今日來到了灣仔City Dancer Grill & Live Music Bar西餐廳，環境很優美，四周都是大玻璃，可俯瞰外面的馬場環境，另外播放着郊外的風景以及柔和的音樂，真是很享受。今次二人嗌了兩個set lunch。 ～經典蟹肉龍蝦忌廉湯以及法式鮮蠔湯 兩款湯味道都好濃郁而且很Creamy！龍蝦湯有不少龍蝦肉在湯裏。此外服務員介紹了兩款餐包，分別是香草包，可以在飲湯前搽牛油食，而蕃茄包就可以點濃湯食用 ~烤西班牙黑毛豬架配薯菜 豬架烤得啱啱好，入口鬆軟，在滲出微微嘅豬油汁，味道更可口 ～炭燒澳洲和牛三角肉配黑松露薯蓉和西蘭花苗 牛扒亦煎得剛好，牛味濃郁，再配上香滑的薯蓉，令到食物整體味道更有層次，食得更滋味。仲配有西蘭花苗😋好清嫩！ ～小食亦叫了凍肉拼盤 有三款不同的香腸，而且味道亦大然不同，配上以烤過的麵包，食入口不會太鹹，而且增加質感。 整體來說，依間西式餐廳不但環境優美，整個人都好放鬆，而且食物質素非常之高，價錢亦都不昂貴，指定時間亦有live music，真係非常值得一食。

本身超級鍾意食酸菜魚，十二味係我酸菜魚嘅首選😋平時返工已經成日食佢嘅lunch set外賣，知道喺奧運站新開咗十二味嘅分店，即刻同朋友嚟食！新店裝潢設計光亮，有唔少嘅卡位，坐得好舒適！ ▫️ 川式口水雞 每次嚟都必食！口水雞雞肉肉質嫩滑，食落唔會太多肥膏，而且佢嘅辣度係可以選擇，鍾意食辣嘅可以選擇辣，而我就選擇小辣，辣得來仲帶點麻，食得好滋味，好過癮！ ▫️ 人見人愛酸菜魚（寬粉） - 小辣 世一酸菜魚👍🏻一上枱大大盆，兩個人食份量啱啱好！酸菜魚嘅數量都唔少，仲有萵筍、菇、酸菜及寬粉嘅配料！萵筍好爽脆，寬粉就好煙靭，好好食！酸菜魚嘅酸菜湯汁酸辣平衡得好均勻，辣得來帶點酸，食落好開胃，唔怕辣嘅可以飲兩啖湯，好滋味！而主角酸菜魚肉質好新鮮，用筷子一夾時唔會好容易斷開，肉質食落好嫩滑👍🏻味道好新鮮！ ▫️ 柚子茶（凍） ▫️ 熱情果蘇打（凍） 餐廳嘅飲品主打大大杯，啱晒食辣👍🏻有助解辣！柚子茶飲落清新可口，熱情果梳打就酸酸地，好開胃清新！

呢一間放題店已經開咗好耐，以前讀書嘅時候都經常嚟食放鬆一下！今日特登再約朋友嚟懷念一下！餐廳嘅座位經過裝修，闊落咗唔少，而且卡位形式坐椅坐得好舒服！ 🔸涼菜 有幾款沙律，我就試咗肉鬆蟹籽沙律、胡麻冷豆腐及泰式生蝦😋三款涼菜都好好食，生蝦新鮮，辣辣地好惹味！肉鬆蟹籽沙律好清新，好食到叫咗兩碟！ 🔸刺身 餐廳提供8款刺身，今次試咗三文魚、吞拿魚、希靈魚、八爪魚、馬刀貝同甜蝦！個人最愛三文魚同馬刀貝，超級新鮮，三文魚仲好厚身😍而馬刀背食落好彈牙爽口，正！而最驚喜就係甜蝦，大大隻甜蝦，食落好鮮甜🥹一啲都唔腥！ 🔸火炙壽司及壽司 試咗忌廉芝士鰻魚火炙壽司，食落好Juicy，啖啖鰻魚好新鮮！仲試咗花之戀，細細舊岩岩好一淡一粒😋三文魚新鮮，沙律醬又夠多，忍唔住食左10舊！仲試咗松露醬大蝦壽司，蝦肉彈牙可口！ 🔸炸物 同樣有8款炸物，天婦羅類別中就試咗蟹柳及海老天婦羅，炸得金黃香脆，但炸粉又唔會太多，蝦肉肉質彈牙爽口，好好食！另外，十勝蕃茄芝士餃子都好好食，蕃茄配芝士真係無敵，超滋味！ 🔸九類 試咗餐廳推薦必食嘅迷你一口甜薯，燒完之後，真係好甜好開胃，值得大家一試！ 🔸野菜 試咗芝士翠玉瓜及菠蘿，食完燒肉食蔬菜好解油膩！ 肉類有豬牛雞，今次就主要試咗牛豬兩款肉類！ 🔸豬肉 有6款豬肉，奧斯卡豚后肉真係必食，燒完好似煙肉咁，食落又唔會好乾，反而有入口即溶嘅感覺，豬肉味濃郁，不錯！另外，鹽燒一口骰仔豚都好好食，餐廳醃製得好入味，食落好Juicy！ 🔸牛肉 有10款牛肉可選擇，本身偏愛食牛肉，所以今次燒烤都主要燒牛肉為主！最愛鮮蕃茄霜降和牛，蕃茄味濃郁，和牛雪花分布均，輕輕一燒，就可以食，食落入口即溶，肉質好軟嫩，有蕃茄味之外，牛肉味亦相當濃郁，超好食！仲有鮮蕃茄牛裡肌，又係必叫，肉質鮮嫩，牛味濃郁！另外，牛舌都係好好食，食落煙韌，口感豐富！ 🔸主食 食左石鍋香茜蠔仔粥，大大煲好入味，蠔仔亦大大粒，份量都唔少！ 🔸飲品 餐廳提供飲品大雪櫃，有汽水、果汁及茶類飲品，種類都唔少👍🏻

喺旺角食完dinner，就去附近食埋甜品！朋友推薦呢間好有特色嘅甜品店，話食過覺得甜品好好食，仲大讚聽店員講餐廳嘅甜品都係每日新鮮製，價錢唔貴，性價比高👍🏻！ ▫️ （凍）蓮子陳皮紅豆沙拼綠豆沙+芋圓 $46 唔知大家有冇食過喳喳糖水？正正就係紅豆沙拼綠豆沙，超懷念呢個味道！綠豆沙煲得好香濃，起曬沙，唔會太稀，配上蓮子陳皮紅豆沙，口感棉密，好細膩，兩者互相融合，味道超級夾！另外再加咗芋圓，芋圓煙靭，有咬口，好食喔😋！ ▫️ （凍）芋茸蓮子西米露拼紅豆沙+芋圓 $46 粒粒清爽，晶凝通透嘅西米露，浸泡係香濃嘅紅豆沙中，紅豆煲到起晒沙，紅豆又大大粒，味道唔會太甜，兩者食落好夾好好食！ 整體而言，兩款甜品都相當唔錯，下次仲想試試佢嘅紫薯芋茸蓮子西米露，以及法式紫米露，友人話呢兩款佢食過都係超好食！

心癢癢想食海鮮蒸鍋，朋友就帶咗我去尖沙咀試蟹仙海鮮私房餐廳😋餐廳環境光猛，主要都係卡位形式座椅，每張枱側邊嘅櫃桶放置垃圾桶，超方便棄置食完嘅海鮮，值得一讚餐廳諗得好周到！而且，全程蒸海鮮嘅過程都係由店員包辦，確保海鮮唔會蒸過龍，或者未蒸熟！ ▫️尊貴海鮮套餐 $449 首先上枱嘅係大大碟海鮮拼盤，超級新鮮及精美包括： 🔸台灣九孔鮑魚 🔸大西洋野生青口 🔸加拿大野生海虎蝦 🔸韓國斧山珍珠蠔 🔸蟹皇大元貝 🔸紐西蘭刀貝蚌 虎蝦大大隻，肉質新鮮又彈牙！鮑魚超厚肉，食落好煙靭，唔會有腥味，好新鮮！斧山珍珠蠔一食落口已有陣陣海水味，超鮮味！個人最愛係蟹皇大元貝，味道好夾，啖啖蟹黃，食落更Juicy！青口及刀貝蚌鮮味濃郁👍🏻 ▶️ 野生膏仔蟹 ▶️ 太平洋饅頭蟹 兩款蟹都超多蟹膏，而且蟹膏一啲都冇腥味，超級新鮮，食落鮮甜嫩滑😋！膏仔蟹蟹肉多床喺蟹鉗內，鉗開之後有滿滿蟹肉！ ▶️ 澳洲青年龍蝦 龍蝦大大隻，肉質彈牙，又保持到鮮味！ 🔸有機蔬菜籃 + 海鮮粥 蔬菜籃包括娃娃菜、生菜及粟米，清蒸好養生健康！而海鮮粥就滲透咗以上海鮮嘅肉汁，再加上粟米排骨，份外入味！ ▫️椰汁燉雪燕 以甜品作結，椰汁燉雪燕唔會太甜，食落口感冰涼，配上一絲絲雪燕，好滋味！

朋友帶我去試位於灣仔嘅日本料理餐廳，餐廳劃分為不同的區域，有炭火燒區、omakase區域、以及VIP包廂房！餐廳環境舒適，以日式風格為主，設計裝潢非常有特色，有吧枱位置及普通卡位座椅！今次就同朋友試咗炭火燒套餐，仲簡咗坐喺吧枱位置，一邊觀賞師傅嘅廚藝，一邊食，大飽口福及眼福，食得份外滋味！ ▫️Yakitori Set $550 套餐包前菜、2款刺身、4款燒鳥、1款肉類、1款海鮮、3款日本蔬菜、1款主食及甜品。 ▫️季節前菜（豆腐| 魚香&竹筍 | 螢光魷魚） 豆腐好細滑，豆香濃郁。竹筍爽口而且無苦澀味👍🏻螢光魷魚鮮味十足，又有爽勁，好適合作為前菜！ ▫️刺身（𩶘魚 | 鯛魚） 刺身兩品，兩款口感均細嫩甘甜，超鮮味！ 餐廳師傅用日本備長炭嚟燒所有串燒，充滿炭木香，食材份外香濃入味。仲會附上3款調味：炭鹽/黑胡椒/七味粉，個人比較鐘情炭鹽，更能食到食物的鮮味！ ▫️燒鳥（雞腿肉 | 手羽 | 雞胗 | 免治雞肉丸） 雞腿肉肉質鮮嫩，食落帶有肉汁，好滋味！手羽即係雞翼，雞翼外皮燒得香脆，食落好香口，肉質有彈性，雞味濃郁！雞胗爽口！免治雞肉丸配月見汁真係第一次試！原來即係打碎雞肉再加入軟骨，令整體口感食落好爽脆，蘸埋配有月見汁嘅日本蛋黃，肉質鮮味更突出，值得一試！ ▫️肉類（牛舌配芥末子） 牛舌夠厚身，唔會太薄切，食落口感好軟韌，超正！而且師傅燒得香氣十足，蘸上芥末子，牛味更濃郁，又有帶甜，好食喔！ ▫️海鮮（墨魚🦑） 燒墨魚超爽彈，食得出好新鮮！ ▫️季節蔬菜（翠玉瓜 | 冬菇 | 銀杏） 翠玉瓜食落清甜，師傅燒得好，燒後仍可保持水份，唔會太乾身！冬菇燒至金黃色，配上醬汁後再將兩面翻燒，口感超juicy。燒銀杏第一次食，好香口！ ▫️主食（蟹膏蟹肉甲羅燒飯） 本身已好鐘意食甲羅燒，所以加咗$98升級試試😋食完真係覺得加得好值得，淡淡蟹膏食落口，蟹香味濃郁，超好食！ ▫️甜品（玉子燒 配 最中餅雪糕） 玉子燒口感厚實，食落有陣陣甜味，蛋香濃郁！ 最中餅入面係抹茶雪糕，係味道超濃郁嘅抹茶雪糕，食完超滿足！ ▫️飲品 每位附送清酒一壺，真係好適合同朋友把酒談心，小酌一杯。

漫漫遊上環，似是活在舊香港，古典味十足，又帶有現代城市的活力，適合在週末無所事事時，與朋友慢遊。經過一處樓梯，看見遊人聚集，生氣勃勃，我也上去覓食，發現這間由法國藍帶大廚主理的Fusion 料理餐廳，決定停下來，感受浪漫和美食。 🇫🇷二人套餐 🌟Starters ✨拖羅小金杯 由中拖羅、青提子和鏗魚芥辣啫配搭的開胃菜，沒有芥辣的刺鼻，反而品嚐到淡淡清甜配以拖羅，特別又配合，帶來第一道驚喜。 ✨蟹肉沙律脆球 第二道開胃菜是印度炸脆球、蟹肉沙律、青瓜、喜馬拉雅山黑鹽和乾芒果粉的配搭。一切開，蟹肉沙律充滿在脆球內，肉質鮮甜，份量足，鍾意蟹的朋友不容錯過。 🌟Main Course ✨菊普湛江雞 料理包括菊普、湛江雞、葡萄葉釀米、椰菜仔和柑桔。雞肉鮮嫩，沾上柑桔汁，出乎意料的配合，可一試。 ✨八寶釀乳鴿 八寶釀乳鴿是心機菜，乳鴿內有鮑魚、瑤柱、羊肚菌、櫻花蝦、金華火腿、潮州滷水鵝肝、紫莓米和桑椹。將八寶混在一起，口感豐富，配以一口乳鴿，有驚喜。 🌟Dessert 甜品選擇龍井士多啤梨慕絲，喜歡慕絲酸酸甜甜的，包裹著蘋果，又豐富味蕾，美味的甜品為今晚的Ending, 很美好！

路經紅磡，見到呢間小店有咁多款唔同味道嘅燒賣，即刻心心眼，因為本身都係燒賣愛好者！小店有「蒸」及「炸」系列嘅燒賣，今次我哋就各叫咗一款嚟試下！ ▫️日式大阪魚肉燒賣 $26 賣相已經極似平時食嘅大阪章魚燒🤣味道食落真係好似大阪燒，和風醬汁好入味！而呢款燒賣係炸嘅，燒賣炸得好金黃，燒賣皮帶點香脆，食落口感好彈牙，好好食喔！ ▫️奶油麻辣魚肉燒賣 $26 呢款就係蒸燒賣，蒸完後，燒賣嘅肉質唔會太軟腍，肉彈仲保持到彈牙煙靭嘅口感😋！而味道就好有奶油香，再帶點麻辣，辣辣地幾過癮，好惹味！我後尾仲加咗小店嘅自家製辣椒油一齊食，辣味更濃郁，不錯喔！ ▫️Shake爆卷卷薯條(紫菜味） $30 Shake Shake薯條嚟講，第一次配卷卷薯條，薯條炸得金黃香脆，油膩感唔重，食落仲有淡淡紫菜香味，正！ ▫️ 麻辣避風塘魷魚圈 $38 魷魚圈依舊炸得金黃香脆，炸粉唔會好多，魷魚食落彈牙爽口，避風塘味道濃郁，帶點麻辣，食落好惹味，一啖又一啖食到停唔到！ 小店有自家製辣椒油、芫荽及蔥任加😋！ 總括嚟講，呢間小食店主打燒賣，都有八至九款唔同味道嘅燒賣，值得下次再嚟試下其他口味！而且仲有其他港式小食，價格相宜，味道也唔錯！

之前已經食過Poke Go另一分店，見友人話想食健康啲，即刻帶佢嚟灣仔分店試試！餐廳設計以休閒風為主題，牆壁上畫上可愛又得意既公仔，坐位上仲放上軟墊，坐得好舒服，餐廳除咗室內仲有室外座位。餐廳有6款Signature嘅沙律碗，而我同友人就選擇咗自選Own Bowl，岩曬我呢啲咩都想食嘅顧客😋！ ▫️自選Own Bowl $118 Main Protein: 三文魚 Base: 沙律菜 Toppings: 青瓜、粟米、麻醬豆腐 Dressings: 辛味蛋黃醬（醬另上） Seasoning: 果仁、木魚絲、紫菜絲 ▫️自選Own Bowl $118 Main Protein: 三文魚 Base: 沙律菜 Toppings: 青瓜、芝麻海帶、麻醬豆腐 Dressings: 辛味蛋黃醬（多醬） Seasoning: 果仁、木魚絲、紫菜絲、辣椒碎、岩鹽、脆蒜 三文魚食得出好新鮮，而且大大粒，係滿滿嘅蛋白質😋今次我同友人嘅Base都簡咗沙律菜，夠曬清新！其實除咗沙律菜外，仲有壽司飯同珍珠糙飯選擇！而配料我地都簡咗豆腐，口感超級細滑，仲簡咗粟米，好健康！友人就選了海帶，好爽滑！醬汁方面，我哋就簡了辛味蛋黃醬，係辣辣地嘅蛋黃醬，食落惹味又滋味，最欣賞餐廳可以比顧客選擇醬汁另上，咁就可以食得無咁Heavy😋！最後要讚一讚脆蒜，推薦大家要加，好脆口，好好食！

今次黎到鰂魚涌一座工廈搵食，朋友介紹既，佢Lunch經常會去食話係高質西餐價錢公道，我選擇試試佢既晚餐，叫了兩款Set dinner，都會包埋餐湯、餐飲及甜品，超豐富！ 🌟 美國Prime牛扒 $248 牛扒我點左5成，賣相吸引仲配左薯條，餐湯＆自家制小麵包！餐湯係磨菇薯仔雜菜湯，將所有材料打溶至7，8成，再加入左忌廉，又滑又有口感！一般西餐廳餐包都係一模一樣一個工廠的餐包，而餐廳廚師每日都會親自整餐包，餐包上面有滿滿芝麻，咬落去好軟棉棉，有驚喜。而牛扒切開剛好5成恰當熟度，非常多肉汁，好重牛味一定唔係便宜貨扮到出黎，配菜薯條仲加左黑松露，好香脆可口，好食！ 🌟海膽.香煎帶子海鮮汁意大利粉配香蔥蛋醬 $212 海膽配帶子是常識吧，絕配無誤！海膽新鮮鮮甜，帶子熟度剛好，意粉汁非常濃郁，唔咸加上酸忌廉攪拌混合食！一口接一口停唔到好快就清盤了！ 餐廳逢係叫兩個set dinner，會送盤青口，不論係賣相定係味道都係出乎意料，估唔到隻隻都咁，肥美同鮮甜，青口點落啲湯汁到更是perfect match，啲湯汁用三色椒同青口煮成，更能帶出青口原本嘅甜，值得一試！ 甜品賣相簡直冇得輸啦！真係食得？藝術品黎架麻，好岩打卡！食用花，士多啤梨糖，藍莓果醬配上提拉米蘇同朱古力布朗尼.....食落唔死甜，視覺味覺都被征服左！！！