好湯好麵

營業中

休息中

環境：店內空間不算好大，空間感中規中矩，但就乾淨企理，冇異味，上菜速度快，服務員都很好禮貌雙冬羊肉湯：價錢就不算好平，不過這個味道質素都對得住這個價錢的，首先份量都算足夠，羊肉嘅份量都算多，很重羊肉味的湯底，麵條彈牙，配埋羊肉一齊食好似食咗個羊肉煲一樣，好暖海龍王麵份量都算足夠，湯底好濃海鮮味，配料新鮮，麵上面隻蝦食得出都是新鮮，爽口彈牙入味，麵條大小適中，彈牙好食，總體嚟講，價錢就唔係算好平但係就勝在質素高可以一試

有冇試過嗰種一飲湯就停唔到口嘅感覺？呢間店入面嘅海龍王湯麵做到咗！湯底透出嗰種濃郁嘅海鮮鮮味🐟，真係一啖鮮過一啖，湯面飲落去暖笠笠，真係夠晒霸氣。啲蟹肉、海蝦仲有其他海鮮，食落彈牙得嚟唔柴，每一啖都夾雜住海中精華，完全唔需要靠調味嚟提味，夠曬自然。再講吓花膠佛跳牆呢個補身菜式，講真，飲落去嘅每一啖湯都有股濃濃嘅膠質感🍲，一啲都唔水薄。呢個佛跳牆唔單止食料豐富，連湯味都好夠分量，D花膠同鮑魚咬落有嚼勁，飽滿得滯。不過食多咗就會有啲飽，可能要過陣先再捱第二輪。飲品方面，檸檬薏米水就真係聰明嘅選擇🍋，清新消滯，啱晒用嚟中和呢兩款重口味嘅湯底。整體嚟講，哩兩款湯麵同佛跳牆都算係我食過最經典嘅之一。下次肯定要搵時間再嚟重遊，唔試返次幾乎係對唔住自己嘅舌頭啊！👅

可能開左分店分薄左資源，個湯淡味左，無之前食開咁濃，如果收過百蚊保持唔到水準，好難有回頭客，另外冷泡烏龍由玻璃樽轉左膠樽，就咗睇好似縮左水，細支左，可能又係節省成本。

💪🏻 叉燒鮑湯麵 ($98)呢間餐廳係專做靚湯同靚麵，一直都想食好耐😋 叉燒鮑麵嘅湯底係高湯，但味道唔太特別，冇咩味，只係食到咸味，而且湯底亦都偏咸🙁 鮑魚煮得夠淋，亦都好入味！日式叉燒都好大塊，肉質軟淋！麵食方面係用扁陽春麵，食落都彈牙，掛到湯😛。可能佢高湯冇咩特色之處，希望下次可以試下海皇湯！但價錢有啲偏貴。味道：7.5/10性價比：6/10 食住瘦指數：💪🏻💪🏻💪🏻💪🏻/5

依間湯麵店都見係不同嘅社交平台出現過，有一部分人覺得一碗麵買到咁貴，唔值，但當我試過之後就覺得物超所值，湯底飲得出係用足料，味道濃郁，比起好多嘅湯麵舖頭出色😋———————————————————————海龍皇湯麵 龍蝦湯底濃郁，海鮮亦很新鮮，性價比十分高棉花雞湯麵雞湯湯底，沒有味精，不會令人覺得口渴海蜇頭 味道偏淡，沒有特別，可以不用嘗試芝麻醬雞絲粉皮一上枱攪拌嘅時候比較乾，食完麵之後青瓜出水，反而令到粉皮更加濕潤，比較易入口，粉皮都好煙靭，味道都比較淡，但係好食嘅黑糖桂圓冰粉冰粉很清新，有乾及新鮮新鮮桂圓，甜甜地，可以一試最後附上餐單一張供大家參考

在大圍及銅鑼灣皆有分店的好湯好麵，將簡單的湯麵製作得毫不平凡。今次點了限量供應的迷你佛跳牆，濃郁鮮美的湯底絕對是精心熬製出來的精華。配料蘊含多種珍貴食材，從鮑魚、海參到素翅及魚肚，更選用來自日本的地雞肉以及刺身級帶子。使用的扁陽春面口感彈牙，掛湯能力一流，更能好好感受這碗集大成級湯麵的美味。Mini Buddha Jumps Over the Wall from Hao Tang Ho Mian is a true masterpiece of the soup noodle category, with rich broth made with premium ingredients, topped with abalone, sea cucumber, vegetarian shark fin, fish maw, Japanese chicken, and sashimi-grade scallops.

🍲 再訪好湯好麵 可惜水準稍降 🍲⭐️海龍王湯麵 $138湯底用了蝦頭油來提鮮，材料方面有蟹肉、帶子、蝦、廣島蠔及魷魚。各款海鮮熟度適中，鮮味突出。麵底用咗陽春面，麵質稍為稔左啲。⭐️膠膠麵 $138依碗麵上嘅時候，真係有俾佢份量十足嘅花膠同魚肚surprise到🤩。花膠厚身有口感，大概有三四塊。魚肚吸收到濃郁嘅花膠湯汁精華。豚肉片增添湯底嘅鮮甜味。整體嚟講，依款面真係真材實料，會想把整碗湯都喝光。⭐️蠔皇豬豬 $106依款海鮮湯麵以龍蝦牛油和蝦子作湯底調味，但牛油味稍重，湯底唔夠熱，鮮味不太突出。材料有廣島蠔、日本豚肉片和蝦，可惜味道沒有如海龍王的海鮮般入味。好湯好麵獲得米芝蓮推介，亦有一班長期捧場的食客。店內環境不大，很多時都有等候的人龍。唔想去大圍咁遠嘅話，亦可考慮去銅鑼灣分店。今次係第二次幫襯，有少少失望，以依個價錢嚟講，湯麵份量係幾足，可惜有啲位扣分（湯底唔夠熱，麵太稔等），冇第一次食咁驚喜。

難得唔需要排隊，可以直入，當然要來品嚐啦！蠔皇豬豬-食到廣島蠔既鮮味，蝦亦爽甜，豚肉些少肥太可以接受。這碗湯底鮮甜。😊迷你佛跳牆-只是把一些平時較少用來伴面的材料加了入去，材料質素一般。另外湯底偏咸。整體沒有太大驚喜，可能因為太高期望。145元的價錢就不值得推介👎🏻只可惜食完唔會令你有種想再來食的衝動。

大圍有不少美食，趁今日去探朋友，順路試試呢間人氣米之蓮推介的粉麵舖。去到現場，等待的人多，足足等了45分鐘先可以坐低。意大利黑醋海踅頭 $60海踅頭爽口，大大塊，意大利黑醋十分特別，加入海踅頭也不會奇怪，反而多了黑醋獨特的香氣，很開胃。棉花雞湯麵 $100湯底是濃郁的雞湯，是長時間炎熬煮的味道，飲完不會有口渴的感覺。扁陽春麵軟硬剛好，不會過軟，又掛湯。加上厚身魚肚、鮮雞件及冬菇，味道十分不錯。海龍皇湯 $138湯底比棉花雞湯麵更濃郁，多了一份海鮮的鮮味。湯底的食材多，有藍蟹肉、海蝦尾、北海道魷魚、北海道帶子、廣島蠔肉，再加上蝦油味，令到湯底更豐厚，鮮蝦味突出。海鮮配料彈牙，不會過硬，鮮味十足。好，陽春麵同扁陽春麵一樣，不會太淋身，保留一定口感，而且做到掛湯效果。食物味道不錯，可以食到優質食材的鮮味，湯底十分出色。不過等待時間就令人有點卻步，如果在平日非熱門用餐時間前往應該會好點。價錢不算親民，但可以嚐鮮試下。

雖然「好湯好麵」在銅鑼灣開了分店，但窩夫聽說大圍總店的水準比較高，所以堅持要光顧大圍總店。記得多年前有一次去到門口但被等位的人龍嚇退，今次平日下午六時前到達，一邊等開門一邊研究要吃什麼。「#迷你佛跳牆」($145)的麵底是扁陽春麵，配料有鮑魚、海參、素翅、魚肚、日本地雞肉、北海道刺身帶子、花菇和雲腿絲，十分豐富。一上桌先喝一口湯，濃郁的雞湯果然名不虛傳，太美味了，喝完也沒有口渴，真材實料。多款配料亦很講究，只有海參稍為遜色。「#棉花雞」($100)的湯底跟「迷你佛跳牆」一樣，窩夫最後把雞湯都喝光了。配料有日本地雞肉、魚肚、花菇和雲腿絲。日本地雞肉來自鹿兒島，因為活動空間大，肉質特別結實，口感一流。魚肚吸收了高湯的精華，特別好吃。

💠💠好湯好麵💠💠海龍皇湯 $138湯底以龍蝦殼熬製🦞，甫端上枱已經湧出濃郁蝦香，成個湯蝦味好重，每一啖都飲到甘腴嘅蝦油味，蝦肉亦都相當爽彈。值得一讚係魷魚🦑😍，完全唔會韌同埋冇沙，亦都唔洗好似食香口膠咁要係咁嚼🤣，麵質一開始係偏硬，浸耐咗就腍返啲，所以唔中意硬身啲嘅麵建議食住側邊嘅海鮮配料先😊蠔皇豬豬 $106 入口散發豬油香味，仲有淡淡燒豬腩肉味，尾韻有龍蝦牛油同蝦子帶出嘅鮮味，層次豐富。五花腩片切嘅薄度似平時打邊爐嘅肥牛，食落索索聲好爽口🤭，廣島蠔滑捋捋，蠔味超濃，鮮甜肥美完全冇渣。扁陽春麵好實心，如果你平時偏愛粗麵/刀削麵，依款麵一定好啱你😆餐廳獲米之蓮推介，每一樣食材都好優質，亦都飲得出湯底以真材實料用心熬製，湯頭札實，唔會死鹹涸喉，絕對唔係用濃湯寶/湯粉包沖😛，見到好多食客都飲晒啲湯，非常推薦俾大家❤️明天去吃指數：4.5/5ꕀ ꕀ ꕀ ꕀ ꕀ ꕀ ꕀ𖤥 好湯好麵 𖤥🗺️ 大圍積存街20號地舖🗺️ 銅鑼灣加寧街9-11號名店坊地下B號舖

餐廳名堂響噹噹 除咗連續兩年榮獲米芝蓮 網上更有指係前四季酒店法國餐廳副廚主理👨🏻‍🍳 當日3:00pm左右見唔洗排隊就入去試下🔸海龍皇湯 $138食材有藍蟹肉🦀、海蝦尾🦐、北海道魷魚🐙、日本刺身帶子、廣島蠔肉🦪由於加入蝦頭油 湯底蝦味的確香濃😌 蟹肉份量都唔少 蠔都幾大隻 但陽春麵麵質偏淋▪️黑口黑麵 $90其他餐廳比較少有墨魚湯底 但個人覺得少許偏鹹 🙈配料包括北海道魷魚、墨魚滑 墨魚滑彈牙帶甜 帶墨魚粒🦑好好食👍🏻 但只有2粒 份量偏少👉🏻👈🏻 相比海龍皇 扁陽春麵麵質較滑更彈牙整體味道唔錯 但未到非常驚豔 由於餸嘅份量偏少 相比價錢CP值稍低 但去開可以一試！

呢間養生湯麵款式選擇多🍜咁多款選擇下揀左海帶菇菇🍄呢碗入面有鮮冬菇 雞腿菇 木耳 仲有一支吸睛度好高既脆腐皮湯底用海帶湯 飲落味道清甜唔味精 麵質選係扁陽春麵 有質感又唔會好林 另外小食點左個玫瑰豉油雞中翼味道不過不失

上周四同外國朋友行完博物館,帶左佢來食,因為佢仲意飲好湯。如彩我地早來,仲可以坐下面,冇耐越來越多人就要上樓了。我後來先知原來係米芝蓮餐廳,吾怪得甘hit有新野,不過我都係試返推介先,我仲意食海鮮,朋友仲意食牛,所以我地叫左海龍皇同好頭好尾。好濃的龍蝦湯,入面好多海鮮,仲有好多蟹肉沉晒底,我好努力飲左大半份湯,但都完成吾到,太大份了,下次試下叫少麵先。朋友的好頭好尾,佢猛讚好食,連牛脷都話煮得好淋,外國人都食到😂我地叫左海踅頭,好大塊,個醋調得好好,好開胃~試左2款冷泡茶都好好飲,好舒服,白桃茶都幾多人點~個茶樽設計幾好,我地都拎左返去重用來泡茶😂冰粉有新鮮同乾的桂圓,都係my favourite,冰粉食落吾甜好清新,個似喉嚨好舒暢,大愛♡夜晚落住大雨都仲有好多人不斷入來。幾個侍應都好快手同好nice,讚！

上一次已經食過佢嘅銅鑼灣嗰間，已經覺得非常印象深刻🥳👍🏻❤️男朋友話大圍嗰間仲好食！所以今次夜晚去開嗰頭就去咗排隊啦！餐廳嘅裝修同格局冇銅鑼灣嗰間咁大同埋新淨，始終係第一間嘛👩🏼‍🍳不過員工嘅態度非常之好服務好細心，入咗一間中式嘅湯麵店，感覺自己去咗食日本拉麵咁🍜⬆薄切凍豆腐️🌟🌟🌟🌟🌟頭盤依然係嗌咗佢哋好出名嘅薄切凍豆腐，一片片然後上面有啲辣醬！勁開胃🤤夏天食作為第一道菜！⬆️金華火腿麵🌟🌟🌟🌟🌟個湯底係非常之濃郁嘅金華火腿味，然後仲有一小碟嘅薄切金華火腿可以配埋一齊食！雖然好夠味，但係一啲都唔會覺得口乾😛😋😋yum yum 下次一定會再嗌依個⬆️棉花雞麵🌟🌟🌟🌟🌟比較兩個湯底棉花雞嘅湯底稍微清淡少少，不過雞湯味道依然係非常之濃！陽春面嘅質地亦都好啱我胃口❤️❤️❤️⬆️雪梨黑豆水🌟🌟🌟🌟佢哋自己煲嘅飲品！甜甜地，我第一次飲覺得幾鍾意！🤤😛不過男朋友話其實成日都係呢一款，但係個侍應就講到好似今日特飲咁😂😂😂😂相信呢一間餐廳會變咗我嘅定期飯堂！有機會嘅話要試多啲唔同嘅湯底！