天天海南雞飯 (新城市廣場三期)

今晚跟爸爸慕名而來這間位於沙田店的天天海南雞！這間餐廳是新加坡的過江龍！最有名吃海南雞！及其他一些新加坡地道的菜式！看過餐牌有數款不同的套餐可以揀選！今晚點了這客套餐相當抵食，有小吃、肉骨茶、雜菜煲、還有最出名的天天海南雞！黃金雞脆骨，金黃香脆！吃起來還有鹹蛋黃香氣！而且脆卜卜的，相當好咬口！超惹味的一道小食。天天海南雞，非常出色！無骨的海南雞件啖啖肉，肉質又嫩又滑，而且還有三款秘製醬汁，甜豉油、薑蓉和辣醬，每一款醬汁都各有特色及味道，配上雞件來吃，又有不同的味蕾！海南雞份量充足，大滿足！吃海南雞，當然少不了配上雞油飯！雞油飯又香，飯粒又軟綿綿！用來一同吃海南雞相當滋味！豬肉肉骨茶，相當美味及豐盛！用熱鍋盛着肉骨茶，一邊加熱着，慢慢飲，也不用怕會變凍！肉骨茶超足料，有棒棒豬骨，啖啖肉超級惹味！豆卜，超入味！還有冬菇、爽口彈牙豬肉丸！超足料超地道，值得一試！豆漿海南雞雜菜煲，這個菜煲非常濃郁，豆漿湯底清甜，而且還有滿滿的蔬菜，非常清新健康！仲有大量菇菌、紅蘿蔔、粉絲等等材料，非常豐富！…查看更多

在新加坡係出名既米芝蓮食店，第一次已經係幾年前同爸爸新城市食，果次叫左個喇沙 成張枱咁大碗，今次同frd子過黎補生日飯，比機會佢發辨天天海南雞 (中) $169無骨雞處理得好乾淨(最怕食雞有碎骨) 雞皮肉偏白 皮薄而爽口，表面淋左一層清清薄薄的醬汁 隨附三色醬料 沾晒3隻醬一齊食更點睛雞油飯(碗) $23飯粒粒分明 油香而不膩，飯底有調味 香料味亦會一口一口咀嚼時滲出黎，好鐘意個油飯 淨食飯都夠滿足豬肉骨茶小火鍋 $159有豬/牛兩款口味 揀左個傳統豬骨，用小火鍋上枱 有點氣勢吧😆湯底帶有微微辣感同回甘 香濃惹味而唔重藥材味，肋排大大舊 燉得夠腍爽彈牙 唔會柴，仲有好多配料: 貢丸/豆卜/菇/滷蛋，另外有一碟米粉拼芽菜一齊上，料足豐富 比預期大份新加坡檸檬鳳爪 $69比平時食既辣鳳爪清新不帶刺感 多左一份輕輕的南洋香味，做開胃小菜一流，上枱時有仙氣出 睇見造型都開胃酥炸椒鹽豆腐 $49口感似一口size的臭豆腐 外鬆脆內嫩嫩的，炸得透徹乾爽唔會回滲油，加椒鹽再沾少少帶酸的醬汁一齊食 咸香回味又有食慾，小食來說是不錯的選擇龍眼冰 $29豆花恐龍美祿 $39新加坡菜必點的恐龍美祿 甜美濃郁朱古力的表面鋪一層美祿粉，啜既時候mix滑滑豆花一齊入口 是甜品級美味*茶位@$10 / 收+1服務費*以藍色為主調 半開放式店面*原來新加坡菜比想像的多元化…查看更多

呢間新加坡知名海南雞餐廳，喺香港有不少分店，今日去左位於沙田新城市嘅分店，店舖大而座位闊落，坐得都幾舒服。二人餐有必點既海南雞，主菜有肉骨茶，仲配有小食同雜菜，加埋都唔洗$400，所以我地決定要個二人餐。黃金雞脆骨 用鹹蛋黃炸雞軟骨，炸得剛剛好，皮漿亦唔會太厚，咬落香脆可口，啱晒鍾意食鹹蛋嘅我！餐廳招牌菜海南雞就咁望就以為份量好少，食食下兩個人都覺得好飽，雞肉已去骨，所以啖啖都係肉。雞肉嫩滑多汁，一定要連埋雞皮食，係超級滑！如果單食雞肉味道就偏淡，建議加埋佢嘅秘製醬汁同薑蓉，會好味啲。豬肉肉骨茶另一主菜都係新加坡特色菜—肉骨茶店員會以火爐原個奉上，保持湯嘅溫度湯底胡椒味濃郁，配料豐富，除左有三件大既豬肋條，仲有豬肉丸、豆卜、豬肚。豆漿海南雜菜煲呢個平時真係少食，豆漿煮菜味道偏清淡，食完濃味既肉骨茶，有呢個平衡下啱啱好！不過菜既份量偏少，反而粉絲有好多！幸好配料唔少，仲有雞腎、蝦乾、白玉菇。杏汁木瓜花膠燉雞湯 $69另外我地仲加左個雞湯，雖然個湯碗細咗啲，但材料都好豐富，有三四件木瓜，花膠片都唔少。雞湯一啲都唔油，味道亦唔太濃，因為杏汁既味蓋過左雞湯，當佢糖水咁食都唔錯！…查看更多

若要在沙田尋覓一道令人回味無窮的海南雞，這家「海南雞專門店」絕對是首屈一指的推薦。其名字開門見山，已道出鎮店之寶，而實際品嚐後，更會發現其整體食物質素均穩踞水準之上，絕非只靠一道菜獨撐場面。當然，最令人驚艷的，必數其招牌海南雞。雞肉上桌時泛著誘人的琥珀色光澤，雞皮薄而不膩，爽滑程度恰到好處，與底下那層透明肉凍相得益彰，盡顯師傅控制火候與冰鎮時間的深厚功力。雞肉本身更是精髓所在，入口冰涼嫩滑，肉質緊實卻毫不乾柴，每一口都飽含鮮甜肉汁與雞油芬芳。搭配的傳統三色醬——濃郁的黑醬油、酸辣醒胃的辣椒醬及畫龍點睛的薑蓉，更是將雞肉鮮味層層推升，完美演繹經典風味。除了主角海南雞，其他菜式同樣表現出色。油飯粒粒分明，飽吸雞油與香蘭葉等秘製香料精華，香而不膩，單吃已是一種享受。配上一碗真材實料的雞雜湯，清爽暖胃，正好平衡了油飯的豐腴。其他小食如香脆可口的油條或地道風味的喇沙，水準同樣在線，足見店家對整體品控的堅持。總而言之，這家專門店不僅店如其名，將海南雞做到極致，更難得的是整個餐單的出品都維持著高水準，絕無欺場。無論是海南雞的狂熱愛好者，還是單純尋求一頓高質滿足的饕客，這裡都是值得專程到訪的出色選擇。…查看更多

海南雞飯周圍都有，但做到咁高水準嘅，真係唔多！沙田呢間「天天海南雞」，絕對係名不虛傳，話佢係全港數一數二嘅海南雞，一啲都唔誇張！首先講主角——海南雞。一上碟，睇見啲雞皮已經流口水！佢哋嘅雞皮係金黃透亮嘅，好似琥珀咁，一啲肥膏都冇，食落仲要係爽脆嘅，完全唔會膩。至於啲雞肉，真係無得頂！肉質超級嫩滑，由雞髀到雞胸都一樣咁滑溜，一啲都唔「鞋」。最緊要係啖啖肉都充滿雞味，唔會淡茂茂，證明師傅浸雞嘅火候控制得啱啱好，熟得嚟又唔會過老。跟住就係靈魂所在——醬汁！佢哋提供三款醬汁，款款都係神級助攻。黑醬油濃稠得嚟帶啲甜，掛喺雞肉上面，將鮮味即刻提升！辣椒醬係自家製嘅，辣得嚟好醒胃，仲有陣陣蒜香。仲有我最愛嘅薑蓉，磨得非常幼細，香而不辣，同嫩滑嘅雞肉簡直係天作之合！當然唔少得油飯啦！啲飯粒粒分明，充滿住雞油同香蘭葉嘅獨特香氣，食落油潤甘香，但又一啲都唔覺得油膩。就咁食飯我都可以KO成碗！如果你問我沙田有咩必食，我一定會推薦「天天海南雞」！雖然次次嚟親都要排一陣隊，但為咗呢種令人念念不忘嘅滋味，絕對心甘情願！…查看更多

放工搵咗舊同事食飯，近近地約沙田，之前食過一次覺得唔錯，所以再encore我哋叫咗個二人餐，有前菜、小食、烤物、海南雞配飯、仲有個菜同野飲，都幾抵食嫁～新加坡檸檬鳳爪食落好涼，帶點酸好開胃，冇骨又方便！海南沙律沙律由無花果、番石榴、士多啤梨組成，生果有略為調味，食落帶點鹹味火焰石燒豬頸肉豬頸肉燒到邊邊帶點燶，幾香口！薄薄一片咬落唔韌，亦都唔會好油膩，佢有兩個醬汁可以點，不過唔洗加醬汁都好惹味蒜香西蘭花苗本身撈左蒜嘅西蘭花苗，面頭再加左堆蒜，鍾意蒜嘅朋友要叫依個菜！個莖軟硬度適中，冇草青味，不過始終係落煲嘅菜，都會比較油膩海南雞拼燒雞配油飯海南雞比較滑，肥肉唔多；燒雞連皮香口惹味，當然食落就冇海南雞咁滑，但都唔錯！佢有3個醬汁跟上，但本身雞都夠味，唔需要再有額外嘅醬汁加上！油飯…一碗唔夠呀！！…查看更多

走進這家新加坡融合味餐廳🍴。最先吸引人的，是那道海南雞🐔，白斬雞皮滑肉嫩，蘸上辣椒🌶️醬及薑蓉，香氣撲鼻。每一口都帶出濃厚的新加坡風情。。接著上桌的豬肉肉骨茶湯底清澈，胡椒香重而不嗆喉，排骨燉得軟爛入味，咀嚼時肉香與藥材香交融，極具層次。黃金脆雞軟骨則是一道極富創意的小食，外層炸得金黃酥脆，咬下時「喀嚓」一聲，內裡卻依然保有彈性。鹹蛋黃香調味恰到好處，搭配啤酒更是一絕。最後的豆漿海南雜菜煲以豆漿煮粉絲雜菜，清香細滑，襯托出雜菇，菜的自然甜味，帶出健康清新的感覺。整體而言，這家餐廳的菜式兼具傳統與創意，味道層次分明，能滿足不同口味的饕客。若想品嚐一場溫潤細膩的新加坡風味饗宴，這裡絕對值得一試。…查看更多

放工落住毛毛雨，就決定要去沙田新城市廣場食天天海南雞，因為地點非常方便，喺沙田火車站行幾分鐘就到。我哋叫咗天天海南雞、黃金雞脆骨、參巴辣椒炒通菜、咖央醬炸饅頭、凍豆花椰奶咖啡、新加坡豆腐花。呢度嘅海南雞就係我其中一個掛住佢嘅重點，有時我都會諗點解佢可以煮到啲雞咁滑咁香，而且咁有雞味，而佢嘅黃金雞脆骨都係不得不適嘅項目之一，香口得來又唔會肥膩，參巴辣菇炒通菜，我哋叫咗小辣，個味道唔會太濃，但係佢唔太濃味又不失通菜咁樣炒嘅香辣味，咖央炸饅頭係我第一次食，炸饅頭好香脆，而且仲熱辣辣，配合埋佢個咖央醬非常之正，凍豆花椰奶咖啡真係一試愛上，今次仲試埋第一次食嘅新加坡豆腐花，好清甜又不失豆腐嘅香味。…查看更多

喺沙田新城市廣場三期嘅天天海南雞飯度過咗一晚輕鬆嘅晚餐，呢間新加坡米芝蓮推介名店進駐香港，環境寬敞明亮，帶點熱帶風情嘅裝潢，食飯時充滿異國情調！今次兩人一齊試咗幾款招牌同小食，埋單$509，份量足夠，性價比高椰奶炸龜苓膏 ($49)一上枱熱辣辣，外層炸得金黃酥脆，咬落內裡軟糯，椰奶香氣撲鼻，龜苓膏嘅清涼苦甜同椰香完美融合，唔會太膩，係創新甜品嘅驚喜之作！凍石榴紫背天葵 ($29)石榴汁酸甜帶鮮，紫背天葵嘅熱帶果香添咗層次，啖啖都似夏日微風，同啲野食幾襯青檸梳打水 ($19)解膩又提神，食重口味菜後飲一啖啱啱好，唔會搶味但夠清新！新加坡檸檬鳯爪 ($69)新加坡風味嘅小食，鳯爪燜得軟腍入味，檸檬酸香滲入每塊肉，帶點微辣，食落過癮又唔油海南沙律 ($59)新鮮蔬果堆滿碟，配上海南特製醬汁，酸甜微辣平衡得好，食落清爽開胃酥炸椒鹽豆腐 ($49)外脆內嫩嘅豆腐，椒鹽灑得均勻，咬落爆汁香脆，豆腐滑溜帶鮮，椒鹽嘅鹹香唔會過火，簡單小食但味道層次足，食到停唔落口！天天海南雞（中） ($169)招牌絕品，雞肉蒸得嫩滑無骨，皮脆肉汁鎖住，配雞油飯粒粒分明吸滿香氣，黃瓜薑蓉醬汁襯托得天衣無縫，新加坡正宗味綜合嚟講，天天海南雞飯以正宗新加坡風味同新鮮食材吸引人，沙田搵海南菜，呢度真係一個值得一試嘅熱點，下次嚟要試肉骨茶！…查看更多

天天海南雞飯，天天煲煲二人餐真係好抵食！以米芝蓮水準呈現地道新加坡風味，由鹹蛋黃雞軟骨、檸檬鳳爪等小食，到煲仔菜同經典海南雞，每道菜都保留星洲特色，味道正宗，份量足。無論係煲煲類嘅豆漿蔬菜煲，定係經典肉骨茶同海南雞，都展現咗廚師對新加坡菜嘅深厚理解。想試米芝蓮級數嘅星洲菜，呢度絕對值得一試。黃金雞軟骨雞軟骨炸得香脆，外層包裹住鹹蛋黃醬，金黃色澤誘人。鹹蛋黃香濃甘香，帶沙沙質感，配上爽彈帶嚼勁嘅軟骨，口感層次豐富。鹹香味道突出，越嚼越香，啱晒配啤酒或作為開胃小食。炸粉薄而唔厚重,食落唔會覺得油膩。天天海南雞星洲海南雞嘅招牌做法，雞皮滑、肉質嫩，雞肉帶少許雞油香，保持juicy。配三色醬料（薑蓉、黑豉油、辣椒醬），每種醬都將雞肉嘅鮮味提升到唔同層次。雞油飯粒粒分明，吸收咗雞湯精華，香而不膩，係經典星洲風味。豬肉肉骨茶新加坡式肉骨茶，湯底以胡椒、八角、當歸等香料熬製，藥材味濃但唔會太苦，胡椒香突出，帶微辣。豬肉選用排骨或豬腩，燉到肉質軟腍，骨肉易離，入口鮮甜。湯底醇厚溫暖，啱晒寒冷天氣飲，暖胃又滋補。配埋油條蘸湯，絕配。豆漿海南雞蔬菜煲創意煲仔菜，以無糖豆漿做湯底，加入雞肉、娃娃菜、菇類、粉絲同蝦乾等食材。豆漿湯底濃郁香滑，帶天然豆香同少許甜味，蔬菜鮮甜，雞肉嫩滑。蝦乾提鮮，菇類增加鮮味層次，粉絲吸收湯汁後特別惹味。整體清新健康，唔會過鹹，係comfort food之選。檸檬鳳爪星洲風味醃製鳳爪，以青檸汁、醋、辣椒同香料醃製。鳳爪爽彈唔韌，檸檬酸度明顯而清新，辣度適中，帶少許甜味平衡。醃料入味，開胃解膩，越食越上癮。檸檬香氣突出，配合辣椒提味，啱晒作為前菜或下酒小食。…查看更多

餐廳環境舒服✨！裝修走現代新加坡風，藍色牆身配上金色燈環，光線柔和，已經幫食物打晒燈。坐位間隔唔算迫，成個感覺好寬敞，無論同朋友聚餐定係家庭聚會都好啱。加埋牆上圖畫元素，氣氛輕鬆又有特色，食住正宗星洲菜更加有風味～🥢🇸🇬豬肉肉骨茶呢煲 豬肉肉骨茶 一上枱就香氣撲鼻，湯底濃郁之餘又夠清爽，藥材甘香同骨香融合得啱啱好，飲一口即刻暖到入心。豬骨燉到軟腍入味，配料又吸晒湯汁，每一啖都係精華——真係超滿足！🔥🍲天天海南雞招牌必點 天天海南雞 ！雞肉滑溜嫩口，啖啖肉都保持住鮮甜同肉汁，皮薄又香，食落完全唔覺肥膩。配埋蒜蓉同辣椒醬，一甜一辣一香，層次感即刻升級，再加埋青瓜清爽解膩，真係完美組合。無論係單食雞肉定撈醬汁一齊食，都令人回味無窮～🥢🐔✨雞油飯雞油飯 真係靈魂所在！飯粒晶瑩分明，入口帶住淡淡雞油香同薑蔥味，軟硬適中，食落油潤而唔膩。單食已經好滋味，如果配埋海南雞同辣椒醬一齊，就完美到冇得輸，令整個套餐升華到另一個層次～🍚🐔✨黃金雞脆骨黃金雞脆骨 外層炸到金黃酥脆，入口帶點蛋黃鹹香，咬落去爽脆口感，愈嚼愈香。加埋少少辣椒粒提味，令成道菜更加惹味，食到停唔到口，簡直係開胃之選！🍗✨豆漿海南雜菜煲豆漿海南雜菜煲 好有驚喜！湯底用豆漿打底，飲落香濃順滑，帶住淡淡豆香同清甜味。入面仲有唔同蔬菜、菇菌同蝦米乾，鮮味同豆香融合得好自然，每啖都暖笠笠又充滿層次。健康又滋味，無論係素食之選定係想清清地食一餐，都係完美之選～🥬🍄🥛…查看更多

之前聽人介紹過呢間新加坡過江龍餐廳天天海南雞飯，今晚終於嚟試下啦～打開餐牌發現帶好多唔同嘅菜式，全部都好吸引，樣樣都想試下😍，下次一定要叫多幾個朋友嚟一齊食！✨ 天天燒雞燒雞外脆內嫩，加埋特有嘅香料同秘製醬汁，味道獨特香濃。✨ 参巴辣椒炒通菜通菜香口爽脆，配埋參巴醬蝦膏香辣，味道啱啱好，怕辣嘅話，點餐嘅時候可以選擇少辣，同樣惹味爽口🤤✨ 黑醬油蘿蔔糕蘿蔔糕口感豐富，外層仲有少少焦香，內裡軟嫩，仲有濃郁嘅香氣。 ✨ 雞油飯叫咗幾款小菜，梗係要叫返碗飯啦～呢度嘅雞油飯粒粒分明，吸收晒雞肉嘅鮮味，每啖都有香味🍚✨ 咖央醬炸饅頭金黃酥脆嘅炸饅頭，脆卜卜之外，中間依然鬆軟鬆化， 配上咖央醬，忍唔住食完一個又一個！…查看更多

星期六經過見到門口個午餐餐牌，99蚊有個餐好似都ok，就入左去，結果掃碼點餐時所有午餐都無，原來假日係無！我立即起身想走人，侍應立即來詢問，我話沒午餐打算走，明明大大個午餐牌係外面。佢話係外賣先有，但佢會搵經理爭取。經理過來解釋，再話做比我，但假日無湯，只有海南雞幾個可以揀，咁我就唯有揀海南雞，經理隨即就下單。我諗諗下唔對路，明明午餐又有雞又有湯又有飲品，咁佢話做比我，但又唔算真係做比我架喎？ 我再問，佢先話比埋杯菊花冰。不然我120 蚊就只有下面少少雞，我宜家食完都唔太夠飽…我無乜飲佢啲茶，又直接收左茶介10元….最搞笑係坐我右邊的明明食緊海南雞飯，我問侍應，佢話都係好似我咁爭取，我話咁都得？到我快食完，又有對夫妻坐我左邊，係度話「啲午餐全部都無嘅？」我忍唔住話假日係無架，我都係咁被個牌呃左入黎。…查看更多

依間新加坡過江龍天天海南雞每次經過都想入去食下晚餐,今日終於可以2人入坐嘆個靚晚餐,係門口見到有個星洲甄選2人餐好抵食,減價後平一大截,坐好點餐後先上二杯豆花年代咖啡,好特別杯底有豆腐花食,少少甜不錯,頭盤係新加坡檸檬鳳爪,酸辣脆口,酸甜夠晒開胃,再上個主打既天天海南雞併燒雞配油飯,滑雞既口感配一口油飯,美味!配埋個海南雞醬食,一絕,好欣賞!再上個美味小吃黃金雞脆骨,每咬一口,都會發出「卜卜脆」嘅聲響,勁香咸旦皇味,之後有碟參巴辣椒炒通菜,好香好燶味,再上埋個火焰石燒豬頸肉, 豬頸肉肉質肥美鮮嫩,我特別愛吃烤豬頸肉,再配上酸甜口味的醬汁,簡直是絕妙無比,整體個2人餐好夠食,勁飽吐囉!下次再嚟食過，回味！…查看更多

天天海南雞（中份） $169 中份兩個人食剛剛好 大黎到覺得賣相唔算吸引 點知極大驚喜🤩雞滑有雞味皮又爽 淋係雞肉上面果個汁真係靈魂！甜甜地又咸咸地但又帶到個雞味出黎！如果有得打包d汁返屋企就好！！豬肉骨茶小火鍋 $159有驚喜 有幾條骨 又有豬肚豆卜 😻勁足料 加上個爐 打卡一流之餘仲有實際用途 佢可以短時間幫keep warm👍🏻味道唔係似馬來西亞果種藥材味重果種肉骨茶 湯頭偏清 兩個人都飲得曬豆漿海南雜菜煲 $109 一上枱見到勁靚 白雪雪😍菜種類好多 仲有菇類 紅蘿蔔🥕粉絲不過我自己就飲唔出豆漿味🤣但佢係清甜既🙂‍↕️雞油飯 （窩） $69 開頭擔心一鍋會唔會好多然後兩個人食 每人一碗多d就剛剛食曬 天天海南雞飯 (沙田)沙田沙田正街2-8號新城市廣場三期3樓A363號舖…查看更多