太平館餐廳

營業中

休息中

歷史悠久嘅太平館😍😇～～～～～～～～～～～～～～～～～～好耐冇去嘅太平館，一食依然令人難忘，間中食一次好治癒。🤩太平館瑞士雞翼（8隻）（$176）雞翼嫩滑多汁，即叫即浸，頭抽、冰糖、紹酒配合得完美🤩太平館干炒牛河（$123）河粉新鮮，牛肉味濃，色香味俱全. 🤩太平館焗梳乎厘（$140）以蛋白為主嘅梳乎厘，即叫即製，外鬆內軟，好輕身，食陣風咁。🤩捲筒石斑（$168）石斑包住大蝦、香蔥，然後煎炸，淋上醬汁，依個配飯一流。～～～～～～～～～～～～～～～～～～

其實吾系第一次食太平館,但佐敦哩間系第一次, 之前食老銅/尖咀...以前都已經吾覺有咩好食又貴.....吾好想像中吾緊要 貴都吾緊要..(因為百年老店,個名都值錢喇, 甘野食不至於全部野食既)...但食甘多次吾系有人叫想食(總會有人未食過,想試....我一而再再而三甘去食-.-每一次都有吾覺佢出色) 講番琴晚, 第一次食佐敦店...一行5人..我大約8點05分去到 等位..8點半入坐 朋友8點半8點9 到齊...落單(2個2人餐 - 雞翼/乳鴿/煙肉雜菜/炒河/豬脾飯-4湯 AND 1個什扒餐配沙律 AND 散叫一隻乳鴿 AND 梳乎里) 先黎左3個湯1個沙律..等左陣都吾見第4個湯浮面...咪提下職員 問下系咪仲有個湯未上...職員問非所答 9吾搭8(再叫一個XX湯 要等好耐)我地就講我地叫左3個set應該系5個湯/沙律, 依家少左1個, (依家系要多個湯系咪) 我地要重覆  我地叫左3個set    系咪應該系     5個湯/沙律,依家少左1個       佢再答(要多個沙律 ok咩沙律) 我地R晒頭...再重覆我地叫左3個set系5個湯/沙律,依家少左1個  佢先睇睇台面 吾出

為了找地方泊車醫肚，偶然找到油麻地的太平洋館；以前，媽媽慶生會到的餐館，吃乳鴿。今天與老公去，他也點了乳鴿餐。我要了燒豬脾飯。再叫了超大份的疏芙厘。環境不錯，人少少，但入到去偏廳有D味。因為我不愛乳鴿，味道不是怎麼的。燒豬脾原來一早煮定，點了不到2分鐘就到；本以為「燒」的話會有脆皮，好似德國豬手咁。點知只是一片片的鹵水豬肉，而且是冷冰冰的。疏芙厘賣相吸引，口感也不錯，但偏甜。一次懷舊的相遇！就連在座的其他客人也有一把年紀的

阿妹定期產檢，可是妹夫出了差公幹，所以陪佢去產檢的責任交咗俾我。醫生話BB、媽咪都好健康，一齊平安。產檢後，我哋順道到佐敦茂林街食午餐。餐廳內裡很舒服，裝修很高雅，還有些古董擺設。午餐的價格似乎貴了少少，但環境好，算是值回票價。我哋叫了一個燒豬脾飯午餐和一個乾炒銀芽炒河午餐，跟一個湯、一客沙律和兩杯橙汁，埋單都只係$172。【鮮菜沙律、粟米忌廉湯、橙汁】沙律大碟，蔬菜新鮮，兩個人都夠食。忌廉湯夠熱，夠滑，橙汁正常無特別。【餐包】夠熱，夠軟熟，好食。【乾炒銀芽炒河】炒得夠乾身，夠香，唔油膩，味道唔錯。【燒豬脾飯】最初以為會是一大舊豬脾上的，原來是切成一片片，食得夠方便。上面仲有些特別醬汁和脆肉瓜做配搭，食落味道都幾好。白飯大大碟，我哋免強才食得晒。好鍾意呢度的環境，夠優靜夠高雅。等妹夫返來，一定要屈請我再嚟食個高級晚餐。

老公仔今晚帶我去太平館餐廳, 話之前已經想帶我來食野原來哩間餐廳已有158年歷史, 裡面環境幾懷舊feel, 冷氣風口令我唸想國內舊式酒店 ]因為懶得揀, 所以叫左二人餐:]餐前海龍皇湯, 味道岩岩好, 唔會好濃味。原本冇餐包, 但老公仔鍾意食, 所以又送左兩個包比我地干炒牛肉唔會太油或偏鹹, 牛肉又多:燒乳鴿, 哩個就燒過籠, 偏乾。食完左同店員講, 佢話下次發現早啲講, 一定會幫客人換。當時純粹反應下意見, 但睇得出店員幾緊張店舖聲炒雜菜, 有好濃ge火腿味]整體食物都唔錯, 員工服務都好好:下次想試下佢地ge瑞士雞

食物比以前差，特別是乳鴿大隻左但無肉味，雞翼有點雪味，燴意粉普通。還未吃完主菜便上了梳乎厘，離譜送上來是個梳乎厘已經開始下榻。🙅🏽‍♀️🙅🏽‍♀️🙅🏽‍♀️

喺佐敦返工，雖然附近有好多食肆，但係食來食去都係果10間左右，食到有啲悶，所以今日同同事2個人亂咁行，行左去咗遠少少既太平館餐廳度食，因為已經兩點半，所以可以叫下午茶，同事叫了一個濕炒瑞士牛河，而我因為冇咩胃口，所以淨係叫咗份西多士嚟食，濕炒牛河我同同事都覺得味道其實唔錯，但係感覺似係瑞士汁撈河多啲，始終瑞士牛河係乾炒會好食啲、會match啲，濕炒好似怪怪的，西多士就正正常常冇咩特別，至於奶茶、檸茶，就不過不失啦，始終唔係茶餐廳嗰啲味道，沒有風味，呢類舊式餐廳雖然買少見少，但係時代真係唔同咗，客人口味都改變晒，所以呢啲餐廳都唔會好似以前咁坐到爆場，仲要等位，依家一入去就有得食！

最近有一位新侍應,可能是兼職,唔識做餐服務,一舊大飯似做看更多過做侍應,如何請人?冇要求?老細,貴店何以所托非人?????冇人做? 上勞工網招聘吧,免費的.其他舊伙計都唔錯.

今天心血來潮，想食一碟好味的乾炒牛河，腦海即時彈左老牌餐廳＂太平館＂。食好野，咁梗係叫埋個好友陪食啦⋯⋯星期六下午兩點半左右，餐廳都唔駛等位，直入卡位。記得上年頭來幫襯，待應叔叔仲係唔多想招呼，問多句都厭煩。今日有點不一樣，態度和順，點餐後，因為瑞士雞翼製作需時，他有禮貌及主動跟單，及後告知，仍需要多等幾分鐘，感覺到服務喔干炒牛河$123: 無得輸肉嫩、味道一流、炒得乾身、又唔太油。瑞士雞翼$176: 汁甜、份量夠（8隻）、雞翼入味。可另配意粉或飯。溫馨建議：如胃口小的朋友，可試下午茶時間（3-5pm), 份量少一點，價錢合理。下午茶：$140 有一個正常份量的大＂梳乎厘＂加兩杯咖啡或茶。相比無優惠時段已經平了。

傳統既西餐廳，當天打算去book位，佢話6點半前先可以book位，其他時段只可以walk in，都怕要等，約左朋友7點半食，唸住早少少佢排隊，原來冇人我地三個人食兩個餐加一個梳乎厘，對我黎講已經好飽啦。叫左一個瑞士雞翼餐，有餐包，餐湯，3隻瑞士雞翼，豬扒焗飯，甜品同餐飲同叫左一個蟹蓋海鮮餐，有餐包，餐湯，一個蟹蓋，海鮮炒飯，甜品同餐飲龍蝦湯同羅宋湯，我飲龍蝦湯，好飲，有肉仲大大粒焗豬扒飯，ok既瑞士雞翼，3人岩岩好每人一隻，好香好味蟹蓋，我係蟹控，當然超愛食啦海鮮炒飯，我食左兩啖，因為都飽飽地，炒得好既，好香多料梳乎厘，好巨咪呀，雖然好空氣感，但不可睇少，建議4-5人食餐飲甜品有3種簡，有啫喱，奶凍同雪糕簡，我地簡左啫厘同奶凍價錢都唔平嫁，平均一個餐250蚊，有加一，套餐分量算大，如食量唔多既人可以好似我地咁，3個人兩個餐，梳乎厘可加可減，總結係好食，價錢略貴

太平館通常都會去尖沙咀嗰間，今次我哋嚟咗佐敦就入去試吓佐敦呢間啦太平館嘅環境其實係幾適合拍拖，因為啲燈光暗暗地，不過仍然都係一大班人嚟太平館出名係瑞士雞翼，不過我另外推介佢嘅洋蔥湯，可惜呢間佐敦嘅洋蔥湯比起尖沙咀，迅息左好多，我明明記得尖沙咀嘅洋蔥湯係有好大浸芝士係面，點解佐敦冇咗嘅仲叫咗瑞士雞翼，濕炒牛河，仲有個焗飯，另外因為一大班人先可以食到嘅疏夫里😋除咗個湯令我有失望，我覺得其他嘢都保持到水準

太平館始於1860年創辦廣州平沙，創出以醬油配合西式烹調手法做菜，打響的名堂，吸引不少名人為座上客。今天路過太平館，咁有歷史嘅餐廳一定要去試下。呢度出名瑞士汁，午市套餐有瑞士汁的選擇多，我和朋友們點了瑞士汁干炒牛河、濕炒牛河、焗豬扒飯，燒豬脾飯。最特別係豬髀飯，係切左片的豬髀有瑞士汁浸著的，肉質鮮嫩多汁，成碟白飯撈汁都食哂。味道不過不失，隔離枱有人食人氣梳乎厘，非常吸引。可惜今日趕時間開工，否則一定會食埋甜品先走。

久違的「太平館」食物水準好似....！服務水準則不錯！班老人家令人好有親切感！👍🏻😘😘是晚女友相約選擇了位於佐敦的「太平館」！這是我回流八年第二次幫襯！是晚點了（$465）兩人套餐：麵包-微暖冇問題、但入口乾巴巴！好明顯隔咗夜反焗！😅海龍皇湯-又係微暖、雖然太平館捧場客大部份都係老人家、但都唔使咁hea！😳乳鴿-又乾又柴皮又冇味道！😳煙肉炒雜菜-食而不知其味加上又唔凍唔熱！😅太平館瑞士汁炒肉片河（女友不吃牛肉）我已經唔識點形容、差不多完全冇食！😅到甜品啫喱、我已經冇興趣再嚐試！後悔今晚選擇呢間、應該保留美好的回憶！😭

餐廳佈局有點懷舊式。 與而家新式餐廳截然不同。牛尾湯，配牛油餐飽。 此湯較重口味， 味道較濃，吾錯。蛤鹹牛脷，142元。用精鹽、胡椒，香辣等材料加埋上湯烚熟， 烚得剛剛好，好軟滑，不油膩。牛脷好厚身， 配上黃芥辣醬一齊吃簡直絕配。瑞士雞翼，176元8隻。 雞翼是首先浸在頭抽、冰糖 紹酒、香料和瑞士汁一齊，然後以文火浸熟而成， 即叫即浸， 所以肉質真係好滑又多汁。梳乎厘，140元。 希望越大失望越大。 外觀非常吸引。 要等半個鐘頭才出爐。 上枱後慢慢縮細。要用大叉羹分配给各人。外層較好，尚算鬆軟，但內層較濕，有點失望。

常常聽人講有間店的乳鴿好正，但成日都唔記得個間店叫乜嘢名，今次終於記得，由於風聞已久，難忍好奇之心和為食的性子，一於去食！嘩～$150一隻乳鴿仔⋯⋯真係好貴！雖然貴，但真的好好好好味！點菜時叫佢唔好切、原隻上碟，食嘅時候由自己親手撕開～漏汁出來個下～（暈啦）！忍不住連皮都食曬～每啖都點汁！嘩～唔理高矮肥瘦啦！結果我忍不住一星期食了兩次⋯實在好味過街市$40一隻的鹵水乳鴿⋯不過咁富貴嘅決定和舉動，唔可以成日有！！