天天海南雞飯 (新城市廣場三期)

營業中

休息中

同朋友係沙田巿廣場搵嘢食，見到呢間米芝連「天天海南雞飯」，就被吸引入去試試。見到餐牌咁多選擇，樣樣都想食，最終我哋都冇嗌海南雞，反而選擇了其他菜式。火焰椰子八寶燉雞x2. $89x2原個椰子燉雞，椰子🥥香味濃不在話下，湯料還非常豐富，有螺片、小粒元貝、紅棗、豬肉和雞等等…..黑椒鵝肝醬花膠 $179成個煲都係花膠，花膠口感軟嫩細膩，富彈性，很有咀嚼感，加上姜、蒜🧄、青紅椒，令到花膠的味道更有層次。泡菜大蠔餅 $109蠔餅個皮，炸得好鬆脆，很有空氣感，蠔餅本身煙煙韌韌，蠔仔很有𧐢的鮮味，加些葱花，味道更清新。桂花糕 $49桂花糕顏色潔白，口感煙韌細膩，有淡淡的桂花清香，如果覺得清淡，可以點一點斑斕醬，甜甜的很可口。

尋日去左沙田食天天海南雞飯，建議大家唔好去食…我同朋友叫左海南雞(大份但不連飯)要$199,原本諗住米芝連咁貴都應該好食試下啦，但上到黎好失望。d雞係雞胸肉重要好似煮過龍咁，因為好鞋口同白到好似漂過咁，跟住佢汁好咸，真係難聽d講狗也不"D"。同埋佢份量少重話大份。8:30pm左右就連續有3個職員連續催我地賣單，阻住我地食飯連一句唔好意思都無。最討厭佢成日網上用打低gordan ramsay做宣傳， 連張墊台紙都咁寫, 我覺得好hard sell。

成日去到沙田都唔知食乜好 呢次黎到呢間新加波米芝蓮餐廳食～ 排隊都要啲時間 但係食野限時一個鐘🥲✨招牌超級水果茶💲 38味道係正常水果茶 但係好誇張大杯⋯餐廳嘢食唔算平 所以38蚊有成公升水果茶真係好癲⋯飲都飲到飽😹✨天天海南雞拼燒雞💲 289舖頭既海南雞有天天海南雞同正宗海南雞揀 唔知有咩分別🤔 雞無肥膏 但係好嫩滑～ 海南雞雞皮爽口 燒雞雞皮就酥脆既 配有薑蓉 酸辣汁 同埋黑醬油 不過289唔跟飯 有少少貴👀 ✨雞油飯💲 39 （1-2人份量；3-4人份量💲59）正常 唔算油膩😗✨海南雜菜煲💲 129雖然話海南雞係招牌 但係我最鍾意係呢個雜菜煲🤣 有娃娃菜 小棠菜 菜心 木耳 雞脾菇 粉絲等等 好豐富 湯底好清甜！🥹

新加坡過江龍！招牌菜係海南雞同埋油飯呢度既海南雞係雞同飯分開點正宗海南雞大份$199擺盤好靚唔只擺得靚menu最後個頁發現原來可以買餐具海南雞本身係凍上肉色同雞皮都偏白色皮薄肉嫩配三色醬濃黑醬油、薑蓉、酸辣汁兩個人分都夠油飯$39分小煲大煲1-2人小煲就ok油飯就熱上粒粒分明黑磨豉牛筋牛腩$139鍾意食牛筋既必點！牛筋又大又多好滿足配油飯都好夾豆花年代奶茶$32豆花金牌咖啡$32飲品超大杯呢個價錢好抵加入左豆花飲落更加順滑是日仲試左椰汁炸龜苓膏好有趣似炸年糕但食到一半又會回甘如果同朋友再食會再點俾佢地大開眼界茶位$10／位有加一

進店看到下午茶3-5點，全單8折，結果進去和我說沒有，還要進去問一下，後來拿了張下午茶餐單過來，用餐期間聽到餐廳員工和後面認識的食客說有8折優惠，結果我用完餐買單給我的單沒有8折，我追問下，換了名員工給我重新打了8折單，這種不誠實的餐廳怎麼在香港立足下去？

新城市廣埸3樓，個間天天海南雞，食個海南雞飯毫無雞味，又唔鲜，垃圾一般，仲要茶芥及加一，四个字形容，不知所謂，我剛食过才有感而發，叫啲股東及大廚自己試食，甘都攞得出比客食，仲要貴，超失望！

成日聽人講終於有機會試啦，由於好肚餓嘅關係，兩個人都嗌左四個餸😂😂一煲飯再加杯嘢飲😌等我為大家介紹吓啦😆正宗海南雞🐥冇理由黎到唔叫呢個既😏賣相幾吸引份量夠大，雞肉唔算好滑但個皮爽口🐣醬油好味👍🏽油飯🍚油香陣陣😌粒粒分明，係偏硬身既😋辣子粟米🌽🌽粟米好甜，椒鹽味重，唔辣，係配料辣🌶好味👍🏽👍🏽椰汁班蘭炸魚塊🐟好有趣既一個菜式，炸魚塊鬆脆，掂椰汁班蘭醬😌甜甜地，有淡淡既椰香味🥥🥥黑磨豉牛筋牛腩🐮🐮佢都係十大招牌菜之一🤩見人人都叫，就試試佢啦，一黎到個煲係熱住既，個汁都係甜甜地😊份量都算多，牛腩唔算淋，但有牛味，牛筋有2種，有種勁淋，另一種就有咬口😌豆花奶茶🥤超重豆味，溝埋一齊好似飲緊豆奶咁，唔錯😆整體來講都算好既，環境舒適，職員態度良好，食物有特色😌我係一個唔錯既選擇😊

沙田新城市廣場商舖和食肆雲集，行一整天都行不完。今天和朋友逛完後，來到第三期的「天天海南雞」食飯，「天天海南雞」有幾間分店，食物質素頗高。遠遠就見到大大的招牌和寬闊的入口，未夠7點，坐位已有9成滿，捧場客很多呢！「正宗海南雞」$199「天天海南雞」和「正宗海南雞」都是這裡的招牌菜，今晚先試「正宗海南雞」。專用的碟子盛著海南雞和三款不同的醬料，薄薄的白色雞皮爽口有彈性，完全沒有肥脂肪，雞肉較為結實，有嚼口，雞味濃。有一大片雞胸肉切成翅膀形狀作裝飾，一樣咁好食。「黑松露墨魚蝦多士」$1094大件蝦多士，上面灑滿椰絲和木魚絲，裡面有黑松露醬。一口咬落，又脆又香，口感豐富。「海鮮喇沙水晶粉」$159非常豐富的海鮮窩，有豆卜、青口、魷魚、鮮蝦，還有Q彈的水晶粉，微微的辣適合更多人口味。「桂花糕」$49軟綿綿的桂花糕飄著桂花香味，附上一碟新加坡咖央醬，很有特色。

$199 的海南雞，雞肉粗嚡，皮下肥膏多，沒有連飯上，何以貫名米芝蓮，比泰式海南雞飯差不止一倍，連骨上，肉骨比例50:50，去年初曾來幫襯，質素簡直大跌，價錢大升，真的生意難做，何悲！

今日我要介紹呢間新加坡過江龍，佢嘅野食真係幾正宗，令人食得開心又想再去多次旅行！佢既套餐其實係最抵，不過我特別想試佢新野，所以就簡散叫。🙈🙈首先，古法肉骨茶，呢個湯底肉味濃郁，肉骨煮得軟腍入味，滋補又開胃，飲完一碗肉骨茶暖身又滋潤！🍲🥹然後就係呢度嘅主打天天海南燒雞，真係古法正宗！雞肉鮮嫩多汁，外皮烤得金黃酥脆，加埋店家獨家秘製嘅醬汁，帶嚟一份香嫩無比又多汁嘅燒雞，每一口都係享受！🍗😄接下嚟係豆腐蝦仁煲，入面材料真係幾豐富！豆腐鮮嫩，而且蝦仁彈牙，湯汁濃郁鮮美，滲入咗每一樣食材，令到層次更豐富，配飯食一流！🥘☺️最後，我地叫左雞油飯，夠兩個人食用，飯粒分明，每粒都帶有濃郁嘅雞油香氣。🍚😄

今日同朋友喺新城市行街行到肚餓又見到想試好耐嘅天天海南雞飯唔洗等位就二話不說入左去啦！因為乜都想試但胃部空間有限所以我地就嗌左個新加坡米芝蓮二人餐share 個餐包括蝦皮素肉鬆凍豆腐/海南沙律(2選1)、斑斕汁椰香鱈魚/黑松露墨魚蝦多士(2選1)、鳳梨涼瓜干貝燉龍骨兩盅、天天海南雞/正宗海南雞(2選1)、參巴辣椒炒通菜/海南雜菜煲(2選1)、雞油飯一煲、50年代系列飲品兩杯，特價$499!蝦皮素肉鬆凍豆腐呢道餸真係可以喺呢個大熱天時解暑！凍豆腐好滑加上面頭嘅蝦皮同肉鬆呢兩總口感令佢更有層次味道都唔錯balance得好好，絕對唔係只靠醬汁帶起個味道黑松露墨魚蝦多士呢道頭盤有4大件，黑松露醬上面仲有啲椰菜絲同木魚絲，令佢食落口感豐富得黎一啲都唔油膩好fresh 最驚喜係真係有隻蝦喺墨魚滑上面，口感彈牙，多士好酥脆！鳳梨涼瓜干貝燉龍骨呢個湯飲落都算足料同清，飲完冇口渴嘅感覺，整體而言都唔錯天天海南雞店員講解話天天海南雞係無骨嘅食落滑啲嘅，而正宗海南雞就係有骨但雞味重啲嘅。我地最後揀左天天海南雞，的確雞味真係差啲，但勝在真係滑、雞皮爽彈、本身嘅醬汁同好成功地補足翻雞本身差嘅味道海南雜菜煲上菜嘅

平時夜收工好多時候都會去附近新城市廣場食飯，而設於三期嘅新加坡嘅天天海南雞我都幾鍾意去，一般揀個套餐都係大約$500/2位，商場黎講又無話特別貴。未食過嘅朋友都不妨試試。餐廳與四季芬芳（即中環蛇王芬）合作推出蛇羮套餐，雖然天氣轉熱，但商場冷氣夠大，食完個身都唔會太熱。套餐包括招牌花膠太史蛇羮(2份)、天天海南雞(中份)、雞油飯(1-2人)、海南雜菜煲，及四季養生飲品(2支)：花膠太史蛇羮: 蛇肉份量偏多，採用數款不同蛇肉，除粗幼不一外，蛇嘅肉質都唔一樣，因此食落口感非常豐富，有啲蛇肉軟嫩，亦有結實爽滑，但就真係每一啖都食到蛇肉，湯羮質感夠稠密，幾好食。天天海南雞(中份): 採用新加坡文昌雞，雞肉一個字：「滑」，肉質非常絲滑，加埋秘製雞油嘅濃郁雞香，原味食都覺得正。另外仲有配三色醬：薑蓉、酸辣醬及黑醬油，各有特色，幾惹味。雞油飯(1-2人): 招牌雞油飯亦唔係普通嘅黃薑飯，而係加入雞油製嘅飯，飯粒充滿雞油香，油而不膩，飯粒顆顆分明，非常好食，戒澱粉都要食嘅必點食品。海南雜菜煲: 湯底清甜，雜菜包括娃娃菜、菜芯、雞髀菇、粉絲、紅蘿蔔片等等。除養生飲品外叫左支天天啤酒，甜口，果香味較重。

今日同朋友喺沙田新城市行街 見到一間大排長龍嘅餐廳 一睇點知係米芝蓮餐廳嘅天天海南雞飯 我哋就諗住入去試一試 食完實在覺得大部份食物都係水準以上 一試難忘青檸汁蒸鱸魚大大條嘅鱸魚配上刺激味蕾嘅青檸汁 一上菜已經令人胃口大開 鱸魚口感嫩滑 味道清甜熱騰騰嘅蒸氣加上別出心裁嘅裝飾 令到成道菜式更加昇華雞油飯雞油飯香而不油膩 米飯粒粒分明 食落飯香充滿口腔古法肉骨茶豆腐卜 腐皮 豬肋骨 浸泡喺古法肉骨茶入邊 配上淡淡的胡椒香味 食落齒頰留香火焰沙嗲串串看似平凡無奇嘅沙嗲串燒其實別出心裁 一碟簡單嘅串燒已經有齊豬肉牛肉雞肉 而醬料更加配上新穎嘅花生醬 食落熱辣辣香噴噴 充滿驚喜超級水果茶一杯飯後水果茶實在係解膩良方 由唔同水果調製而成嘅水果茶充滿淡淡的小清新 酸酸甜甜 飲落口腔舒暢

成日經過新城市都想試吓呢間新加坡餐廳藍色嘅裝修好吸引，座位好闊落古法肉骨茶 $159份量又多又抵食，而且好入味，但係唔係味精，肉骨都有四條兩個人share啱啱好辣子粟米🌽有啲似大排檔嘅粟米，粟米一開四之後咬落去好方便，有微微嘅辣味，非常開胃斑斕汁椰香鱈魚🐟炸咗嘅鱈魚粒好脆口，估唔到點班蘭汁係咁夾，仲有好重椰香味！脆口小食👍🏼最後仲叫咗薏米水，中和返油膩感，薏米水唔會太甜！每張枱都有自己嘅茶壺，呢樣嘢都幾方便，不過提提大家會收茶錢😉

食物質素高，但職員人品差，3歲小朋友要收茶錢食一餐飯過嚟4次，叫你走，最後一次係黑晒面咁走過嚟：「你哋過晒用餐時間，講明你哋得一個鐘，好多人排緊隊等入嚟，唔該你哋要走啦」成餐飯唔平，全部未計加一、茶錢。重點是職員的態度，目露凶光，黑口黑面，不友善。感覺出錢買氣受去到最後被趕走感覺不良好奉勸各位如果想坐係到慢慢傾偈千祈千祈千祈唔好㨂呢到會被人目露凶光，更會用不友善語氣，趕你哋走，唔好阻佢揾食。有好多人係出面，呢度擺明要賺錢，要吹水唔該出去就係食物幾好味都好，都要注重一下服務態度。對客人不禮貌，不尊重令人極為討厭已經唔會想再來亦不會推介朋友來