太平館餐廳

營業中

休息中

乾炒牛河。瑞士汁牛河雖出名，對我黎講係一個伏，(好耐之前食過)，一大個獻汁及顏色都不是我胃口。而因為怕肥，太耐無食過乾牛河。河粉大小不一，我覺得更有層次，真係好爽滑，牛肉，醃得適中，全部都沒有根。瑞士雞翼，好貴喔，爽滑，有雪味，亦很不入味，即係無味羅宋湯，仍保留著小時的味道。有丁點辣，酸味亦好“豉油西餐“的味道豬扒包。厚厚的豬扒，炸得鬆軟而不油膩，味道適中老字號的價錢，真係為左個名才去食為主，而菜色都不算特別出色

今次一行五人來到，一早就訂好位，我們被安排到一個自成一角的角落，位置上同其他客人分開，這個角落是一半梳化一半坐櫈的。我地太耐無見，不停邊吹水，邊大笑，不亦樂乎！難得咁多人，可以試新野😆飯面碟頭很大碟！我們點了三個主菜，兩個飯面和一個甜品。砵酒燉鮮牛尾非常極之欣賞！牛尾夠稔，肉不會散鮮牛尾的骨膠原，十分肥厚！i like it!砵酒汁亦都唔簡單，一口感受都廚師的誠意！下次再來，一定會食😋煙薫倉魚喜歡食魚的，要試試這個魚軟硬適中啖啖有煙薫味道菜式特別！摩羅雞飯飯帶辣味，不食得辣既會覺得辣！飯上有雞腿🍗醬汁似咖喱汁配料有提子乾，面包脆脆香口惹味🤗最後就是來太平館，不可能錯過的巨型梳乎尼。

朋友建議喺太平館食下午茶,話平日人比較少比較寧靜,點知今日嘅太平館坐滿曬人😂 既然黎得太平館梗係要試佢最出名嘅瑞士汁雞翼啦雞翼配火腿蛋炒飯或薯菜,盛惠$70。老實講,真係唔覺得佢嘅瑞士汁特別好味,屬於不過不失。如果選擇雞翼配火腿蛋炒飯,炒飯會有一小碟,但係如果配薯菜,就只有一小舊薯仔。火腿蛋炒飯幾香有蛋味,炒得都好乾身。瑞士汁雞翼肉質嫩滑,但係唔算好入味,亦冇乜驚喜。薯仔就係普通一嚿薯仔。今日嘅天氣有30度,而我哋坐喺門口一入嚟嘅位置,全程下午茶就係不斷拍蚊滋, 大大話話殺咗十隻以上而且餐廳人客亦都好多,所以有點嘈。如果下次再去太平館我會選擇食梳乎厘,眼見下午茶時間都好多人食梳乎厘,至於瑞士汁既食物大慨試一次就夠了。

平日晚上七點來到佐敦近油麻地方向的太平館。之前去過尖沙咀和中環的太平館，呢間是第一次。兩個人可以坐卡位，入座率已有七成半，主要是本地人，亦有遊客。我們沒有訂位的。店內裝潢是有歷史味道的，侍應都是非常有經驗的。落單，上菜，安排甜品上菜都是有服務的。 兩個人點了一個飯，一個餸再加一個份量級甜品😍首先上枱的是馳名的豬脾飯有四大片豬脾片少許配菜醬汁應該也是瑞士汁豬脾肉半肥瘦加瑞士汁配白飯ok的試一次夠了接著是必食的瑞士雞翼有四隻和八隻選擇我地喜歡雞翼，所以八隻雞中翼連雞翼尖為一隻的沒有失望，雞翼大隻，多肉飽滿入味😋太平館的瑞士汁就是有色有味但不會咸的好味！重頭戲來到太平館的梳乎厘大過我個頭呀！最好味係個面，里面是濕濕的上枱影左一陣相，梳乎厘高度未見下降當切開後便開始縮水

夜媽媽九點幾都唔知食乜好, 0係旺角又諗唔到食乜, 俾我諗到好耐冇食0既.... 瑞士汁牛河!!!  未食過佐敦lee間, 之前都係食銅鑼灣同中環0既.... 一於去試0下!食物質素:  牛河正呀! 同其他分店水準相若!  首先講個牛, 真係夠林, 有肉味, 冇筋.  再講個河粉, 真係炒得好, 一條條, 唔會話爛哂.  加埋0個個瑞士汁, 係絕配.  有D人話瑞士汁偏甜, 我就覺得好味, 可能係個人口味唔同.  所以話呢~ 炒牛河真係考大廚真功夫! 可能因為已經9點幾, 所以都食唔哂, 包0左大 約半碟走, 之後0個日'丁'返熱食都仲好好味. 唯一要講0既係, 食得牛河你就要接受佢比較多油, 所以真係好好好好想減肥0既人LEE碟0既就未必0岩.  但咁正, 不如食完先減啦~~ 環境:   有一種懷舊氣氛0既西餐廳.  當日我坐卡位, 都唔算迫, 都舒服, 可以靜靜咁傾0下計.  服務: 伙記全部都有返咁上0下資歷, 十分熟手. 上餐亦好快.價錢: 大約$100.. 一定係比茶記0既干炒牛河貴, 所以我唔會話佢好抵食, 但佢個質數同環境都對得住LEE個價.  食後感: 保持水準, 我會

Visiting this history rich restaurant for the first time, I picked this spot to dine with my family who are visiting from Canada. The four of us had a good time chatting our way and joking on those retro dining chairs. Our food choices included Roasted Pigeons, Swiss sauce (Sweet Soy Sauce) chicken wings, Ox Tongues, Fried Flat Noodles with Beef and Moru Curry Chicken Rice. Personal favourite was the Fried Flat Noodles with Beef, although it looks oily but it is very tasty! But I like the Ox Ton

我記得三年前我食過，但今日再同朋友過嚟食，佢嘅味道同服務對顯著退步以佢三款最多人推介嘅菜式來講，只有一款係能夠保持水準先睇一睇張單，加埋服務，一句講晒「唔值」同出邊茶餐廳、大排檔今日水平差唔多，唯一分別係牛肉大塊啲同多啲我黎太平館就係為咗食呢個瑞士雞翼，可惜同我三年前比較已經退步左好多，雞翼細隻咗雞翼唔入味呢個係唯一保持水準嘅菜式，我相信呢一次係我最後一次嚟幫襯太平館建議：食懷舊嘅感覺，食一次已經足夠

這是朋友訂的枱, 四個人沒有叫元旦套餐(這店一般是過四百的), 我們散叫些比較主打的菜式,大概比叫套餐平易1/4左右吧! 而這決定是對的因為食物質素只是一般, 始終經過這兩,三代社會上對西餐的演化, 大部份市民都對西餐有一定的認知, 這類比較早期發展對西餐的自我演繹, 無疑大家都對這種混血版本有較大空間去理解, 而現存的這類型餐廳大多是交付第二/三代打理, 無論是菜式/ 用料/ 味道/ 擺碟跟幾十年前沒太大分別, 這晚來的這店亦如是,個人認為如果主持人唔將菜式活化引進一些新的表演手法, 好難吸引新一代來幫襯, 只靠上一代帶下一代人來幫襯的方式有點被動, 發揮唔到自我的魅力! 講返當晚的食物:廚師沙律$148  少少沙律菜, 青瓜片, 蓄茄, 雞肉同烚蛋一開四, SORRY都要講句,份量同價格配對不上, 沙律菜的種類太少, 青瓜只是中國/本地青瓜質素並不突出, 蕃茄同樣, 雞脾即使用足一隻也不過是雪貨, 成本有限, 如果廚師能到其他比較正路且中價嘅店觀摩一下, 定必明白市面上的客人接受一個百五蚊嘅沙律是怎麼樣的?瑞士雞翼 $185 (4隻) 質地同味道都做得恰到好處, 不過都係嗰句, 價

牛脷，乳鴿，干炒牛河都可以。但煙倉魚太差，單點要＄325，只有2小片，而味道只有鹹味及很大的魚腥味，不值一吃。服務態度好。餐廳面積較少，坐位不太舒服。要等一段長時間，才會再懐舊。

出黎做嘢大家都各有各忙，難得今個星期一屋企人夾到時間一齊去食飯做冬，我地就決家去品嘗位於佐敦同油麻地交界茂林街的太平館餐廳。太平館餐廳聽好多同事朋友講過，口碑不錯，食的主要是舊日情懷，餐牌上的菜式完全不花巧，主要都是普羅大眾日常生活食開的菜式。由於帶住兩位老友記，我地點選的菜式都是以簡單飽肚為主，同是亦希望從中嘗到餐廳的特色。所以我地點咗「太平館瑞士汁炒牛河」、「焗葡國雞飯」、「太平館瑞士雞翼」、「太平館焗梳乎厘」。太平館瑞士汁炒牛河 （$129），牛河炒得乾身唔會太油膩，牛肉食得出係用新鮮牛肉，同埋份量亦都比一般茶餐廳的多，不錯。燒豬脾（$124），薄切的豬脾肉配上餐廳的特製醬汁，三個字：「冇得輸」。焗葡國雞飯（$149），一上檯個陣葡汁的香味真係令人食慾大增，食落葡汁口感好濃郁，加埋雞件伴飯一流。太平館瑞士雞翼（$185），可能有人會覺得185蚊得八隻雞翼不化算，但其實餐廳的瑞士汁食得出係心意之作，瑞士汁香甜，不會一味的死咸，用的是雞全翼，每一隻雞翼都吸滿瑞士汁的精華，果然是太平館餐廳的招牌菜。太平館焗梳乎厘（$148），功夫菜之一，焗出黎的梳乎厘充滿蛋白香，外表帶微微的焦香，中間

悠久嘅歷史，唔駛多介紹。朋友係細細個已經由Daddy帶來幫襯嘅，衝住回味乳鴿而嚟，全場抵食嘅 lunch 套餐都唔 order，就係要食佢，等咗二十幾分鐘，我碟套餐牛河都食晒，終於畀佢等到......上檯都好似樣，可惜，一入口，阿乳鴿’柴’嘅程度，絕對考驗到你棚牙，肉味欠奉，連個大名鼎鼎嘅汁都挽救唔到，朋友依然畀80分，當中話明60分係懷舊囉！至於我碟牛河，OK喇！牛肉用粉醃過，真係似細細個（唔係好識食）嘅味道！服務，唔知係咪趕住落場，阿叔會好有禮貌咁趕住收你檯面嘅嘢，一餐 lunch 40 分鐘食完，完全符合香港人的節奏，不過，我係放緊假喔？！

講個秘密俾大家知，話說某大電視台既「方向節目」介紹過呢間餐廳既懷舊甜品，我就二話不說約埋三五知己去試試。淨食甜品會比較悶，去到當然叫埋喊食，我地叫左碟「瑞士汁牛河」。我記得幾年前食過，當時食落第一啖既感覺係：「好食到飛天！」用瑞士汁炒牛河味道非常惹味同特別。現在食既感覺係好唔同，覺得好一般。個甜品「梳乎厘」先係主角，外型夠晒吸睛，個size仲大過我個頭。味道方面，食落甜甜地，入口即溶，食食下感覺似食緊「空氣」，非常唔實在。好既方面係，師父落足力打蛋白，夠晒空氣感。

聽聞這間餐廳都好耐，終於有機會一試！個別菜色可以！我們三個人叫了瑞士雞翼、鹹牛脷、焗飯同梳乎厘！梳乎厘一座下就已經叫我們落咗單先，我地怕冇得食這個招牌菜所以落定單先！座位比較迫夾，坐得唔算舒服！分量比預期中多，雖然入去時都比較肚餓，但三個人都食唔哂四樣嘢！瑞士雞翼都算滑，個汁好味！鹹牛脷質感唔錯，鹹味剛好！焗飯太多汁，冇特別！梳乎厘在未食完主菜已上，所以一上立即試吓，太過濕，口感比預期中遜色！個別菜色可以！

百年歷史係講緊 「太平館餐廳」，拾年人係講緊我拾年前曾到此，轉眼就過了拾年。太平館自 1860年創立首間位於廣州西餐廳，真真正正咸豐皇帝年代，最聞名菜式是其 「燒乳鴿」、「瑞士雞翼」、「焗蟹蓋」還有很多，但我們今晚是為了「焗梳乎厘」而來。室內裝修保留五六十年代風格，感覺的味兒也許各有不同，懷舊總令人有點唏噓！鄭重一提我們 6:30 已到故尚有坐位，7:30 絕對是座無虛設。雀肉蝦多士，忘記問雀肉是什麼，原來是將大蝦和珍肝醬釀在麵包上炸成，多士入口香脆蝦肉彈牙，這道應是功夫菜頗有懷舊風味。主角瑞士雞翼亦即是豉油雞翼因為冰糖比例較多故命為瑞士雞翼，瑞士汁亦從此顯生，此刻我為你垂涎三尺，巴不得一口送你入嘴你，汁香肉嫩滋味無窮。😋為了你明天斷食也是值得的😋久沒見了，你的味道依然一樣，沒有令我失望，你在我嘴裡慢慢熔化時是軟綿綿的，你消失後留下來清甜的沙糖餘韻在我嘴裡久久未散味道縈繞嘴巴，你實在太棒了！👏男女老少仔仔一堂品嚐「疏乎厘」雖然各食出不同味道，但一個共同的應是家家戶戶樂也融融👨‍👨‍👧‍👦馳名菜式太多了，最值得欣賞是每一道菜式都加以烹調說明👍套餐也不錯啊！☕️店長店員全都是有資深份子🤵型格

今天去食回憶😍依然舒適的環境😌老伙記叔叔服務態度依舊好👍🏻☺️只是食物的味道已經改變很多，尢其是瑞士汁產品🤭真心話羅麥記的更好吃😋梳乎厘其實叫黎開心（嘩）😅豬肶肉鞋拾拾😕汁小小苦，也不甜🙁瑞士汁牛河大不如前，不過食得落口的😆蝦多士，未吃過的可以一試🤨去懐舊一下，坐下係幾好的😊食品普普通通，唔係難食的😛雖然大不如前，但也會同家人去下，回憶當年😉帶小孩子見識下，巨型梳乎厘😄