好湯好麵

營業中

休息中

難得唔需要排隊，可以直入，當然要來品嚐啦！蠔皇豬豬-食到廣島蠔既鮮味，蝦亦爽甜，豚肉些少肥太可以接受。這碗湯底鮮甜。😊迷你佛跳牆-只是把一些平時較少用來伴面的材料加了入去，材料質素一般。另外湯底偏咸。整體沒有太大驚喜，可能因為太高期望。145元的價錢就不值得推介👎🏻只可惜食完唔會令你有種想再來食的衝動。

大圍有不少美食，趁今日去探朋友，順路試試呢間人氣米之蓮推介的粉麵舖。去到現場，等待的人多，足足等了45分鐘先可以坐低。意大利黑醋海踅頭 $60海踅頭爽口，大大塊，意大利黑醋十分特別，加入海踅頭也不會奇怪，反而多了黑醋獨特的香氣，很開胃。棉花雞湯麵 $100湯底是濃郁的雞湯，是長時間炎熬煮的味道，飲完不會有口渴的感覺。扁陽春麵軟硬剛好，不會過軟，又掛湯。加上厚身魚肚、鮮雞件及冬菇，味道十分不錯。海龍皇湯 $138湯底比棉花雞湯麵更濃郁，多了一份海鮮的鮮味。湯底的食材多，有藍蟹肉、海蝦尾、北海道魷魚、北海道帶子、廣島蠔肉，再加上蝦油味，令到湯底更豐厚，鮮蝦味突出。海鮮配料彈牙，不會過硬，鮮味十足。好，陽春麵同扁陽春麵一樣，不會太淋身，保留一定口感，而且做到掛湯效果。食物味道不錯，可以食到優質食材的鮮味，湯底十分出色。不過等待時間就令人有點卻步，如果在平日非熱門用餐時間前往應該會好點。價錢不算親民，但可以嚐鮮試下。

雖然「好湯好麵」在銅鑼灣開了分店，但窩夫聽說大圍總店的水準比較高，所以堅持要光顧大圍總店。記得多年前有一次去到門口但被等位的人龍嚇退，今次平日下午六時前到達，一邊等開門一邊研究要吃什麼。「#迷你佛跳牆」($145)的麵底是扁陽春麵，配料有鮑魚、海參、素翅、魚肚、日本地雞肉、北海道刺身帶子、花菇和雲腿絲，十分豐富。一上桌先喝一口湯，濃郁的雞湯果然名不虛傳，太美味了，喝完也沒有口渴，真材實料。多款配料亦很講究，只有海參稍為遜色。「#棉花雞」($100)的湯底跟「迷你佛跳牆」一樣，窩夫最後把雞湯都喝光了。配料有日本地雞肉、魚肚、花菇和雲腿絲。日本地雞肉來自鹿兒島，因為活動空間大，肉質特別結實，口感一流。魚肚吸收了高湯的精華，特別好吃。

💠💠好湯好麵💠💠海龍皇湯 $138湯底以龍蝦殼熬製🦞，甫端上枱已經湧出濃郁蝦香，成個湯蝦味好重，每一啖都飲到甘腴嘅蝦油味，蝦肉亦都相當爽彈。值得一讚係魷魚🦑😍，完全唔會韌同埋冇沙，亦都唔洗好似食香口膠咁要係咁嚼🤣，麵質一開始係偏硬，浸耐咗就腍返啲，所以唔中意硬身啲嘅麵建議食住側邊嘅海鮮配料先😊蠔皇豬豬 $106 入口散發豬油香味，仲有淡淡燒豬腩肉味，尾韻有龍蝦牛油同蝦子帶出嘅鮮味，層次豐富。五花腩片切嘅薄度似平時打邊爐嘅肥牛，食落索索聲好爽口🤭，廣島蠔滑捋捋，蠔味超濃，鮮甜肥美完全冇渣。扁陽春麵好實心，如果你平時偏愛粗麵/刀削麵，依款麵一定好啱你😆餐廳獲米之蓮推介，每一樣食材都好優質，亦都飲得出湯底以真材實料用心熬製，湯頭札實，唔會死鹹涸喉，絕對唔係用濃湯寶/湯粉包沖😛，見到好多食客都飲晒啲湯，非常推薦俾大家❤️明天去吃指數：4.5/5ꕀ ꕀ ꕀ ꕀ ꕀ ꕀ ꕀ𖤥 好湯好麵 𖤥🗺️ 大圍積存街20號地舖🗺️ 銅鑼灣加寧街9-11號名店坊地下B號舖

餐廳名堂響噹噹 除咗連續兩年榮獲米芝蓮 網上更有指係前四季酒店法國餐廳副廚主理👨🏻‍🍳 當日3:00pm左右見唔洗排隊就入去試下🔸海龍皇湯 $138食材有藍蟹肉🦀、海蝦尾🦐、北海道魷魚🐙、日本刺身帶子、廣島蠔肉🦪由於加入蝦頭油 湯底蝦味的確香濃😌 蟹肉份量都唔少 蠔都幾大隻 但陽春麵麵質偏淋▪️黑口黑麵 $90其他餐廳比較少有墨魚湯底 但個人覺得少許偏鹹 🙈配料包括北海道魷魚、墨魚滑 墨魚滑彈牙帶甜 帶墨魚粒🦑好好食👍🏻 但只有2粒 份量偏少👉🏻👈🏻 相比海龍皇 扁陽春麵麵質較滑更彈牙整體味道唔錯 但未到非常驚豔 由於餸嘅份量偏少 相比價錢CP值稍低 但去開可以一試！

呢間養生湯麵款式選擇多🍜咁多款選擇下揀左海帶菇菇🍄呢碗入面有鮮冬菇 雞腿菇 木耳 仲有一支吸睛度好高既脆腐皮湯底用海帶湯 飲落味道清甜唔味精 麵質選係扁陽春麵 有質感又唔會好林 另外小食點左個玫瑰豉油雞中翼味道不過不失

上周四同外國朋友行完博物館,帶左佢來食,因為佢仲意飲好湯。如彩我地早來,仲可以坐下面,冇耐越來越多人就要上樓了。我後來先知原來係米芝蓮餐廳,吾怪得甘hit有新野,不過我都係試返推介先,我仲意食海鮮,朋友仲意食牛,所以我地叫左海龍皇同好頭好尾。好濃的龍蝦湯,入面好多海鮮,仲有好多蟹肉沉晒底,我好努力飲左大半份湯,但都完成吾到,太大份了,下次試下叫少麵先。朋友的好頭好尾,佢猛讚好食,連牛脷都話煮得好淋,外國人都食到😂我地叫左海踅頭,好大塊,個醋調得好好,好開胃~試左2款冷泡茶都好好飲,好舒服,白桃茶都幾多人點~個茶樽設計幾好,我地都拎左返去重用來泡茶😂冰粉有新鮮同乾的桂圓,都係my favourite,冰粉食落吾甜好清新,個似喉嚨好舒暢,大愛♡夜晚落住大雨都仲有好多人不斷入來。幾個侍應都好快手同好nice,讚！

上一次已經食過佢嘅銅鑼灣嗰間，已經覺得非常印象深刻🥳👍🏻❤️男朋友話大圍嗰間仲好食！所以今次夜晚去開嗰頭就去咗排隊啦！餐廳嘅裝修同格局冇銅鑼灣嗰間咁大同埋新淨，始終係第一間嘛👩🏼‍🍳不過員工嘅態度非常之好服務好細心，入咗一間中式嘅湯麵店，感覺自己去咗食日本拉麵咁🍜⬆薄切凍豆腐️🌟🌟🌟🌟🌟頭盤依然係嗌咗佢哋好出名嘅薄切凍豆腐，一片片然後上面有啲辣醬！勁開胃🤤夏天食作為第一道菜！⬆️金華火腿麵🌟🌟🌟🌟🌟個湯底係非常之濃郁嘅金華火腿味，然後仲有一小碟嘅薄切金華火腿可以配埋一齊食！雖然好夠味，但係一啲都唔會覺得口乾😛😋😋yum yum 下次一定會再嗌依個⬆️棉花雞麵🌟🌟🌟🌟🌟比較兩個湯底棉花雞嘅湯底稍微清淡少少，不過雞湯味道依然係非常之濃！陽春面嘅質地亦都好啱我胃口❤️❤️❤️⬆️雪梨黑豆水🌟🌟🌟🌟佢哋自己煲嘅飲品！甜甜地，我第一次飲覺得幾鍾意！🤤😛不過男朋友話其實成日都係呢一款，但係個侍應就講到好似今日特飲咁😂😂😂😂相信呢一間餐廳會變咗我嘅定期飯堂！有機會嘅話要試多啲唔同嘅湯底！

同閨蜜專登去食碗正麵下晝1點唔駛等位 真係難得店舖雖小 但亦坐得舒適 不過略嫌冷氣太大 🤭 (中女唔吹得風）說是來那時快 兩碗舖頭最singnature嘅湯麵到 - 棉花雞 同 海龍皇 同閨蜜就梗係分甘同味 share食啦😋😋😋先講吓個棉花雞湯麵湯底 - 超濃郁雞湯味 感受到店主嘅用心 落足心機時間去煲個湯底岀黎 👍👍👍👍👍麵質 - 配以扁(粗)陽春麵 口感十分好 控制時間剛剛好 又掛湯配料 -魚肚(棉花), 雞件同冬菇 每款幾件 份量算充足 要讚下嘅係 - 雞件完全冇雪味 (雖然呢樣係基本，但唔係間間餐廳都做到😂😂😂）另一碗海龍皇湯麵湯底 - 比棉花雞更濃郁 滿滿嘅海鮮味 真係飲完一啖又一啖 麵都未開始食就冇咗一半湯🤭麵質 - 配幼身陽春麵 掛湯感更勝一籌 一個字 “正” 👍👍👍配料 - 蝦兩隻 帶子 魷魚 蟹肉碎 廣島蠔仔肉 份量算合理架喇價錢 真心講句 係有d貴 不過感受到店主嘅用心 所以 CP值都高架 會再encore!😆

過咗咁耐都仲係咁多人排隊嘅好湯好麵終於決定今晚試下8點左右去到都仲要排隊 不過好快就入到去舖頭雖然細 但啲枱都大 坐落都舒服唔會好逼好近我地一人叫咗一碗麵再加一個小食意大利黑醋蒜香海蜇頭黑醋涼拌冇得輸，海蜇頭大大粒好脆好爽口，好食夠開胃，小食黎講分量都夠棉花雞首先飲啖湯，好濃嘅雞湯，飲得出係煲咗好耐好足料扁陽春麵配呢個湯好正，麵質煙韌，有啲似食烏冬配料有日本地雞，棉花(魚肚)，花菇，真係成個點心棉花雞拆咗落碗麵到雞好食，魚肚好入味，花菇好厚身，果然係必食嘅麵之一，真係連湯都飲埋海龍皇湯都係飲咗啖湯先，應該係龍蝦湯底吧，好濃味呢個就係普通幼身嘅陽陽春麵，配料有蟹肉，蝦，魷魚，帶子，蠔除咗魷魚普通，其他料都好正又大大粒食完之後一致認為棉花雞正啲，大家都鍾意扁身嘅陽春麵多啲佢個麵貴唔係冇原因，一食就知佢地真係用靚料都整個麵

海龍王湯 $138棉花雞 $100海龍皇湯🦀🦐🦑🦪🍜海龍皇湯聽個名就知好左好多樣海鮮熬製出嚟嘅湯底，用左藍蟹肉🦀、海蝦尾🦐、北海道鱿魚🦑、日本刺身帶子、廣島蠔肉🦪再加埋蝦頭油，湯底超級鮮甜，一啖湯入邊好似食晒成個海嘅鮮味，仲有真係有晒咁多料可以食，啲海鮮全部都好新鮮。本身係配幼身陽春麵，不過我自己本身鍾意扁面覺得有口感啲，問咗老闆娘話下次可以轉扁陽春麵底🥰棉花雞🐔🐟🍄🐖🍜棉花雞即刻諗起飲茶食點心嘅棉花雞，但係當碗麵上到嚟先知原來唔係嗰種味😂係好似食緊中式雞白湯拉麵😂😂😂佢地用日本地雞肉🐔、魚肚、🐟北菇🍄、雲腿絲🐖，用高湯熬製出嚟好清甜，飲完覺得好滋潤，雞肉好滑唔會覺得自己食緊湯渣，魚肚發得夠淋吸晒雞湯嘅精華😋餐廳好細心會俾個匙羹仔上壓縮濕毛巾，方便大家食完可以抹手，呢啲細節位絕對加分👍🏻呢間麵店絕對會encore🌟等我下次試埋其他湯底再同大家分享🤤

特登出左大圍行新商場The Wai 圍方🛍️，咁就順便睇下大圍有咩好野食啦😋。搵到哩間米芝蓮推介嘅湯麵店，個價錢同平時食一碗拉麵差唔多🍜，而且D款幾多幾特別下。可能因為星期六，加上撞正食飯時間，離遠已經見到有長長嘅人龍排緊🧑🏻‍🤝‍🧑🏻。海龍皇湯 $138可能因為即叫即整同埋都多人，等左大約15分鐘先黎到⌛。講返個味道，好濃厚嘅龍蝦湯🦞，滿滿鮮味。配料有好多藍蟹肉碎🦀，幾舊仔龍蝦肉，兩隻大蝦🦐🦐，尤魚🦑，帶子，廣島蠔🦪。兩隻大蝦都有湯匙咁大隻，爽口彈牙，蝦背開左一刀挑左蝦腸，仲方便咬出咬肉，哩個位好細心🫶🏻。廣島蠔同尤魚都係熟度岩岩好，廣島蠔非常飽滿，尤魚肉質爽彈😋。不過都有啲不足，帶子啲熟得濟有啲un，麵就去到後面有啲浸得太耐，愈食愈淋🫠，而且蟹肉碎同龍蝦肉已經碎咩，基本上唔飲哂啲湯好難可以食哂所有蟹肉。當佢係一個可中式蝦湯拉麵，而且咁足料，哩個價錢都收貨。🙌🏻棉花雞 $100見到個名同樣，本身都驚中伏🫣，怕佢只係將啲點心放喺個麵上面，但飲左一啖湯就知唔係😳。超級濃郁嘅雞湯，仲有啲金華火腿調出鮮味。魚肚非常之綿滑，真係好似棉花🐑咁索晒啲湯汁同埋精華。雞肉🐥亦都好嫩滑唔會好柴，冬菇🍄大粒

好耐之前已經聽過佢哋嘅大名，呢日大概11點半嚟到，估唔到門口已經有人排緊隊(๑ ́ᄇ`๑) 過咗一陣店員就派menu俾客人揀定食咩，坐低一陣好快就上菜～🍽食物✨海龍王湯麵 $135 9/10湯底充滿鮮味，係海鮮熬煮左好耐嘅精華集成，飲得出冇加味精，完全係真材實料！湯料仲有蟹肉、海蝦、魷魚、帶子同廣島蠔，用幼麵嘅索湯能力更好，最後成碗連湯一滴不漏飲晒🤤好治癒～👍🏻花膠佛跳牆 $178 8/10湯底十分濃郁，膠質煮晒出嚟，嘴唇仲會黏黏哋～好滋補嘅感覺～配料都用左貴價食材，好似帶子、花膠、鮑魚、魚肚、海參，仲有素翅同雲腿絲，花膠扒仲大過我手掌😂真係落足料！但係食到一半會覺得味道冇乜變化開始會膩同滯住咁，湯底最後都飲唔晒🥲👍🏻檸檬薏米水 $22夠清爽，同埋可以消吓滯～⛩環境👉🏻枱同枱之間好近，會坐得有啲迫💁🏼‍♀️服務👍🏻店員態度好好📝總評 8.5/10本身去之前我對佛跳牆十分期待，但可能期待值太高，試過之後又覺得未滿足到我，反而海龍皇湯就好有驚喜！其實我都唔知可以點樣定義佢哋，但就覺得佢哋好似港版拉麵咁，湯底加埋麵底都好有自己嘅特色！👛人均消費 ~$168(冇加一)⏱冇限時

身為大圍友嚟過好湯好麵不只幾次。好湯好麵，比起芸芸嘅連鎖食店，算係一間用心製作食物嘅小店今次有幸食到新推出嘅膠膠面膠膠面名副其實，裏面有大大嚿花膠同埋大大嚿魚肚，配上陽春面同埋濃濃嘅湯底花膠好厚身。冇煮得過淋，還有𡁻口，份量大約有三份一塊乒乓波球拍，都幾大塊㗎魚肚份量係平時酒樓食棉花雞嘅份量。魚肚吸滿濃郁嘅湯底，咬落口，啲湯必返出嚟好正。至於湯底當然係好湯好麵拿手好戲。湯底好濃郁，飲完好暖胃，好滿足。其實之前嚟過幾次個湯底嘅水準會有少少變化，有時龍啲有時淡啲，但整體來講都OK。大家可以留意吓

滿心期待想食膠膠麵，門口排隊時店員話有我哋先入去坐低，結果坐低落完order過一陣話賣哂，已經唔想食，但朋友order咗另一款湯麵，我就求其叫另一款算，然後等咗差唔多半個小時，我碗麵仍然未到，催咗好多次都只係話就到就到，我朋友都食完我碗麵都未到！最後味道不外如事，百幾蚊我大把選擇，佢嗰麵不但唔值呢個價錢，重要有咁既體驗，真係好難唔令人失望！奉勸想去食嘅大家唔好抱住咁大期望，如果重要排隊既話我勸大家唔好嘥時間。PS. 第一次食亦都係最後一次