富士山55 (拉麵沾麵專門店)

營業中

休息中

Not my first time coming to restaurant. I really enjoyed that they have stove for you to reheat your soup, I really like to have hot food when it is supposed to be hot. Spicy noodleEach noodle comes with two thin slices of pork loin, a halved boiled egg, seaweed, bamboos shoot and some scallion. It is recommended to dip the noodle into the soup to get the strong flavour from the soup. This spicy noodle was spicy enough with extra spiced powder on top. It was not overwhelmingly spicy but it had a

回到香港沒多少天，一直趕Essay，但沒有靈感，毫無頭緒。辛辛苦苦擠出一千字左右，看著尚有三兩日時間，打算應友人臨時之約後再做也不遲。結果？還是不安心，頓時爆多幾百字，果然越不得已的時候效率就越高。到時到候出門口，約正開門時間，以為自己準時，豈知友人早在門外等著。　　歸港後外食第二餐，不像先前飲茶咁港式，倒是來點日本風情。只去過銅鑼灣店，第一次來尖東店，店內格局當然有點分別，但共通點係要霸位。我倆斯然入坐，不忘留位俾公務繁瑣都仲趁空檔趕緊黎既朋友，嚴格而言是前輩。沒多久，小小店面已經至少半滿，不禁有點驚訝……（利申：少在平日午間出尖東覓食）。　　齊人就馬上開飯，主角先殿後，懶係賣關子，來份煎餃子　$31（五隻）開場。煎得帶點金黃，只有少許油光，皮脆而餡不乾澀，微甜，味道也夠自然。沾醋，酸酸地更開胃，久違既正常既日本野啊……（講真係得宿舍果位日本朋友整得好食，之前去挪威食左一餐壽司之後已無興趣再挑戰）。　　一見個名就鍾情，立馬要個近排推出既黑松露帆立貝撈麵　$168。講起富士山55，除左沾麵，就係芝士飯，但原來仲有後續，新登場既竟然係撈麵。清甜軟彈的貝肉是為亮點，以晶瑩鮮味的三文魚籽作伴

拉麵食得多，今次就特登黎試下個沾麵。黎到門口就見到好多人等位，店員重派定張點餐紙比我地睇，而排我地後面就係講日文暮名而來既日本人，相信依間店舖都應該幾好食。燒餃子 - 外皮非常之薄，煎得有少少脆，內裏多肉汁，再配埋個餃子汁真係唔錯喎。不過小弟建議可以響餃子汁入面再加辣椒油，應該會更加夾味。雞軟骨棒 - 攪碎既豬軟骨加上面既燒汁同美奶滋，適量既芝麻確實可以增加香氣味覺，味道不俗。特濃豚骨沾麵 - 麵質上比較似自家制烏冬，比較粗身同方角，少少韌度，沾麵湯底果真濃厚，單飲湯會比較咸、比較膩，配合沾麵一齊就覺得剛剛好。另一特別既地方係佢地距一個位有個小型電磁爐，如果湯凍左既話可以比你再番熱，真係幾細心。日式芝士雜坎 - 最有趣即地方係響依度，拉麵後既湯底可以加芝士同飯再煲一煲再食，芝士雜坎是這樣鍊成的。芝士無咩味，加依個係好玩多過好食。

星期五下微雨的晚上，雖然接近八點人龍仍不絕，我們二人差不多待了半小時才能入座，畢竟這家座位偏小，裝潢卻很有日本地道小店的風味。拉麵常吃，沾麵對於我們來說還是第一次試。沾麵是麵和熱湯分開上，吃的時候把一小撮的麵夾起，放進濃湯裡揚數下，使其掛上湯汁，再一口吃下去。我們點了特濃豚骨沾麵和牛介沾麵兩種，不消一會便熱騰騰端上來了。點豚骨沾麵是想試試最簡單無花巧的味道，畢竟最basic的菜式最考功架。特濃豚骨沾麵賣相吸睛，一pot熱騰騰的豚骨濃湯非常香噴噴，麵豉色的湯非常濃稠，配上簡單的蔥白點綴。一口呷下去是鹹香，豚骨味道強烈，雖有下調味粉，但不算令人口渴。特濃豚骨沾麵的主角是放在麵上：叉燒非常大塊，算是頗薄的切法，勝在肥瘦適中，但白煮肉淡而無味，一定要沾湯才有味道。溏心蛋有點過熟，蛋黃可再更流心，味道來說用醬油醃過本來就不錯。鹹脆筍絲和蔥白令整碗畫面更漂亮，味道和口感也更豐富。麵條是烏冬，也頗彈牙，粗幼均一，應該是機製的。冷麵放進熱湯後拿出，麵條掛湯程度好，加上湯底也夠濃稠，令本來無味的麵調起味來，每一口麵條都有豚骨的香濃。牛介沾麵的麵底也是一樣，也有溏心蛋和筍絲，不過有椰菜替代了蔥白，感覺更健

從來都不希望浪費每次用餐的機會，總想能具成本效益地品嚐不同類型的美食! 因此，晚上用餐的時間便成為我每天的動力! 當然，預備功夫絕不能省下。晚膳前定必將有興趣品嚐的食店相關食評和照片讀熟，務求能令每晚的自己吃下不後悔的晚餐! 開心星期五為今晚的我提供了額外動力，走到尖沙咀的南洋中心，拜訪這間九龍區好評的拉麵店! 麵店背後的故事 - 非日本藉的年輕人，對日本拉麵的熱誠，在充滿國際飲食文化的香港努力打拼，將夢想拉近，其志可嘉，賺得高評價算是給他們其中的一種回報! 點食 櫻花蝦面是常識吧! 這晚是時候勇闖 櫻花蝦沾面 。待上沾面的十分鐘，便細看店內的裝潢，日式小面店，木桌椅增添了幾分日系文化。唯獨，嵌入木桌中的電熱板產生了吸睛效應，為這面店升格了! 完美的沾面必須保持濃湯處於高溫狀態，將冷卻的面沾上適量溫熱的湯，才能品嚐出湯和面的精粹! 滿滿的櫻花蝦湯和面終於送上，用木筷輕輕捲起面團，往湯裡一沾，櫻花蝦也自動沾上來，再往口裡一放。口感層次是豐富的，亦感受到櫻花蝦的鮮味，但若要刺激味蕾，必須額外添加調味料，將味道推高!坐於橫桌，更能清楚將師傅製作面的過程收盡眼底。而耳朵裡則聽著師傅高速搖晃面篩

相信大家都知道富士山55最為人所熟悉的是海膽沾麵但對我而言 櫻花蝦比海膽更吸引-濃香櫻花蝦沾麵 ($98)湯頭略嫌淡了點 不過櫻花蝦香氣重 麵的掛湯能力普通 叉燒亦不過不失 肥瘦得宜 荀也挺好食但在湯易冷的冬天裏 勝在有電磁爐可以把湯加熱還是可以一試的🙆🏻-另外 我亦加點了紫菜 ($10)浸在櫻花蝦湯底 沾滿了櫻花蝦和湯 再一口吞下去 「好！幸！福！喔❣」-溫馨提示: 1. 每次加熱的時間 不要太長 而且加熱太多次 湯有可能會轉咸 2. 這裡設有最低消費的 -Instagram: chloeelovestoeat喜歡的可到Instagram 看看

兩點鐘左右，剛過咗繁忙時間，客人唔算多，所以唔使等位2個人嚟食，我當然試沾麵呢而朋友就點白湯䐁骨拉麵。試一啖朋友個碗湯底，湯頭非常濃稠，個濃郁程度係黏住我個咀呢，朋友食完都忍唔住嗌漏到滯而我點咗特濃䐁骨沾麵一嚟到，緊係試咗個湯先!較平時嘅拉麵湯底厚身啲啲，鰹魚味香濃，豬骨湯濃郁，加埋好似好漏?當然唔會啦，湯底裡隱約有啲酸酸地嘅醋味，去除咗少許膩感，加埋椰菜一齊煮個湯，飲落鮮甜。䐁肉薄薄兩大片，肉質夠嫩，輕輕烤過䐁肉令肉味更香，拉麵係粗身小小個種，麵質爽彈，再配上半粒嘅青檸(我將佢榨汁落啲麵度），沾完湯再食有解左湯底嘅稠身感，食落無咁漏呢哈！最後我連碗湯都清埋呀下次真係想試吓佢個海膽同櫻花蝦呀！

睇到富士山55有新野更係要試試啦! 季節限定味噌牡蠣拉麵😌富士山55既拉麵不嬲都覺得佢有水準既！今次試下佢地既牡蠣（蠔）拉麵！當然不少得配菜蔥花、粟米、荀同埋芽菜啦！而佢既味噌湯底夠濃味！拉麵彈牙爽口！本身我好鐘意食蠔 所以覺得好好味！

8/5$214/2人, $107/人在銅鑼灣分店吃過，念念不忘。專程去尖東再吃。的確，會在店鋪入口不遠處，見到「忌廉哥」這附加的景點。今次試吃櫻花蝦沾麵，櫻花蝦湯底無豬骨咁濃，有蝦的海鮮味，好鮮甜！另朋友吃濃豬骨沾麵，好濃，都好味，但我喜歡櫻花蝦多些（雖然貴$10）。之後可以再加$20吃芝士飯，我們選擇加在櫻花蝦湯內，又有芝士味，又有少少海鮮味。好飽，但好味。女生未必可以又吃一碗麵又吃飯。最後再加日本汽水。

第一次來食富士山，出名食沾麵！唸住今次來食海膽沾麵，點個期間限定冇得食！ 禁我就叫左個濃湯豬骨沾麵！個麵麵質岩我..好有咬口，叉燒都幾好食. 但叉燒同麵既份量小左的... 下次要加麵底！個湯十分次好. 夠濃，佢來果的面頭仲要有木魚粉，增加左個湯既鮮味！食完曬的麵叫佢加湯.. 我仲飲左好多湯...佢果的湯應該係鰹魚湯來. .木魚粉，豬骨+鰹魚湯！正！ 最後我加左$20要左個芝士飯！佢用你的湯加埋的飯同芝士去煮！但個人覺得個芝士飯偏咸！同芝士味好似吾太夾.... 所以下次食都係加大麵底比較好！

今日，小新為一位大學既同學慶祝last day 所以，就一行四人行左去尖東既富士山55食個沾麵啦等左半個鏗左右先入到去，不過好彩佢係出面己經落左單 所以都好快有得食小新就要左個豚肉沾麵拉麵質地都彈身，沾上濃湯，好快吸晒湯味 正湯底上枱個陣就唔太熱，小新就用個電磁爐加熱熱身既湯底多左香味，少左濃郁鹹鹹既感覺豚肉份量唔算太多 只係得兩塊 有少少既肥肉所以都幾香半熟蛋就唔多特別，中中等等BTW 可以加入20 ， 變個芝士飯 鐘意食芝士同大食小新就食到 下次一定要搵埋愛麗絲試下先

幾個月前都黎過呢間尖東拉麵店，覺得佢退步左，無再幫襯喇。見佢推出季節限定嘅海膽沾麵，上星期日晚，探完可愛忌廉哥........坐住嗰堆成人雜誌之後，就行過黎試試。睇完嗰堆葉子楣年代嘅過期水麒麟，同埋松島楓時期嘅懷舊影碟，搞到有d影響胃口，不過見到吸引嘅海膽之後，立刻食慾大振！雖然海膽係賣點，但我個人認為，個湯先係最出色嘅地方，用上特製嘅龍蝦湯底。而唔係用平時喺呢度食到嘅湯底。湯煮得杰身，濃厚、鮮甜，帶有蝦膏香味，有層次。麵粗身，彈牙，較有咬口，呢種麵嘅掛湯力可能會無咁好，但配上濃厚杰身嘅湯，就恰到好處，一樣夠曬味。海膽係用加拿大海膽，爽身，甜味較遜色，撈埋麵食，味道唔出，叫做係多左少少層次咁啦。魚子好腥，無食。個人認為，就咁龍蝦湯沾麵經已唔錯，海膽可有可無。加二十蚊，食完後，可用個湯再整成芝士龍蝦湯飯，比平時用豚骨湯嘅湯飯更出色。

曾經富士山55是我和友人在香港最喜歡的拉麵店，吃過少說也有十次。愛它環境舒適，服務友善，少不了的當然還有獨家的芝士飯。上次到訪，試過期間限定的柚子胡椒拉麵，其柚子味道非常人工，如在吃香精般難以下嚥。當時想：畢竟並非常設菜式，一時失手也可理解。所以昨天再行經尖沙咀，還是決定再給一次機會。想不到...曾經富士山55人手不多，但待應態度誠懇有禮（特別是一位較年長的女士經常主動提供協助），廚師亦專注於煮食之上。今次一進去，卻發覺面目全非。也許具經驗的員工都調到了銅鑼灣的新店，尖沙咀店人手雖然多了不少，但在場的年輕員工間卻不時相互嬉笑，對顧客卻相當冷漠。我因胃病初癒，不能吃得太多，所以打算與友人叫一碗沾麵、一份芝士飯和一份雞軟骨棒一同分享。換來的卻是一句：「本店最低消費每人一碗麵。」我當然理解香港「土地問題」嚴重，租金高昂，食店設最低人均消費或入座時間限制亦相當合理。但為何要僵化地以一碗麵作單位？要知道我們叫的已是全店最貴的海膽沾麵（$188)，再加上叫了小食，人均消費肯定比叫兩碗普通拉麵（約$80~100)為高。何況當時只是晚上六時多，店內只有半滿。作為常客，這種連鎖店式的僵化教人失望。結果我

又到左週末，當然要對自己好一些，慰勞下自己！身為海膽控既我，一早bookmark左呢間拉麵店好耐，因為有海膽 x 沾麵呢個組合！ 夜晚七點多到，全埸差不多坐滿食客，好彩我地早到，唔係就要外面排隊等候喇! (因為到我地八點幾食完，就見到店外既人龍) 我地被安排坐bar枱，可以近距離見到師傅整野食。略嫌座位坐得有點狹窄，坐得唔太舒服呢。 等左陣，萬眾期待既海膽沾麵終於上場！面頭鋪左三大塊厚疊疊的加拿大海膽，海膽上面灑左大量粒粒都咁飽滿既三文魚子，仲有半隻味蛋同醃製過既筍。賣相方面已經令人未食先興奮，垂涎欲滴啊! 第一啖梗係先食海膽吧！加拿大海膽本身味淡，比起其他品種的海膽少了一份甜味，但我卻喜歡creamy和厚厚的質感，一大啖放進口裏，海膽的鮮味充斥著整個口腔。然後夾起了一小束拉麵，把拉麵沾上用龍蝦和海膽熬製的金黃色濃湯......雖然吃不出湯底的龍蝦海膽味道，但湯底十分重口味，有著鹹香鮮味，夠杰身。掛上了濃湯的拉麵煙韌彈牙,比烏冬更有咬口，加上脆卜卜的的魚子，鮮甜美味，令人不禁一啖接住一啖咁食！ 另外，我地仲叫左櫻花蝦沾麵，配料有叉燒、筍、蔥同味蛋。叉燒一般般，有d鞋。碗內有

The brilliance of this restaurant is not the fact that the ramen it's great, but what they transform the broth into. This isn't your typical ramen shop where you go in, order your ramen, eat and leave. The staff are incredibly nice and explain to you how the process works...which I will impart onto you as well. You order the ramen with the usual requests (firmness of noodles, extra pork, extra other toppings, thickness of soup, sesame oil). A bowl of ramen comes with all the toppings and a seper