夏麵館 (寶石大廈) (已結業)

街坊食飯麵店    質素一般    環境不錯每次食上海菜我都一定會叫呢個魚老婆好好，每次揀餐廳同埋揀菜式，每次都無乜所謂所以我鍾意食乜就食乜因為呢個魚嘅製造方法係非常多手工係屋企幾乎冇可能食得到而且紅卜卜嘅顏色、酸味味嘅味道份外開胃另外叫咗蟹粉小籠包蟹粉小籠包湯多味美皮薄喊靚每次食上海菜嘅原因，都係因為我想食小籠包今日同老婆食樓下嘅夏面館最大的目的都係想要呢個蟹粉小籠包咋！呢度嘅排骨菜飯好好笑以往嘅排骨當然係中式酒樓嘅排骨呢度嘅排骨係炸豬扒咁解！豬扒好大塊，我老婆食咗一件其餘幾乎全部我食晒！肉質唔錯！個菜飯都非常多菜啲菜全部都翠綠。好新鮮五小碟呢類型嘅菜式我老婆最鍾意樣樣都有少少乜都可以試吓！

放工同同事飯聚，來到了夏麵館，朋友話佢之前食過好味，其實自己都有食過都覺得唔錯，就book左枱放工黎。一行六人諗食乜，係張餐紙上劃劃劃，點了飯，年糕，包等全部飽肚野。黎食上海野小籠包係必點嘅，呢度出品幾好呀，皮薄多汁，肉汁鮮甜，點少少醋同加少少薑絲就perfect。朋友話呢個韮王炒蛋係佢至愛，蛋嫩滑，大量韮王很香吖。再黎係瑤柱蛋白炒飯，粒粒飯炒得很香口，瑤柱很重海味味，調味適中，好吃。南瓜餅，甜甜的，煙煙韌韌很有口味。仲點左好多其他野，不過成班蝗蟲一有野食落枱就夾哂，太醜樣就不影相了。

星期六中環放工，返到屋企附近已經兩點幾，時間啱啱好食下午茶。再去附近呢間夏面館。呢度下午茶好抵，記得加錢買小食，更加抵！我地叫左蛋白炒飯，d飯炒到一粒粒，好乾身，色覺啦大都冇油係牒，好鑊氣！而且我鍾意淡味口味，呢個飯清清地，好味！另外叫咗豬扒擔擔麵，呢排完全唔鞋，味就都好香，炸完出黎都唔油，好好味！但係個擔擔味道一般，我覺得好似嘔味不過我老公唔覺，而且食得津津有味，所以我無出聲小食叫咗小籠包皮薄、湯靚、肉嫩春卷賣相麻麻不過意外地好味！

收工見依間唔洗等位 就無諗咁多去食點知 真係有啲失望 真係無下次排骨擔擔麵嗯... 以為擔擔麵實安全點知係好淡好稀既湯 得個鹹字完全唔係果回事 花生味又唔香都幾失望上海炒年糕又係鹹鹹鹹 同油油油唔好食 基本上食左啲啲就食唔落下次去食返魚米線好過 

老婆想食上海菜，平時搭車經過裝修都幾好，入去試試啦，一行五人入去試。叫咗小籠包，皮厚，湯無味、肉鞋。醉雞，唔知用咩醃料，一陣膠味。薰蛋，煙薰味極濃，蛋黃極不流心。菜螃蟹完全無味。上海粗粆還可以。蟹粉伴麵.....苦的，諗住唔夠食先再叫，好彩無叫咁多，怕怕！

麻醬拌麵// $30雖然呢個麵好似咩都無，其實真係咩都無😂但佢有濃濃嘅麻醬😍而且混合左花生醬，所以真係超級香👅而且真係會好飽😂但唯一唔好處係佢個醬會愈食愈杰，好彩佢有俾一碗紫菜湯你濕濕口😌👍🏻所以鍾意食麻醬又或者食腸粉要加好多麻醬嘅朋友😎，你真係可以試下！👅請俾分：7/10鮮肉小籠包// $36個名點解要強調鮮肉？😂多汁程度睇相都應該可以感受到😚味道都唔錯，而且係即叫即蒸！所以我辣親條利👅#請俾分：8/10蟹粉撈麵// $70正呀喂😆真係見等到有粒粒蟹粉～而且上海麵同蟹粉分開上，咁就唔怕會浸到淋哂又乾爭爭！😌而且個麵本身都淋左湯汁，咁就唔怕會整淡左個蟹粉～ 唔錯唔錯👅不過$70食碗麵都真係有d貴🤔#請俾分：8/10

開張嘅時候，食過一次，果次就叫咩冇咩大部分野食都係偏咸，好重味精，食完要狂飲水！特別係雲吞雞湯！今日諗住再試一次，蒜泥白肉切到好厚，感覺上某間米線嘅仲好食過佢香槽咩魚同個湯都係偏咸我諗冇下次啦

搬鋪後再度光臨，說真…真係失望。干煸豆還好，醬油到位唔太油膩，醬汁剛剛收緊，火喉到位，蝦米增香。說那麻婆，沒有香麻感覺，鬆辣自然不用說。論色香味全決酸梅湯還有往日水準。夏麪館放下往日策略走上平民代化，但奈何食品中平…有待改進

員工服務態度5**但系食物口味也是5**鹹！無錯系鹹，系超鹹，呢個系我食完最大既感想，材料充足，而且足料，但真❤覺得鹹成餐飯基本上系鹹到無點食過，但系連基本食物質素令人擔憂，但服務員態度也都好正面。但要600幾，甘既味道一d都吾值

今日早放工見冇咩人去買外賣, 叫左幾樣野其中一個係大既酸辣湯(淨湯冇麵) , 返到屋企打開竟然係酸辣泡麵! ok, 諗住撈起d麵飲番d 湯, 點知d湯淨番一匙羹都冇重點係點解成間野冇人都可以出錯? 同埋湯麵原來係唔會問你要唔要加一蚊幫你分開裝, 點解可以假設d人係仲意食泡麵?

自從荃灣廣場n年前執左夏麵館後，就再冇食過啦！知道荃灣開返後又嚟食😁望落好似好大碟，實質洋蔥仲多過雞，雞塊略細，微辣中帶點辣椒豆瓣醬味菜飯齋食比較淡，加啲汁食會比較好，牛腩肉質較實，帶點微辣小籠包上枱時仲keep到好熱，皮薄肉汁豐富，餡料適中芝麻味夠濃，唔會太甜太漏

成日經過荃灣都想試,今次終於同埋屋企人去食呢間”夏麵館”,原本6點果陣去到唔洗排隊. 但屋企人未到去左隔離OUTLET行左一陣, 點知一番守頭就已經好多人...差唔多等左成40分鐘先有位~去到叫左個四人餐...同埋另外叫多一個麵.宋嫂魚羹,花雕醉雞,海蜤,黃金蝦球,魚香茄子,小籠包,,瑤柱蛋白炒飯,香糟黃魚片-蔥油拌麵-5個人岩岩好有D相無影到,宋嫂魚羹—正~!無咩味精.好味花雕醉雞-可能雪得太耐,D雞有D硬得滯.不過都好食海蜤- 食左一條就停左啦....(唔建議叫呢樣)魚香茄子-正呀~送飯一流,香口,D茄子入哂味~香糟黃魚片-個人覺得D汁甜左D....可能平人鐘意食咸野..黃金蝦球--呢個都好好食,又係送飯一流~. 佢有蝦同南瓜.不得不提呢” 蔥油拌麵-“ 第一次叫. 好味呀~!蔥油 好香,撈埋D麵,食到停唔到口. 推介~!

第一次試依間夏麵館。豬扒拉麵。豬扒炸定，有肥膏，凍冰冰，失敗。蒜泥白肉。無蒜泥，肉太厚，失敗。豆沙鍋餅，外皮淋pat pat,無紅豆味，又系炸定，失敗。😡😡小籠包還可以。

之前都試過去其他分店既夏麵館，今次荃灣分店係第一次，完全失望……晚餐時段，我地叫咗糖醋排骨，蟹粉小籠包，酸辣湯，炸饅頭，哆唻咪，蟹粉拌麵首先係糖醋排骨，隻碟係熱既，但係糖醋排骨係凍既……幾時開始糖醋排骨變咗涼菜……酸辣湯，只係得個辣字蟹粉小籠包，不過不失，但無乜蟹味炸饅頭，超硬最後係極力推介既哆唻咪同蟹粉拌麵……首先個哆唻咪都唔係熱既，只可以話暖暖地，賣相唔得，似南瓜糊多過似蟹粉，個茨汁勁杰蟹粉拌麵嚟到，我完全覺得唔係個樣野囉……餐牌個麵係啡色既，但嚟到變咗白色……侍應話啱㗎啦，張相影得靚啲吸引人，但實際係咁既……頂，咁都得？！我完全唔會再嚟

夏麵館記得以前響荃灣廣場開過, 以前間中都會食下, 覺得抵食又唔錯. 不過商場大裝修, 餐廳都難免要結業.有日行過寶石樓, 竟然見響呢度開番, 即刻入去開餐.要左個擔擔麵, 湯底好香花生味, 辣味濃不過易入口. 拉麵幾煙韌彈牙, 唔會太淋, 保持水準.蟹粉小籠包, 皮薄餡料多, 隻隻都漲卜卜. 皮夠滑, 餡料蟹粉味都夠香, 肉亦夠嫩, 亦唔會太肥. 椒鹽豬排骨, 外面炸得幾香口, 唔算太油膩, 同蒜蓉,蔥炒埋一齊更惹味, 豬排有咬口, 份量亦適合.一路食都幾多上年紀既街坊幫趁, 同舊鋪一樣保持水準.