太平館餐廳

營業中

休息中

已經有頗長一段時間沒有來今晚，有晩宴，見時間尚早，路過此店，馬上撲入去...一定要叫我的心頭好....瑞士汁炒牛河雖然，勁油膩，勁重口味，勁heavy ，食一客，要減食三幾日，但都敵吾過心魔...上枱時，濃香撲鼻，瑞士汁好豐盛，炒勻成碟的河粉，每條河粉都沾滿汁，絕無走漏，熱辣辣的，菜心炒得夠火候，牛肉恰到好處，吾鞋口，有牛肉味！食到吾停得口，要吃得清光，才滿足，才滿意！👍👍👍凍奶茶，很不錯，茶味夠濃，奶頗滑，一喝而盡，再要encore !

今日夜晚自己一個去咗佐敦間太平館食想試吓佢嘅瑞士雞翼同埋疏乎厘，入咗間餐廳好友80年代嘅感覺， 坐底咗就睇下餐牌，然後就叫咗我想食嘅嘢一個就係乾炒牛河，跟住再加多個瑞士雞翼同埋疏乎厘，值得推介

以我40中的年紀來太平館晚餐，根本感受唔到嗰種懷舊的情懷，只不過之前睇電視劇「金宵大廈」，很想再嘗試那個大大份的焗梳乎厘甜品。以前在這裏吃過烚鹹牛脷非常美味，但今次一家三口嚟，屋企人不太喜歡食牛脷所以改了叫其他食物，叫咗一客葡汁焗四寶飯套餐，非常普通，冇乜感受所以寫唔出評價，另外叫咗一客C餐，內容有瑞士汁雞翼三隻和茄汁焗豬扒飯，雞翼面的顏色吸引，但內裡肉質唔入味及肉散而且感覺非常雪藏雞翼，焗飯也非常普通，都係寫唔出食評感受，最後當然係叫咗個主角「焗梳乎厘」，侍應回覆我這個要等35分鐘，我話ok好的，由晚上6:20落單，7:00吃完主菜便叫侍應可以上「梳乎厘」，誰不知侍應話冇落過這個order，現在才幫我落單，我見其他幾枱食客也在等待「梳乎厘」，他們已經等到有啲唔耐煩， 經常叫侍應催促快啲上甜品，最後我們的「梳乎厘」7:50才上枱，大大份香噴噴非常滿足，今晚唯一得著就是這個甜品，其他食物唔好提喇，咁嘅價錢只得一種味道......懷舊。

我們點了紅燒乳鴿，葡國雞飯同埋粟米斑塊。餸菜味道很好，唯獨侍應聽錯咗粟米斑塊飯，我們要求他們走飯，部長來確認後給我們走了飯。過了不久聽到了大廚走出來指罵侍應（那裡地方不大，應該全個餐廳的食客都可以聽到）。埋單的時候發覺他們照收粟米斑塊飯的價錢，結帳後多謝也沒有講一聲。以後都不再幫襯！

星期四晚上光顧太平館~4人同行仰聞名的老字號店，終於有機會來試一下提早幾天已致電訂位~~裝潢較為傳統，座位間有些迫!這次嘗試了較有名氣的5款菜式燒豬脾仔，肉質不夠鬆軟，味道較淡瑞士汁炒牛河， 味道較甜，有鑊氣，不錯!久仰聞名的瑞士雞翼，肉質嫩滑，味道剛好!葡國雞飯，有焦香味，配上白飯絕對是絕配~全晚焦點: 特大梳乎里詢問了店員，他們以8隻雞蛋白加入自家配方打成，味道不會太甜，有驚喜!店員服務很好，用餐體驗不錯!~~

久久沒有在這裏進餐，經過見到午餐餐牌不錯便入內試試。點了瑞士汁炒牛河，想不到午餐份量比正常少很多，不過由於醬汁比較濃，所以其實分量亦算合適。可惜的是現在的太平館環境比以往實在相差太遠，由於下午人數非常之多，每一桌都有一位至數位中年女士在高聲談話，另一桌又有一組人再慶祝，令餐廳的環境比酒樓或茶餐廳更為嘈吵，無論是說話或是聽朋友說話，都非常困難。總括而言，沒有什麼特別事，都不會再去這間餐廳午餐，這樣的價錢和食物有很多更好的地方可以選擇。

第二次踏足太平館，上次係去銅鑼灣店，今次去佐敦店一行三人，一入去，懷舊感覺即時標升，嚟得太平館，當然要食佢既招牌菜喇！必食菜式超正，夠味得嚟雞肉又唔會老晒，肉質依然好嫩滑乾炒牛河個人覺得不錯，但男朋友仔話甜左啲燒豬脾仔肉質唔會乾，好好食咖哩什菜呢個咖哩汁撈飯真係無得彈太平館另一必食項目～梳乎厘睇到個樣已經好開心除左懷舊既裝潢，呢度既侍應都好懷舊feel，佢地好熱情招待，當我地食完咖哩正準備食瑞士雞翼既時候，當我想舉手請侍應幫忙換碟時（事關唔想碟上既咖哩汁影響瑞士雞翼汁既味道），點知當想舉手時，侍應叔叔已經攞住幾隻碟走埋嚟幫我地換，實在太貼心了值得一讚

香港的太平盛世相信已不復還了！也是那一句走不了的唯有努力生活下去吧！但在苦中找一點甜也未嘗不可！這天便跟車爸爸到老店太平館餐廳尋找一點太平的味道。 我們選了到佐敦的太平館店，位處寂靜的茂林街中，怪不得引到不少明星到來開餐包括渣男人夫！！ 首趟踏足太平館真的給我時光倒流70年的感覺！陳設優雅並沒老去亦絕沒色衰粉退，歷史感果然是沖洗不去！！ 這夜點了燒豬脾餐＄184因為想感受一番挽回感情的味道是如何！ 套餐包括有香口微脆的餐包，配上獨立包裝的牛油吃總教人難捨難離，引得我亦吃了半件呢！ 餐湯從忌廉湯和羅宋湯中取捨，最終選了後者貪其微微微夠開胃，這兒的羅宋湯喝下一點肉味也沒有，我覺得極其量是雜菜湯吧！！但對於不吃牛的我便挺合口味，況且湯料十是豐盛我很受落呢！  份量大得驚人的豬脾跟大碟飯激動上檯！目測沒7片也有6片之多好誇張啊~ 燒豬脾是把豬腿烤過再去煮的，烤後將皮剝下留下肥肉再切片上檯，吃下肉質淋中帶點咬口我挺喜歡，但汁醬帶了點苦澀味道有些扣分喔！ 我心中另有籌謀所以只點多一客瑞士雞翼＄95/4隻便夠！聽聞餐廳選用新鮮雞翼，而且即叫即製所以需時20分鐘，瑞士

一間老牌歷史悠久嘅餐廳，竟然有啲咁可愛嘅甜品，佢嘅特色係超大個，我就好鍾意食，蛋香味十足，食疏乎厘就好似食一陣風咁，但因為佢夠大個所以都幾滿足。呢一個疏乎厘都係太平館嘅標誌，必食之選。以佢嘅乾炒牛河同瑞士雞翼都係啲人成日叫既。今次食咗蝦多士，估唔到原來咁好食，食咁多次都無試過佢，有得大隻蝦，仲有好香嘅蝦膏。一如既往嘅滿意呀！

你間太平館佢位於佐敦內街，佢係一間好舊嘅西餐廳但係佢比我嘅感覺係好乾淨好高貴，可能就係因為咁嘅原因佢嘅招牌菜係瑞士汁雞翼同埋瑞士汁炒牛河，瑞士汁雞翼好甜好滑，牛河好有鑊氣整體食物OK環境一流，絕對係追女仔嘅好地方！

一間好多年歷史嘅餐廳 聽就聽得多都係第一次黎入到去就有一種好懷舊嘅感覺朋友話要食呢度個大梳乎厘真係大到離晒譜兩個人淨係食呢個都飽晒好有蛋香嘅味 唔會太甜個蛋白發得好大好大甘大個都係第一次見 見到隔離枱個瑞士汁雞翼好似幾正 下次試

百年老字號，點都要試下嘅🙃太平館瑞士雞翼即叫即煮，都好入味，吾會太甜也不會太咸，味道剛剛好。不過得兩隻，真係吾係好夠食！炒飯有火腿同炒蛋，撈汁真係好好味。佢個飯吾算好乾身。太平館干炒牛河佢真係好惹味，入味但係吾會煮到冧曬！賣相都整得好好！佢有啲甜甜地，啲牛肉都吾會煮得好鞋，醃料都好好！杯咖啡☕️自己加奶，好重咖啡味！好滑，一點渣也沒有！入口回甘，啲咖啡味長時間徘徊係口腔之中^_^環境夠靜，適合同屋企人傾下計！

因為梳乎厘原因而黎試早就聽聞系歷史猶久的西餐廳 連孫中山都去過！⭐️環境⭐️有西式懷舊感覺 唔知點解諗起Titanic🤣🤣 叔父級既待應個個都好好態度 值得一讚～ ⭐️菜式⭐️1️⃣岑味牛脷飯 牛脷厚切 飯量足夠 真系兩個人share都無問題！2️⃣有名的瑞士雞翼 Size適中 5會細得無理 但味道唔夠入味 肉質系幾嫩滑 3️⃣重頭戲大大梳乎厘 $14x兩個人都食唔晒 應該三個人岩岩好 口感軟棉 但同時空氣感亦較多 所以食多會有脹氣感 個人覺得甜度適中 但由於味道太單一 如果有埋雪糕起入面可能會重正 總括黎講可以再回頭的餐廳 因為份量都算多 以西餐廳價格來講 都合理 味道亦不錯👍🏻

以前在這附近讀書，每次都經過這餐廳，但學生哥怎會進去食飯呢？結果終於有機會一試。問了經理有甚麼推介，便數出一大堆食物，因為人不少，所以每款也叫上了一客。牛河好食，不像外面餐廳的，這裡不油膩，牛也沒有生粉味，十分好食。豬脾不錯，熱一點會更好。炒飯中規中矩，欣賞炒得乾爽。葡汁焗菜幾好，還叫了白飯撈汁！乳鴿很好吃！而馳名的瑞士雞翼更好！吃了兩隻！最後還叫了梳孚理！完滿的一餐！一直只顧叫，都忘了拍照，最後和梳孚理拍了一張！

很久沒有光顧了、原來已經裝修了。一入到店內，叔叔店員已經叫你坐卡位舒服啲。原來已經有下午茶，我都唔知道了。所以叫了我的摯愛，疏乎厘二人套餐。嘩原來好大個嘅，兩個人食，真係食唔晒，食落去真的好空氣感，只是甜了一點。當然叫埋本店的招牌菜，乳鴿餐。乳鴿依然脆卜卜。餐再有一個葡國雞飯葡國汁好惹味。仲有燕窩忌廉湯好特別。話兩個人仲要多一個下午茶餐下午茶餐瑞士汁雞翼果然零舍不同乳鴿餐有雪糕甜品。店員來的叔叔很細心，不停幫我們換碟，加上親切笑容，同我們有講有笑，渡過一個愉快的下午。