夏麵館 (寶石大廈) (已結業)

香港雖然係美食天堂，但往往價錢未必同食物質素成正比，反而大陸啲餐廳抵食又好味。夏麵館計埋今次已經係三次幫襯，但質素已經大不如前，三樣食物入面得一份叫還可以。今次晚餐叫左二樣餸一碟炒飯，分別瑤柱蛋白炒飯，蟹黃炒年糕及糖醋魚塊。糖醋魚塊：糖同酸既比例剛剛好，不會太酸亦不會太甜，魚塊內脆內軟，送飯一流，係三樣餸最好的，味道只係還可以，並唔係太出色。瑤柱蛋白炒飯：炒飯味道平淡，唔夠咸。係酒樓食仲好食過佢，難聽啲來講只係一碟有餸既炒白飯，食完都唔知自己食過啲咩。蟹黃炒年糕：年糕混有一些蟹黃同蟹肉一齊炒，年糕無味，全靠蟹黃增添味道，但蟹黃的味道不太濃，而且蟹肉的份量也很少，有點失色。我諗唔會有下次，因為菜式味道真係無咩特別，以一間中菜餸館來講係唔合格。