富士山55 (拉麵沾麵專門店)

營業中

休息中

香港食拉麵既地方有好多 但係食沾麵既地方好似比較少 上openrice search下 見到依間食沾麵都幾多好評。我地夜晚8:00到達 門口已經有人龍 排左大約半小時左右就可以入去啦 我叫左個櫻花蝦沾麵 麵質好彈牙 唔會太林 再加兩片厚厚的豚肉 湯底好濃但又唔會太咸 味道適中整體黎講 不過不失 大家有空可以一試

近幾年「沾麵」在香港大熱，成為一股新興拉麵潮流，對在下來說沾麵是很久以前已經愛上的美食。話說在下於東京留學時經朋友介紹吃過沾麵後，自此成為了沾麵控呢間fujiyama55剛開鋪時已經幫襯過，當時我係香港經常搵沾麵食，好多都係慘痛回憶但呢間fujiyama55係我第一次係香港食到有日本味道+日本感覺的地方一段時間無黎，希望不會水準有跌特濃豚骨沾麵@麵條 : 麵條完全沒有斷開的跡象，而且夠凍夠乾+滑滑的表面，良好的彈牙口感可惜的是麵條的小麥味不太突出湯 : 雖然叫特濃，但與麵條的配合卻是剛剛好半熟蛋 : 咬下一口半熟蛋，看到蛋黃顏色真的鮮艷，味道很甜很濃

之前自己黎過一次食櫻花蝦拉麵（上次黎太凍要食熱野）難得再次路過點都要試一試沾麵！叉燒有少少焦半肥瘦很不錯重點櫻花蝦湯底還是一樣非常鮮甜！未開始食已經忍唔住一啖放入口！不過湯底好似比之前食稀左沾麵時無辦法掛上麵唯有用匙舀幫下手食完沾麵朋友大力推介要食芝士炊！上次自己一個女仔食唔落，今次難得有人分當然要一試黎到一睇好水囉⋯⋯朋友話好耐之前食過係成片芝士，而且飯既分量都減少了但感覺最失望既係好似湯飯咁而且也沒想像中拉絲拉得咁多基本上都係稀既係我地回憶總是美好定你退步左呢？

星期一撞正公眾假期，把心一橫想食一蘭點知勢估唔到要排20 個人，於是轉場食呢間富士55.其實我地一行兩個，可以話係幾鐘意食拉麵既人，出名唔出名都好，得閒就會搵黎食周月三田海老都食過，口味都夾我地既呢間富士55 黎講由於我們從來無打算食海膽沾麵，所以對佢其他似乎並不重點的拉麵沒甚期望，但係真係估唔到係咁差。首先，侍應，係操著一口假日文既中年女士。奉上碗麵既時候果句chok聲chok日文同該店聲稱來自名古屋真係連唔埋一齊。第二，櫻花蝦麵及特濃豚骨沾麵麵本身問題不大，不冷不熱是室溫不算特別彈但亦都唔粉個湯係最差1. 質地： 好稀，令到櫻花蝦的魚介湯底掛唔到麵上面，平時浸一半啖麵落湯，而家全浸只係剛剛接受。但係如果你想享受沾麵掛湯有濃濃的魚介味道，對唔住我覺得呢度比唔到，不如去三田。2. 味道：特濃豚骨的味道比較入流，濃味有小小杰，只係剛好/ 至於櫻花蝦，味道不足，而且自己果碗同對面果碗蝦油差咁遠，對於出品係有d失望3. 溫度：一碗麵應熱得熱係應份，個麵上台時係室溫，至於個湯，用鐵兜快凍，碗野稀更加快凍，食左一半，麵又室溫湯又室溫，一張台搭左3 張單，點樣用唯一一個電磁爐慢慢整熱？基於以上，碗

海膽同埋三文魚子都係我既最愛。亦都係點解我會慕名而來食個海膽沾麵。海膽既濃郁同埋個三文魚子既鮮甜哩個配搭絕對係刺身既一絕。但當夾上冷拉麵既時候，就頓時有點失色。幸而店內為哩海膽沾麵特製咗一道海膽沾麵汁。哩個海膽汁濃郁得黎又唔會太咸，伴上拉麵或再加上海膽及三文魚子令整碗沾麵生色不少。總括而言，味道是不錯的。愛好海膽及魚子的人值得前往一試。但對於刺身愛好者的我來言，這個食法會有點兒浪費了刺身的鮮味。（愛好肉食的我於海膽沾麵加了份豚肉，令我感到份外滿足。）另外我個囡就叫個櫻花蝦油拉麵，味道上不過不失，但沒有太大驚喜。

見有唔少好評 所以試下 果然好好味 八點去到 等左五分鐘左右就有位 唔算好多人 叫左兩沾麵同拉麵 濃香櫻蝦沾麵 (加麵200g) HKD93+28揀左較硬嘅麵 硬度適中 湯底都有蝦味 但唔太濃 白湯豚骨拉麵 HKD83揀左日本濃厚湯底 湯底好有驚喜 真係比一般'傑' 又唔會太鹹 拉麵係比沾麵幼 但都好好味 係豚肉份量比較少沾麵加飯HKD20最後如果仲唔夠飽可以加20蚊 係沾麵湯底加飯 會有啲似risotto 但唔太夠味總結黎講 好滿意 係香港好食嘅拉麵店之一 見到仲有限量特色拉麵 下次可以再試

自從去完日本後，就好想再食拉麵，星期六接男友放工就去食，等咗1張枱就有位。 我叫咗白豚骨湯拉麵，男友叫咗辛辣沾麵，叫多咗個雞軟骨棒。雞軟骨棒($32, 2枝)先上，食得咸嘅我覺得醬汁偏咸，不過雞軟骨幾好咬口，一人一枝啱啱好。然後男友個辛麵沾麵都黎咗，我試咗一啖，真係好辣。 等多陣我個白豚骨拉麵都黎咗，個湯好濃，隻蛋烚得啱啱好，加捚木耳同葱花，天氣涼返少少好啱食，價錢都合理嘅($8x)。 lunch 諗唔到食咩可以再去食。

I was fairly hungry so I wanted a hearty meal after much walking. There were a couple of people queueing outside so we waited for about 15 minutes. Initially I wanted to order the black sesame tsukemen which sounded very intriguing, but found out that actually they only do that during the afternoon. Dinner only serves ramen. Since I am allergic to prawns I ordered the class. To be honest for any new ramen place I go to, I always try the simplest one first to get a sense of the place. You could t

今日去開尖東，本身諗住去買手卷食，竟然見到呢間拉麵唔駛排隊，就決定黎個獨樂樂🤗🤗難得唔駛排隊咁lucky，又咁多人慕名而黎食佢既海膽沾麵，我就決定豪一豪佢，再加埋個芝士飯。唔駛驚唔識食沾麵，因為佢個位個度會有教學話你知點樣去品嚐架👍🏻👍🏻👍🏻而且怕你個湯好快凍，仲會有個電磁爐比你reheat番個湯👍🏻👍🏻👍🏻落完order冇耐，我個沾麵終於都黎到啦。賣相相當吸引，海膽既分量都唔少，仲要好新鮮tim，不過我覺得個湯好似鹹咗少少，但係配埋個麵都好好食既，而d麵條又夠彈👍🏻👍🏻👍🏻👍🏻食完個麵，佢地就會收埋我個湯再落d飯同芝士同芝士粉落去撈埋，我覺得食完麵其實都已經夠飽，不過難得黎到就梗係要試埋個飯，原來個飯咁食好香好好味，不過就略嫌太膩啦😜

朋友約食飯，佢本身係拉麵控，原本話去食拉麵，點知佢話想試下呢個沾麵有幾正，因為知道多人等，有朋友排埋隊，梗係即去啦！本人本身都好鐘意食撈面，心諗未試過沾麵就試下啦！根據個人起好，排緊隊已經要點好自己想要嘅配搭！一埋位就差唔多上菜，快過食快餐呀真係！因為只可以食豬嘅關係，叫左呢個叉燒濃湯沾面，味道幾好，但一上枱個湯已經凍左好多，即刻放上每枱都安裝左嘅電爐上面，好快又熱返！雖然有電爐，但座位太迫，放電爐上都好似會阻住人咁。。。食得好唔好意思囉。。。其實見佢個海膽都幾吸引架，可惜丫，下次有機會再試。不過又未至於好食到一定要再黎。。。始終食得太趕喇，隨緣啦！

慕名而來試佢嘅海膽沾面，海膽份量都算多，個面點海膽汁食有啲偏鹹，其實食晒個面之後都已經幾飽，不過一場嚟到梗係食埋佢個飯啦，其實個飯都幾膩，所以叫一個飯三個人分就差唔多啦。味道唔錯不妨一試，不過呢個價錢食個麵真係幾貴，所以試一次就夠喇。

幾日無update, 係時候又番黎啦！！去左尖沙咀諗住食個最出名嘅海膽沾麵。諗住比貴少少試點知賣哂！！😭😭咁我就叫左個櫻蝦沾麵，講下櫻蝦湯，一黎到 ，唔係好熱，所以我即刻搵個爐慶一慶佢，之後到沾麵，其實口感普通，唔夠實，同埋比較幼身，到個櫻蝦湯幾香，味道適中，唔會好似其他沾麵店湯底咁濃（但係日本其實沾麵湯多數都好濃）整體黎計，個價錢唔叫做太貴，所以不過不失，不過話說，我見餐牌寫住芝士釜飯，見到“芝士“兩個字我就雙眼發光叫左，點知，原來係拎左我個碗剩低嘅湯再加佢嘅芝士黎煲飯，撈一撈盛惠$20 😂😂😂嘩 呢個真係伏左，下次問清楚先加錢....地點：尖沙咀富士山55味道：3／5服務：3.5／5環境：4／5價錢：3／5

上班族lunch hour必選雖然場內位子不多, 但可以容納1至2張3至4人台小聚, 但走廊尚算寬敞, 牆上更有掛勾提供掛上褸/袋 一入門口就見到靚女侍應既笑容招呼入座明確既點餐紙已經放係台面不得不推介這碗濃香櫻花蝦拉麵, 湯味濃又不油, 材料足 女孩子要小心份量會太多 

今次係第一次來呢間食沾麵，岩岩行完維園年宵就過來試下。兩個人等左半個鐘，入到去坐牆邊既位，位好窄，雖然枱底有鈎掛袋，但背住個書包食左一大半員工先有提醒，欠缺自動，有水但冇比杯😓唔知係咪呢間比較特別，麵係凍既？佢既tips 話係一匙湯加一小撮麵，但咁樣食法必足以整熱啖麵，除非成碗倒落去啦⋯⋯叉燒亦好少，對於我來講，唔加料既話係唔夠飽⋯最後都點左個芝士飯share，賣相似燕麥粥，份量好少，一人兩三啖就食哂。總括來講，唔值呢個價錢，我自己食過第二間比呢間好味好多！

依間野係拉麵沾麵專門店，黎得依到緊係食沾麵啦~叫左個特濃豚骨沾麵，湯底好濃，湯係幾好味，d麵都幾粗下，條條麵都可以沾滿個湯，加埋隻蛋，又係一絕。佢仲可以食完d麵就加飯撈，幾特別，不過食完麵麵飽就冇試加飯🤓🤓🤓同行朋友仔叫左個濃香櫻蝦沾麵，好重海味個隻味，鐘意食辣既人都會幾鐘意。仲叫左煎餃子，$3X蚊5隻，完全可以無視，冇特別，麻麻地。仲有幾款沾麵，可以下次再試下，$90碗左右，1個月食1次都唔算太貴姐=)其實想食佢個海膽沾麵，但見到$188就.....