夏麵館 (寶石大廈) (已結業)

個人一食中式野 擔擔麵係首選呢間既擔擔麵 帶有小小硬口感唔錯 花生醬既味都夠濃 唔錯!辣排骨就可能為左配合廣東人口味 同我係北京食既風味有小小唔同 北京個d會辣好多 同香好多炒年糕就照舊用XO醬炒幾香! 本人比較喜歡xo醬小籠包最緊要係多汁 呢到d汁唔算少 但有進步空間XD整體黎講 價錢唔貴 環境舒服 值得一去~

好一陣子沒吃上海菜，心血來潮，來到夏麵館滿足心癮。位置不算方便，無論從荃灣站還是荃灣西站，也要行一段路，沙咀道對一眾巴士乘客來說就腳得多。一心以為跟普通茶餐廳差不多，推開重重的深啡色木門，餐廳明顯花過心思去設計的裝潢實屬意料之外。墊枱紙上有招牌菜式的介紹。店員亦大概講解了不同的落單紙。除了全日供應的散叫菜式，還有午市套餐，也有二／四／六人餐。＄46起的午市套餐，有涼菜、主食和飲品，另有各樣加錢的升級選擇。午餐的飲品選擇有豆漿，酸梅湯、奶茶、咖啡和檸茶。豆漿濃稠度不俗，但偏甜。涼菜有六款選擇，以素食為主，另有六個加＄30的星級涼菜，都是肉類。上海醬鴨醬的濃度不錯，味道濃郁而不過重。肉不嚡不韌，但碰巧吃了好幾件都是骨比肉多，幸好還有香口微脆的皮。花雕醉雞清涼的醉雞帶清新又突出的花雕香。酒香不但洋溢在空氣中，亦浸入嫩滑的雞肉裡，絕對是個開胃的前菜。麻醬拌麵午市之中最便宜的兩個選擇，是麻醬拌麵和青菜煨麵。從最簡單的食材，最能試出真功夫。跟日式芝麻醬不同，麻醬乾身，口感帶嚡，芝麻香更純更濃。不過，偏乾的麻醬，拌了麵更加乾，即使麵條不太腍，稍帶彈牙，也被太乾的感覺影響口感。除了麻醬，沒有其他調味，

有一段時間沒來夏麵館，特別想念那裏的擔擔麵。荃灣店面積很大，環境感覺舒適，座椅也頗舒服。午市有午餐優惠，可以挑選一款麵食+一款小食+飲品（$68），價錢相當經濟實惠。我當然是馬上點了排骨擔擔麵，小食選了夏味熏蛋。媽媽則點了黃魚煨麵，加了$30點了鎮江水晶肉。排骨擔擔麵登場了。份量好像有增無減，盛載著擔擔麵的碗實在巨型。這裏的擔擔麵味道水準也能夠保持，麵條軟硬度恰到好處，質感彈牙有咬口，而湯底依舊麻香濃稠，微微帶辣，惹味好吃，甚有水準。香酥排骨的分量也沒有欺場，排骨肉質軟嫩，不過略嫌不夠香脆。媽媽的黃魚煨麵，外表平凡，但味道絕不失色。湯底呈現乳白色，吸收了黃魚精華，清得來也很鮮甜，很對媽媽的胃口。魚片爽脆可口，如果魚片可以多點就好了。一隻夏味熏蛋切開了一半，溏心程度令人滿意。濃濃的煙熏味，調味不會過鹹，令人回味。鎮江水晶肉是媽媽的摯愛，一共有6小件，水晶肉很爽口鬆化，水晶部分滑溜非常，可是調味方面稍爲薄淡，淨吃的話會有點寡。大胃王的我們最後還多點了一個蟹粉豆腐煲（$88）蟹粉味道突出，令整個豆腐鍋鮮甜無比，豆腐滑溜可口，兩者配搭得天衣無縫。如果有一碗飯的話，就完美了。跟餐點了凍檸茶和熱豆

叫了鱔糊面，食了1舊覺得好苦，咁就叫經理換，佢攞完又無出聲，我等咗20分鐘問佢，鱔糊點樣？佢答我等多2分鐘，咁我咪又等喔，點知等咗15分鐘都未有，我見隔離新來都有，我問經理點呀，佢先走入廚房跟，呢間野真係好唔掂，無下次😤😤😤

第一次食夏麵館，叫左4樣野。叫左個冷盤，花鵰醉雞。雞幾滑，份量都好多，但個汁我個人覺得酒太多，有啲甘同太苦。之後叫左油菜（菜心）好普通，白恰，乜味都冇，加啲蠔油，有啲貴蟹黎啦叫左蟹粉小籠包，皮薄多汁，但又唔易穿，仲好熱添！蟹粉味好重，好好食！最後叫左推介嘅哆唻咪比想像中好食得多！真係似食大閘蟹咁，啖啖蟹膏感覺！好好食。個人覺得加左醋，仲吊得起果陣蟹粉味！ 我亦試過用黎撈飯食，但撈左飯反而冇咁香，蟹味冇哂。所以一定要就咁食！好推薦呢個送！！！

有時會突然好想食小籠包~咁岩同朋友係荃灣行完街就去食夏麵館啦~見到個蟹粉小籠包即點小籠包本身已經好吸引了~更何況係蟹粉小籠包?皮薄餡靚~要小心d夾唔好整穿個皮~如果唔係d精華就流走晒肉汁在口內爆發的感覺太滿足了~散發出陣陣蟹皇味~先唔好理佢蟹黃到底係咩味~本身個炒飯都炒得唔錯~幾有獲氣既~加埋個蟹黃醬~就好似圖中咁淋落去個飯度食變得濕炒飯~感覺冇咁熱氣同埋個醬都幾好味~同黎撈飯其實好夾架有蛋黃的香氣~幾惹味最好味係雞絲粉皮和糖醋小排骨甜甜酸酸幾開胃有d似酸辣湯的味道豆腐都好滑~細細粒好易食~

以前曾經在上海生活了一段時間，對滬菜情有獨鍾，夏麵館的小籠包令我尋回當時的味道。從前我最喜歡去荃灣廣場的夏麵館，自從結業了，就要跨區到屯門、樂富或荷里活廣場，的確有點距離。當知道夏麵館在荃灣重新開業，便躍躍欲試了! 餐廳環境非常典雅，中國風洋溢，大紅色的沙發座位、酸枝木椅、瓷器擺設等，室內光線充足，略帶點奢華。我們安坐於寬敞的卡位，舒適的點選菜式。我跟友人每樣都想吃，最後揀選了包羅萬有的2人套餐，有湯羮、涼菜、主食和甜點，當然少不了我最喜愛的鮮肉小籠包，未食已經滿心期待了。鮮肉小籠包絕對是必點推介，小籠包皮薄肉鮮，湯汁充滿了小籠包，用筷子輕輕夾起，看到湯汁在底部流蘯著。為了吃到最新鮮、熱辣的小籠包，我不理燙嘴，大口一咬再慢慢呷一口湯汁，湯汁充滿肉味的鮮甜。薑絲放在鎮江醋中，鮮甜的湯汁中帶點微酸，提高整體的滋味程度。吃完小籠包後，黃金蝦球也是我的最愛，黃金蝦球一如其名， 外皮炸到甘香酥脆，粉漿漙而不油膩，吃下去有濃郁的蛋黃香氣，當中的蝦仁十分彈牙、厚實，非常邪惡而且吃到停不了。黃金蝦球下有生菜墊底，幫助減輕油膩感。海蜇十分美味，口感煙韌、有嚼勁，表面灑上的芝麻和濃濃的麻油香，令我感到十分

我本身都好鍾意食上海菜，平時想食既時候往往上海餐廳都要等位排長龍而被迫放棄，剛好比我發現開左分店係公司附近，所以放工叫朋友過黎一齊食飯，諗住閒日無咁多人等位就唔洗等到頸都長。去到店門唔見有人龍，幸運地唔洗等即刻可以入座。店內都用新派時尚既裝修，樓底特別高，座位都較闊落，感覺舒服得多同空間感好大。點餐係自己寫紙落單，依度出名食蟹黃，店員話蟹黃系列菜式有折扣優惠，我地都毫不猶豫叫左款試下，另外仲有二、四、六人套餐供選擇，啱哂D唔想煩又怕左諗右諗既客人。花雕醉雞: 離遠已聞到好香花雕酒味，雞件肉質嫩滑同好冧身，酒味浸透雞肉內，每食依道菜都好似飲左酒咁，味道幾濃鮮肉小籠包: 一籠有四粒，未食已經望到皮好薄同好透，好多湯汁係入面，沾少少醋食，食落比平時食既特別，一般食到既小籠包都以咸為主，但佢依度既小籠包食落帶少許甜味，好特別同好好味，咬一啖已經溢出滿滿既湯汁糖醋魚塊: 賣相同一般小菜咕嚕肉好相似，估唔到份量都幾多，一碟有七至八件魚塊，魚塊大件啖啖肉，皮脆肉滑，糖醋汁酸甜味道適中，撈飯食一流蟹粉豆腐煲: 豆腐質感好滑，好重蟹粉味，芡汁入面仲有蟹肉同蟹黃，好足料，再落左少少醋，令整個味道好

同老爺慶祝生日，聽到食評介紹不錯，就決定一家9口去試下。因已經訂檯，諗住去到可以即入座，但可能人數多，要等。。。座位之間空間不足，而且嬰兒座與檯不合適，令小朋友腳會夾住，坐得好辛苦。跟住就要講下食物喇。1.菜肉雲吞擔擔麵，都幾辣。食得辣都覺好好味。麵質彈牙2.鍋貼，皮好厚，肉有啲騷味3.豬扒菜飯，豬扒有好多粉，飯質好爛似小朋友食嘅飯4.小籠飽，好細隻，不值5.生煎飽，個皮好厚好硬，明顯唔係新鮮整。6.砂鍋雲吞雞，還可以，不過不失。整體我覺不值。

自從荃灣廣場的分店結業後就一直對夏麵館念念不忘, 可惜其他3間分店 (屯門、樂富、鑽石山) 對小妹來說都太遠了, 所以當友人告知夏麵館重新登陸荃灣後, 立即好想回味一番中午前埋單有85折, 似乎都幾抵專程來到當然要食夏麵館的招牌蟹粉系列, 最最最招牌菜係由張曼玉題名的哆唻咪(發音oReMi), 用一兩蟹黃+二兩蟹粉+三兩河蝦製成, 睇見Menu張圖已經流哂口水, 再叫埋小妹最鍾意食的蟹粉小籠包先先來一碟燻蛋做前菜, 糖心燻蛋入口即溶, 做得相當唔錯再來一碟烤夫, 感覺好清新好健康, 不過醬汁味道略鹹黃魚煨麵的魚湯味道好鮮甜, 黃魚肉質嫩滑, 而且勝在無骨, 給人一種食得好安心舒服的感覺, 煨麵麵條夠彈牙, 正~~!!呢碟就係招牌的DoReMi, 用蟹黃同蟹粉做成醬汁, 再放上蝦仁, 蝦仁好彈牙, 配上蟹黃之後好鮮味, 配搭都幾特別幾有新意, 可謂係夏麵館最有特色的菜色另外叫多個炸銀絲卷, 原本想配合DoReMi去食, 但食落發覺都係分開食會適合d壓軸的係蟹粉小籠包, 皮薄多肉汁, 點埋浙醋之後中和左蟹粉那種肥膩的感覺, 蟹粉用料十足, 必點之選!!

上海菜也是我心頭好，喜歡濃郁的調味，喜歡濃中帶鮮的味道。今晚一個人走到上海菜館，吃個中式晚餐。點餐紙選擇非常多。熱爆燻魚。炸得香脆的魚肉外層脆卜卜，魚皮香口脆身，魚肉較是硬身，沾上甜醬油味道非常滋味。魚肉硬中帶鮮，入口不會油膩。上海燻蛋。蛋黃不夠流心蛋味尚算香口，入口未能做到滑溜口感，醬油香口調味，一口一隻算是惹味。小籠包。隻隻小籠包都有滿滿的肉汁，湯汁鮮甜香濃，皮薄餡料尚算豐富，豬肉香突出頗為滋味。擔擔麵。花生湯底味道非常香口，花生粒粒充滿咬口，湯底帶微辣，麵條彈牙掛湯力高，湯底濃郁出色。

都有兩年冇去荃灣嘍，今日搭巴士一落車就見呢度有間好似茶居嘅食肆，望入去人地碗麵，哇，咁大碗！？好，咁就試試啦～下午茶餐都有好多種麵揀先飲杯茶先，茶味輕輕地，甘甘地即刻黎碗麻醬拌麵先，麵量好大，麻醬好多，份量相當平日1.5份，麵質滑口，軟稔得黎有少少彈牙，麻醬水份平衡適中，唔會食到口乾乾咁，麻醬稠身，令每條麵掛著麻醬，淡淡都係麻醬滋味～隨麵附送一碗細細碗嘅雪菜湯，可能係預俾人地嫌太濃拌淡番個麵然後就到嫩雞煨麵，奶白色嘅湯內有雞丁，菜碎雖然材料好一般，但味道都好好食，湯底鮮甜，少少鹹味，清淨純潔嘅味道，嗯，就好似一位穿白色連身裙嘅女神咁個碗真心好大，仲有「夏麵館」三個字，精簡得黎又美觀仲試左一試個小籠包，好幸運地，放入口嘅過程「冇穿冇爛」，保留湯汁，湯汁飽滿，夠鹹夠惹味，油油嘅味道同醋相對，形成兩種味覺嘅沖擊，感覺特別飲品有凍酸梅湯，味道酸酸地好醒胃 仲有呢杯熱豆漿，味道十分純潔，飲出豆香而唔係一味地甜，飲淡有種祥和嘅感覺，仲relax過飲淡咖啡～

行呢頭，見到餐廳環境裝修幾好，又想食上海野，所以就入咗嚟食～ 真好，被安排坐卡位，坐得非常之舒服，服務好好又唔會催你還返張枱～酸辣湯好好味～ 自選涼拌五小碟，＄98可以選五款，啱晒我呢啲乜都想食嘅人，呢個價錢抵食又好味；叫咗蒜香四季豆，四喜烤夫，海蜇，雞絲粉皮，素鵝～ 特別鍾意四季豆，同埋素鵝好鬆脆！！燻蛋好香，糯米燒賣係我嘅至愛～ 椒鹽小黃魚媽咪嘅至愛，皮好脆，入面魚肉好滑，好味～最後甜品酒釀丸子，好香好QQ～

上海菜真的吃極不嫌。從前喜歡到Elements的夏麵館, 是於商場內看完戲後的一個平價選擇, 看著它搬位到結業, 實在慨歎。幸好還有其他分店, 較早前因工作關係走到屯門HANDS的分店吃過下午茶, 今回去到荃灣沙咀道的分店吃晚飯。貫徹摩登中國風的裝潢, 細緻的擺設, 加上樓底高, 環境不錯, 唯獨靠窗一排的卡位, 因向著街外, 不時有途人駐足觀看, 有點尷尬。餐牌內的選擇多, 可以散叫亦可叫上套餐, 每項價錢都不算貴, 所以七點過後幾乎滿座。熱豆漿 $7星期五晚飯時段, 飲品一律半價, 原價$14的豆漿只需$7就喝到, 比起飲汽水來得更有益健康。豆香味不錯, 入口幼滑, 甜度又適中, 不錯。蟹粉小籠包 $36/2隻一籠四隻正常小籠包售價$32, 加多$4就可以有蟹粉, 雖然只有兩隻, 但何樂而不為呢? 夏麵館的蟹粉小籠包分有四粒和兩粒, 可因應人數而叫上, 兩粒裝適合人少而叫, 過一下口癮之餘, 又可以留肚試其他不同菜式。蟹粉小籠包剛蒸起要趁熱食, 咬開薄薄的小籠包皮, 內裡橙色湯汁湧出來, 濃郁蟹粉滋味, 餡料鮮嫩多汁, 蟹粉令小籠包的味道層次提升, 不錯的淺嚐。上海春卷 $26春卷

下午茶時間啱啱經過，俾佢大大隻嘅麵碗吸左入黎。一坐底就送上一壼茶，清清地啱晒大熱天時飲見佢個下午茶餐好似幾抵食（但其實唔抵，因為埋單先發覺佢星期六日同公假，下午茶餐嘅野全部要加$3，咁同正價無咩分別囉），就同朋大分別叫左麻醬撈麵同埋酥炸大排麵再加$10要左半份嘅紅豆酥餅跟餐分別要豆漿同酸梅湯。其實三款食物都係普普通通，炸豬排麵個湯麵係好食的，但個豬扒炸得好油同偏咸，好彩叫有酸梅湯減低下個油膩感。講開個酸梅湯，唔知點解飲落有陣滴露味，可能平時無飲開，朋友就講笑話呢啲味先係正宗呢。而朋友個麻醬撈麵就話係好食的，但個醬''太杰''，食落好涸喉要加埋個湯同不停飲茶中和返（嗰壼茶起碼飲左一大半），連杯豆漿都三秒清左。總括黎講，啲野食普普通通，服務要改善下，因為跟餐嘅豆漿同酸梅湯我地追左三次先有，真係唔得。