太平館餐廳

營業中

休息中

喺佐敦返工，雖然附近有好多食肆，但係食來食去都係果10間左右，食到有啲悶，所以今日同同事2個人亂咁行，行左去咗遠少少既太平館餐廳度食，因為已經兩點半，所以可以叫下午茶，同事叫了一個濕炒瑞士牛河，而我因為冇咩胃口，所以淨係叫咗份西多士嚟食，濕炒牛河我同同事都覺得味道其實唔錯，但係感覺似係瑞士汁撈河多啲，始終瑞士牛河係乾炒會好食啲、會match啲，濕炒好似怪怪的，西多士就正正常常冇咩特別，至於奶茶、檸茶，就不過不失啦，始終唔係茶餐廳嗰啲味道，沒有風味，呢類舊式餐廳雖然買少見少，但係時代真係唔同咗，客人口味都改變晒，所以呢啲餐廳都唔會好似以前咁坐到爆場，仲要等位，依家一入去就有得食！