影片
開飯介紹
老字號西餐廳，很多人都喜歡在那暗淡的燈光下歎番個靚扒餐。招牌菜是焗梳乎厘及瑞士雞翼。瑞士雞翼汁甜得來唔滯，食過你必讚不絕口。
繼續閱讀
營業時間
今日營業
11:00 - 00:00
星期一至日
11:00 - 00:00
以上資料只供參考, 請與餐廳確認詳情
食評 (251)
踏入佐敦茂林街的太平館餐廳，彷彿穿越時光隧道，老式大門、懷舊地磚與皮製卡座交織出經典港式情懷。這家成日係電影出現的傳奇食肆，至今仍以扎實手藝吸引饕客慕名而來，午市時段座無虛席的景象便是最佳口碑證明。 所以今日下午茶時間黎食就易搵位D。 招牌「瑞士汁炒牛河」完美演繹中西合璧精髓，琥珀色醬汁裹著鑊氣十足的河粉，甜而不膩的秘製瑞士汁與嫩滑牛肉相得益彰，每條粉都吸飽醬香卻不軟爛，堪稱豉油皇炒河的華麗變奏版。「洋蔥豬扒飯」則展現老派西餐的講究，厚切豬扒經特別拍打工序，肉質鬆化不失嚼勁，澆上以洋蔥熬煮的濃稠醬汁，香濃洋蔥汁開胃的滋味與熱騰騰白飯堪稱絕配。 下午茶時段唔使等太耐便能品嚐到招牌菜。侍應生俐落的手寫單與親切的廣東話招呼聲，為這趟味覺之旅更添地道風情。希望長做長有，我就隨時都有口福。
繼續閱讀
味道跟一般的冰室差不多 但價錢較高 餐廳服務態度惡劣 見到客人都扮見唔到 追甜品 等左半個鐘 問一問餐廳職員唔耐煩 之後先發現原來係比錯左我地既比另一枱 服務態度惡劣 差勁 絕不推薦！！
繼續閱讀
今天下午剛剛在此店吃完乾炒牛河，夠熱，份量適中，不覺得十分好味，差劣的服務，沒有給及提及下午茶餐的餐牌，侍應們指說只有正價餐牌上的食物供應，也沒有午餐，不知所謂，其他太平館沒有這個問題，可能今天我推了個購物箱一起進入食肆，吃了二十幾年太平館，居然今天遇到這個情況，緊記及留意並小心這一間佐敦太平館，不值一提，不去也罷。
繼續閱讀
懷舊格調餐廳-佐敦太平館餐廳今日懷舊一番去咗佐敦嘅太平館餐廳，入到去環境已經好懷舊被安排坐橙色凳嘅卡位。好耐之前已經食過佢出名嘅瑞士汁，今次叫咗個鐵板雜扒餐同埋招牌乳鴿。餐湯牛尾湯好濃，不過應該佢係洋蔥湯出名啲，下次試吓先。鐵板餐嚟到有儀式感，就係要舉餐巾同埋吱吱吱鐵板聲😆雜扒有齊豬扒牛扒雞鎚同埋牛脷，好欣賞佢個牛脷，夠晒林😋。乳鴿就真係唔識欣賞，因為食開大排檔嗰啲😉，佢呢度隻乳鴿係比較大隻，所以嚟到我哋見到有少少血，有啲位未熟。反而乳鴿包咗個瑞士汁入面嗰舊內臟好好食，吸晒啲汁😋😋。因為是日食得太飽，食唔落佢個名物Jumbo梳乎厘了
繼續閱讀
中午時段,本來想去逸東軒, 全full😱唯有去第度啦.. 行咗幾步,發現咗太平館,好耐無食啦,諗住碰下運氣睇下有冇位啦, 有大把位☺️經理畀咗個卡位我, 我揀咗食瑞士雞翼配意粉,另外一個鮮茄焗豬扒飯. 午餐包餐湯餐包同埋餐飲. 餐湯有羅宋湯同埋粟米忌廉湯畀你揀. 我哋都係揀咗羅宋湯. 餐飲嗌咗咖啡同埋熱檸水. 餐湯餐包都係正常發揮啦. 焗豬扒飯好快就上, 個汁嘅顏色都有啲嚇人😰深啡色嘅😓豬扒係炸過嘅,配炒飯底. 唔好食😥如呢個瑞士汁雞翼意粉呢等咗30分鐘先出, 瑞士雞翼係好食嘅有四隻, 好滑👍個意粉都唔錯,唔係話淥到淋晒咁☺️咖啡都算喺呢啲餐廳嚟講唔錯. 唔使250蚊都收貨嘅.
繼續閱讀