大丸ラーメン

營業中

休息中

這家店之前被報紙報導之後就多了一班人龍在店外排隊，這家小店是兩夫妻經營的，而男店主正是日本人，所以令到這店別有一番風味😚這店是中午十二時開店，我們就在店外等位，店內位置不多大約八至十位，好像置身日本感覺😋拉麵有四款選擇🍜拉麵份量不算太大，但女生應該剛好👍🏻而湯底味道濃郁很香！店員也非常有禮貎👍🏻👍🏻

拉麵店主力有四款拉麵：黑 白 蝦 辛我就揀左白 (塩豚骨）拉麵唔食蔥既我係落單時都註明走蔥而同我落單既女店員問我要多塊紫菜定要多d黑木耳好驚喜呀我一開始以為聽錯真係良心小店我最後就揀左多塊紫菜拉麵黎到就真係有兩塊紫菜同無蔥而朋友係由日藉拉麵師傳落單同樣佢都係走蔥日藉拉麵師傳都用幾純正既廣東話問我朋友要多塊紫菜定多d黑木耳真係好卡娃依呢非常欣賞佢努力學習當地語言既精神同埋感謝佢尊重廣東話！而家香港人好少得到咁樣既尊重了：（另外我地仲叫左一客餃子分享都好好味有幾款味道揀而我地就揀左隻好似大阪燒既味

小店一間，鋪仔細細但骨緻！呢間野食過兩次，特登走去食，日本師傅，waitress係老闆娘，兩夫婦經營既餐廳！日本師傳好靚仔，次次都忍唔住𥄫佢老闆娘服務態度非常好，麥茶好好飲，好香！無論煎餃定拉麵都超高水準。成間野超靚，又乾淨整齊，最重要係好舒服，好似返左日本咁，係呢到食野真係好開心，成個人有種放鬆既感覺，只係鋪位比較偏，有次想食對面間壽司店，誤打誤撞入左黎，有時食完都多人排隊，其實真係值得食，次次等位都唔算耐，可能我平日去。總之物超所值

「大丸」一個香港人很熟悉的日本名字，雖然大丸今日已經唔存在，但依然有去大丸的紅色小巴。就係呢份親切感驅使我地「排除萬難」一嚐大丸滋味，原來大丸逢星期三休息，上次無留意結果「摸門釘」，今日特登襯未開店就在鋪外排隊，成為今天第一批客人。眼見老闆娘由開閘到落單到上菜，樣樣親力親為，作為食客的我都非常感動。鋪內我一張長長的巴枱，同十幾張高身凳，而身後的牆上掛滿七彩的紙傘，相當有日本氣息。我地被安排坐一至四號位，拉麵有黑、白、蝦、辛四款湯底供選擇，所謂貴精不貴多也。我叫左碗蝦豚骨湯底拉麵，由師傅親手送上。原來係响拉麵上邊加入大量櫻花色的蝦米，十令人眼前一亮。叉燒薄薄兩片但高質素，入口即融滑嘟嘟直接滑入喉嚨，食得出師傅响叉燒方面下過一番苦功，加埋半隻溫泉蛋簡直係渾然天成。豬骨湯底好濃，一啖就飲得出係淆左好多粒鐘先有呢個成果。食完碗拉麵，師傅仲會親自續一為客人結賬，完全感受到老闆強烈與食客交流的慾望以及對拉麵的熱誠。順帶一提，四號位同五號位正是師傅煮麵位，煮好的拉麵師傅會用反手大力一chok幫拉麵脫水，有d似武士拔刀咁款，功架十足！細膽的食客唔想被嚇親就唔好揀呢兩個位坐啦。

晚飯聚會到了大角咀，試了日式拉麵店大丸。小店只有約10個位，等位30分鐘方能入座。進店後點了陳同學強烈推介的蝦丸，即蝦豚骨湯底拉麵($98)。蝦豚骨湯底已蝦油及蝦膏調味，蝦味配以豚骨湯底味道濃郁，湯頭厚重。拉麵選了粗麵，比一般拉麵更粗，咬口不錯。配料的豚肉及半熟蛋味道正常，不過不是我最愛的口味。另外點了一客煎餃子($35)，煎得香口，豬肉味新鮮。雖然味道始終不及當年的八千代，但是這份小店情懷，還是令我有點懷念中環吃拉麵的日子。

成日經過都見人排隊，而且本身都鍾意食拉麵🍜，所以心思思都想去試。店舖於中午12點及晚上6點開始接客，開始前要先到門口排隊。入到門口，一眼睇曬，入面只有bar枱，地方有限，唔想等的話最好早排隊。老闆娘安排很妥善，茶水都見其誠意👍🏻麵食方面，今次上左最基本的兩款。黑丸的咸味濃d複雜d，而白丸豬骨味濃d厚d。粗幼麵唔大分別。油量我選正常，太太覺得多油，但我覺得合適，而且有油份的湯先正！桌上有黑椒、芝麻、五味粉和生蒜末，超正！另外點左餃子都值得一試，三種口味都吸引。其他部份其他留言基本上都介紹左了，不多說，去試試吧！

Overall: 🌟🌟🌟🌟Environment: great environment, but a little bit small. For ladies, it is better to take smaller purse. However they do have space for you to put your belongings under the high chairs. Service: the service was nice. Employees were friendly. They cleaned up pretty fast, and were willing to answer all the questions with a patient attitude. Taste: the broths were nice. We had the shrimp pork and the soy sauce dish. Not salty at all. After the first bite, you would keep wanting to eat m

店主只注重幾種湯底和面的味道效果，令食物質素更提升。湯底夠濃厚不在話下。 而且面也是從日本運過來。餃子為了令人新奇。 店主還不斷加不石口味垿試，試到滿意為止。推介關西口味餃子。好有墨魚丸feel~另飲品也是日本直送的，食完可以試下～

重陽節同老婆過奧海城睇戲，睇完戲梗要去大角咀搵下食，今次諗住午餐去食個拉麵。係巴士站博文街行過見到呢間新開又多人（羊群心理）就入去試下。鋪頭設計走新派拉麵店形式，裝修比較簡單，座位目測大概12個左右，都係bar枱形式。除左一個拉麵師傅（幾後生），仲有一個整小食嘅阿姨同一個女店員，前台就三個人。當日唔知點解好多西人，女店員細心介紹左麵就比左劃麵紙我地自己揀食物，等左10分鐘到就入到去食。Memu唔複雜，就四款拉麵，仲有餃子同特式汽水就咁多。講返拉麵，店家就寫明自己無用味精，我同老婆婆都點左「普通」濃湯底。第一淡飲左個湯唔算好濃厚，但就飲得出似無味精(後來食完後一個鐘我地都無特別頸渴，先信真係無)之後試下麵條，我地都點左粗麵條，麵條都有個弧度但可能個湯唔係咁厚唔係好掛麵，跟住再食條麵，係好爽口彈牙，但味道方面就好似爭d，好似唔夠入味。最後就食塊叉燒，叉燒係薄身切法，肥膏唔算好多，用火槍燒過面，唔係走入口即融玩法，但由於薄身又唔會好鞋，個人幾喜歡反而餃子🥟個人覺得一般，食唔食都得。總體而言，正常拉麵價錢，一般份量，值得再番食。

大丸拉麵 有要求，細膩既拉麵。除非係差到離譜，我總會再去一間食店多一次。因為一次唔好既經驗背後既原因實在太多。第一次去大丸拉麵係佢開張第二日。味道同環境加服務都很好，只係當時份量實在有點少。今次中午食嗰碗就份量十足。我喺飽住走。味道 - 蝦油+豬骨湯底。完全冇味精點解都可以咁鮮甜？老闆娘告知湯底有放江瑤柱同冬菇來代替一般拉麵店用開既味精。誠意十足。麵今次叫細麵，麵本身係叫本地日本人開既麵廠custom made. 經過多次trial & error先有宜家既拉麵麵底。配菜連木耳絲都係自家製。缺席既筍片係因為香港都幾多人接受唔到筍味，所以直接skip.非常喜歡店內decoration. 優雅簡潔。沒有多餘雜物。店主兩人/日籍設計師把這個L shaped bar佈置得好好！借此多謝店主村上さん和Nicole揀左係大角咀開店。大角咀終於有返間好吃既拉麵店👌

大角咀一向是香港拉麵界的沙漠區，整個大角咀只得小林札幌拉麵一間拉麵店，幸好在今年七月在同一條街開了大丸拉麵。大丸拉麵屬於小店一類，座位只有十二個，地方較為狭窄，主廚是一名青年，高高瘦瘦略為文青類型，兩位女幫廚年輕亦健談，整間麵屋佈置帶有個人氣息，麵款只有簡單四種，小食只有煎餃子，這種麵屋會討人歡喜，我喜歡這種獨特小店，初期的别天神或者拉麵Jo就有這種氛圍，但開了分店後又是另一回事。我們二人點選了蝦丸(蝦豚骨)、黑丸(醬油豚骨)、關西風味煎餃子及青葱沙律煎餃子。由於沒有點選了飲品，大丸提供了室温的麥茶奉客，如要冰茶或熱茶可向店方索取。吧檯上有木筷子、紙巾、七味粉、白芝麻、蒜泥及黑胡椒粒提供。由於滿座，主廚一次過煮三碗麵，加上他的節奏慢條斯理，不慌不忙那種，煮麵放湯加入材料一人包辦，我們的菜色約十四十五分鐘送到。先講蝦丸，蝦丸我最大的感想是錯，麵條我選的太麵，麵身略扁稍為黏身，彈口有咬感，湯的豚味及蝦味不濃，兩者配合得好，所以麵條是先吃完才吃其他配料。嫩綠的葱新鮮提昇了湯的味道，主角櫻花蝦雖然與外間拉麵店比較分量略為少，但本人作為蝦湯拉麵的愛好者，櫻花蝦說上有什麽特別之餘，蝦味還奪去

之前來這家店幾次都碰門釘，因為湯常常早早就賣完。這次七點來到，終於可以一嚐這家小店的拉麵啦！這裡的裝潢簡約，很整齊。店面小小的只有吧枱，木椅子挺好坐的（忘了拍照）。今次來就選了鹽豚骨拉麵（白），這裡的湯底是用數種豬骨以及雞骨餚成，而且不加味精（如圖）。純粹個人比較喜歡北海道那種淡味的鹽味拉麵，因此這裡濃厚的湯底對自己來說味道還是較重的（我也沒法把湯喝完），而且怕油的朋友記得點少油喔。叉燒尚算大塊，肥瘦也均勻，個人挺喜歡直接品嚐到肉的鮮味，沒有過多的調味。不過我的溏心蛋有點苦澀，友人的則沒有這情況。我這次選了幼麵，口感略嫌不夠彈牙，下次可選擇粗麵試試。另外，我們點了一道原味的日式餃子，味道較清淡，能直接吃到肉的鮮味，可以蘸醋或胡椒粉。碟子很漂亮，可同時放食物及醬料。總括來說，88元一碗拉麵也不算太貴，而且沒有加一服務費（但服務好），加上食物質素也不錯，所以這價格仍是合理的。

非常喜歡這間拉麵店，雖然小小的店子，但好亁淨，坐得很舒服，店員非常友善、有禮貎👍🏽湯底好味道且沒有吃完口渴的味精，實在是很難在香港找到的！讓人一試難忘的小店子！一定會再來！

個人雖比較喜歡烏冬，但那天被呢間格調、門外的小紅旗仔及內裡的裝修、燈光的小餐廳所吸引，便進入看看試試這間新開的大丸拉麵店。年輕漂亮有禮的老闆娘是香港人，告知有兩位客人正要埋單，不彷在店內站站等候。服務一流👍👍👍😊😊😊治著一大條原木的特製長桌子，坐在高椅上，就眼見拉麵師傅老闆在努力準備拉麵。老闆是年輕俊朗的日本人，後來知道是兩口子放棄穩定工作--室內設計專業，特意返家鄉Osaka大阪跟前輩師傅學藝回來。誠意加晒分👏👏👏拉麵分四個湯底 黑、白色豬骨湯麵（各$88）、蝦湯底（$98）及辛辣豬骨湯底（$88）。 我們點了湯底及一級辛酸辣湯底及餃子（配關西醬汁$35）。我們都很喜歡湯底味道濃沃， 但不油膩，蝦湯底拉麵 香氣撲鼻高，有濃郁的蝦鮮，不會太鹹配合粗拉麵非常恰當味美。 而辛辣（一級）的豬骨拉麵不會過辣，而且湯底味道濃郁味配合拉麵真係非常野味值得推介。還有！他們的拉麵沒有MSG 味精的！！！創業不算難，但守業很難！！！我地更應支持小店本土正宗日本拉麵店！！我會好快再去幫襯啦！

經過見到博文街開咗一間新嘅日式店店舖主要以拉麵為主店內裝修設計Menu都仿似日本嘅拉麵店見到甘多好評大贊當然要試吓未知係唔係日本人開只見師傅講日文menu選擇唔多有4款我自己比較喜好蝦就揀咗呢一款試湯底味道唔似出面啲店會洛味精 唔會食到口渴拉麵口感亦唔差個人覺得唔算特別好亦唔差 始終比較喜好起日本當地嘅拉麵 😍但相比同一條街前面嘅另外2間日本餐廳嚟拉麵包講就好得多😆可以再嚟食過 不過各位要留意時間 因為佢地有洛場時間