太平館餐廳

營業中

休息中

朋友建議喺太平館食下午茶,話平日人比較少比較寧靜,點知今日嘅太平館坐滿曬人😂 既然黎得太平館梗係要試佢最出名嘅瑞士汁雞翼啦雞翼配火腿蛋炒飯或薯菜,盛惠$70。老實講,真係唔覺得佢嘅瑞士汁特別好味,屬於不過不失。如果選擇雞翼配火腿蛋炒飯,炒飯會有一小碟,但係如果配薯菜,就只有一小舊薯仔。火腿蛋炒飯幾香有蛋味,炒得都好乾身。瑞士汁雞翼肉質嫩滑,但係唔算好入味,亦冇乜驚喜。薯仔就係普通一嚿薯仔。今日嘅天氣有30度,而我哋坐喺門口一入嚟嘅位置,全程下午茶就係不斷拍蚊滋, 大大話話殺咗十隻以上而且餐廳人客亦都好多,所以有點嘈。如果下次再去太平館我會選擇食梳乎厘,眼見下午茶時間都好多人食梳乎厘,至於瑞士汁既食物大慨試一次就夠了。