夏麵館 (寶石大廈) (已結業)

難忘甜品放題@夏麵館朋友一向喜歡食上海菜，早幾日同他荃灣行街之後便到 荃灣沙咀道附近既夏麵館食飯 入到去就被安排坐在卡位， 位置好舒服 ，裝修企理四正， 店員也非常殷勤  有SET也可以散點現在還有一個優惠，平均每人食滿$120，再加$20即可食甜品放題 ，酒釀丸子、南瓜餅、擂沙湯丸、榴槤高力、桂花拉糕、薑茶湯丸、夏味燻蛋、豆沙鍋餅、高力豆沙都可以任食，真係非常優惠  依家仲可以WHATSAPP訂桌，好方便 鮮肉小籠包$38 是每次必點的，即點即整，上桌時還是熱烘烘的，入面是爆汁的，是每次必點的 砂鍋獅子頭麵$60 CP值超高的一份，大大個的獅子頭夠吸引 其高湯也非常鮮美，麵條彈牙爽口，點一份，一個人基本上是食不完的!  水煮牛肉 $102 這個價錢非常優惠吧! 牛肉 雖然好辣但也好惹味，牛肉好嫩滑，沒有根的! 入面的配菜也好豐富，水晶粉條，入味又Q彈，而芽菜也担當了重要的地位 鮮肉鍋貼$34  大大只煎得金黃脆口，入面的肉又多汁入味，也是我每次必點的食物之一 接著的都是加$20任食的! 南瓜餅  夏味燻蛋是必食的 !這次還是任食

忙左大半個月 終於有時間同媽媽食個晚飯今晚去返我地嘅老地方 - 夏麵館一黎食物質素有保証 二黎宜架有甜品放題無去一排 點解我覺得好食左嘅 唔通換左師父每次都叫嘅 涼菜5小碟 烤夫同素鵝真係好好食糖醋排骨酸酸甜甜好醒胃 排骨擔擔麵 麵質比以前彈牙喎同埋今次多左好多肉碎同花生粒 湯底又濃炸排骨夠熱夠脆 浸落湯度再食 簡直一流小籠包 睇落有啲厚皮 但食落又唔錯喎 好多湯最後留肚食$20甜品放題 勁耐無食過擂沙湯丸好煙靱 中間爆芝蔴醬 堅好食重有高力貓山王 好邪惡薑茶湯丸同酒釀丸子都唔錯 重有幾款 不過已經食唔落lu...

太子分店就有吃過2，3次，我喜歡吃上海菜，夏麵館是我覺得挺不錯的，荃灣分店這是第一次吃。平常我最喜歡吃它的蟹粉拌麵，可能荃灣分店開了不是很久所以没有蟹粉係列吃。那就叫了「蔥油拌麵」，這個蔥油很香，我很喜歡它的麵，軟韌適中。上海菜少不得小黃魚，這個椒鹽小黃魚，魚皮夠脆，魚肉很鮮嫩。還有這個糖醋梅子排骨，酸酸甜甜好開胃，梅子是楊梅來做配菜，我連梅子都吃掉了。小籠包也是上海名點之一，必吃。餡料鮮甜多汁。没想到加20元就可以任食甜品，愛吃榴連高力的就可以吃個夠。

話說我一見到呢個$20甜品放題廣告，就矢志要食啦😂真係好鍾意食京滬甜品呢。因為咁，我第一次食夏麵館，樣樣都超大份量啊，味道不過不失，價錢唔貴，性價比都ok。留意番，要每人食夠$120先可以+$20選甜品方題，問題是食夠$120時，都飽了8成了😂😂建議有心食甜品的話可不點飯麵😂-自選涼菜五小碟（$108），份量驚人，超抵。平時食一個這樣份量的糖醋小排都$58了！而是次食的五小碟中，以四喜烤夫最得我歡心。-排骨擔擔麵（$65），+$5可轉淮山麵，爽滑好食！擔擔麵辣度足，排骨都好大塊下。-鮮肉小籠包（$38/4隻），夠熱而且大隻，不過覺得皮厚左點。-另點了豆漿及酸梅湯，酸梅湯是甜比酸重。特別要盛讚一位女店員，超細心，見我撈番哂d冰出來（忘了叫走冰），還幫我拎入廚房斟返滿啲酸梅湯！！終於來到我既主菜了！甜品有8款任選，燻蛋都係任食，糖心效果，呢個好食啊。而最特別要數高力榴槤！其實真係好想試埋桂花拉糕同南瓜餅！不過食完豆沙鍋餅、高力豆沙、同酒釀丸子....戰鬥力已歸零。好想再食啊！-

早幾日荃灣寶石樓依家夏麵館見佢嘅午餐價錢都幾吸引，一於同朋友打電話嚟訂枱食晚餐餐廳座位好闊落，還有幾張卡位。一行四人，7:30pm入座都full full地，好彩有訂枱咋，之後原來都坐到差唔多滿座我哋見到有啲套餐，但係因為唔係太肚餓關係，最後都選擇單點鮮肉小籠包比起一啲大連鎖式店，更加性價比高。小籠包即叫即正大約五至7分鐘就上枱啦肉汁鮮嫩，湯汁豐盈，而且熱辣辣。紅燒獅子頭是上海菜的表表者，將豬肉剁成免治豬肉繼而做成拳頭大小的肉丸，濃油赤醬，紅燒口味濃郁。酥炸排骨麵豬扒新鮮炸起，炸得香酥可口，而且炸漿唔厚，調味得宜，而上海麵面質偏硬，有咬口及彈牙。津白肉絲炒年糕朋友是「煙韌控」，對年糕依種食物完全沒有抵抗力。有嚼勁而且不黏牙配搭香濃醬汁，贊😊

得閒食吓上海菜，令我即刻諗起夏麵館，同屋企人嚟到呢度，環境幽雅，坐落舒服，最緊要嘅係冷氣夠晒凍啊。呢一個拌麵，真係越食越覺好味，首先味道已經夠晒正宗，而且又香，啲面十分之滑，又有彈性，真係食到停唔到口令人回味啊。食上海野，又邊少得食返個松子魚，松子魚夠晒大條，炸到好脆身，最重要嘅係佢個汁恰到好處，酸酸甜甜十分之開胃，裏面嘅魚肉夠晒鮮味，而且骨又都唔多，真係啱晒我呢種唔鍾意食骨嘅人啦。上海鍋貼，份量少少哋，但係一人一隻，都已經夠晒啦，煎到脆卜卜，裏面好多肉，食上海野邊少得佢啊。而且仲可以每人加$20 ，有甜品放題，品種選擇好多，唔少得嘅就梗係我最鍾意食嘅湯圓啦，我哋仲叫咗南瓜餅，作為飯後甜品真係一流架。

朋友約食飯，夏麵館，荃灣分店，開在沙咀道寶石大廈地下，就腳方便。是晚餐廳做緊人均消費滿120蚊就可以享用20蚊的甜品放題！平時單買一款都唔只20蚊，實在太抵食了！甜品放題：香煎南瓜餅，擂沙湯圓，貓山王榴槤高力，桂花拉糕，薑茶湯丸，夏味薰蛋，豆沙鍋餅，高力豆沙，酒釀丸子，一共九款！首先我地點左個排骨擔擔麵（走辣），麻醬湯底味道濃厚，酸菜同花生碎香味十足。懷山麵口感特別爽，幼身Q彈，很有質感。排骨一大塊，金黃酥脆，肉質不錯。小食拼盤很豐富，可以揀五款小食自由拼搭，我地揀左素鴨，糖醋小排，雞絲粉皮，蒜炒四季豆，烤芙，賣相好吸引，食材新鮮，抵食！任食的甜品小食，質素極高，薰蛋糖心極誘惑。榴槤高力沙，貓山王隻味好濃郁。豆沙窩餅爆陷，紅豆沙逼出來，甜而不膩。薑湯湯圓薑糖暖胃，配上四粒黑芝麻湯圓好窩心。

今天與友人來到了位於荃灣的夏麵館，餐廳吃的是上海菜，環境光猛舒適。我們點了可自選菜式的涼菜五小碟，包括有雞絲粉皮、鎮江水晶肉、虎皮素鵝、海蜇和糖醋小排。雞絲粉皮醬料十足，水晶肉晶瑩，糖醋小排軟稔亦十分入味，抵讚。另外我們還點了火腿津白、嫩雞煨麵和鮮肉小籠包。餐廳的菜式全部都上菜速度快，份量十足，味道很不錯又十分抵食。今次來夏麵館另一原因是因為餐廳近日的甜品任食優惠，只要一人惠顧滿$120就可以加$20任食指定甜品。我和友人都是甜品控，當然不會錯過。我們點了酒釀丸子、高力豆沙、豆沙鍋餅和擂沙湯丸。值得一提的是我和友人都極力推薦的夏味燻蛋，燻蛋中間流心，充滿蛋香和煙燻香，而且是包括在任食甜品的優惠之中，非常抵吃。

突然想食上海野，諗起夏麵館一向多分店，去開荃灣可以食我最愛嘅水煮牛肉，牛肉好多片又唔靭，底層仲有薯粉同爽口芽菜，辣度好適中，驚訝見到擔擔麵，唔單止個碗大，竟然連麵嘅份量都Double, 原本叫咗兩籠小籠包，都怕食唔哂，點住一籠先。小籠包好好食，皮薄又多汁👍🏻醉雞有香濃酒香味，雞肉好滑，好味到連皮都食埋😋最驚喜係原來荃灣同葵芳店做緊優惠，+$20就可以任點任食9款甜品，單係食甜品都回哂本。特別一提，好似我咁鍾意食榴槤嘅一定要點"貓山王榴槤高力" 本身高力豆沙用蛋白做成，已經好好食，第一次食榴槤肉的高力，好新鮮又好配襯，必食推介👍🏻👍🏻👍🏻

早排網上見到夏麵館搞任食甜品，所以遠d都唔放過。入面冷氣夠、地方寬敞。酸辣麵夠濃，份量夠，抵食花雕醉雞夠滑夠入味，推薦海蜇爽口，入口比賣相淡味，不過不失南瓜餅口感煙銀，驚喜夏味燻蛋應該落左美極，配合流心蛋黃，一流其他不過不失，但星期五9pm已經無哂桂花拉糕榴連高力，有d失望，不過整體黎講值得一試

專門來夏麵館食麵，為既就系佢獨有的懷山麵，曾經在其他分店食過，真是令人回味無窮。上海菜很正宗，款款都好想試，驚喜發現佢地近期推出左甜品放題，人頭計只需加20蚊，就可以任食九款甜品，包括薰蛋，貓山王榴槤高力，真系好抵吖！排骨擔擔麵，麵碗相當大，好有氣勢，一大份排骨，外酥內嫩，不錯的組合，相當滿足。我地加錢轉懷山麵，好特別的口感，比較幼身，但更爽更有彈性，據說營養價值更高。想食上海小食，但又三心兩意，唔洗驚，小食拼盤幫到你，五款自選小食很豐富。素鴨好脆爽，食材新鮮。我地加左甜品放題，質素相當高。抵到一個點！另外值得一提的是，侍應態度很友善，親切又主動！

由於另一半為左身體健康啲，正努力減肥，我地如常每日外出用餐，都唔敢太豐富，約朋友食飯就例外啦，哈哈。週四晚上黎到荃灣，友人選定夏麵館，我地都冇乜所謂，反正唔係經常食上海菜呢間分店面積都幾大，晚飯時間近乎滿座，我都係離開前先影到相。座位間夠闊落。餐牌選擇頗多，由前菜、湯羹、點心、小菜、飯麵、甜品等有齊，價格合理，亦都有啲套餐供應。而比較特別係，荃灣同葵涌分店仲有【甜品任食】優惠，只需要每位加$20就可以享用9款甜品，全部任食，包括：南瓜餅、擂沙湯丸、榴槤高力、桂花拉糕、薑茶湯丸、夏味燻蛋、豆沙鍋餅、高力豆沙同酒釀丸子。水煮牛肉 $102水煮牛肉份量十分大，三個人食都夠，始終唔係川菜館，都唔會太高期望，不過食落都可以嘅。如果唔係太食到辣要注意，呢度算做得幾重手，辣度頗高的，下飯一流。牛肉頗鬆，冇乜脂肪，亦都唔會韌，基本上入哂味裡面有唔少芽菜。比較驚訝，原來墊底有咁多粉條，晶瑩入味，以呢個價錢收貨啦。酥炸雞排麵 $55麵食價錢都唔貴，點左雞排，酥炸唔會油膩，只係略嫌未夠香脆。麵底份量不少。湯頭清淡，好適合另一半口味。濃湯滑津白 $55甜品方面我地點左好多款，平時單點都幾十蚊份，所以如果想試多

與同事午餐，之前都吃過，上次侍應提醒我們預約訂枱會有醉雞及甜品送，所以今次訂枱再來！證明回頭率很高！上次有經驗知道夏麵館都是大大碗的，所以我們4人share 3個餐，今次都夠飽🤣🤣午餐set有點心有飲品，又大大碗，所以是夠我們（4個都是女生）吃。醉雞 是滿六人訂枱送的嗅起來很重酒味，吃起來很嫩滑，十分好吃甜品口感煙韌也不錯午餐set的點心 選了小籠包 但皮有點厚酸辣湯雲吞麵 推介辣得來十分惹味 湯底杰身 有一些配料 口感十足 還有雲吞配麵一起吃 吸了湯底的麵 又飽又滋味回鍋肉粗炒 整體很夠味 回鍋肉薄切更入味而且配餸算是很多麻醬拌麵 雖然沒有什麼配料 但味道也不錯午餐而言很豐富，價錢公道又大大碗，絕對會再回頭！

第一次到荃灣夏麵館食下午茶，份量抵食大份，本來好滿意，誰知臨走去廁所時發生非常離譜的事，店內沒有洗手間，需要拿鎖匙走出後面停車場才有，路有點遠，店員亦有細心指示，誰知去完洗手間，見到該店廚房師父沒有洗手就離開！本人難以接受亦非常憤怒！處理食物的廚師竟然去完廁所沒洗手！一定不會再光顧。

今天與同事收工後便到附近食晚飯，經過見到夏麵館才醒起很久沒有光顧了，便一行四人進去了。四個人點了八樣餸，先來是前菜，燻蛋還有茄子。燻蛋是溏心蛋，入口微微滷水味，蛋漿在口中爆發，真係好好食，好想encore! 茄子也很入味，但吃到底時就比較鹹，送飯一流！點了其他食物，有糖醋魚塊、沙鍋雞、酸辣湯麵等，所有東西都很好味，特別是魚塊，炸得外脆內軟，加埋糖醋汁真係很開胃！但炒雞丁真是偏鹹了。但以整體來說，價錢和食物是都成正價比的，下次還會來的！