天天海南雞飯 (新城市廣場三期)

營業中

休息中

今日大概下午三點去左沙田行街，經過呢間餐廳見係米芝連打算試下，非常令人失望！第一、服務質素差等入座時，第一位侍應叫我地出面等；第二位叫我地準備入座，又叫我地等一等；第三位先係叫我哋準備入座，可見安排極其差。又等咗好耐冇人嚟落order，當有人嘅時候問佢哋有冇lunch set或者下午茶，當時侍應表示星期六日無，點知當我地落完正價菜單，隔離台就有tea set menu ，而且下午兩點半開始tea set。另外，呢間餐廳侍應不擅長講廣東話，已以普通話落單，但都可以熱飲轉左做凍飲。第二、食物質素差今次叫兩樣餸：海南雞$169（不包飯）中間肉質好諧，而且中間嘅脂肪係凍且有凝固，以呢個價錢非常唔抵食，甚至昂貴。豬手（$129）外貌唔錯，但份量唔多，下底係淮山墊底，雖然有蠟燭係底但係一啲都唔熱啲豬手。第三、價錢非常昂貴茶芥要畀$10，但啲茶係人地飲淨再加落壺，同埋以呢個價錢再加一，無服務同無食物質素之下，好唔抵食！

晚餐不設海南雞碟頭飯，如要吃招牌海南雞必須叫半隻或全隻雞再另加白飯。但半隻雞份量又偏少，食完，覺得有點不值。相比起其他過江海南雞品牌失色。簡單嚟講，本地品牌阿森海南雞比他好吃。

分量有啲少。不過十分美味的天天海南雞飯以其鮮嫩多汁的雞肉和香氣四溢的飯所聞名。每一口雞肉都充滿了鮮美的滋味，搭配著鬆軟的飯粒，令人回味無窮。餐廳的服務迅速，用餐環境簡樸溫馨，讓人感到舒適愉悅。對於喜歡簡單美味的人來說，天天海南雞飯是一個絕佳的選擇。菊花冰也很好喝

當我剛踩完單車，感到肚子非常餓的時候，來到沙田，看到米芝蓮餐廳「🐤天天海南雞飯」，立刻被吸引住。這裡不僅有傳統的海南雞飯，還提供下午茶餐，讓我忍不住衝進去品嚐。我點了一份傳統海南雞飯🐥，食物送得非常迅速，餐盤上，雞肉呈現出誘人的金黃色，外皮光滑，切成薄片，肉質看起來鮮嫩多汁🐤。一口咬下去，雞肉的鮮味瞬間在口中爆發，搭配上特製的醬油，讓每一口都充滿了層次感，絕對是海南雞飯的精髓所在。米飯同樣出色，顆顆分明，散發出淡淡的雞湯香味。這種香甜的米飯和雞肉的搭配，讓人感受到一種家常的溫暖。更值得一提的是，餐廳的環境寧靜舒適，服務人員熱情周到，讓整個用餐體驗倍感愉快。「天天海南雞飯」無論是食物的質素還是服務，都令我感到非常滿意。對於喜愛海南雞飯的食客來說，這裡絕對是一個不可錯過的美食，下次再來沙田，我一定會再次光顧，試試他們的其他美味菜式！

中午食…..蠔餅做得好，但招牌海南雞冇乜味，滑就ok ….海南雞係招牌菜，所以想試吓，但只有大和中size 既海南雞，中size 都要160….份量唔太夠飽…肚都仲有少少位，中午食，160都食唔夠飽，覺得唔抵… … … ….3個人，一人叫一叫碟…都唔飽，一個字：貴，1句：貴夾唔飽。OpenRice 寫100-200，但其實好多間都係好易食過所標定既價錢，呢間都係唔平… 我地都係就住食先150左右一位，如果要食飽，一定過200…

嚟左沙田試下呢間好唔好食。我就叫左3.7牛乳炒蛋白龍蝦，三色小籠包，天天海南雞飯，仲有海鮮喇沙同埋煎餅，新鮮的龍蝦搭配滑嫩的炒蛋，加入牛奶增口感三色小籠包有三種不同的餡料和顏色，每一口都能品嚐到不同的風味天天海南雞飯以嫩滑的海南雞和香氣四溢的雞飯為主角回味無窮。

服務態度差，且冇經驗！以前覺得好好食，只係等得耐，今次堅食到嬲！3大1手抱2歲b 入座，冇人serve 要自己搵highchair，算4人枱，墊吉bb枱位置，只係怕bb搞枱上熱野淥親，但傳菜係起bb面前上菜，執走一碟又放下一碟. 驚死佢唔夠手長自己攞野食咁...鐵板安格斯牛上菜後竟然係凍，仲要鐵板連網仲凍過d牛柳，同第1個侍應講話要問下人，同第2個侍應講竟然話係運送過程凍咗，你一係換第樣，心諗唔通係星加坡運來？？我話凍嘅牛我唔要，佢就黑面攞走 ，唔會話反映下俾廚房知做漏d咩...不求甚解！！就食完執枱時係咁跨過bb頭上執碟，如果餸汁滴到我個b真係會爆佢！！埋單當然唔係平，真心唔會想再食呢間！！ 影衰星加坡天天呢個名！

唔知點解一個海南雞飯要等咁耐，明明啲飯唔係即叫即煮㗎，雞都係斬嘅啫，總之要唔係好肚餓兼好有耐性先好去食，btw，好食過佢嘅海南雞飯多的是，唔知佢憑咩話自己好好食。

星期五同家人去沙田行街，經過天天海南雞飯家人話有興趣，當時6點半襯人流未算太多我地就入左去食。我地當晚叫左：📍 海南雞中份 ，每一舊雞都好滑，再點埋醬料，真係好夾，食唔停口 ，無失望。📍 雞油飯，食海南雞當然要叫埋雞油飯先係絕配，好香雞油味，本身我最驚就係食到啲好硬既飯，依個軟硬適中。 📍 牛肉骨茶火鍋，依個最驚喜係個湯，香濃得黎有小小甜，係我喜歡既味道，牛方面係牛腩牛筋部位，一啲都唔韌，湯料仲有豆卜、冬菇、雞蛋、芽菜、牛丸同米粉，好豐富。 📍 美祿豆腐花，最後我口痕想食甜品，就叫左依個試下，口感係豆腐花與奶凍之間，再加上美祿粉一齊食，都幾好味，比港式豆腐花特別一啲。 整體餐飯不錯，我地食完走既時候，出面好多人等緊位，所以想食要早小小去先得。

D待應勁無禮貌，態度又差，上菜勁慢，樣樣都要追，又漏單，唔怪之得間間排長龍佢拍烏蠅!食物份量少又貴，完全唔值呢個價錢。叫佢追單，佢走左去同同事傾計 ; 係部機度禁禁五分鐘以上，原來係幫隔離枱落單。叫佢埋單，佢又唔知走左去邊，兩三個字後返黎，拎住部刷卡機，然後吩咐同事收餐牌，幾號幾號枱要清潔，叫廚房又唔知做咩做咩，叫個客拎住張卡等佢五六分鐘，唔知想點。差到不得了!完全唔係做野。入去坐低九個字以上食物先到，再浪費九個字等佢做野，不知所謂！千祈唔好幫襯，浪費時間，浪費金錢！

叫左個海南雞飯，雞唔算多，飯煲得好好👍🏻仲有個蝦麵，等左超耐！朋友食完個雞飯，麵都未到😒但味道好ok嘅，麵比相像中多！下午茶價錢都可以一試🙃不過！佢地喺個公開位拎餐具…好直觀嘅係，佢地帶住對手套做野，看似衛生。但對手套帶一日，做咩都帶住，然後拎住個匙羹🥄 唔係個柄！放入你碗麵度🙃真係要心臟好強大先接受到😌當然你可以講，間間都係咁㗎啦，只係見唔到姐！我都明嘅🙃 都不過，好彩嘅係，佢地執碗同做其他嘢係分兩班人，如果唔係真係happy lu🤭

第一次來這間天天海南雞飯，我一向都不寫食評，但都忍唔住要講吓，本來碟雞飯送到嚟，開住個電話睇吓劇，忙裏偷閑。唔覺意食咗幾嚿生雞，之後發覺，我就同職員講聲話啲雞好生，佢話呢個位係雞髀肉係咁，你唔鍾意咪換過俾你😨展露嫌麻煩嘅表情。就即刻攞返碟飯入廚房，咁樣嘅態度，真係食得唔高興，唔會有下一次，又唔係特別好食！唔怪得知香港人唔鍾意留香港食嘢！之後攞返入廚房，隔成20分鐘唔吹都冇反應，要趕住返工，點知將舊生雞肉換咗舊肥肉俾我。呢間餐廳真係得，我索性成盒掉咗。

今天到沙田新城市廣場三期的天天海南雞飯用餐，整體體驗不錯。海南雞飯是招牌菜，雞肉嫩滑多汁，皮爽口不膩。配上香噴噴的雞油飯，滋味十足。蒜蓉通菜口感爽脆，蒜香濃郁，為餐點增添清新感。椒鹽脆炸豆腐外酥內嫩，調味恰到好處，是不錯的小食選擇。整體而言，食物品質穩定，價格合理。餐廳位置方便，環境整潔舒適。

十年無寫過食評，但今次真係好失望本人好鍾意食海南雞飯，但求其一間茶餐廳嘅海南雞飯都好食過佢。油飯又唔得，湯又凍，雞又未熟。。。真係對唔住$99呢個價錢，仲要加一，無下次

我一向都食開圓方分店，今次就試吓食沙田分店。第一，叫左個雙併，海南雞無問題，但係個燒雞就好柴，完全燒過火，唔得👎🏻。第二，火焰叉燒無火焰，圓方分店會係你面前燒比你睇，有儀式感又有氛圍感，但係沙田分店係零，放低就算。第三，我老媽子問佢用唔用得point dollar, 侍應居然答唔知就算，而唔係搵經理幫我問，完全唔幫客人解決問題。然後叫人收野都係，要叫起碼兩次先過黎收，好唔掂😣。