影片
更多
2019-08-09
748 瀏覽
由於另一半為左身體健康啲，正努力減肥，我地如常每日外出用餐，都唔敢太豐富，約朋友食飯就例外啦，哈哈。週四晚上黎到荃灣，友人選定夏麵館，我地都冇乜所謂，反正唔係經常食上海菜呢間分店面積都幾大，晚飯時間近乎滿座，我都係離開前先影到相。座位間夠闊落。餐牌選擇頗多，由前菜、湯羹、點心、小菜、飯麵、甜品等有齊，價格合理，亦都有啲套餐供應。而比較特別係，荃灣同葵涌分店仲有【甜品任食】優惠，只需要每位加$20就可以享用9款甜品，全部任食，包括：南瓜餅、擂沙湯丸、榴槤高力、桂花拉糕、薑茶湯丸、夏味燻蛋、豆沙鍋餅、高力豆沙同酒釀丸子。水煮牛肉 $102水煮牛肉份量十分大，三個人食都夠，始終唔係川菜館，都唔會太高期望，不過食落都可以嘅。如果唔係太食到辣要注意，呢度算做得幾重手，辣度頗高的，下飯一流。牛肉頗鬆，冇乜脂肪，亦都唔會韌，基本上入哂味裡面有唔少芽菜。比較驚訝，原來墊底有咁多粉條，晶瑩入味，以呢個價錢收貨啦。酥炸雞排麵 $55麵食價錢都唔貴，點左雞排，酥炸唔會油膩，只係略嫌未夠香脆。麵底份量不少。湯頭清淡，好適合另一半口味。濃湯滑津白 $55甜品方面我地點左好多款，平時單點都幾十蚊份，所以如果想試多
呢間分店面積都幾大，晚飯時間近乎滿座，我都係離開前先影到相。
座位間夠闊落。
餐牌選擇頗多，由前菜、湯羹、點心、小菜、飯麵、甜品等有齊，價格合理，亦都有啲套餐供應。
而比較特別係，荃灣同葵涌分店仲有【甜品任食】優惠，只需要每位加$20就可以享用9款甜品，全部任食，包括：南瓜餅、擂沙湯丸、榴槤高力、桂花拉糕、薑茶湯丸、夏味燻蛋、豆沙鍋餅、高力豆沙同酒釀丸子。
水煮牛肉 $102水煮牛肉份量十分大，三個人食都夠，始終唔係川菜館，都唔會太高期望，不過食落都可以嘅。如果唔係太食到辣要注意，呢度算做得幾重手，辣度頗高的，下飯一流。
牛肉頗鬆，冇乜脂肪，亦都唔會韌，基本上入哂味
裡面有唔少芽菜。
比較驚訝，原來墊底有咁多粉條，晶瑩入味，以呢個價錢收貨啦。
酥炸雞排麵 $55麵食價錢都唔貴，點左雞排，酥炸唔會油膩，只係略嫌未夠香脆。麵底份量不少。湯頭清淡，好適合另一半口味。
濃湯滑津白 $55
甜品方面我地點左好多款，平時單點都幾十蚊份，所以如果想試多幾款都抵。先講啲我地覺得可以一試嘅，包括有夏味燻蛋，幾入味呢
薑茶湯丸唔會太甜，而且熱辣辣，好暖胃，最重要係湯丸細細粒，餡料流沙，芝麻不過甜
擂沙湯丸外層煙韌，裡頭爆餡，味道都唔錯。
鐘意食榴槤嘅朋友，高力貓山王榴槤都可試，另一半冇乜幾可食，榴槤味都濃郁呢。
桂花拉糕非常黏身，一件起兩件止。
豆沙鍋餅分半份、一份，細心唔浪費。外層唔夠脆，幸好紅豆不過甜。
酒釀丸子好大碗，桂花清香，丸子煙韌，不過有點太稠身。
我地就唔係點左好多野，連同每位甜品放題、茶錢加一，人均都係百五蚊，算幾實惠
張貼
