天天海南雞飯 (新城市廣場三期)

營業中

休息中

食物質素高，但職員人品差，3歲小朋友要收茶錢食一餐飯過嚟4次，叫你走，最後一次係黑晒面咁走過嚟：「你哋過晒用餐時間，講明你哋得一個鐘，好多人排緊隊等入嚟，唔該你哋要走啦」成餐飯唔平，全部未計加一、茶錢。重點是職員的態度，目露凶光，黑口黑面，不友善。感覺出錢買氣受去到最後被趕走感覺不良好奉勸各位如果想坐係到慢慢傾偈千祈千祈千祈唔好㨂呢到會被人目露凶光，更會用不友善語氣，趕你哋走，唔好阻佢揾食。有好多人係出面，呢度擺明要賺錢，要吹水唔該出去就係食物幾好味都好，都要注重一下服務態度。對客人不禮貌，不尊重令人極為討厭已經唔會想再來亦不會推介朋友來

今日見到腳 近近地就食天天。真心講價錢唔係平，但味道係好一般。燒雞唔脆皮，海南雞d汁 一Patpat 。真係唔洗刻意試。個蔬菜煲清清地，粉絲都唔多條。最正係個茶煲蓋跌左落地，換都無換就 蓋番俾我。叫佢換，佢左執又執又係執番同一個煲蓋俾我，同佢再講，佢又換一個煲，果個跌落地既蓋都係俾左其他客。未齊野又催賣單，依左45分鐘就催，其他客成枱野又催，有d野食都未到齊就催交枱，垃圾到不能。無下次。成間野整體只覺得係差服務同衛生囉！

同阿媽去一田買完野，佢一見到個招牌就話想食海南雞。結果當然唔只雞，阿媽叫左個新加坡米芝蓮2人餐，好多野食！蝦皮素肉鬆凍豆腐，豆腐凍凍嘅質感同埋素肉鬆香口嘅味道好夾，加埋少少醬油，味道幾好。其次係黑松露墨魚蝦多士，多士好香脆，餡料充滿黑松露同墨魚蝦味，一口咬落去，酥脆之餘又有豐富嘅口感，好味！鳳梨涼瓜乾貝燉排骨，排骨燉湯清澈又濃味，加埋鳳梨同涼瓜乾貝就更加豐富。一碗湯一啖飯，好屋企feel。海南雞係必叫架啦，去哂骨啖啖肉，有3種醬汁，配好香嘅油飯，個餐包埋好抵！個餐仲包括雜菜煲，同兩個飲品。奶茶同酸柑桔蜜都ok，最緊要滿足之餘又坐得舒服。

海南雞平時都食唔少啦，天天都算熟客咯。今日想試下距其他菜。今次去的是位於沙田新城市廣場呢間，裝修格局都相當舒適，系距地一貫風格。客人都好多，稍等幾分鐘店員安排入座。事關食過曬距地啲雞，所以今次就叫左小炒牛肉，肉骨茶。甜品當然唔少得炸龜苓膏同埋豆花啦。肉骨茶，相當足料，湯都幾好飲。同之前食開噶有少少唔同，藥材味唔算濃，啱曬怕藥味的朋友。排骨都煲到夠綿夠入味。小炒黃牛肉又真系有啲驚喜，相當大份，而且夠鑊氣。牛肉鮮嫩，小辣，勁開胃。搭埋距地雞油飯，真系飯都食多兩碗。鴛鴦花菜，一樣相當有水準。椰奶龜苓膏，個人相當鐘意噶甜品，但今次略微甜了一D。豆花系第一次試，真系同普通豆腐花唔同，更似燉豆奶，豆香濃鬱而清甜，好正。

天天海南雞係一間過江龍，獲得米芝蓮推介的星加坡海南雞店。聽說這家食店在星加坡起家自小販檔。我一直都想試這家餐廳。最近朋友升職，我地就揀咗這家餐廳慶祝食飯。======環境=======餐廳以藍色及黑色背景為主。裝飾時尚，很有格調。枱與枱之間都算隔得疏，而大部份的餐枱上都有一盞吊燈。很適合作為同朋友食飯傾偈的地方。========食物=======⚜️正宗海南雞$199雞很滑，皮很薄。雞汁好很好味，聽說雞汁是餐廳秘製的。⚜️油雞飯 $39油飯的每一粒米粒粒分明。而且雞有深透了，每一粒米。說真，單吃這碗飯已經很滿足。⚜️海鮮喇沙水晶粉 $159這道菜的賣相很吸引。食物用了砂煲載着，煲下有微火一邊加熱食物，keep住食嘅時候都夠熱。材料很新鮮，有魷魚、青口、蝦和豆腐卜。我尤其喜愛這道菜的水晶粉。水晶粉的形狀扁長，質感很滑，而且吸收喇沙湯㡳的精華。⚜️參巴辣椒炒通菜 $89通菜看起來似乎煮法很簡單，但很好吃。菜很新鮮，而且炒得很惹味。⚜️新加坡原味豆腐花 $22豆腐花的豆味很重，而且很清甜。吃完後覺得很清涼。很適合夏天熱辣辣的天氣下吃。======飲品=======⚜️金牌咖啡 $26金牌咖啡香滑，而且不

係沙田行完街搵野食，見到呢間乾淨企理就入黎食。店員推介我地食2人餐，就試一試佢! 呢個2人餐都幾抵食，一開始上左個湯，係鳳梨涼瓜乾貝燉龍骨，成個感覺係好足料! 唔似味精湯，幾好。蝦皮素肉鬆凍豆腐有驚喜! 唔似一般涼拌咁死咸，個豆腐咁食又好滑! 黑松露墨魚蝦多士果然係人氣之選，多士係外脆內軟，入面包住黑松露墨魚，好香口，面上有少少醬汁，令到冇咁單調。重頭戲一定係天天海南雞，份量比想像中多好多，雞件好滑，本身有個茨係面，仲有3個醬可以點，有薑蓉，有黑豉油，個人最鐘意中間個款，辣辣地，食落似冬陰公味! 配埋雞油飯食真係一流! 跟餐仲有個菜，叫左炒通菜，又係大大份，好抵食! 野飲叫左美祿恐龍，好好飲，好濃郁!

朋友掛住新加坡嘅海南雞, 就嚟咗呢間過江龍食晚飯。餐廳佔地頗大, 座位寬闊, 仲有cushion挨住, 坐得好舒服😌天天海南雞 (中份)雞皮薄, 肉質嫩而厚, 幾乎係零脂肪。配埋微暖嘅秘製雞汁, 佐飯一流。當中三色醬中嘅辣椒汁帶後勁, 令味道昇華有層次, 不愧係米芝蓮推介👍🏻黑松露墨魚蝦多士有驚喜, 黑松露香氣逼人! 炸得香脆已經係基本, 墨魚膠口感彈牙, 配埋沙律菜同芝麻醬一齊食, 完成無油膩感😍雞油飯 (1-2人)份量超多, 粒粒分明, 吸收晒雞嘅精華, 帶鹹香味海南雜菜煲以瓦煲奉上, 保持温度, 健康之選

一直都好想食正宗海南雞飯，當知道天天係沙田區開分店，一直都心癢癢，終於有機會試到啦。餐廳空間大，感覺開揚，裝修以藍色為主調，增加了安穩平和的氛圍。今日揀左新加坡米芝蓮2人餐，有齊前菜，主菜，湯同飲品，都好豐富㗎。蝦皮素肉鬆涷豆腐涷豆腐豆味唔錯，入口已經即刻滑入喉嚨，加埋調左味嘅蝦皮，整體配搭幾好。最欣賞係個碟都係雪過，可keep住豆腐清涼嘅温度。黑松露墨魚蝦多士炸得金黃香脆嘅多士夾住彈牙嘅墨魚滑，仲有爽口蝦肉係多士表面，進食時不斷發出“咔嚓”嘅聲音，真係好滿足呀，超推薦鳳梨涼瓜乾貝燉龍骨我以為涼瓜會苦澀，但原來唔會，可能有鳳梨同豬肉中和其中，甘甘甜甜。正宗海南雞配油飯黎到主菜啦。擺盤好似一幅畫，精緻美觀，海南雞雞皮爽口，雞肉嫰滑，雞嘅脂肪唔多，但雞肉唔會因為無左油脂而嚡口，非常美味。至於油飯，米飯粒粒分明，油味又香，但又唔會好重油膩感，適合注重健康嘅香港人。餐廳呢句“雞好食，飯仲好食”正正就係咁解。海南雜菜煲材料豐富，菌類好多，正合我意。話就話係2人餐，但兩人都飽到上心口，米芝蓮果然不同凡響。

位於沙田市中心的食肆-天天海南雞，第一眼見到，便讓我想起在星加坡的旅遊日子，於是非常有興趣入內試一試店面呈開放式設計，裝修也花了點心思，有一些有趣的卡通圖畫，亦有一隻真人高的卡通雞，很可愛，座位特別亦很舒適餐牌上選擇頗多，當然不少得的是正宗海南雞，雞肉嫩滑好味，醬汁正宗，筋腩相逢，即係牛筋腩一定要試試，入口即溶，超級好味，二至三人份量的白飯，可以選擇油飯，很夠飽，50年代嘅凍奶茶和恐龍美祿也是超級好味，誠意之作

係沙田新城市廣場既天天海南雞飯，內面座位舒適~ 叫最出名同多人食既正宗海南雞!正宗海南雞雞有光澤感無瘀血，雞胸肉軟腍肉質軟、滑、易化，滑雞味濃~ 一入口有好像要溶化既口感~ 原本唔鐘意食雞皮，但連雞皮都好軟滑~好好食!

呢間係沙田既新加坡菜成日都排晒長龍，今日一食，果然有原因喎呢間餐廳既十大招牌，樣樣都好吸引天天海南雞（中份）呢到有天天海南雞同傳統海南雞而天天海南雞既特別之處就係佢會淋上左特製既醬汁，令佢味道更有層次雞肉超級滑超級嫩，就算係雞胸既部位都依然嫩滑，而且雞味十分香濃而不騷雞皮又爽又滑又淋，勁高質當然唔少得海南雞必備既醬汁加上佢特製醬汁，有少少似豉油蠔油味，但更有層次雞油飯（１—２人）食海南雞又點可以唔配雞油飯呢雖然只係小份，但都好夠兩個人食呢到既油飯雞油味香濃，同埋應該係用左靚既雞油，而非雞屁股果Ｄ，令佢香得黎完全冇騷味，可以好好咁享受雞油既香氣古法肉骨茶都幾唔錯既一個肉骨茶入面有排骨等等多種材料藥味香而不苦，材料亦入晒味桃膠菊花桂花雪梨茶、石榴紫背天葵山楂蜜呢到既飲品都幾有特色，而且質素都唔錯又足料

上次喺圓方食咗新加坡米芝蓮餐廳-天天海南雞，喺沙田新城市廣場開咗分店，地理位置更加方便👍🏼裝修同埋餐具都係一向嘅古典風，經理仲特登過嚟向我哋介紹值得試嘅菜式，款式多好多樣都想試，最後揀咗套餐👌🏻二人套餐：前菜+小食+燉湯+海南雞+蔬菜+主食+50年代飲品x2黑松露墨魚蝦多士成個口感好彈牙，炸得好香脆，配埋黑松露味非常match👍🏼蝦皮素肉鬆凍豆腐呢個作為前菜好開胃，豆腐好滑，配埋少少肉鬆櫻花蝦，好香👌🏻鳳梨涼瓜干貝燉龍身足料嘅湯水，好清唔油膩，值得一讚!!! 天天海南雞飯好食😋雞好滑!我哋揀咗呢款海南雞係冇骨嘅，啖啖肉，有雞皮但係唔會太肥，啲雞肉好嫩滑有肉汁🙉特別中意呢款黃油飯，用煲仔上菜，睇見都流口水，同海南雞係絕配呀🥰炒通菜十分有鑊氣嘅炒通菜，醬汁好惹味，不過係稍微有啲辣，唔食辣嘅人就要注意啦跟餐有兩杯50年代嘢飲，揀咗爆爽檸檬茶同酸柑桔蜜，清爽又消滯💯

呢個新加坡米芝蓮2人餐真係幾抵幾好味！ $499 有⭐️蝦皮素肉鬆凍豆腐：呢個冷盤好開胃，放喺一個大大嘅黑色碟上高，好有睇頭～啲豉油同埋肉鬆豆腐好夾！⭐️黑松露墨魚蝦多士：呢個好少地方有得食，真係好有新加坡嘅風味⭐️鳳利涼瓜乾貝燉龍骨：食完凍嘢同埋乾嘅嘢，有返一碗暖笠笠嘅湯⭐️天天海南雞：二人份量嘅雞都好多，而且好滑；呢度嘅調味料都有三款，互相溝來溝去，可以有好多唔同嘅味道🤣⭐️参巴辣椒炒通菜：又係熱辣辣嘅一道菜，係放喺一個鐵竇上邊，啲菜炒得好香⭐️雞油飯：係最好味、又邪惡嘅飯，基本上食完一啖就會好唔覺意想食另一啖，停唔到口😂😂⭐️酸柑桔蜜(凍）⭐️恐龍美祿（熱）呢個二人餐最好係又有湯又有嘢飲，又有好多餸菜，完全唔使考慮，已經食到晒所有嘢米芝蓮嘅級數，但係係平民嘅價錢，唔使去新加坡都得啦😎

Vivian要爆喇…個肚，因為呢餐實在太太太好味，本年度（暫時）食過最最最好味新加坡菜😋Btw，order二人套餐，連Vivian呢d大鳥胃女孩都食到肚皮脹（但太好食，理得個肚皮脹唔脹☺️）MenuOrder左新加坡米芝蓮二人套餐：豆花年代奶茶（左）豆花恐龍美祿（右）2杯飲品都好特別，係底有豆花，同上面嘅美祿/奶茶好夾，豆花好得意，滑doo doo鳳梨涼瓜干貝燉龍骨個湯好鮮甜，仲要冇味精，好好飲海南沙律好特別，第一次食番石榴沙律，同士多啤梨一齊食出奇地好食😋斑斕汁椰香鱈魚（睇個名唔知係炸物配班蘭汁）Vivian要升天了，個汁好香嘅班蘭椰香，鱈魚又炸得好香，2樣野估唔到係咁match，真係要食過先知有幾好食天天海南雞（有雞油飯）巧巧吃，雞醬同嫩滑嘅雞，唔食走寶🥹🥹連個油飯都好好食，不停食食食唔停口海南雜菜煲最後食個菜先，Vivian幾健康✌🏻份量唔少，仲要有粉絲，呢餐好抵

食出新加坡真風味剛剛走過，洽巧見到剛剛有位置， 又見到它被米芝蓮加冕，當然想入去試一試， 平時看到都需要排隊。餐廳一早已備好伯爵茶侍候， 厚厚的餐牌，令選擇困難症的我不知如何是好。 經過與服務員的商議，就叫個二人套餐吧！蝦皮碎肉鬆凍豆腐賣上相當吸引，非常精緻。 豆腐味道清新， 輕輕點上特製豉油， 這個開胃菜，認真一流。黑松露墨魚蝦多士酥炸金黃， 多士上的蝦及醬汁非常惹味， 最教人難忘的是中間有一層薄薄的墨魚滑， 令多士多了一重彈性的口感，亦增加了賣相的層次感。天天海南雞標配當然有濃濃略帶甜味的黑醬油、薑蓉以及酸辣醬汁，特別在於雞件已淋上一層薄薄的汁，令嫩滑的雞更添上的一絲細滑，雞件沒有過多肥肉， 吃得出天然的雞味。配合雞油飯， 更覺得是天生一對。脆皮豆腐粒配新加坡辣椒汁見得出廚師的刀工精巧， 每粒豆腐切得整整齊齊圓滑， 辣汁味道偏淡及稀， 這樣你就可以將豆腐的每一面均勻點上，而不會過於濃烈。整個用餐令我感覺非常舒服， 服務員殷勤有禮，環境舒適，以這個價錢來說，非常超值。