富士山55 (拉麵沾麵專門店)

營業中

休息中

說起本地的沾麵店，於我個人而言最具創意的，便要數到這一間....開沾麵店做到有分店的，亦同樣要數到這裡....除了有正常的豚骨及櫻蝦湯以外，最吸睛的還有好幾款攪盡綽頭的出品，好像以海膽及松葉蟹作料的沾麵便是了....一客索價接近二百大洋的沾麵，愛沾麵如命的我也不大捨得食。對我來講，一碗特濃的豚骨沾麵，已能令我滿足....先略啖一口濃郁豬骨湯。湯沒想像中鹹，就算沒後加魚介湯亦能勉強喝到兩口；質地不算十分的杰稠也不太過油膩，但甜鮮豐腴之程度卻一點也不低。算是很有水平的沾麵湯....吃沾麵，麵條一定要夠粗身且夠韌勁偏硬才對口味。這裡做出來的效果，亦頗讓人稱心滿意的....這裡的叉燒是半肥瘦的，瘦肉不會太嚡之外肥的部位入口滲出了輕微的油脂香來；肉面頭更透著一股微微的燒炙香氣，比起普通的鹵煑叉燒，吸引力自然就更大了....說此店是最具心思最喜歡攪花臣的沾麵店當然不是空口講白話。眼前的這一小碗芝士雜炊，便是小弟今天專道為此而來的原因....友善的侍者先將部份的麵湯加入米飯，之後就下芝士進去一起煑，弄成有點像risotto的口感及質地。飯粒吸盡了麵湯與肉的精華，入口是甜得不得了，而且在下了芝士後卻一

本身想試拉麵，但又想試真d沾麵究竟好食的話會點好食法，點知連我樓下間平佢廿蚊的沾麵都不如，如果正計湯底就係我近期繼佐敦"x"單字動物,以及拉麵達x都好過佢，講梗係櫻花蝦沾麵，講返個流程，入到去有得掛袋係牆身，之後3mins就黎較子先，一般般無乜驚喜，都係個字皮唔會太厚肉又唔會太小，但就係味道都真係無突破，3.5星，之後等多5mins, 沾麵來了，見住工作人員係放湯碗野出黎先，之後先用手拿炸櫻花蝦好似審粉咁審上去，感覺好似唔值錢咁d蝦, 到送進口的一啖，無前兩間咁好，鮮味唔夠突出，而d沾麵就沾d湯後都係咁上下，稍為好d, 隻蛋都無乜驚喜，最後加20就係撈d白飯+芝士條同粉就至揾笨，同吉x家無分別，但起碼人地2x元會有送同係用珍珠米，呢度食到好似粥咁。。食完即走無下次

食晏食唔飽，百日宴又未到入席時間，只好在宴會場地附近搵食。見到有間日式拉麵店門口有條小人龍；既然這麼多人排隊，質素應該有保證，唔理咁多，排隊至算。上網翻查一下，原來《富士山55》源自日本名古屋市，並分別在泰國曼谷、台灣及香港設立海外分店；反而在日本當地名古屋市以外地方，卻沒有太多分店，甚至沒有插旗在大阪、東京等大城市，真的有點奇怪。一如其他在香港開設的日本過江龍拉麵專門店，在門口排隊期間，店員已經要求客人預先點選食物，主要目的當然是方便廚師控制時間，確保客人入座後在最短時間即刻可以有嘢食。除了減少客人的等候時間之外，也提升效率，增加拉麵店的翻枱次數，做多幾輪生意。標準日式拉麵小店格局，舖位面積細小，只有幾張二人及四人枱、及一個開放式拉麵廚房，廚房前面就是窄窄的拉麵吧枱。吧枱上放置了一些調味品及日式漬物。一如既往，老婆只喜歡淡口湯底的日本拉麵，又不嗜辛辣口味，在沒有太多選擇下，點了最正常的白湯豚骨拉麵（$83）。麵條比較硬身，估計與沾麵採用同一款麵團，所以缺少了正常的日本湯拉麵的彈性。湯底選了清淡口味，顏色比較淡色、而且也較稀；味道以日式拉麵的標準來說，已屬於清淡，但依然能夠品嘗到相當濃

松葉蟹膏沾麵的面條不算太粗，但頗有口感，質感十分彈牙，而且掛面度都幾強，輕易掛到d沾汁。沾汁本身都有蟹鮮，仲有松葉蟹肉已拆殼，可以啖啖肉咁食，岩晒我這些大懶人。最欣賞是蟹膏都有放，連埋一齊食特別鮮味。

知道呢間沾麵已經一段日子, 但聽人講話要等好耐, 店內又好迫, 所以一直都未提起勁去試！今次終於的起心肝去試喇！大約8點去到, 前面有10個人, 等左20分鐘左右, 尚可接受！入去之前, 係門口已經派order紙去揀定先入到去之後, 比我想像中好, 唔算好迫, 仲要一坐低冇耐就已經整好有得食個海膽沾麵一拎埋來, 不禁嘩左一聲, 因為海膽既份量真係幾多下我習慣一來就會先試一啖個湯先, 呢度沾麵個湯汁好濃, 仲要食得出有海膽既味道由於海膽份量都幾多既緣故, 所以個麵有少少難夾, 除非你整散晒堆海膽啦除左海膽好多之外, 魚子既份量都唔弱, 老老實實講, 真係同張poster爭唔遠成晚美中不足既係試唔到個芝士risotto本來係order左既, 但食晒個麵時, 得返一啖湯汁問店員有冇得加湯, 因為order左個飯, 阿黑面店員竟然叫我取消個飯我第一次食, 鬼知係收我個湯去整wor, 人地以為係比個飯我自己加落去嘛另外, order左個餃子, 唔好食到連相都唔記得影 如果我再去食, 我諗我會專注食返沾麵就算喇對於一個鍾意食海膽既人來講, 呢個海膽沾麵真係令人好滿足！

補食朋友生日飯俾尼個海膽沾麵吸引住平日去 夜晚7點排左20分鐘左右 之後好多人天氣又熱真係幾辛苦 鋪位置都幾迫 不過正常 香港寸金尺土唔講 入正題 麵叫左普通軟硬度個麵係粗身 可以掛到好多湯汁 個湯味道偏濃 我好鐘意食重味野，所以好好味但朋友一般所以都要加木魚清湯整淡，但我覺得唔整好啲 不過個湯好快會涷 所以要keep住用下個爐加熱 先好食韓國海膽好足分量 無腥味 中規中矩三文魚子十分新鮮入口甘甜 叫左小食 雞軟骨串 一般 芝士味會好食過wasabi 講返食哂個麵，加$20個芝士飯真係好正所以我話點解唔好整淡個湯下次會食普通豬肉つけ麺，因為覺得望到人地食好正！

去到諗住食海膽三文魚沾麵，但可惜已經賣哂，叫左松葉蟹膏沾麵食，送到黎時，完全無留意佢係無左蟹膏，蟹腳鋪唔滿個蟹蓋，蟹肉好似用水浸左好耐，淡某某，188蚊真係唔抵，唯獨個湯汁好味，同我去味千拉麵食無乜分別，兩個人食碗麵都三百幾埋單，坐位又唔舒服，地方好細，侍應行過都要縮一縮個身，最衰仲有一樣，就係見到佢果支調味野跌左落地，個樽口仲要店到地下，個侍應可以當無野禁擺返原位，跟住我就見到其他人攞黎gi落野食到比客食喇！唉！試過一次就算

琴晚去睇林海峰之前，順個便去食番碗拈麵，反正就腳，同行既又未食過。今次就真係食特濃豚骨拈麵，不過因為忘記咗佢本身都有半隻半熟蛋，所以手多加左半熟蛋，就係咁我就食咗隻半半熟蛋～第二次再嚟，湯仍然好濃郁，不過就覺得鹹咗d，不過味道都濃，唔知點解就係覺得無上次咁好食。麵既質感似烏冬多d，但係無咁粗，都ok既半熟蛋，好正，好糖心，加埋d湯一齊食最好味。叉燒，係薄身既，脂肪唔太多，我覺得ok，太多脂肪我反而嘛嘛。整體感覺，真係無上次咁好食，好鹹，或者係因為我食過其他，印象好似人地好食d

上個月才嚐過極度邪惡的海膽沾麵，日前，又來試了本月新推出的松葉蟹沾麵。實在不得不佩服，富士55的創意，用上海膽與松葉蟹，這些高級食材，來代入沾麵，藝高人膽大之舉也。你知啦，一客沾麵，收你百幾銀，稍有差池，食客肯定_到反艇。松葉蟹沾麵賣相挺具霸氣，蟹蓋蟹鉗蟹爪遮蓋了整碗麵，拆起的鮮嫩蟹肉，與蟹膏以蟹蓋盛著，而蟹鉗亦預先剝了殼，得以盡情享受肥美的蟹鉗肉。粗身的沾麵，在濃郁的沾麵汁之下，表現出應有水準，當吃完麵條，剩下的沾麵汁，由師傅注入米飯，再加芝士來活化，一雞兩味，物盡其用。好了，有些人見狀，可能會大罵，沾麵做乜搞到鬼唔馬六？魚介豚骨好地地，係都要加海膽松葉蟹來玩下嘢？我經常說，在現今世代，傳統固然有其價值，但一本通書不能看到老，有時候，要作出改變，才能歷久常新。

之前見到介紹海膽沾麵就好想試，所以決定同男友一齊去食~點知呢一晚去到已經冇得叫，唯有試返其他特濃豬骨沾麵男友order左呢個~好香濃豬骨湯味，麵都夠彈牙。如果肉厚d會好d~個湯黎既時後略嫌唔夠熱，但店鋪本身都好有心，每個位都有個電子爐比客人加熱個湯，我地都唔例外櫻花蝦沾麵同樣好濃郁既湯底~比較下都係覺得豬骨湯既好食D我地另加左20元配1個白飯。職員會用你淨左既湯底(特濃豬骨湯)加入白飯同芝士粉煮到成為黏飯。不過我覺得白飯份量太少唔值$20~

朋友話想黎呢間黎食 話好好食😏佢要人齊先可以入座，店舖面積不大 只可坐二十人多少少。如果想傾計 坐得舒服 絕不建議。一張檯最少要坐6人 唔識既都要搭檯。我見佢出面沾面就叫左個沾面特濃豚骨沾面($88,要軟面)有半隻唔流心既流心蛋，同平時食雞蛋甘 係多左少少甜味甘。荀嫩口，冇渣，味道都唔錯👍沾面個湯，係夠濃既，但就冇咩特色甘，同平日你去食豬骨拉面其實冇咩分別，黎到既湯好快就凍，雖然有個電池爐俾你加熱，但係甘多人，張檯又甘多野，要你整熱都廢事。面都夠軟身既，但個人覺得應該可以再軟少少。果兩塊叉燒正常肥瘦 唔差既。服務都冇話好唔好啦，甘逼 行多步都難 食完就走既樣😏😏但我認為唔會再有下次🙈

今日突然想食拉麵，就諗起尖沙咀有間沾麵同事話好食我又未去食嘅，而且我食過佢銅鑼灣間分店，真係唔錯，而大少又未食過，梗係帶佢嚟食吓煎餃子 - 係我必食食物，呢個餃子煎得啱啱好，又夠皮薄餡多雞軟骨棒 - 醬汁有幾款，其中有芥辣同沙律汁，我當然會揀沙律汁喇，呢個雞骨棒大大嚿，又香口，真係非常好味特濃豬骨湯沾麵 - 主角出場，我覺得個湯底比我之前去銅鑼灣濃少少，啱晒我呢個鹹蟲，我另外再加多隻糖芯蛋，夾埋個沾麵湯，真係要大叫美味い~~~最後大少決定要加佢個芝士嚟試吓……嗯……個人覺得……呃like都OK嘅，味道就……平常囉

朋友介紹說這店子的麵很有名，今天剛巧到附近，便去試一試它的沾麵獨行的好處是不用等位，平時據聞大排長龍的店子，今天只用了幾分鐘就可以入座了。店子雖小，格局卻很像日本的拉麵店。我點了最基本的豚骨沾麵，不一會麵就來了。麵的份量不多。我在落單紙標註了要偏硬的麵條，可是麵條咬下去仍然軟軟的，似上海麵多過拉麵，見水吧放著存放拉麵的紙箱，相信拉麵是機製的。溏心蛋中規中矩，叉燒油香十足，不錯。沾麵的靈魂是湯，拉麵掛湯能力不錯，湯汁雖然有豬骨濃郁的味道，但味精也不少，吃完之後口乾了一整天。用味精堆砌出來的美味，恐怕是行了歪路，客人不但沒能回味無窮，反而要灌水沖淡舌上鹹苦。

今天到尖東上堂午飯時間選了這間開業了很久的沾麵店從前 當探忌廉哥時就會經過此店但一直未有時間品嚐由於未夠1點12:30 到點時仍有三四個位子坐下時店員會協助你掛起手提袋頗貼心然後我點了傳統的豚骨沾麵豚骨湯頗香沾麵麵度正合我意味付蛋不錯叉燒極到薄身個人喜歡厚身的麵的份量不多見鄰座男食客是吃了兩碗麵的就知道份量不能滿足餓著肚子的男生呢如果要再試下次我會選特濃哪款呢

星期日0既午餐如無意外多數都會係尖沙咀進行今日也不例外到了一間之前就已經很喜歡的沾麵店潮聖本來想試他的期間限定 "海膽沾麵"可惜已經完了...一場0黎到就食下之前已經試過的濃香櫻花蝦沾麵吧水準依舊! 因為一個人的關係, 就被安排了坐在吧枱之上望著師傅們努力地一碗又一碗的用心制作吃著....又有另一番風味沾麵與拉麵我個人比較喜歡沾麵除了我比較怕熱外係因為沾麵質地較硬身更能顯出麵的味道可惜食沾麵有個壞處就係湯會比較易冷卻所有0野都變得油油膩膩的係度食沾麵就唔怕有哩個問題因為每個位上都有個電熱板比你隨時加熱冷卻了的沾麵湯!你喜歡食住加又得, 加住食又得很細心的安排呢!!唔夠飽唔緊要!!哩度仲有個OPTION比你就係加飯加芝士係你用剩0既沾麵湯入面加熱之前我試過一次真係好好味但......我還未想爆肚而死所以如果得自己0黎還是想也別想吧吃罷沾麵, 休息一下就準備星期日的下半場好了唔知遲D會唔會有番海膽沾麵呢?很期待呢!富士山55 (拉麵沾麵專門店)Fujiyama 55尖沙咀麼地道75號南洋中心地下7-8號