夏麵館 (寶石大廈) (已結業)

香港雖然係美食天堂，但往往價錢未必同食物質素成正比，反而大陸啲餐廳抵食又好味。夏麵館計埋今次已經係三次幫襯，但質素已經大不如前，三樣食物入面得一份叫還可以。今次晚餐叫左二樣餸一碟炒飯，分別瑤柱蛋白炒飯，蟹黃炒年糕及糖醋魚塊。糖醋魚塊：糖同酸既比例剛剛好，不會太酸亦不會太甜，魚塊內脆內軟，送飯一流，係三樣餸最好的，味道只係還可以，並唔係太出色。瑤柱蛋白炒飯：炒飯味道平淡，唔夠咸。係酒樓食仲好食過佢，難聽啲來講只係一碟有餸既炒白飯，食完都唔知自己食過啲咩。蟹黃炒年糕：年糕混有一些蟹黃同蟹肉一齊炒，年糕無味，全靠蟹黃增添味道，但蟹黃的味道不太濃，而且蟹肉的份量也很少，有點失色。我諗唔會有下次，因為菜式味道真係無咩特別，以一間中菜餸館來講係唔合格。

近沙咀道落小巴，就近選擇夏麵館。印象中，在鑽石山吃過一次，應該是多年前發生的事，多年後久別重逢，竟沒有一絲懷緬的感覺，也就沒有抱著多大的期望。濃湯蕃茄煮勝瓜$50：當清甜可口的勝瓜與濃郁蕃茄味相遇，味足卻不失口感，勝瓜吸收了番茄的酸甜，蕃茄消化了勝瓜的清甜，這款菜式根本無得輸，基本煮熟已經很好味道，因為食物本身已有足夠味道，添鹽添醋已成了多餘。菜脯肉碎炒飯$52：炒飯極具隨意性，只要手上有的材料，就輔以隔夜飯，就能隨手炒出好飯，各處鄉村各處例，所以容易承載著濃烈的地域色彩，這裡就以菜脯肉碎來炒飯，吃起來既有彈性，又不覺得硬身，甚有咬口。砂鍋雲吞雞$118：砂鍋是砂鍋，雞件不算大件，清燉老雞湯頗為清甜，雞肉入口時還帶點雞湯的清香，熟稔程度只要輕輕一夾就遍體麟傷。蔥爆牛肉$72：牛肉雖然挾有一股淡淡的蔥香味， 對我而言，這道菜式，如有辣味，味道會更上一個層次。埋單$334。味道雖是不錯，但是沒有對味的感覺，沒感覺就是沒感覺，這種感覺強求不來的，始終"命裡有時終須有，命裡無時莫強求"...

夏面館食嘅係上海野，我呢個上海妹梗係要去試吓夠唔夠正宗啦！🙆🏻🙆🏻今次同男朋友當下午茶咁去食，果然出奇地係有驚喜！而且價錢唔貴！🙆🏻🙆🏻我哋去到就見到有下午茶套餐😍😍今次叫咗個排骨擔擔麵同埋菜肉雲吞面😍😍擔擔麵冇想像中咁辣，個排骨都唔係剩係得舊骨🤔🤔🤔酸酸甜甜咁幾開胃😋😋菜肉雲吞麵個雲吞係足料嘅！裏面仲有蝦添😍😍兩個雖然都係下午茶套餐，但係份量就一啲都唔孤寒，加埋嘢飲每個人50幾蚊買單，正宗上海菜來講真係算係咁！🙆🏻值得推介！

星期六唔想留係屋企，就出左去荃灣同媽媽三代同堂食晚餐。今次選擇左上海菜，見夏麵館位置都方便，野食都唔錯就決定去呢度食啦！未夠18：00就入座，未見多人都係有一兩枱客，睇下餐牌有咩食先。我個女要食炒飯，春卷同溫泉蛋，媽媽想食鱔糊同炒菜，我只係想食高力豆沙溫泉蛋黎啦，個樣咁既？？？個黃爛左少少喎。但味道依舊好味小木耳炒青瓜偏咸唔多接受，鱔糊好大碟呀！份量都好夠，配炒飯食一流，食食下想飲酸辣湯，就叫左一位。酸酸辣辣但媽媽就不太岩口味啦。最後甜品高力豆沙，阿女邊食邊讚仲想叫多次，但太飽啦，下次再食啦。整體係好味既，有下次呀！

好耐以前係elements 有食過夏麵館，果時都覺還可以. 今次黎荃灣分店🤢都幾難食👾·🍽2人餐（$268）自選湯/羹，涼菜，小菜，主食，甜品🍜擔擔麵 已經係最好食，份量大到2個人都差d食唔哂 怕辣既朋友唔洗怕，因為少少辣都無😆麵條口感尚可算彈牙！🐦上海醬鴨 難食到震撼🤢食左一啖 好大陣鴨既臭腥味🤢🍆夏伯伯涼拌茄子 咸到腎虧 撥開醬會好少少⋯但都係放棄左😔🥘酸辣湯 呢個算唔錯！足料⋯夠酸夠辣👌🏻🐔川味口水雞 咸到腎虧again⋯又係放棄左🦀蟹粉小籠包（$38@2）👦🏻想食，叫2隻試下👌🏻未至於好味⋯普通🥚夏味燻蛋（$22@2）特登叫2隻止下我蛋魔心癮⋯點知咸到腎虧x3🤢賣相仲要勁唔靚仔，失望！！！

荃灣有好多好野食，但當你打開OpenRice 就會發現選擇多到唔知食咩好😫。///當我諗唔到食咩，好多時都會食返d 之前食過，味道又唔錯嘅餐廳。///自選涼菜五小碟1. 8個選5。（蒜香四季豆、開洋拍青瓜🥒、四喜烤夫、美味海蜇、雞絲粉皮、鎮江水晶肉、虎皮素鵝、糖醋小排）2. 蒜香四季豆不錯👍！3. 四喜烤夫原來係豆皮，甜甜地。4. 海蜇陣味有少少怪，下面有手拍青瓜。5. 鎮江水晶肉幾好味，一d都唔覺得膩。6. 糖醋小排d 肉有d 硬。///炸饅頭（6個）1. 呢個炸饅頭根本係用油浸嘅😰！饅頭完完全全咁吸晒佢d 油，有一半都係油🤢。如果你食吸晒油果部分，其實係同飲緊油冇分別。2. 但味道其實係唔錯嘅。///家常煎餅（6塊）1. 非常薄脆👍。2. 好香葱味，不過味道偏淡，加返少少鹽會好味d。///回鍋肉粗炒1. 好香豆瓣醬味。2. 有少少辣。3. 炒得好香濃，唔錯唔錯。4. 回鍋肉肥膏同肉嘅比例係1:2，好味！///不得不讚侍應們的服務同細心👍。

星期一至四8:30pm後入座有全單八五折，趁住今晚夜收工黎試吓，除了散叫，另外都有晚餐供應，但晚餐就唔會再有八五折優惠。最鍾意呢度嘅小籠包，裏面好多湯汁，好可惜我次次都會夾爛! 哈哈...呢度嘅食物水準中上，價錢親民，最後食咗高力豆沙，唔記得影相但真係好好味!!!

每日諗去邊度開餐係我地嘅指定動作🤣•街上嘅廣告二拉架往往好吸引😍•我同老公都係吃貨之人•見「夏麵館」價錢大眾化•一於今晚係呢度開餐🤤環境悠雅舒適•估唔到六點已經坐咗幾枱客人•鮮肉鍋貼～個皮厚厚地唔算薄•勝在塊皮煎到脆卜卜•放入口一咬•D肉汁湧出黎•👍🏻👍🏻松鼠桂🐟～炸過嘅桂🐟肉相當嫩滑•酸酸甜甜好開胃•餸飯一流🤪炸粉厚咗DD•雪菜肉絲炒年糕～炒得幾乾身•唔油膩•份量啱啱好•😝

黎開荃灣想食小籠包 見到呢間平平哋都好似OK 到咗附近原來發現已經嚟過 星期六夜晚唔使排隊都已經入到好快坐低咗諗住去個廁所先 不過佢個廁所有啲遠要兜入停車場 記得要問職員攞鎖匙叫咗個前菜小籠包同埋雞扒擔擔麵個面嘅份量都算幾大下 兩個女仔食share就OK 小籠包冇乜驚喜 略嫌個皮有d厚 埋單$200有找 好抵食

相傳影藝紅星張曼玉小姐對食蟹粉做出黎嘅菜有一份高執著嘅喜愛，而當中佢最愛嘅係「蟹粉蝦仁」配即蒸新鮮饅頭！話甘點一下蟹粉一口，再點鍊奶一下又一口，之後一啖蝦仁相間住甘食，係人間極品美食！😋今次黎到依間中下位價嘅連鎖上海餐館，形式有少少似茶餐廳，但勝在大多上海菜色齊全，價錢唔太貴而且份量都超足！又估佢唔到竟然有好齊款嘅蟹粉菜式，所以QT又try try先！即試下張曼玉小姐嘅最愛先！試埋佢個特別食法，又真係幾特別wo~ 可能因為饅頭嘅清清配上比較濃郁嘅蟹粉，兩者相起出雙方嘅鮮而不失兩方嘅原味，其後鍊奶嘅甜又中和返蟹粉嘅濃，令人接口而食都不覺飽濟油膩，到最後爽口嘅蝦人又從新刺激口感上嘅觸覺😝QT仲點左傳統嘅小籠包，餡料上唔會太重口味口感都鬆滑，湯包嘅湯汁足足有一湯匙，就係皮略嫌厚實左少少。另外要讚一下佢地用嘅白麵！夠彈而不散口！我配上擔擔面湯底進食的確不錯！至於套餐跟麵食上嘅小菜回鍋豬頸肉就有點兒過咸喇～～

今日放工，同個Friend 去荃灣SHOPPING後，好想食中國feel 既食物，經過夏麵館，就和朋友來試一試。餐廳係寶石大廈地下交通都幾方便。而且店內裝修很有特色，氣氛好像真不錯，同埋餐牌上有好多不同既選擇添！皮蛋拌豆腐先吃一個涼拌小吃！豆腐切薄片，皮蛋加醬汁，清新可口，開胃必食！ 首先，選了蟹粉小籠包！飽滿的外表，再加上頂部有蟹黃。哇相當吸引！
再咬一囗，滿滿的熱燙湯流出黎，好美味。果然皮薄餡靚！ 再叫左個排骨擔擔麵，湯同麵配合相好，而且麵質爽口！排骨又熱又脆！酸辣湯大大碗又熱辣辣，酸味十足，辣味適中，不錯之選！干煸四季豆
肉碎粒再加四季豆，而且四季豆脆口，肉碎好味道十足，係送飯之選！高力豆沙最後吃埋，由蛋白製成超鬆軟的高力，再豆沙甜味，完美的組合！

上海有好多美食，亦好吸引，經朋友介紹荃灣一間上海餐館，今日經過荃灣就決定去試一下。一坐底睇菜單都睇左十分鐘，因為太多選擇，我地只有2人，所以叫唔多怕食唔哂，就揀左自己最鐘意食既。主食叫左2款: 回鍋肉粗炒， 酸辣湯麵。當上菜時，立即有第一個驚喜，就係份量超大，酸辣湯麵個碗係大個一隻手掌，都非常深。味道方面， 回鍋肉粗炒味道相當濃郁，每啖都相當入味，仲有回鍋肉都相當多。酸辣湯麵不會太酸，麵唔會太林有咬口，唔錯。小食都有2款:紅油抄手，蟹粉小龍包呢2款小食無論中唔中意食上海野既你都唔會陌生，基本上係必食的。紅油抄手，皮薄肉厚，加上醬油同辣油，口感非常豐富。蟹粉小龍包，意想唔到的好味，皮薄就唔係驚喜，熱辣辣食落口入面蟹粉既鮮口覆蓋哂成個口，肉既大小適中，真係會停唔到口，但記住小龍包一定要襯熱食係最好食的。甜品2款:香煎南瓜餅，豆沙鍋餅。豆沙鍋餅粉底唔會太厚，豆沙適量，口感同味道都唔錯。香煎南瓜餅呢個大家真係要試試，南瓜味好濃郁，皮唔會太厚，口感食落唔會太粉，正呀。總括而言，價錢合理，份量超大，回頭率高以下有啲相同大家分享返

忽然想吃一碗上海擔擔麵，走到了位於荃灣的夏麵館來享受一餐上海菜， 夏麵館在香港已有數間分店，價錢合理，餐廳裝修雅緻，帶有一點中國風，坐得舒適。先看看餐牌，有二人，四人，六人餐，還有供應晚市套餐，方便食客選擇。晚市套餐由 $68至 $98， 價錢合理，而且惠顧晚市套餐可免收茶位費 (*晚市需收取每位$4茶位費)， 點了一個川味口水雞 $86， 跟酸辣湯，轉菜飯 +$5，用了優惠價加配了高力豆沙兩件+$16，飲品選擇酸梅湯+$6;還有單點了其他東西， 生煎包三個 $34， 上海擔擔麵 $46以及糖醋魚塊 $70。上海擔擔麵$46，這擔擔麵未送入口前已聞到陣陣花生味，香氣撲鼻，湯頭濃厚帶一點小辛辣，做到掛汁效果，至於麵底煮得剛好，軟硬適中，回味無窮。糖醋魚塊 $70: 糖醋魚塊外脆內軟，魚塊均勻上滿糖醋汁，甜甜酸酸的。生煎包三個 $34: 生煎包鬆軟，底部煎得金黃香脆，送來時很新熱很新鮮，咬開有肉汁流出。酸辣湯配料多，酸辣度適中。川味口水雞 $86套餐:口水雞份量足夠，配上橙紅色的辣油， 感覺火火辣，雞肉嫩滑有口感，醬汁帶麻辣，更有一點花生麻油香，非常惹味。跟餐+$5，轉菜飯，比白飯更香，更

放工同好友去食好嘢，當然要揀我最鐘意嘅上海嘢平平地喺荃灣都有好嘢食！哩度啲嘢種類多，又夠晒大碟，上菜快又好味上海嘢必嗌嘅擔擔麵，花生醬份量適中，辣度亦剛剛好，麵幼唔淋蔥油伴麵夠晒香，麵都係用幼嘅，夠晒煙韌蟹粉菜芯落足料，誠意之足，蟹粉好惹味，菜芯夠晒淋賽磅蟹有蝦有帶子，炒起唔會太油膩但夠滑，溝埋醋食一流嘅回鍋肉咁嘅價錢黎講都真係好大碟，濃味香口，微辣，正蟹粉小籠包真心皮薄餡靚，蟹粉夠多，一咬就勁多汁高力豆沙一定要試！唔太甜又唔太油，好軟熟得黎又好重蛋味

知道呢間麵店開左一段時間今天放假冇特別想食乜見佢地有下年茶$40-$50🤪左右所以入咗去試下我地叫左一個酸辣雲舌麵賣相很好大大碗味道ok 另外叫左個排骨擔擔麵湯同麵唔錯但排骨唔夠熟我們要求返炸但肉質比較硬另外加$10-20 可以配小食叫左小龍包真心一般唔夠熱另外豆沙鍋餅呢個我最愛吃的但佢地整得完全唔掂個皮唔脆又未完全熟D皮中間仲係白色麵粉色law 最後杯涷奶茶中伏都係荳奶靠得住Overall 環境地方濶落坐得幾舒服不過全程D服務員說話有D大聲都會返回頭幫襯