夏麵館 (寶石大廈) (已結業)

在 BeautySearch 的腦海中，《夏麵館》以麵食聞名，相信光顧過的人都品嚐過當中的滋味，今日路經荃灣寶石大廈，看到《夏麵館》今期推介『蟹粉』系列菜式，『蟹粉』是我與蝦子的心頭好，心動不如行動，一於入去光顧品嘗。 在大街上，看見如此中式的門面，吸睛度的確非常高。不過，當日最吸引 BeautySearch 的，還是當中的菜餚，我與蝦子都喜愛吃『蟹粉』的菜餚，正好《夏麵館》今期的推介是『蟹粉』系列菜式，所以，我們便不加考慮即時鑽進店內品嚐。店內店外的裝潢，均貫徹中式的雅致佈局，加上這裡的樓底較高，大大增加了這兒的空間感外，更添氣派。以紅及鏡子為主，令這裡保留中式傳統之餘，同時亦注入了幾分時尚感。先來一碟小吃「涼伴小木耳」，木耳有益健康，具有益氣强身、滋腎養胃、活血等功效，但平時很少在家煮理，所以每次在外進餐看見，少不了也會點選一碟，尤其涼伴更是醒胃之選。可惜，今次廚師用了麻辣方法泡製，十分強烈，越吃越辣、亦越來越麻，吃不了五份一碟，BeautySearch 便宣告投降。如能在menu 上已註明是辣的會好一點吧...... 因為對我來說實在太辣了！幸好蝦子餅點選了一碟「糖醋小排」，酸酸

乘坐小巴的時候, 總是會經過這家餐廳的, 卻從未幫襯過 .... 某天, 恰巧路經此地, 何不入內吃頓晚餐 ~點單紙 ~ 四喜烤麩 $38烤麩是屬於麵筋的一種, 這店子的烤麩很有彈性, 吸汁能力強, 味道香濃鹹中帶甜 ~夏味燻蛋 $20 (兩隻) 燻蛋呈深啡色, 半流心的蛋黃呈橙黃色, 雞蛋濃香入味 ~ 小籠包 $34賣相一般, 皮薄煙韌亦算多汁, 肉餡鮮味汁又濃, 只可惜其中一隻小籠包在端到檯時已經穿了, 真無癮 ~回鍋肉 $62 熱氣騰騰, 一貫上海菜的濃油赤醬, 豬肉太瘦不夠肥美, 若是豆乾多幾片會較好, 很惹味的一道菜 ~ 嫩雞煨麵 $50 雞湯味濃, 雞肉鮮嫩, 幼麵條是有點偏腍, 吸收了有鹹味道的奶油湯, 味道尚算不錯 ~ 本篇完 ~

上海野小妹都好鍾意食之前食開翡翠拉麵小籠包而依間夏麵館就第一次試平日夜晚黎講，依度都算多人天氣咁熱，黎到當然會叫杯「凍豆漿」 $14不過小妹當晚係晚市去所以野飲都係半價，即係$14/兩杯凍豆漿 而小妹都好鍾意食擔擔麵既所以都點左「排骨擔擔麵」 $65依個比想像中辣如果啲肉碎多啲就更好啦排骨都炸得好鬆軟，唔錯另外再點左「五小碟」 $90佢有好多款小食選擇小妹揀左以下依幾款（蒜香四季豆，美味海蜇，雞絲粉皮，鎮江水晶肉，虎皮素鵝）佢四季豆真心好味又唔似係炸過但好脆身而其他每樣份量都唔少，兩個人食岩岩好食上海野又點少得「蟹粉小籠包」 $68包入面都算幾多汁如果再多啲蟹粉就仲正啦😆上海果啲滷蛋小妹之前未食過所以都叫左「夏味蛋」 $20黎食原來都幾似滷水流心蛋都幾入味，又唔會太熟最後梗係食甜品呢「香煎南瓜餅 」$28好似煎堆咁不過係南瓜味加埋啲芝麻，食落到幾香

平時有空都會入荃灣走走, 說實個人幾喜歡荃灣, 地方夠大食店夠大, 你想得出各地美食均可品嚐!有次與朋友又路經荃灣, 看到原來有我一直很喜歡幫襯的夏麵館, 雖說連鎖食店欠缺特式又冇驚喜, 不過肯定食物有保證, 所以都拉着朋友入來吃晚飯~荃灣店子地方一樣闊落, 很喜歡這店設在路地面, 可以邊吃邊欣賞外面的風景~ 平常的分店都是開在商場內, 感覺反不及這裡有自然光和感覺開揚~另外, 服務員都頗勤快, 給我的感覺也良好~菜式不用多說都是偏上海菜那類, 大路小龍包, 醉雞, 上海粗炒, 炒年糕當然不缺除了單點外, 還可以選套餐~選擇頗多, 三心二意者表示開心~我們最后決定要一個抵食的四人餐, 價位約四百餘元, 包自選: 湯類, 2個前菜、3個小菜、飯 麵 年糕選一、小籠包或生煎包及甜品前菜要了花雕醉雞, 雞相當肥美!!個人最喜愛雞皮滑滑的大肥雞了!!! 咬下去雞肉又嫩又滑, 皮就算高脂都要吞下去, 那種滑溜溜感覺實在太美味了!!! 另外花雕酒亦很香濃, 吃完雞後, 不喝酒的我也喝了幾口花雕XD 感覺暢快開朗!湯類點了宋嫂魚羹 ~ 坦白說無論造型和味道, 都與酸辣湯相類似, 入口微辣但又有淡淡鮮

好耐冇試過夏麵館，見到有新分店，就去回味一下，點知叫咗四款食物，只有一款係比較熱，其他嘅完全係微暖，餃子仲要一夾即穿，酸辣湯又好似溝咗水，連壺茶都要微微暖，服務態度又差，坐咗10分鐘都冇人行埋嚟，絕對失望，下次唔會再去

話說今日口乾乾想食下麵，於是就入左黎食，本來以為都是一般湯麵，水餃麵等，但估唔到有擔擔麵食，好鍾意食擔擔麵既我即刻就叫左一碗。佢全稱是排骨擔擔麵，擔擔麵本身冇乜肉，但加埋份排骨就份量充足。黎到，首先食個擔擔麵，湯底鮮紅濃稠，上面撒了白芝麻，黑木耳，青蒽粒，祼露出一點雪白分明的麵條，聞上來已經香氣撲鼻。 挾起一住麵，因為湯好濃，所以十分掛麵，有甚香既花生味，還有陣陣辛辣滲出來。 麵條柔軟飽滿，口感不錯，飽沾湯汁後更是美味。擔擔麵十分香濃。跟住食排骨，排骨炸得金黃焦脆，薄薄的炸漿一咬即碎，隨即咬落鮮嫩多汁的豬肉裡面，熱氣就冒出來，沖刷著味蕾。 味道很好，不會過咸，份量亦不少，同擔擔麵食完十分飽肚。排骨做到依個水準既，並非只有這一家。但擔擔麵既味道，就真係比較難得，擔擔麵迷可以一試。

【夏麵館】係其中一間我比較常去既上海食店, 因為價錢大眾化, 款式多, 味道keep到水準...荃灣新分店開, 味道會唔會又有所不同? 今日我就去一試味道!店內設大部分卡位, 座位寬敞, 裝修偏向中國feel~#晚市每位茶芥HK$4------------------------------【花鵰醉雞】HK$60雞皮唔肥, 冇肥油, 雞肉好滑, 酒味濃, 但略為鹹左少少------------------------------【紅油抄手(6粒)】HK$34皮薄而滑,辣油既辣冇蓋過包住豬肉鮮甜既肉汁------------------------------【鮮肉鍋貼(3隻)】HK$30鍋貼底部比較脆, 咬開入面有好多肉汁, 幾鮮甜….------------------------------【酸辣湯麵】HK$48湯底酸辣程度各佔一半, 唔會偏向一邊, 酸辣味道掌握唔錯, 而且酸辣湯料好多, 成個湯底都係傑傑地, 大大碗, 好抵食!------------------------------【嫩雞煨麵】HK$50呢款麵比較清, 湯底呈奶白色, 另有菜粒和雞肉粒, 因為是煨面的關係,

店舖推介之一，上海醬鴨就試下啦，果然好好味，醬汁濃味，甜甜地，鴨肉夠淋，醬汁入晒味，果然不錯，再叫左個辣味牛腩菜飯，果牛腩好一般，結果我係用醬鴨食晒碗飯，真係好正

荃灣終於開返它了。。。今天终可一試。三人叫了一個二人餐，再加春卷，小龍飽。三鮮豆腐湯，新鮮足料。。超好吃。春卷脆，料鮮但不多。。。ok。 小龍飽，好吃，肉質好。。。中上。海蜇，入味彈牙。。。爽。煄魚，份量足味道好又夠脆。。。好正。黃金虾，炸到外脆虾彈。。。味道足。必食!炒飯，料不多，但乾身得來口感不錯。甜品正常。。。ok。

加班後很肚餓，公司附近的食店都收得七七八八，要找一間位置大家都近的，最後揀左黎荃灣，返正要喺呢度轉車。食西餐食得多了，又想食下中菜，記得荃灣有夏麵館，上開飯網找找，原來搬左舖，仲多左其他地區有分店添。夏味燻蛋 $20同事十分喜歡溏心蛋，又試下中式嘅燻蛋吖。意外地醃味不強，但蛋黃確實不錯，蛋味濃郁又綿滑，但中間加了的那滴鮮醬油則可有可無，太重味蓋過了蛋的香味。鮮肉小籠包 $34一客有四件，蒸出黎熱辣辣。皮摺得一般，內裏的肉鮮味，但肉汁不算多，說實話是有點點失望的。鮮肉鍋貼 $30相反這個有驚喜，等到最後先上枱的一樣，真係慢慢煎出黎，咬落燙咀呀。皮煎得香脆，肉質鮮嫩，而且勁多肉汁，咬落爆左出黎，好彩無整污蔑衣服。椒鹽豬排骨 $70嘩，一客好大份喎，炸得香脆，椒鹽味剛剛好，不過咸，香辣惹味，豬扒彈牙，好味。老上海炒飯 $60有雪菜，蝦等同炒，不知道是否上海口味係咁的？感覺上成個飯無炒過，好似撈混咁，而且味道很淡，不適合我呢啲重口味人士了。雪菜肉絲炒年糕 $58呢個好濃味喎，同樣都有雪菜炒，年糕煙韌有咬口，片片都沾到醬汁，好味好味大家都搶住食。埋單不貴，幾好坐立，加上店員有禮貌，枱上的茶壺主動

近日經常來荃灣，不為什麼，只因好友剛搬進這一區，需要打點的事實在太多，所以星期天，我們幾位都會到她家幫手執屋及嵌傢俬，時間真的過得很快，由中午開始一直的把箱子unpack，用了一整天的時間，還沒有把事件弄好，肚子快要餓扁了，出外吃飯想必是指定動作。離她家不遠有夏麵館，而且舖面挺大，雖然門外出現了小人龍，但應該很快就可以入座，那我們就到這裏開餐吧。不到10分鐘就有位了，店內的裝修挺雅緻，黑白色地板充滿懷舊氣息，配上鮮紅色沙發及木製坐椅，復古味道濃厚。 查看餐牌後，覺得四人餐挺抵食，只需HK$468，就包括了湯羹、兩款前菜、三款小菜、飯/麵/年糕、小籠包/生煎包及甜品。 個人來說極愛吃花雕醉雞，雞肉入口嫩滑爽口，雞皮與雞肉之間呈半透明，帶有淡淡的花雕香味。 美味海蜤味道有點偏淡，基本上麻油味道不夠香濃，不過，爽口質感爽脆，配合底層的青瓜，口感清新。 漁香茄子的味道非常惹味，茄子口感軟滑，而且還加點了爽口的筍絲，吃時口感更豐富，用來佐飯就最適合不過。 在上海館通常也會點酸辣湯，不過這個套餐只得兩款湯羹選擇，那就點宋嫂魚羹吧~雖然是魚羹，但就吃不到任何魚腥味道，相反，魚羹味道不錯，入口鮮嫩滑

驚喜美食，牛肉生煎飽，望落去以為同普通生煎飽差不多，點知咬第一口就唔同晒，係即叫即整，所以食落係外面有小小脆口入面淋淋地，而裡面既牛肉醃到好夠味有肉汁，新鮮熱辣辣，仲叫左個排骨擔擔麵，排骨炸到鬆軟甘香，冇油膩感，擔擔麵湯底夠濃厚，好大碗，都幾抵食架，正

今天烏雲密佈落雨天的日子，沒有找朋友食飯，一個人的時候最愛吃麵🍜,系荃灣沙咀道巴士站旁，原路有蓋商場看見夏麵館，看到介紹蟹粉小龍包我就決定今晚獨個兒享受一下炸雞排擔擔麵$60～小妹order大辣，辣味不是川辣而是濃香花生醬加肉醬的甜中帶辣所以一點也不刺激，還有一點點蝦乾、芝麻味道的香麵質煙韌爽口，雞排不會炸得乾有肉汁，外層的炸醬都脆口，但醃製的時候可能加入乾䓤，太濃乾䓤味，食不出其他味道蟹粉小龍包4隻$68～今晚我的最愛當然沒有令我失望，皮薄通透，熱呼呼的時候看到湯汁在皮肉非常juice,皺接的部分亦好軟身，應該是即叫即蒸，這樣才會有這個效果，蟹粉味濃，肉汁好清甜，入口後不會有一口油的感覺只是醋沒有薑絲，但我今天三隻沒有點醋也非常喜歡，因為鮮甜的湯汁已經蓋過所有在晚飯時間已經坐無虛席，服務態度很好，有龍井茶供應，份量亦多，還有幾間分店，今晚我的一人晚餐非常滿足，下雨天又有什麼可怕呢

身為荃灣友, 有新店開梗係要去踩下場啦糖醋排骨甜甜地的醬汁黏住每舊的排骨, 個味就真係好正啦！不過唔知排骨係咪煮太耐呢, 有少少偏硬(個人比較中意食香口野)炸雞扒配擔擔麵雞扒炸得好脆, 而且應該係即叫即炸, 因為一食第一啖就真係好脆, 同埋雞肉都好滑好多汁! 配合埋擔擔麵既花生湯, 真係一流擔擔麵湯底有好濃的花生湯味, 但係無因為咁而令到個麵就太咸, 麵質亦好爽, 唔會太硬太淋生煎牛肉包, 印象中好多生煎包都係好硬, 又可能係好淋, 總之就唔太好食! 但係呢間係炸到好脆皮, 入面係包住牛肉碎, 牛肉碎有醃過所以有少少咸味, 所以生煎包既不油膩, 又不會外硬上海醬鴨, 皮脆內滑, 而且甜甜地的醬汁, 配埋飯就真係一流(當日食唔晒仲打包左返企第二日再伴飯吃)

屋企冇人煮飯時候就約下朋友出來吃飯，早前和朋友去了荃灣行街,朋友提議吃上海菜，上海菜從來不是我的首選 ，既然朋友想吃上海菜，剛好在附近見到夏麵館,我和朋友就入去夏麵館,店員安排我們入座,朋友叫了二人套餐，分別点醉雞/菜心獅子球/上海粗炒，味道整體OK,服務亦都OK ，地方十分舒適味道上海粗炒,組炒稍為多油咗些小，亦不是太咸，味道都可以啦白菜獅子球,白菜十分新鮮，估不到不是太多油,獅子球味道似午餐肉，味道不過不失醉雞，酒味過重,酒味遮過雞肉味道，整體一般豆漿，我覺得幾好飲 ，豆漿味濃郁服務我覺得都OK環境地方都幾大,十分舒適價錢平均150元一個，亦不是太贵