好湯好麵

🐯米芝蓮推介既麵食又黎啦🐭 ⭐️按「更多」睇詳細資訊😋黎  ，點可以唔順便覓食一下呢？實情係…唔喺度食返啲好嘢，成個行程就變得冇乜意義（因為睇唔到「京都」個點響邊…）見到有呢一間必食推介，於是就過去會一會米芝蓮推介嘅麵店！1️⃣ 海龍皇湯 $146橙色既皇湯，係蝦油呀！上枱就滿滿既蝦味！不過湯飲落去未算係超級濃。材料方面，有藍蟹肉、又肥又大隻廣島蠔、海蝦、帶子同魷魚。蟹肉就唔算太多。陽春麵就中規中矩啦，個人認為腍咗少少。2️⃣棉花雞 $108淡金黃色既高湯湯底有火腿絲鹹香味，相對來講我哋鍾意呢個湯多啲，鮮而不膩。值得一提嘅係魚肚！吸晒啲高湯，好好味😋！而且個棉花雞嫩滑，花菇亦好入味！🌟🌟 🌟🌟 🌟🌟 🌟🌟 🌟🌟 🌟🌟❤️ 上菜需時等左半小時（懷疑漏單)，隔離都好快上菜💚 湯又真係幾出色，上枱麵熱辣辣💛 價錢比較貴，性價比一般。（不過好食既）Rating：懶惰鼠😻😻😻😻懶惰虎😻😻😻 + 0.5📍 好湯好麵大圍積存街20號⏰營業 時間：12:00-17:0018:00-21:00…查看更多

餐牌上叉燒鮑寫明是扣鮮鮑，結果上菜是一粒手指公咁大嘅罐頭鮑魚，同個女侍應反映，問佢為何不是新鮮鮑魚，佢話「幫」我問吓，結果一去冇回頭，首先你唔係幫我，係你應該要做嘅職責，到碗麵食咗大半都係冇人嚟同我解釋，我唯有再追問，先至有一個好似高級啲嘅阿姐嚟同我講話啲鮑魚唔靚，所以安排咗1粒X記罐頭鮑魚俾我。我話做乜唔係落單前就同我講，成個感覺就係要焗我食完呢碗1粒罐頭鮑魚麵咁，麵都食完，冇得唔俾錢。要食罐頭鮑魚麵我自己煮得啦，洗鬼嚟你度食佰幾蚊咩？唔好當人三歲細路哥咁，鮑魚唔靚？點唔靚法呢？日日街市都有新鮮嘅鮑魚供應，你就入唔到貨嘅，而且又會即刻有X記罐頭鮑魚供應代替嘅, 所以有理由懷疑佢一直都係用罐頭鮑魚。又跌錢……大家小心中伏…查看更多

上次黎左大圍油站對面呢一間好湯好麵聽聞係五星級酒店大廚自己走出嚟開嘅舖頭所以佢嘅用料好足！😋個湯底真係不得了，喺出邊根本未食過呢一種湯底！真係好好食，成碗湯飲到底食晒所有麵仲想加多一碗😂🙂‍↕️…查看更多

呢間餐廳由開業至今已經試過好幾次☺️包括佢既分店😚每次都食得出佢既用心🥰今次試咗個超豐富套餐🤩 海龍皇湯鮮味爆燈💥 飲得出用足料海鮮熬製🐟🦐 仲有啖啖魚肉同蝦 鮮甜到震😋 棉花雞湯反而驚喜 雞肉滑到似棉花🐔 湯頭清甜唔油膩 飲完成個胃好舒服☺️ 兩個麵我都好似個日本人食拉麵咁飲哂個湯😂自家製蝦子醬撈烏冬必試💯 蝦子醬鹹香惹味 撈勻每條烏冬都掛滿醬汁🍜 加埋爽口烏冬質感 食到停唔到口👅 前菜超有心思🥰話梅漬車厘茄酸甜開胃🍅 涼拌麻辣豆腐麻香十足🌶️ 柚子醋北極貝清新爽脆🐚 黑醋木耳海蜇酸爽醒胃🥢 最正係木耳索晒黑醋香 食落咔咔聲好過癮🎉 今時今日食到咁高質湯麵同小食真係好幸福😍性價比極高💯 大圍街坊必收藏嘅隱世小店🏆 …查看更多

本身諗住食嘅餐廳竟然冇做晚市，咁唯有搵其他嘢食啦，之後就發現咗呢一間嘢啦，間嘢就冇乜裝修有樓上樓下，佢安排咗我哋坐樓下，呢啲咁嘅天氣發覺食麵真係好熱。因為下面個冷氣真係十分之不夠，主要係佢個湯太好飲，忍唔住不停咁飲，搞到真係好熱，如果冬天食嘅話真係一流。。講返叫。咗啲咩先，我同太太一人叫咗個面太太叫好頭好尾，即係牛嘅一啲唔同嘅部位，試咗一啖，個牛湯都好濃。我就叫海龍王湯，個名都幾有霸氣🤣個湯真係好好飲，因為個湯入面都有啲蟹肉碎，飲吓飲吓，忍唔住飲晒咁滯。餐廳都幾體貼，會俾埋張濕紙巾，食完蝦之後抹手，整體都唔錯，係比較熱少少，個價錢方面如果食麵嚟講我就相對覺得係會比較貴少少，不過味道OK，所以都可以…查看更多

🌟海龍皇湯·陽春麵湯底有濃濃既海鮮味同蝦油味，非常鮮甜👍🏻配上藍蟹肉、海蝦尾、北海道魷魚、帶子、廣島蠔。🌟好湯好麵套餐棉花雞湯麵·蝦油撈烏冬四款小食包括話梅潰車厘茄·黑醋木耳海蜇柚子醋北寄貝·涼拌麻辣豆腐叫套餐可以一次過試到唔同款式👍🏻「好湯」絕對做到，「麵」就略為有d淋店員服務周到，值得一讚…查看更多

一直都知道大圍好多美食每次經過都要排長龍咁啱呢一日避開咗繁忙時間下午五點左右 等待10分鐘就有位環境💛💛💛比較狹窄，有兩層，都算乾淨，大隻仔會坐得迫啲啲。服務💛💛💛💛侍應服務態度不錯，語氣正常，基本上都有問有答，上菜時間一般需要等15分鐘以上。食物💛💛💛💛1. 蟹皇豬豬陽春面 $108一上枱個湯底已經好吸引，金黃色加上布滿蟹肉，蟹肉非常新鮮，完全沒有雪藏味，湯底是勁濃郁的燉湯味道，超級好飲，呢碗麵適合喜歡海鮮味的人，很清甜，超級讚。2. 蕃茄蛋牛陽春麵 $108這款麵牛肉好滑嫩，不過我一般般這個湯底，蕃茄味很濃，但有點酸。不過陽春麵配這款濃郁的湯底，湯汁會掛麵，很飽肚。整體感覺💛💛💛值得一試，材料加湯底明顯係新鮮材料，不過價錢有點貴，份量正常，如果是比較適量大的就會差少少。…查看更多

大圍附近食肆林立，有新有舊。好湯好麵主打足料靚湯優質食材，甚至乎湯比麵好（？）有一日夜晚黎到唔使等位，不過入座之後好快就滿了。 迷你佛跳牆：鮑魚、海參、素翅、魚肚、日本地雞肉、北海道刺身帶子、花菇雲腿絲、高湯、扁陽春麵。中式高湯味咸香濃厚，就係有一種食翅嘅感覺。 海龍皇湯：藍蟹肉、海蝦尾、北海道魷魚、北海道刺身帶子、廣島蠔肉、蝦頭油、皇湯、陽春麵。皇湯係用蝦頭煲嘅海鮮湯（？）有少少似西式嘅龍蝦湯，蝦肉爽脆彈牙。仲有濕紙巾畀你抹手摵蝦tim 玫瑰豉油雞中翼：就係好香豉油味嘅雞中翼 相比之下我比較喜歡高湯，因為飲多幾啖都無咁膩，咁當然呢個可能係個人口味問題。整體黎講都真係幾足料同湯頭唔錯，抵食就唔算架喇，不過我覺得都算對得住價錢。環境方面就坐得比較逼少少。…查看更多

前排再食第二次 覺得水準依然 而且新口味更吸引 湯好飲 麵彈牙 料超多 不愧為大圍名物 可能有人會覺得百幾蚊食碗麵好貴 但睇返食材同份量 都對得起哩個價 喜歡飲濃湯既 真係可以一試 養生又健康…查看更多

今日趁得閒特登搭車諗住過去試吓，見到OpenRice寫住可以電子付款，點知去到先知只收現金。諗住特登黎到，好聲好氣問其中一個店員可唔可以轉帳/用其他方法比，個後生女店員態度極其惡劣，好似欠佢咁。…查看更多

成為openrice會員多年，第一寫食評，今日兩點幾到沙田店用膳，喺門口排隊期間，有個大約162cm高嘅，戴眼鏡男職員嚟落單， 當時叫咗一碗海龍王湯，唔要陽春麵，加錢轉烏冬， 另一碗都係海龍王湯，要返原本嘅陽春麵，再另加十蚊要多個烏冬， 點知呢個職員呆一呆， 唔明白加十蚊加一個烏冬嗰部分， 於是我先生好有耐性，再慢慢解釋畀佢聽我哋嘅意思，結果擾攘咗一兩分鐘， 佢明白之後，對我哋講咗句：「你講extra咪得囉！你哋簡單複雜化！」， 我好詫異點解呢個人可以咁樣態度同我哋講嘢，我唔明點解唔可以講「加十蚊要多個烏冬」， 一定要講"extra", 喺度食咗幾年嘢，一真以嚟，其他職員聽到我哋咁樣落單， 佢哋係完全明白，我哋唔需要作任何解釋， 呢個男職員話完我簡單複雜化之後，仲搞到好似係我哋嘅問題，令佢聽唔明， 如果真係我哋嘅問題 ，點解每次我哋咁樣落單，其他職員都明白， 唯獨佢唔明我哋講乜，仲要話我哋簡單複雜化， 跟住仲用英文同我講嘢，我心諗 一睇你就係中國人，操純正廣東話，講英文特別有優越感嗎 ？ 平時去有外籍侍應嘅食肆，我都會用英文同佢哋溝通， 但係我冇諗過對住一個中國人樣，操純正廣東話嘅人，要用英文落單囉！ 仲好似只有佢識英文，我唔識英文咁，落完單佢臨行前， 仲講咗一句英文，不過當時我太嬲，完全聽唔入耳，淨係記得最後一個字 "understood", 我真係唔知佢憑乜嘢用啲咁囂張嘅態度對待客人。食肆食物有水準，但遇著啲態度咁差嘅倒米員工，唯有自求多福！…查看更多

成日聽人講到好好食，今日專程去一試究竟，擔心要排隊所以選擇過左午市時間去，可以即時入座無需等候！見到其他客人都係食海皇湯麵所以都不作考慮直接落單，上菜速度快！即刻試啖湯先！事實上湯係好味，濃厚蝦味只不過個麵同其他餸就好普通，蝦好明顯係急凍蝦而且處理得唔好連腸都無清除，帶子老左少少感覺只係白灼而無經過煎煮欠缺風味，廣島蠔就的而且確係急凍廣島蠔帶住淡淡蠔腥味，最後個陽春麵完全同個麵脫離左關係，食落去係淡而無味。整體而言只係得個湯好味，有失好湯好麵嘅招牌而且並不值得專程去食更何況要排長龍嘅話更加唔會考慮。…查看更多

今日天氣有點轉涼，想搵間食麵暖下果胃，最後揀咗大圍既好湯好麵🤭可能唔係lunch time,所以不用排隊😃北寄貝配柚子醋漬青瓜-北寄貝很新鮮，加上配上柚子醋，非常清新，越食越開胃😋潤牛麵-湯底很濃郁，飲得出豬潤同牛肉煲出來，熱辣辣非常好飲。牛肉不是用普通鮮牛是用牛小排，食材優質。最驚喜是法式鴨肝，入口即溶，很好吃，但最可惜只得一塊。海龍王湯麵-湯底食得出係用蝦煲，有蟹肉，虎蝦，魷魚🦑，蠔🦪同埋帶子，食材非常之新鮮。很好很好食😋還有一樣野值得讚👍🏻就是虎蝦有殼，一上麵時會比埋濕紙巾，非常細心🥺總括而言食材優質新鮮，湯又好飲，飲完又唔覺得口渴。我下次都會再來食🥰…查看更多

一直聽朋友話呢間好正好好食所以今日特登坐車過嚟食聽講呢間餐廳做外賣係俾個面你返去自己煮因為擔心質素唔好個面吸晒啲湯所以要食嘅話，就要過嚟堂食試食我好鍾意食蝦，所以食左佢個海龍皇湯麵呢個湯麵係用濃蝦湯仲有蝦同蟹肉湯頭好濃好香，好夠味應該用啲蝦頭蝦殼煲咗好耐蝦同蟹同好食，唔會冇晒味啲面亦都好掛湯食完之後店員仲會俾張濕紙巾你抹手總括嚟講味道好好，係間店舖有少少焗，唔多通風下次想再黎試下迷你佛跳牆或黑口黑面…查看更多

這間不錯，嗌了兩個餐試不同的味道，最喜歡他們面底的質感，新鮮清爽，整體也是好味的，如果想提出改善地方，湯底可以再濃一些🙏🏼🫶🏻湯麵上的配料新鮮好味，這個價錢來說這間也是不錯的選擇，環境也舒服，兩個人傾吓偈幾個鐘也可以！整體CP值還好，環境舒適的餐廳！❤️…查看更多