天天海南雞飯 (新城市廣場三期)

營業中

休息中

之前去新加坡己經食過天天海南雞飯，雞油飯好香，雞就係海南食到的文昌雞，肉質滑嫩，今次搵埋朋友專登來新城市廣場食，平日6:30到吾洗等位，餐牌選擇多，我地兩個人叫左海南雞大份、小食拼盤、海鮮炒油飯、水果茶兩杯、海南雜菜煲。先來海南雞大份，擺盤好靚，令人食慾大增，海南雞雞皮晶瑩剔透帶爽口，食落去冇乜脂肪，雞肉滑嫰配以星加坡三色雞醬好味。跟著係小食拼盤，拼盤有炸蝦餅、炸春卷、串燒、炸蝦片，新鮮炸嘢味道質素正常。跟著係海南雜菜煲，原煲加蠟燭上，賣相吸引，健康菜式。海鮮炒雞油飯，有好多海鮮，帶子、蝦、上面舖左層蟹子，賣相吸晴。另外，叫左兩杯水果茶，消暑解渴。值得一提係呢到菜式擺盤同所用的餐具都好靚，下次會再試吓其他菜式。