我平日食仲冇限時蒸海鮮嘅步伐，你自己決定，唔使跟成場嘅節奏終於食海鮮唔使趕頭趕命咁（因為我剝殼超慢）我地試左398, 因為有朋友想要象拔蚌刺身老實講平時一碟都唔只398, 依家蒸埋海鮮就預左刺身質素唔會太好事實都係入得口對得住價錢既程度而龍蝦好鮮甜，肉質爽彈其他海鮮普遍都唔錯，係聖子當日差左d最後有蟲草花蒸雞同烏冬，個烏冬吸晒d 雞油味超．級．正反而吸收左成晚海鮮既粥底冇想像中咁鮮甜服務都好好，收拾得好勤快，態度好，我地有蛋糕，都好貼心幫我地安排不過嗰度都有啲迫，同埋好多都一大圍人去食，環境都幾嘈下，有時真係要用盡力講對面先聽到😂

無限回訪「小漁港」，一諗起要食海鮮蒸鍋不用考慮，一定會再去小漁港，之前食過多次沒有一次會令你失望，套餐實在非常抵食，只需 $ 318已經有齊六款刺身、自選小食、八款超級新鮮嘅海鮮、四款蔬菜、鮮雞蒸烏冬和吸盡海鮮精華嘅排骨粥👍🏻今日是平日晚上黎到，依舊全場爆滿🤣🌟是日廚師智選套餐 $ 318▪️刺身拼盤刺身新鮮鮮美，先打開味蕾琵琶蝦、油甘魚、三文魚北寄背、希靈魚、白貝▪️椒鹽鮮魷鮮魷外層炸得脆脆，件件厚肉，肉質爽口彈牙，用紅辣椒，炸蒜，香蔥爆炒過之後，微微辣，超級惹味▪️八款時令海鮮每次都有唔同嘅海鮮，包你有驚喜，鮑魚、粉絲蒸扇貝、大蝦、馬友魚、蟶子皇、花螺、沙白、大膏蟹，店員都會為你效勞，蒸海鮮及計時間，全部新鮮又美味👍🏻▪️四款蔬菜蔬菜清蒸後完全能保留原味，粟米、小紫薯、芋頭、南瓜、絲瓜，味道天然好食▪️滑雞蒸烏冬主食係蟲草蒸雞加烏冬，雞調味剛剛好，肉質鮮嫩，加上蟲草帶點藥膳味道，最鍾意，烏冬吸晒啲雞汁，好好味▪️精華瑤柱排骨蟹粥全晚嘅精華所在，一開始蒸海鮮已經喺度煲緊粥，所有嘅食物精華都流左喺呢煲粥裏面，期間姐姐又不停為我哋攪拌防止窿底，叮囑我哋幾飽都一定要食，粥底非常綿，充滿海鮮嘅精華味道，

$398 兩位起嘅套餐象拔蚌刺身拼盤貝殼三寶元貝一隻鮑魚一隻龍蝦半隻尿蝦一隻海蝦一隻海魚一件農家四寶蟲草花蒸雞烏冬底甜品係類似黑糖麻薯自己唔係好食刺身所以轉咗牛肉整體感覺非常健康食材用料好新鮮最突出當然係最後食個鍋海鮮粥底吸收晒海鮮同牛肉嘅精華另外仲可以揀一個小食揀咗避風塘豬手飲品飲咗椰青水同銀菊露前菜有喬頭同埋炸豌豆粥底原本有啲小元貝 豬骨等材料所以底味都好夠 好鮮甜呢間餐廳都幾爆場建議早啲去book位

緣份!呢日經過呢間餐廳魚缸，同隻龍蝦四目相投，眼都唔眨，"猩猩"相識， 就入去食嘢。本來其係想食龍蝦，但見個蒸海鮮套餐真係好抵，就轉左軚。 🍖 套餐先由刺身開始，三種魚兩種貝，非常新鮮，肥大肉厚，如果話係出自於日本料理餐廳也不為過。 🍖椒鹽鮮魷，事實上好多坊間嘅鮮魷，老實講同個鮮字真係搭唔上嘴。呢碟鮮魷既彈牙，肯定唔喺嗰啲急凍貨可以相比。兩樣前菜都唔係主打既蒸海鮮，但都足以令人喜出望外，更加期待主餐。 🍖正餐嘅海鮮種類相當之多，同其他蒸海鮮嘅店舖一樣，有專人幫你較時間制，客人只需要坐喺度傾計，到時到候飯來張口就可以啦。但呢度比店鋪其優勝之處就係，一早幫你將啲餸菜排列得非常整齊，換句話講，非常igable. 仲有，你喺材料未熟之前影個張相已經覺得好靚。熟左個一張，原來更加colorful。好有心思嘅安排。 🍖當然講到底，食物嘅質素先至係最重要。魚既嫩滑，蝦蟹肉嘅結實，三種貝類既清甜證明左哩點。亦都因為咁，最後個粥底甜到冇朋友。哩度再補充2點，蔬菜整到好林，平時用黎形容和牛嘅形容詞入口即溶，竟然大派用場。另外，雞要同烏冬一齊蒸，烏冬吸收曬雞油嘅香味，真係好正。而且因為用左荷葉隔住，雞油一滴

又到咗火鍋季節，每年入冬必到呢間高質蒸氣海鮮火鍋嚐鮮，店家多年一直選用高質靚海鮮，而且仲有專人蒸煮海鮮服務，真係食足咁多年😌.🌟脆皮豆腐（$38）豆腐切成一粒粒，並炸到金黃色，外脆內軟又鹹鹹地，香口又惹味😌🌟是日廚師智選套餐（$318/位）.💥刺身拼盤：油甘魚入口鮮美；三文魚甘香又好食，另馬刀貝及北寄貝等都唔錯😌💥八款時令海鮮：🔹扇貝、海蝦、馬友魚、鮑魚仔馬友魚油分多又啖啖肉，海蝦及鮑魚仔夠晒彈牙，扇貝與蒜蓉粉絲又好match😌🔹蟶子皇蟶子清潔得十分乾淨，清蒸後鮮味十足，清甜又彈牙😋🔹沙白、花螺兩款貝類都無沙，清蒸時間又控制得剛好，全部都係啱啱熟，最讚係沙白，脹卜卜又Juicy👍🏻🔹肉蟹最後係每人一隻肉蟹，蟹蓋已一早放入粥底熬煮，清蒸肉身則啖啖肉又鮮甜，食得出絕對唔係死蟹👍🏻💥四款時疏及主食：蟲草花蒸雞烏冬絕對係必食，烏冬入口煙靭軟糯，充滿蟲草花及鮮雞精華，真係百吃不厭，另四款時疏分別有粟米、甜薯、南瓜及絲瓜，味道清甜。💥海鮮粥粥底充滿蟹香及海鮮精華，賣相呈金黃色好吸引，無論幾飽都一定要留肚食，食唔哂亦可以打包😌💥甜品豆沙糯米糍味道唔會好甜，口感煙靭😌

上次食過一次決定再帶另一位愛食海鮮嘅朋友嚟呢到試試😋今次依然簡咗是日廚師智選套餐，同樣係$318一位，無加到價，仲要星期一至四食係免加一、免茶芥，一共包左4類食物，超豐富，食完超滿足超飽！🌟雞泡魚乾套餐附送呢款小食，超級好食！本身已經好鍾意食雞泡魚乾，作為小食一流，好好咬，好開胃，正！🌟刺身拼盤有三文魚、北寄貝、馬刀貝、油甘魚及象拔蚌，共五款，件件厚切又新鮮！最愛食三文魚及北寄貝，好新鮮，又爽口！🌟時令海鮮有馬友、蝦、扇貝粉絲、鮑魚、蟹、螺、蜆呢幾款海鮮！當中最愛係馬友，因為本身唔太鍾意食魚，但呢一款魚，魚肉肉質超鮮嫩，一啲腥味都冇，仲帶點鮮甜味道，好好食😋！其次，粉絲蒸扇貝同樣好食，粉絲及扇貝都好入味，食得出好新鮮，正！鮑魚肉質亦好彈牙，好食，而蜆肉冇沙又鮮甜，食完一粒又一粒！蟹肉就好多蟹膏，肉質超鮮甜，好食！🌟4款時蔬有南瓜、勝瓜、粟米，芋頭等，再配上蟲草、鮮雞及鳥冬一齊蒸。雞肉嘅肉汁融入烏冬當中，淡淡烏冬都有好濃郁嘅雞湯及蟲草鮮味，超級健康又養生！當中勝瓜釀有蒜蓉及蝦乾，幾特別嘅味道，食落又不錯！🌟蟹粥一開頭，餐廳店員已將蟹殼連蟹膏及瑤柱等連埋米一齊煮成粥，食到尾聲時，粥已經烹調

今日同媽咪去食海鮮，媽咪話太子有間成日爆場嘅蒸氣火鍋餐廳，而且好多人推薦！咁今日我地就一齊去左試試。餐廳門口已經有好多活海鮮，包保一陣食嘅夠新鮮。前菜方面，有花生同喬頭。花生好香口、喬頭開胃。小食有好多款炸物揀，樣樣都好吸引。我地揀左脆皮豆腐。豆腐岩岩炸起，炸皮好薄，而且好脆，豆腐細細粒，夠曬滑。再嚟就係刺身盤，今日有三文魚、希靈魚等等，刺身都新鮮嘅，厚身大塊。店員好好，會等我地食完上面嘅食物先開始蒸海鮮。第一輪有魚、鮑魚、扇貝、大蝦。姐姐叫我地食左魚先，魚塊啱啱熟好滑，又新鮮，但要小心細骨。第二盤就到貝殼類，分別有蜆、螺頭、蠔。蜆肉大大粒，脹卜卜，好鮮甜！！螺頭有咬口，唔韌，點豉油一流。蠔都好大隻，好有海水味，鮮甜多汁。之後就到蟹，一人一隻蟹。蟹肉好多膏，啲膏好鮮甜。另外肉質都好新鮮，蟹肉多肉，雪白色。差唔多最後啦，上左一份雞，配烏冬底，仲有南瓜、芋頭、粟米等配料。雞肉好新鮮，份量多，每舊都好滑，雞皮彈牙。之後個烏冬好好味，因為吸滿晒雞汁味，味道濃郁！另外，芋頭食物好粉，粟米好甜。粥底到最後我哋梗係要品嚐個粥底，粥底吸滿晒海鮮同雞肉嘅精華，所以食落特別鮮甜。另外，店員仲用咗排骨、瑤柱