影片
更多
2018-12-20
1267 瀏覽
出黎做嘢大家都各有各忙，難得今個星期一屋企人夾到時間一齊去食飯做冬，我地就決家去品嘗位於佐敦同油麻地交界茂林街的太平館餐廳。太平館餐廳聽好多同事朋友講過，口碑不錯，食的主要是舊日情懷，餐牌上的菜式完全不花巧，主要都是普羅大眾日常生活食開的菜式。由於帶住兩位老友記，我地點選的菜式都是以簡單飽肚為主，同是亦希望從中嘗到餐廳的特色。所以我地點咗「太平館瑞士汁炒牛河」、「焗葡國雞飯」、「太平館瑞士雞翼」、「太平館焗梳乎厘」。太平館瑞士汁炒牛河 （$129），牛河炒得乾身唔會太油膩，牛肉食得出係用新鮮牛肉，同埋份量亦都比一般茶餐廳的多，不錯。燒豬脾（$124），薄切的豬脾肉配上餐廳的特製醬汁，三個字：「冇得輸」。焗葡國雞飯（$149），一上檯個陣葡汁的香味真係令人食慾大增，食落葡汁口感好濃郁，加埋雞件伴飯一流。太平館瑞士雞翼（$185），可能有人會覺得185蚊得八隻雞翼不化算，但其實餐廳的瑞士汁食得出係心意之作，瑞士汁香甜，不會一味的死咸，用的是雞全翼，每一隻雞翼都吸滿瑞士汁的精華，果然是太平館餐廳的招牌菜。太平館焗梳乎厘（$148），功夫菜之一，焗出黎的梳乎厘充滿蛋白香，外表帶微微的焦香，中間
太平館餐廳聽好多同事朋友講過，口碑不錯，食的主要是舊日情懷，餐牌上的菜式完全不花巧，主要都是普羅大眾日常生活食開的菜式。
由於帶住兩位老友記，我地點選的菜式都是以簡單飽肚為主，同是亦希望從中嘗到餐廳的特色。
所以我地點咗「太平館瑞士汁炒牛河」、「焗葡國雞飯」、「太平館瑞士雞翼」、「太平館焗梳乎厘」。
太平館瑞士汁炒牛河 （$129），牛河炒得乾身唔會太油膩，牛肉食得出係用新鮮牛肉，同埋份量亦都比一般茶餐廳的多，不錯。
燒豬脾（$124），薄切的豬脾肉配上餐廳的特製醬汁，三個字：「冇得輸」。
焗葡國雞飯（$149），一上檯個陣葡汁的香味真係令人食慾大增，食落葡汁口感好濃郁，加埋雞件伴飯一流。
太平館瑞士雞翼（$185），可能有人會覺得185蚊得八隻雞翼不化算，但其實餐廳的瑞士汁食得出係心意之作，瑞士汁香甜，不會一味的死咸，用的是雞全翼，每一隻雞翼都吸滿瑞士汁的精華，果然是太平館餐廳的招牌菜。
太平館焗梳乎厘（$148），功夫菜之一，焗出黎的梳乎厘充滿蛋白香，外表帶微微的焦香，中間帶有空氣感，底層一有點兒似蒸蛋白，會令人不知不覺一口一口食下。
整體黎講，餐廳不錯，喜歡舊日情懷的人可以一試。
太平館瑞士汁炒牛河
$129
53 瀏覽
0 讚好
0 留言
燒豬脾
$124
68 瀏覽
0 讚好
0 留言
焗葡國雞飯
$149
58 瀏覽
0 讚好
0 留言
太平館瑞士汁雞翼
$185
52 瀏覽
0 讚好
0 留言
太平館焗梳乎厘
$148
60 瀏覽
0 讚好
0 留言
張貼
