富士山55 (拉麵沾麵專門店)

營業中

休息中

話說原本要去K11剪頭髮，點知6:30由旺角塞到8:00先到K11,仲要停車場Full曬，要等入，甘就唯有走啦，約下次剪，諗住返屋企，點知漆咸道又係塞爆，又想去廁所，甘就轉右入尖東搵廁所，順便食埋晚飯！麻麻地的辣面😵這個沾面好好味，愛芝士的我最愛食+20蚊可以加個飯，用你食剰d汁煮飯，好味👍🏻芝士雞軟骨，難食😵

食評：口感 7.5/10不嬲都好怕食淋身麵，所以叫左硬身。因為沾麵比一般拉麵粗，口感會比拉麵硬。本來諗住會硬得濟要浸耐啲，不過食落覺得煮得軟硬適中，而且食耐左都唔會有軟化嘅情況。.另外因為沾麵過左冷河，浸兩浸個湯好易凍晒，所以要keep住用爐保溫，唔係會食食下突然變左食冷麵！味道 8/10豚骨味滲晒落個湯，所以湯汁非常濃，好配合沾麵嘅粗身麵質！各方面都幾平衡，如果覺得太濃可以要求加湯。.鍾意食辣嘅記得試下佢嘅高菜！麻油味非常香，辣就因人而異！食到譚仔大辣👅就覺得有少少辣味！順帶一提，有0.5分係比高菜嘅！份量 7.5/10其實份量適中，正常人一個就飽。但因為大食，所以加左大替玉，所以睇落去份量好多。$28黎講都算唔錯！口感 7/10同特濃豕骨沾麵唔同，因為湯汁冇咁濃。所以選麵係冇咁粗嘅拉麵，口感冇沾麵咁好。雖然一樣軟硬適中，耐左都冇變淋。不過總有種比下去嘅感覺。.同樣因為沾麵過左冷河，所以浸兩浸個湯好易凍晒要翻熱。味道 5.5/10對比特濃豚骨，佢可以算係啲淡，就咁飲都仲可以接受，但一浸個麵，係完全食唔到味，連平時食得清淡嘅都話冇乜味。我以為自己食左特濃，影響左味覺，但飲埋水，等一陣先

有日朋友提起有間食拉麵仲有芝士飯的好食作為芝士控的信義妹梗係成日心思思想試下啦終於有日係附近做野就約埋朋友去試下信義妹點了特濃豚骨沾麵麵有得揀軟硬程度，揀了適中豬肉就唔太鹹溏心蛋就一定要沾湯食才有味 湯底濃郁，果然係特濃沾上麵，掛湯令到麵更好味如果吃不慣濃味的人就唔好點啦始終會偏鹹一點 白湯豚骨拉麵只試了湯底，有家常豬骨湯的感覺不太油鹹就相對適合淡味既朋友啦 呢個芝士雞軟骨...............絶對可以唔駛試.................極度失望...........雞軟骨似雞丸........完全無咬口芝士............無香濃的味道 到最後梗係將沾麵汁加飯啦WOW!!! 呢個係成餐最好味的一個芝士有拉絲的~飯跟汁濃濃的混埋，完全令人回味

尖東店，人都多，但吧台夠座我地幾個。我們3人，點了3款麵，加一份餃子，結果都幾飽。證明了一件事 --- 都幾膩 !特濃豬骨味、白湯豬骨、仲有櫻蝦味 --- 價錢比較高是後者，要90蚊開外，其他亦要80開外。於是，點餐時，多了一份期待。麵都來了，餃子遲些才到。評價就先給餃子吧--- 平平無奇，而且很少內涵。輪到說麵了 --- 櫻蝦味D湯果然有少少蝦味; 特濃豬骨味咸了點; 白湯豬骨清一點，但其實也不清。叉燒方面 --- OK的; 蛋方面--- 有2個失手了，太熟; 麵方面 --- 還好，果然沾上湯味，質地可能略硬 (我個人比較喜歡軟一點)。今次的經驗，令我再一次確定 --- 我比較喜歡湯的拉麵。

自從上次食過櫻花蝦拉麵之後就好想再黎，因為好想試下沾麵同芝士雜炊。今次叫左個豚骨沾麵，湯底濃郁，一D都唔油膩，邊食邊用旁邊0既爐加熱，唔會因為湯底凍左而"琼"左。叉燒少少肥，咬落去有少少油脂，好味......但令人有少少罪疚感。麵身較硬，不過用沾一沾湯又剛剛好。最期待就係食完沾麵後，湯底加入飯&芝士, 飯粒吸收湯底，食落去簡直不得了，好香好濃好好味。其實食完碗沾麵已經飽左，但芝士飯真係irresistible ! 富士山55, 真係每次食完都會掛住！

見到fb既廣告，睇相覺得好吸引，放工即刻衝去試睇落門面細細，去到咁啱要等位，可以先填定紙仔款式唔多，我同fd都係要海膽沾麵再加啲配菜入到去，係就係細啲,不過坐落幾鬆動，等左5分鐘就有得食海膽肥美鮮甜，芝士湯底香濃，沾麵硬度適中。食完麵，仲有啲湯淨，仲可以叫個飯黎整芝士湯飯，正！唔講咁多，no photo no talk

今晚點了嬰花蝦豚骨拉麵，期間限定「海膽沾麵」同餃子。嬰花蝦豚骨拉麵；拉麵是幼條的，豚骨湯十分濃稠，味道是Ok ，但麵幼湯傑的情況下整體就變得相當的糊... 义燒半肥瘦，薄薄的一片。純白色蛋白的糖心蛋，err.... 味道欠逢啦。「海膽沾麵」$188 ， 其實聽起來就知唔多夾，還是試了😂。 真係唔夾😂，ok 講反沾麵吧，麵條還好，湯汁都很濃夠味，沾著麵食還不錯的，而且有個爐比你加反熱沾汁，這點加分啦。 食完沾麵可以加$20 加芝士飯，就是用你食不完的沾汁加白飯再在上面放少少芝士粉.... err.... 本人就覺得有點無聊啦，女孩子亦應該食唔晒😬餃子... 就真係唔好食啦，煎得好干...

地方細，唔乾淨，坐得好唔舒服。服務員態度其差，十問九唔應。吃完快快趕人走。食物麻麻，真係好一般，一啲都唔值。隔離個兩間都好d。以後都唔會再去，簡直係貼錢買難受。

今次叫左個櫻花蝦沾麵，一般黎講沾麵嘅湯底應該係濃嘅，湯底足以黏上麵上面，但係今次嘅湯底非常之浠，好似溝左水咁，似係普通嘅湯底拉麵，而且湯底味道一般，無蝦嘅鮮味，價錢偏高，質素好似比以前下降，下次都係考慮會唔會再黎食

呢期好興沾麵，竟然仲有海膽沾麵呢回事我梗係要去試下啦不過都幾貴,約$200一客好豐富嘅海膽肉係面睇到都流哂口水,份量完成同POSTER所影既一模一樣!簡左粗麵,個湯都夠濃,個海膽係份量十足!一D都唔腥,係幾新鮮而個沾麵都好彈牙,加埋個濃湯,正呀

今日同朋友去尖沙咀行街,諗起之前係銅鑼灣食過呢間分店,又知道尖沙咀有間,所以介紹我朋友同我一齊去食。反正都有一斷時間冇食過沾麵,好掛住沾麵同芝士飯嘅一流配搭! 今次食新出嘅北海道松葉蟹沾麵,個沾麵湯汁蟹味突出,沾麵煙韌又唔硬,同埋蟹已經剝左殼,食落好方便,蟹肉鮮甜,蟹肉份量算多,真係好豐富!食完個沾麵,剩左嘅湯撈芝士飯,簡直係絕配!煙煙韌韌嘅芝士口感,芝士味道突出,又唔膩,不過食完沾麵再加飯對女仔黎講確實好飽。可以看到廚房衛生環境,一邊食一邊睇住師傅精心烹調美食,感覺好親切,同日本拉麵店一樣充滿住日本風味!

失望的一餐😓見open rice 咁多人讚這間店的沾麵，所以慕名而來。 同朋友星期六大約8鐘左右到，前面要等2檯，但都好快入得。我叫左特濃豚骨湯的沾麵，湯的味道係咸，不是濃。😥朋支叫左櫻花蝦的沾麵$93，毫無特色，鮮味又不夠。 兩個湯都唔夠熱。😖😖重點係：拉麵的份量超少，我女仔食完都好似無食過野咁。😔😔朋友就有加到 芝士雜坎+$20，好似食粥咁。 感覺呢間鋪超搵笨，未食過咁難食的沾麵，香海好多間沾麵店都好食過呢間，以後一定唔會再黎食！

有朋友話好想食日式拉麵，咁就去左呢間都幾出名既日本連鎖店，專食拉麵沾麵既專門店「富士山55」。要去食真係要早啲啲去到排下隊啦，因為真係好多人。裝潢都幾好，日本拉麵鋪頭格局啦，不過座位都唔太算鬆動啦。原來呢間餐廳會係你排隊期間，要求你選好食物，等你一入座就可以縮短等餐時間，又可以令餐廳做多幾桌生意，唔錯既方法。我地就點選了一碗「特濃豚骨沾麵$88」另加「糖心蛋$12/隻」，另一碗就係「櫻蝦沾麵$93」另追「芝士雜坎$20」，入座坐左一陣就有得食啦。「特濃豚骨沾麵」餐牌話係名古屋原味！材料包括：叉燒、糖心蛋、筍、蔥。呢到麵同湯都會分開上，冷冷既麵再沾上湯黎食，原來係咁好嫁。叉燒既份量都算大件，有兩大塊，半肥瘦。豚骨湯底味道好濃有點鹹，但係沾上麵食後，非常夾，仲好惹味。「糖心蛋」另加一隻既，好夠糖心，幾滑身，好好食。「櫻蝦沾麵」用左秘製日本櫻花蝦醬汁。材料包括：叉燒、糖心蛋、筍、蔥、青檸、櫻花蝦乾。呢到麵同湯都會分開上，冷冷既麵再沾上湯黎食，原來係咁好嫁，原來係咁好嫁。記得將青檸汁加入拉麵！叉燒既份量都算大件，有兩大塊，半肥瘦。櫻花蝦湯底味道好濃，整個湯面都滿佈蝦乾仔，好好味好特別，沾上麵食

叫咗個特濃豬骨沾面，個豬骨湯好濃烈。面一定要叫凍嘅，沾上湯即食，會FEEL熱裏帶凍，又彈牙。叉燒好軟入口即溶。食完個面，重可以叫個芝士飯，放會入D湯到，成個湯嘅精華就俾飯吸哂，超好食！

人地話去到富士山55就要試佢ge海膽沾麵，今日同同事第一次去就試左佢ge海膽沾麵同雪場蟹沾麵(分口水尾😝)，兩個價錢分別都接近$200，比其他拉麵都要貴成倍。,但貴就貴在食材同分量。海膽同雪場蟹ge分量都十足，基本上可以話料多過麵😁。而且兩個都夠嗮鮮味，雪場蟹ge蟹味同甜味都好出。麵系粗麵，軟硬有得揀，但唔算特別。而湯都夠濃(沾麵黎講好緊要😜)，特別系蟹味，最後加清湯都正到爆。唯一就系個蛋可以再流心d(可能我要求高)同叉燒厚切翻少少。當然小弟最後都有加少少錢試埋佢個終極邪惡ge 芝士沾麵湯底煮成ge飯。雖然好食但結果系芝士味過濃搶左蟹味同海膽味，建議巴打們去食可以叫少芝士。整體黎講都唔差，性價比中上，值得一試