太平館餐廳

營業中

休息中

阿妹定期產檢，可是妹夫出了差公幹，所以陪佢去產檢的責任交咗俾我。醫生話BB、媽咪都好健康，一齊平安。產檢後，我哋順道到佐敦茂林街食午餐。餐廳內裡很舒服，裝修很高雅，還有些古董擺設。午餐的價格似乎貴了少少，但環境好，算是值回票價。我哋叫了一個燒豬脾飯午餐和一個乾炒銀芽炒河午餐，跟一個湯、一客沙律和兩杯橙汁，埋單都只係$172。【鮮菜沙律、粟米忌廉湯、橙汁】沙律大碟，蔬菜新鮮，兩個人都夠食。忌廉湯夠熱，夠滑，橙汁正常無特別。【餐包】夠熱，夠軟熟，好食。【乾炒銀芽炒河】炒得夠乾身，夠香，唔油膩，味道唔錯。【燒豬脾飯】最初以為會是一大舊豬脾上的，原來是切成一片片，食得夠方便。上面仲有些特別醬汁和脆肉瓜做配搭，食落味道都幾好。白飯大大碟，我哋免強才食得晒。好鍾意呢度的環境，夠優靜夠高雅。等妹夫返來，一定要屈請我再嚟食個高級晚餐。