今次係二訪ROSIE，第一次係平日嘅lunch time時間，無人排隊，第二次係星期六嘅lunch time，門口有好多人排隊，但因為我得一個人，所以隨即入得。 龍蝦濃湯蟹肉帶子麵 $198 🍝 . 意粉上面鋪滿，滿滿嘅蟹肉，將蟹肉撈入意粉配埋龍蝦濃湯，味道非常夾，唔會讓人失望嘅味道，但係將蟹肉撈起後，就好難再搵到蟹肉，因為已經同個汁融為一體，除非你全個汁都飲哂，如果唔係會浪費咗一啲蟹肉，食唔到。 蝦多士 另加$20🍤 . 叫意粉，可以另外加$20要兩個蝦多士，蝦多士牛油味非常重，食一個已經好膩，而麵包亦烤得好脆，如果同朋友share一人一個就啱啱好。 柚子胡椒汁青口大管粉 $138 . 大管粉完全唔掛汁，好重麵粉味，柚子胡椒汁亦比較淡，我唔推薦大家叫依個。 菠蘿青檸紅茶 $48🍹 . 味道就係檸檬茶加左小小菠蘿汁嘅味道，雖然清新，但無咩特別。 . 整體來講，價錢係葵芳嚟講係偏貴，沒有服務可言，點餐都係自己掃QR code，賣單亦係自己行去櫃位俾錢，水都無一杯，但就另加服務費。但食物同環境係幾好👍🏼

本來想食位於同一條街嘅《好湯好麵》，但因為食過好幾次，所以就試下其他嘅食店。 當日係星期六嘅午餐時段，唔知係唔係落雨嘅關係，所以就唔洗排隊。 細滲 $106 🍲 店舖主打係肉骨茶，店舖嘅肉骨茶可以無限添加，而我本人亦都係非常鍾意肉骨茶，店舖嘅肉骨茶，藥材味比較濃，甚至有啲甘口，個人就唔係太鍾意，而細滲分別有豬手、排骨、豬肚、豬腩肉、雞腳，份量都唔小 龍蝦尾海鮮濃湯蝦麵 $128 🦞 龍蝦湯底非常濃郁，而海鮮分別有龍蝦尾、青口、魚片頭、帶子，所有食材都好新鮮，龍蝦尾亦好大條，以$128嚟講性價比非常高👍🏼 美祿恐龍 $30 🍹 面層鋪滿咗美祿粉 ，仲有加咗美祿脆片同埋蜜糖星星，令到口感更加豐富，而且飲到好濃嘅美祿，唔會沖到好稀。

APT. 已經食過好多次，質素依然無下降，仍然保持到水準。位置唔係好多，有室內室外位置，平日午餐時段唔算太多人，但係假日嘅午餐時段就非常多人，要排一個鐘頭以上先可以用餐。而價錢方面，性價比最高，當然係選擇4 Toppings，因為要加錢嘅項目都可以免除，不需要額外另外收費，而且仲有一個小小嘅沙律伴菜送，但3 toppings以下嘅選擇就唔會有沙律送，沙律非常出色，好食到只係想只係剩係叫沙律食，沙律入面有南瓜同粟米，再加自家製沙律醬，出面係食唔到，所以沙律真係畫龍點睛，值得一讚👍🏼 𝙏𝙤𝙖𝙨𝙩 𝙏𝙖𝙞𝙡𝙤𝙧𝙞𝙣𝙜 💰$𝟭𝟯𝟴 4 Toppings (Mushroom, Avocado, Smoked Salmon, Crab Meat) 𝙇𝙞𝙢𝙚 𝙨𝙤𝙙𝙖 🍹 $𝟰𝟱 味道正正常常，但係食嘢點能夠唔叫飲品 🤣

作為一間米芝蓮餐廳，環境非常優美，今次我地坐係二樓outdoor位置，當晚整個室外位置只得我地一枱客，令到我地可以暢所欲言🤭 𝗦𝗼𝘂𝗿𝗱𝗼𝘂𝗴𝗵 𝘄𝗶𝘁𝗵 𝗰𝗿𝗲𝗮𝗺 𝗰𝗵𝗲𝗲𝘀𝗲 𝗯𝘂𝘁𝘁𝗲𝗿 - 𝗙𝗿𝗲𝗲 自家制麵包 ，作為一間米芝蓮餐廳，我覺得麵包比較失色 𝗔𝗺𝘂𝘀𝗲 𝗯𝗼𝘂𝗰𝗵𝗲 - 𝗙𝗿𝗲𝗲 三文魚他他配脆片，口感非常豐富 另一樣類似洋蔥湯，比較酸，很開胃 兩款都很好好味 . - 𝘼𝙥𝙥𝙚𝙩𝙞𝙯𝙚𝙧𝙨 - 𝗦𝗺𝗼𝗸𝗲𝗱 𝗼𝗿𝗴𝗮𝗻𝗶𝗰 𝗲𝗴𝗴, 𝗽𝗼𝘁𝗮𝘁𝗼, 𝗰𝗵𝗼𝗿𝗶𝘇𝗼, 𝗯𝘂𝗰𝗸𝘄𝗵𝗲𝗮𝘁 𝗜𝗻𝘀𝗽𝗶𝗿𝗲𝗱 𝗯𝘆 𝗢𝗱𝗲𝘁𝘁𝗲 𝘀𝗶𝗴𝗻𝗮𝘁𝘂𝗿𝗲 𝗱𝗶𝘀𝗵 $𝟭𝟵𝟴 蛋再加上鹹鹹嘅西班牙香腸，味道冇咁單一，唔會覺得好淡，但友人反而覺得香腸嘅味道掩蓋咗蛋香味。 𝗦𝗮𝘂𝘁𝗲𝗲𝗱 𝗛𝗼𝗻𝗴 𝗞𝗼𝗻𝗴 𝗳𝗿𝗼𝗴 𝗹𝗲𝗴𝘀, 𝗽𝗮𝗿𝘀𝗹𝗲𝘆, 𝗴𝗮𝗿𝗹𝗶𝗰 𝗰𝗿𝗶𝘀𝗽𝘀 $𝟯𝟭𝟴 青蛙腿分左兩個煮法，一個是煎一個是炸，我同友人都覺得炸無咁好食，煎比較原汁原味 𝗔𝗻𝗴𝗲𝗹 𝗵𝗮𝗶𝗿 𝗽𝗮𝘀𝘁𝗮, 𝗞𝗿𝗶𝘀𝘁𝗮𝗹 𝗰𝗮𝘃𝗶𝗮𝗿, 𝗯𝗹𝗮𝗰𝗸 𝘁𝗿𝘂𝗳𝗳𝗹𝗲, 𝗸𝗼𝗺𝗯𝘂 𝟭𝟬𝗴 𝗰𝗮𝘃𝗶𝗮𝗿 $𝟰𝟵𝟴 魚子醬天使麵配上黑松露，魚子醬有一陣鹹味再配上黑松露，拎到天使麵有很重鹹香味，味道都係出色 . - 𝙈𝙖𝙞𝙣 𝙘𝙤𝙪𝙧𝙨𝙚 - 𝗥𝗼𝗮𝘀𝘁𝗲𝗱 𝗛𝗼𝗻𝗴 𝗞𝗼𝗻𝗴 𝘆𝗲𝗹𝗹𝗼𝘄 𝗰𝗵𝗶𝗰𝗸𝗲𝗻, 𝗡𝗶𝗶𝗴𝗮𝘁𝗮 𝗿𝗶𝗰𝗲 “𝗲𝗻 𝗰𝗼𝗰𝗼𝘁𝘁𝗲”, 𝘀𝗮𝗹𝗮𝗱 $𝟭𝟮𝟴𝟴 作為招牌嘅黃油雞，雞肉嫩，很有雞味，但如果係依個價錢，我就覺得唔係好值。 . - 𝘿𝙚𝙨𝙨𝙚𝙧𝙩 - 𝗧𝘂𝗹𝗮𝗸𝗮𝗹𝘂𝗺 𝗱𝗮𝗿𝗸 𝗰𝗵𝗼𝗰𝗼𝗹𝗮𝘁𝗲 𝘁𝗲𝘅𝘁𝘂𝗿𝗲𝘀, 𝗮𝗹𝗺𝗼𝗻𝗱 𝗮𝗻𝗱 𝗰𝗼𝗰𝗼𝗮 𝗻𝗶𝗯 𝗽𝗿𝗮𝗹𝗶𝗻𝗲, 𝗰𝗼𝗳𝗳𝗲𝗲 𝗰𝗮𝗿𝗱𝗮𝗺𝗼𝗺 𝗶𝗰𝗲 𝗰𝗿𝗲𝗮𝗺 $𝟭𝟱𝟴 依個甜品非常驚艷，外層有一片薄薄嘅朱古力包住朱古力，朱古力入面又有雪糕，而雪糕有一陣咖啡嘅香味，所以不會太甜，整體配合得非常好 𝗟𝗼𝘂𝗶𝘀𝗲 𝗺𝗮𝗱𝗲𝗹𝗲𝗶𝗻𝗲𝘀 𝟯𝗽 $𝟵𝟴 自己唔太鍾意食，所以唔識欣賞，但友人覺得味道正常 𝗖𝗮𝗻𝗲𝗹𝗲 - 𝗙𝗿𝗲𝗲 Canele味道好似紅棗糕或年糕嘅味道，我自己唔太鍾意食，所以就不予置評

今次已經係二訪鳳鳴居，去之前都有睇到評論好壞參半，但見人氣咁高，自己又好鍾意食醉雞，所以決定一試。 . 醉香雞湯米線 $60 另加響鈴 $7 米線一上，隨即試一下湯底，係我最愛嘅藥膳雞湯味再加上淡淡嘅醉香，完全係我鍾意嘅口味。 雞方面，不過不失，正常水平，不會煮得過老。 . 炸細三兄弟 $35 (魚片頭，花枝丸，爆醬肉丸) 魚片頭、花枝丸都係坊間能夠食得到嘅味道，而爆醬肉丸，咬一口會有好多嘅汁，味道非常濃郁，值得一試，所以只係叫爆醬肉丸就夠 . 辣豉油爽脆鵝腸 $52 無咩鵝腸味，可以唔洗叫 . 最後附上餐牌，俾大家參考一下

係OpenRice搜尋台灣麵，日月堂都係熱門搜尋之一，所以今次就去觀塘嘅工廠區搵隱世嘅台灣麵。 地理位置不近地鐵站，地點都不算容易搵，好彩朋友係人肉地圖，順利搵到麵店。 . 牛三寶面 $80 牛𦟌牛筋都好腍，又入味，但自己鐘意一啲比較重味嘅湯底，所以覺得湯底有啲偏甜，唔係好啱個人口味 . 酥炸魷魚 $48 即叫即炸，粉漿不會過多，熱辣辣食好惹味，要趁熱食 . 荔枝綠茶 $30 冇叫珍珠奶茶，試咗其他飲品，發揮正常，不會太甜

肉屋由網店起家，售賣送上門嘅壽喜燒套餐，依傢仲開埋門市。所以怕麻煩唔想係屋企食完之後仲要洗碗嘅食家，可以直接去門市坐低慢慢食。 . 晚市有三個套餐選擇 分別👇🏼 . 特選 • 薩摩牛壽喜燒套餐 $398 特上 • 薩摩牛壽喜燒套餐 $498 極上 • 薩摩牛壽喜燒套餐 $698 . 今次試咗特上套餐，店員第一塊會幫你燒，之後就要自己動手煮埋其餘嘅牛，牛肉脂肪比例高，牛味重，特上套餐，有共180g牛肉，對於我嚟講份量剛剛好，特選套餐亦都係有180g牛肉，而極上套餐就有240g牛肉，大家可以按個人喜好選擇適合嘅套餐。

依間湯麵店都見係不同嘅社交平台出現過，有一部分人覺得一碗麵買到咁貴，唔值，但當我試過之後就覺得物超所值，湯底飲得出係用足料，味道濃郁，比起好多嘅湯麵舖頭出色😋 ——————————————————————— 海龍皇湯麵 龍蝦湯底濃郁，海鮮亦很新鮮，性價比十分高 棉花雞湯麵 雞湯湯底，沒有味精，不會令人覺得口渴 海蜇頭 味道偏淡，沒有特別，可以不用嘗試 芝麻醬雞絲粉皮 一上枱攪拌嘅時候比較乾，食完麵之後青瓜出水，反而令到粉皮更加濕潤，比較易入口，粉皮都好煙靭，味道都比較淡，但係好食嘅 黑糖桂圓冰粉 冰粉很清新，有乾及新鮮新鮮桂圓，甜甜地，可以一試 最後附上餐單一張供大家參考

當日點了 《和 • Wa Omakase》 套餐 $1388 訂座前專登要求坐吧枱，師傅即場係你面前燒， 每一道菜都非常出色，前菜以至牛肉湯都非常好味，亦嘗試咗唔同部位嘅牛，每一款都非常出色，牛味濃郁，油脂感十足，中後段已經覺得好飽，如果係胃口大嘅朋友，最後會有一碗飯或麵選擇，所以一定夠飽，之後再叫咗兩杯啤酒🍻，非常滿足，喜歡食牛的朋友不能錯過。 師傅係每燒一道牛前都會介紹那道牛的部位 USHIO沙律(無咩特別🤣) 前菜 兩道前菜都非常好味 和牛西冷壽喜燒 壽喜燒配上蛋黃汁等於完美的組合 分別係，牛舌、肩三角、臀肉芯、牛柳 用海鹽調味而後燒，再可自行配以山葵及昆布海鹽調味，令到肉味更加濃郁 牛柳芯 師傅稱是和牛牛柳的中心部位，全晚最貴就係依道牛 和牛清湯 好清甜，再配以菌菇調味，又香又好味，令人想飲多幾碗 分別係，後腰蓋柳、牛板腱、和尚頭 用燒汁調味而後燒，再可自行加燒汁調味，個人覺得加咗燒汁後更加好味 (食到依道牛嘅時候已經覺得好飽) 最後有牛肉飯或牛肉麵選擇 個人覺得牛肉麵比較出色 附上餐單給大家參考

深水埗有非常多嘅茶餐廳，咖啡店，食物種類林林總總，今日就食非常出名食豬膶麵嘅茶餐廳。 餐牌上全部都冇套餐，所有嘢都要分開叫，所以飲品要逐一收費，覺得有啲唔抵，但食物質素中上。 廢話小講，直接睇圖片啦👇🏼 豬膶公仔麵 🍜 $48 厚切豬膶不會煮得過火，很爽口，湯底清甜，組合不會膩 鮮炸雲吞配芥末醬 🍤$42 即叫即炸，炸皮很薄，配合清新芥末醬，一流👍🏼 法蘭西多士 🍞 $40 非常邪惡的西多士，可能我最後先食，令到外皮淋哂，味道中規中矩 附上餐牌給各位參考