天天海南雞飯 (新城市廣場三期)

營業中

休息中

呢間米芝蓮海南雞一直都好有興趣，最近見到佢有個晚市二人套餐$499非常抵食！就邀請咗朋友一齊探店😗呢個套餐包括左蛇羹！鍾意食蛇嘅就啱晒😌仲要包埋養生飲品，仲可以有四款選擇添👍🏻環境坐得算係非常舒服～每枱都會有一壺茶可以慢慢飲慢慢傾👍🏻桃膠菊花桂花雪梨茶～感覺非常清熱潤喉而且加了桃膠，口感極佳！黑糖三棗桂圓薑母茶～呢個組合對女士非常有益，絕對係不二之選！口味亦都順喉香甜🤗樽裝即開即飲，乾淨衛生！花膠太史蛇羹～蛇羹有三種配料！本身已經夠哂足料 ，啖啖蛇肉同花膠，加埋配料更覺豐富！而檸檬絲更可以提升蛇羹嘅香味～好滿意👍🏻海南雜菜煲～多種唔同嘅菜類同菌類令到湯底非常清甜！而且可以食到多種菜類嘅口感，雜菜煲的確係一個唔錯嘅選擇🤗天天海南雞（中）～雞嘅份量算係非常多，而且夠晒滑溜😋本身已經有醬汁淋咗喺面，旁邊亦有三款醬汁可以再添加，可以講係一雞多味！雞油飯～呢個油雞飯並唔似坊間咁油多到令立立，感覺較為健康，口味上依然可以帶着雞油香，可以講係廚師既神技🤤

本人身為海南雞飯愛好者同沙田友，竟然第一次食天天海南雞，假日經常要等位嘅餐廳，難得今日唔使返工，又見到冇人排隊即刻入去食餐廳屬於半開放式，但都算多座位，一行二人，侍應安排我哋坐圓枱，非常寬敞。今日揀咗幾樣嘢食梗係要揀招牌菜天天海南雞 (中 $189)中size 份量都非常多👍🏻肉嫩，無骨，配上三色醬，黑醬油、薑蓉及辣椒醬😋😋南洋醬汁醃花甲($99)令人驚喜嘅一道菜色醬汁非常惹味，就算本人唔食辣都覺得好好味食完花甲後仲有青瓜喺底下可以中和下花甲嘅辣同行朋友都讚不絕口仲有特別煙燻效果🤪非常打卡able辣子粟米 🌽 雖然個名叫辣子粟米，但食落一啲都唔辣非常香口，令人忍唔住食完一舊又一舊 50年代咖啡蒜香豬肋骨($129)見到咁特別用咖啡做餸，即刻忍唔住試吓又係非常香口嘅一道餸菜雖然唔係好重咖啡味，但豬肉一啲肉腥味都冇，椒鹽味極香豆花美祿恐龍🦖($35)本人極愛美祿，見到即刻毫不猶豫咁叫左一杯🥃美祿加豆腐花好好味美祿味勁濃就算啲冰融左都唔會令到杯嘢飲淡咗，值得推薦

經過門面見到隻霸氣雞睇下係食咩原來係咪新加坡芝蓮餐廳，又剛好晚餐就雞.....咁腳走去試下芥蘭馬蹄拌海蜇頭三樣配料做前菜好爽口加埋濃郁芝麻油香果然好夾，海蜇頭好大塊 平時只會食到一條條 迷迭香火焰黑金叉燒果然非一般燒店或餐廳食嘅叉燒，送餐有一股牌燻嘅香味， 做法類似五花腩 有四至五層肉但頂層及中間一啲肥膏都冇最底層連住豬軟骨，果然有驚喜， 唔怕吸收過多脂肪香茅串金錢蝦餅每件好大塊及好厚生起碼有一節手指公厚度， 外皮鬆脆薄，蝦味夠口感唔會好死實要食梗係食正宗海南雞 呢款係有骨嘅但唔多骨入口香滑嫩 加埋本身醬汁好惹味都不需另點三款醬料 最尾食埋甜品😋豆腐花(超推)唔食完全係想像唔到同平時嘅豆腐花不一樣，食落口感似日式奶凍布甸，不太甜雖然好飽 但真係好好食最尾整杯食晒

食雞梗係要食有品牌的，有米芝蓮推介更有保障。每次經過都有很多人，可見海南雞很受歡迎。今日終於可以一試，門口大大的招牌， 天花上佈滿閃亮的藍色雞🐔字，門外寫住星加坡米芝蓮推介，令人回味嘅又點止海南雞飯咁簡單的招牌。餐廳是開放式，特別寬闊通爽，坐低就即刻有人奉上熱茶，餐牌印得美輪美奐，令人食慾大增。今日見到有個龍鳳配二人套餐非常吸引，有兩碗太史蛇羹，一碟海南雞，一個雜菜煲，一大碗油飯，還有兩支養生飲品，黑糖桂圓薑母三棗茶 ，真是很豐富，價錢只是499元，加上20元茶錢💰。坐在路邊的卡座，看著來來往往的人，旁邊座位的人吃得正開心，肚子也在打鼓。套餐很快就送到， 一大碟海南雞皮薄肉嫩，配上泰式的酸辣汁和薑蓉，馬上就動筷開吃，跟住有兩碗 太史蛇羹，配上薄脆，生菜絲，菊花檸檬葉，一大碗油飯，一大煲雜菜，無論幾肚餓幾大食都足夠應付。我們秋風掃落葉般吃完套餐，開始享受兩支養生飲品黑糖桂圓三棗薑母茶，濃郁的香味，不太甜，很好喝。這一餐豐富又健康，下次試下第間分店線。

獲得米芝蓮推薦牆壁上天天海南雞店老闆符慧蓮。1987年，符慧蓮的哥哥在麥士威熟食中心開了個雞飯攤，喜歡烹飪的她跟著哥哥學煮雞飯，兩年後哥哥退休，她接手經營。由於一個人忙不過來，符慧蓮把當時當卡車司機的丈夫黎志清拉過來幫忙。兩人苦心經營下，天天逐漸做出口碑，成了今天知名的美食攤位。 2009年，夫婦倆的女兒黎美筠接手成為第二代掌門人，不但增設分店、設立中央廚房，還讓天天走上品牌形象路線，擺脫以往小攤位經營的方式。資料來源米芝蓮網頁。今日海南雞售罄，所以叫左燒雞大份$189，水果茶$42，海南水果沙律$98，菠蘿海鮮雞油炒飯$149燒雞皮脆卜卜份量多味道少少鹽肉質正常水果茶好多生果，仲有百香果醬清甜海南水果沙律😋面頭灑左類似話梅粉番石榴可以減肥，預防癌症好處多👍菠蘿海鮮雞油炒飯好多蟹籽米飯粒粒分明有帶子，瓜粒桌上有紅茶，用鐵茶壺職員說是伯爵茶，紅茶底，果味同佛手柑香味偏淡甜品係新加坡豆腐花$19口感似布丁甜度屬於少甜

很久沒和媽媽逛街，餓了想找吃的，沙田市中心餐廳林立，選擇困難的我和媽媽都不知看了多少家，最後決定要試一下米芝蓮推介的海南雞！❤️ 正宗海南雞🐔 $199 ＋ 油雞飯🍚 $39皮滑肉嫩，香濃入味，多多都吃得下！名符其實！油飯份量很多，也很香！😋❤️ 羅望子鮮蝦柚子沙律🥗 $79醬汁味道酸甜開胃，蝦爽口彈牙🦐，柚子清新爽甜，既健康又好吃的開胃菜。❤️ 脆皮豆腐配新加坡辣椒汁🌶️ $59脆皮鬆化，內裡非常軟滑， 直接吃豆味清香，加了醬汁增添惹味。

嚟呢度當然一定要食米芝蓮推介嘅海南雞飯，我哋叫咗天天海南雞（中份）$189。天天海南雞夠滑身，而且醬汁幾好味，另外有啲雞味。可以點薑蓉、辣醬及豉油。忠臣份量兩個人食相當足夠。當然唔少得加埋雞油飯（細)$39。細嘅雞油飯都有四至五小碗左右，兩個人食食到飽飽。雞油飯唔會太油膩，而且有雞油香。用一個鍋裝住可以保持飯嘅熱度。另外，叫咗小食香茅串金錢蝦餅$89。一份有3塊蝦餅，然後用香茅串住蝦餅。蝦肉新鮮，而且幾彈牙，炸到金黃香脆。見到鵝肝黑椒花膠$189 ，花膠份量都幾多，而且煮得夠腍，係用上鵝肝醬。鵝肝醬味唔太突出。花膠夠晒滋補。另外呢度收茶位$10/位。

有日放工後突然好想食海南雞飯，成日經過這間餐廳也想起上次與好姊妹聚餐時也在這裏，覺得它的菜式不錯，於是今天帶屋企人來再一嘗其他款式因為係晚市時間，所以都持續有人在等位，但幸好餐廳環境好大，所以等咗一陣就有位，同埋坐得幾舒服🥳一打開餐牌就見到必叫的海南雞🐓也有特色飲品是其他餐廳甚少有的👍正宗海南雞拼燒雞$299兩款雞等味道各有特色，再配以醬油、薑蓉、和辣椒醬，令味道添上更多變化本身雞肉淋上特製甜味醬汁，雞肉細嫩鮮滑，皮薄沒脂肪，令到食唔停😋燒雞皮脆夠香，味道十足炸子雞，雞味濃郁之餘，入口卻不會油膩雞油飯$39（1-2人份）份量好足夠👍並且調味剛剛好，配海南雞很合適，食左好多😋金不換和牛碎生菜包$139，配生菜食又得、蝦片食又得👍肉碎炒得好香口，好開胃😁配埋飲品豆花恐龍美祿$35，整體不會太甜剛剛好，仲可以甜品及美祿一齊享受很滿足🥳仲有好多餸菜未食，下次約朋友再食過😊

經常都會經過新城市廣場，喺新一期方向成日有一隻好大嘅招牌超人雞😂今日終於都同媽咪兩個去試吓啦。七點未到已經座無虛席，即刻信心大增叫咗二人餐，食物非常豐富蝦皮素肉鬆凍豆腐凍豆腐口感非常滑溜，肉鬆小小咸味令成個菜式唔太單調，係一個非常開胃嘅前菜黑松露墨魚蝦多士墨魚蝦多士有驚喜，平日間中都會食到蝦多士，但係唔係所有蝦多士都會食到蝦喺入面。呢款蝦多士非常足料加上上面嘅黑松露份量好多，味道一流😋鳳梨涼瓜干貝燉龍骨平日比較少吃到鳳梨煲嘅湯🤓原來同涼瓜都非常夾，有老火湯嘅氣候海南雞主菜海南雞雞味十足，肉質夠滑唔鞋☺️餐廳會有幾種醬料任君選擇配搭雞油飯超滿足難怪次次經過都人滿為患🤣想食正宗海南雞可以揀呢間啦

今日去新城市行街，發覺平時食嚟食去都係西餐或者日本嘢，所以今次食返啲特別啲的行過這間餐廳，發覺是在open area的，見到餐牌又有雞又有雜菜煲，仲有啲可以打卡嘅海鮮，所以就決定揀呢一間。實物來到了，乾冰效果10分誇張，基本上成張枱都好似在雲霧之間。每一隻蜆都有蒜香，蔥花，少少辣椒仔，色香味俱全，每一隻都是很惹味。我們叫了正宗海南雞大份，兩個人食都已經很足夠，這裏的海南雞是有埋雞骨的，但是亦無損海南雞香滑，尤其是雞皮與肉之間的啫喱狀，晶瑩剔透。叫得海南雞，就一定要叫埋一個雞油飯，叫細份已經很足夠兩個人，雞油飯很香，很配合海南雞一齊食。強烈推薦這個雜菜煲，10分香濃的雞湯味，又有粉絲，最正仲會有幾粒雞腎喺度，用來吊味。啲花甲食到最底，竟然有青瓜做底，根本就是另一碟小菜蒜香拍青瓜，所以這個花甲很抵叫，又有海鮮，又有蒜香拍青瓜。

天天海南雞飯（沙田）位於📍沙田沙田正街18號新城市廣場三期 3樓329及363號舖，地點近地鐵站，食物好美味。😋***********食物************黑胡椒大蝦 Singapore Black Pepper Sauce Prawn 這個菜色超級正，大蝦肉散發出濃郁的黑胡椒味道，食落去啖啖肉同埋有鮮味。火焰沙嗲串串 Flaming Satay Skewers這個火焰沙嗲串串，食落去不會太辛辣，反而味道好香口，好野味。南洋黃咖喱羊肉 Nanvang Yellow Curry Lamb這個羊肉分量好大，羊肉好重黃咖喱味，撈飯一流，值得一試。椰奶炸龜苓膏 Tortoise Herb Jelly with Coconut Milk這個甜品很好吃，龜苓膏面頭有的煙煙靭靭麥芽糖，龜苓膏也不太苦，有助清熱解毒。新加坡原味豆腐花 Special Soy Pudding原味豆腐花的味道好清甜，食落去滑滑的，一點也不會溜。新加坡原味豆腐花加美祿Special Soy Pudding w/Milo Chocolate Powder這個原豆腐花加咗好多美祿粉，食落去好重豆腐花味同埋好creamy。招

除左海南雞之外其實天天menu上都有好多值得一點嘅菜特別係甜品都好特別！龍蝦湯炸雞油鍋巴🦞$209龍蝦肉、蝦值、帶子同鍋巴一酥龍蝦湯一大鍋食即嘅時間將海鮮配料同鍋巴倒入湯中吸味想脆身啲鍋巴就要快手啲撈起龍蝦湯質感濃稠幼滑粒粒鍋巴吸晒啲鮮味又脆又鮮古法肉骨茶$159呢款肉骨茶同外面嘅唔同食落唔重藥材味顏色都偏淡比較似胡椒豬肚湯一字骨炆得軟腍骨肉輕易分離係一款唔鍾意藥材味嘅都可以接受的肉骨茶椰奶炸龜苓膏$49👍🏻外皮微微炸過唔會好似天婦羅咁滿滿粉漿口感軟糯似炸年糕的感覺椰奶令表面香甜但係口中咀嚼後龜苓膏的甘味便湧出層次好豐富😍怕甘的可持續繼續點椰奶估唔到龜苓膏都有呢款食法！桂花糕配斑斕醬$49以點心籠上熱得冒煙一夾起發現係超！軟！又！彈！氣孔超細密食落口感似白糖糕同馬拉糕既混合！桂花糕本身好微甜嗜甜既要點埋斑斕醬會更食到停唔到口呢種桂花糕嘅口感令人念念不忘！

之前去新加坡己經食過天天海南雞飯，雞油飯好香，雞就係海南食到的文昌雞，肉質滑嫩，今次搵埋朋友專登來新城市廣場食，平日6:30到吾洗等位，餐牌選擇多，我地兩個人叫左海南雞大份、小食拼盤、海鮮炒油飯、水果茶兩杯、海南雜菜煲。先來海南雞大份，擺盤好靚，令人食慾大增，海南雞雞皮晶瑩剔透帶爽口，食落去冇乜脂肪，雞肉滑嫰配以星加坡三色雞醬好味。跟著係小食拼盤，拼盤有炸蝦餅、炸春卷、串燒、炸蝦片，新鮮炸嘢味道質素正常。跟著係海南雜菜煲，原煲加蠟燭上，賣相吸引，健康菜式。海鮮炒雞油飯，有好多海鮮，帶子、蝦、上面舖左層蟹子，賣相吸晴。另外，叫左兩杯水果茶，消暑解渴。值得一提係呢到菜式擺盤同所用的餐具都好靚，下次會再試吓其他菜式。

天天海南雞飯 (新城市廣場)聽同事講哩度海南雞飯唔錯，我哋就叫左一個新加坡米芝蓮二人套餐，每個餸都好豐富-------------------------蝦皮素肉鬆凍豆腐頭盤有清涼凍豆腐，豆腐滑溜，加埋惹味蝦皮素肉鬆，係一個唔錯嘅開胃菜黑松露墨魚蝦多士面頭有彈牙蝦肉，多士炸得好香脆，中間仲夾住混有濃濃嘅黑松露味嘅墨魚滑蓉，好食！鳳利涼瓜乾貝燉龍骨飲落清甜，涼瓜煲完完全唔苦，清熱祛暑 👍正宗海南雞飯我哋揀左有骨嘅正宗海南雞，係採用文昌雞。雞肉超嫩滑，雞胸肉都唔會鞋雞皮唔會太多油脂，好爽滑而雞油飯食落唔會太油膩，雞油味香濃加埋海南雞三醬，一流 參巴辣椒炒通菜通菜好鮮嫩，辣得嚟好惹味，夠鑊氣！-------------------------天天海南雞飯 (新城市廣場)地址🎈沙田沙田正街18號新城市廣場三期3樓A363號舖

今次試咗龍鳳配--蛇羹海南雞套餐($499)真係好抵食丫，蛇羹份量好足，蛇肉嘅感覺，其實同雞肉差唔多，仲可以加啲配料去增加香味😌呢個海南雞飯真係令人垂涎欲滴，日日食都得，所以叫天天海南雞飯😂因為雞皮同埋肉質真係好滑，再加上傳統嘅三種海南雞醬汁，嫩滑得嚟又有種Creamy雞汁嘅感覺😋而且又唔覺得油膩，送飯一流🫶而且飯仲係成煲上嘅雞油飯，好香好滿足🤩雜菜煲都幾大，用瓦煲上好有風味😍另外仲有支裝飲品可以選擇👍