喜滿樓菜館

營業中

休息中

喜滿樓喺一間主打傳統粵菜及創意菜式嘅餐廳🥢小炒全部即叫即整，非常有鑊氣，家人最鍾意食中菜，帶埋佢地去食抵食道地晚餐～🥰去到坐滿晒人，好彩有訂位，眼見大部份人都叫咗「喜滿樓超筍懷舊宴」，好抵食❗️每人$198有7個餸每人$248有7餸連燉湯特別鍾意嘅菜式：🔸龍王杏汁燉白肺湯相當足料嘅燉湯❗️湯底有大量的豬肺、瘦肉、雞腳、菜熬製而成🤩，加入杏汁口感幼滑香濃，平時少自己落手燉湯嘅我，即刻飲咗幾碗嚟滋潤補身，養生靚湯👍🏻🔸鎮店芝麻雞鎮店菜式當然要試❗️雞皮上鋪滿了芝麻，雞皮非常香脆帶芝麻香，雞肉仍然保持鮮嫩多汁，點埋芝麻醬更滋味🐔🔸黑松露蝦多士蝦多士厚身飽滿，炸到金黃外脆，一口咬落去口感豐富，除咗有彈牙嘅蝦膠，仲有一隻大蝦🦐，配上惹味嘅黑松露係絕配嘅組合🌟🔸西蘭花炒龍躉西蘭花炒龍躉夠晒鑊氣，龍躉大件厚肉🐟，厚肉得嚟唔會鞋口，而且控制火候啱啱好，保持鮮嫩軟滑😋🔸翠塘豆腐懷舊菜式翠塘豆腐，最底層滑溜如豆腐花嘅水蛋🥚，上面鋪滿大蝦、豆腐、魷魚、菜芯莖，清淡得嚟保留食物嘅原汁原味～健康之選🥗🥬仲有🔸鹹魚煎肉餅🔸金絲銀柳🔸家鄉糯米糍- 隨機口味，有花生、紅豆🫘、黑芝麻，最愛花生🥜，超級香嘅花生味📍喜滿樓菜館

有好多香港食評家都大讚喜滿樓嘅懷舊中菜，所以呢晚Zaza慕名而來，試一試佢嘅懷舊宴爵士燉湯由日本蜜瓜🍈、金華火腿🐷、螺頭、雞腳、豬𦟌等燉煮嘅爵士湯，唔止足料，仲火候十足，經過長時間燉煮，食材鮮甜味完全釋放，清甜滋潤鎮店芝麻雞芝麻雞即叫即炸，熱辣辣上枱‼️金黃芝麻均勻佈滿雞皮上，遠遠都聞到芝麻香；肉質非常嫩滑，完全唔鞋口🐤松露蝦多士漲卜卜嘅蝦多士🦐表層烤得金黃酥脆，內層蝦肉紮實彈牙，有原隻大蝦，口感層次豐富，黑松露有畫龍點睛嘅效果🫔翠塘豆腐蒸蛋上面，有滑嘟嘟嘅豆腐同雜錦海鮮🐙🐠🦐，對比其他餸嚟講比較清淡，可以清一清喉嚨蓮藕煎肉餅由於肉餅加入蓮藕丁，口感更為豐富；外皮蕉香，但內裏保留湯汁🫶🏻農家臘味炒飯每粒飯粒都沾上臘味顏色，炒得乾身，而且滿滿臘味香，加上甜甜嘅菜心片🥬，滿滿口感家鄉糯米糍糯米糍一啲都唔膩，餡料有紅豆🫘同花生🥜，兩種餡料都甜度適中「喜滿樓超筍懷舊宴」每位 198元(不包燉湯) / 248元(包燉湯)四位起，星期一至四適用，假期除外訂座及預訂此套餐 2333 1448

踏進土瓜灣「喜滿樓菜館」，裝潢樸素、簡單，多款懷舊手工菜，讓人可重溫那份傳統的味道。😋是日選擇：1️⃣鎮店的芝麻雞(半隻)🍽️適合四人至七人分享，雞肉外酥內嫩，令平日不吃雞皮的，都會忍不住吃多兩口。2️⃣黑松露蝦多士，🍽️散發陣陣黑松露香氣，外層香脆，蝦肉彈牙，很香口呢！3️⃣西蘭花炒龍躉🍽️大件的龍躉，翠綠的西蘭花，清淡之選。4️⃣家鄉蓮藕肉餅🍽️蓮藕混入在肉餅裡，令肉餅食落多了爽口感。5️⃣翠塘豆腐🍽️表面是滿滿材料，底部是滑滑的蛋，一次過品嚐多種味道。6️⃣金絲銀柳🍽️多款海鮮作配料，而粉絲吸收了海鮮及醬油的醇厚，令平凡的粉絲變得不平凡。7️⃣家鄉糯米糍🍽️軟糯甜蜜，還有兩款口味，令整餐很滿足。這套餐每人只需港幣198元（不包燉湯），或港幣248元（包燉湯），適合四人或以上的朋友享用。星期一至四供應（假期除外），緊記要提前訂座。

試咗喜滿樓懷舊宴嘅幾道小菜，性價比極高。首先講爵士燉湯，火候夠，材料足，好啱依家天氣。百花釀鮑魚係鮑魚𥚃面釀入彈牙蝦滑，口感非常。跟住試鎮店芝麻雞，雞肉嫩到爆，芝麻香好濃，咬落仲嫩滑。黑松露蝦多士都好有驚喜，黑松露味勁出，蝦多士外脆內軟，口感層次豐富。西蘭花炒龍躉都唔錯，龍躉夠新鮮。最後食甜品家鄉糯米糍，軟糯香甜，甜度啱啱好。整個套餐抵食夾大件，傳統風味好正宗，約埋朋友一齊食，下次仲想試埋其他餸！

琴晚同成家陪阿媽去喜滿樓賀壽，呢間老字號果然冇失水準。頭盤芝麻雞拼風沙雞勁有驚喜。芝麻雞皮脆肉嫩，啲芝麻香到癲；風沙雞嘅蒜酥炸到金黃，咬落索索聲，佐酒佳品。油泡筍殼魚夠晒架勢，條魚成隻手臂咁長，外皮炸到透薄，雪白魚肉嫩到好似豆腐，阿媽直豎拇指話好味。最過癮係懷舊錦鹵雲吞，啲炸雲吞大過乒乓波，蘸埋酸甜汁仲有叉燒粒。蜜椒脆鱔球咬落香口，蜜糖甜同黑胡椒辣撞到正，連平時唔食鱔嘅細妹都搶食。壓軸招牌欖角骨香到離枱三米都聞到，排骨鬆化仲帶欖角鹹香。埋單人均二百幾，但睇住阿媽笑到見牙唔見眼，不枉此行。

去土瓜灣喜滿樓試咗幾味，整體都滿意。芝麻雞即叫即炸，熱辣辣上枱！層皮脆到好似食薯片，啲芝麻多到瀉，香口到呢...送啤酒一流呀。梅子鴨係阿媽至愛，鴨肉燜得夠冧，啲梅子醬酸咪咪又帶少少甜，完全冇鴨臊味，最正係墊底嘅芋頭。懷舊菜古法焗魚腸，魚腸洗得超乾淨，冇腥味㗎，焗出嚟好似燉蛋咁滑，入面仲有脆脆哋嘅油條粒，可以加啲胡椒粉食。新菜都唔輸蝕，冬瓜蒸肉餅夏天食啱晒，冬瓜片又厚又清甜，中間嘅手剁肉餅仲有咬口，肉汁滲落冬瓜度。千絲蝦球賣相贏晒，大大粒蝦球俾金絲雀巢咁嘅脆絲包住，外脆內彈牙，點少少沙律醬，香口唔油膩。

今次喺喜滿樓嘅用餐體驗可以話係令人極之失望🤬🤬夜晚去食，點咗三個餸，但足足等咗20分鐘先上第一款，第二個都要再等多5分鐘，最誇張係第三個，等到成碗白飯食完都未有，講緊係第二個餸過咗15分鐘之後都仲未有。期間問咗店員進度，佢好唔耐煩咁答一句「整緊」，完全冇打算去查證，連廚房都冇入過。語氣唔耐煩又冇禮貌，好似我哋問多幾句就係滋擾。再問收銀員，佢擺出一副不屑樣，同樣答一句「等等啦，餸係順住做」，語氣冷淡，好似我哋催單係做錯晒。整體感覺就係冇人真心想幫你解決問題，只係想搵機會敷衍你走。隔籬枱遲過我哋落單都已經有兩三個餸上枱，對比之下更加顯得問題唔係流程，而係佢哋根本冇認真處理我嘅單。餐廳唔止要食物質素好，服務態度更加重要。一間好餐廳係要令客人願意再返嚟，而唔係令大家食完只想走。揀餐廳嚟食之前，睇食評好重要，睇負評更加重要。一句講晒不可一不可再‼️

超水準欖角骨：想不到以親民價錢便吃到水準很高的這道菜。最喜歡到不同中菜館點這道菜，因為很考功夫之餘又好吃，在家很難吃得到。欖角味很香濃，不會過嗆，而是酸酸甜甜的，很開胃，像小菜小館的專業味道，味道非常細膩，肉質有光澤，賣相又精緻。吃起來啖啖肉之餘骨位的肉特別的嫩，所以用一字骨是明智之選，大愛。這個醬汁也用了很多欖角，拌飯一流，單吶也不過咸，濃淡得宜，想不到不用去酒樓都吃到如此高難度兼好吃的菜色，令人喜出望外。

今次同幾位食家於土瓜灣喜滿樓菜館吃飯，體驗極佳！招牌豉汁蟠蠬蒸鱔，鱔肉鮮嫩彈牙，豉汁香濃醇厚，完美滲入鱔肉紋理，每一口都滋味十足。杏汁白肺燉湯清潤香甜，杏汁濃郁，豬肺處理得毫無異味，入口軟糯，暖心又暖胃。蜜椒脆鱔球更別出心裁，外層酥脆，鱔肉鮮滑，搭配香蕉的香甜，口感層次豐富。芝麻雞表皮焦香，芝麻香氣撲鼻，雞肉嫩滑多汁，沾些芝麻醬更有另一番風味。蝦多士更是經典，蝦膠彈牙，多士底炸得金黃酥脆，鹹香可口。每道菜都展現出大師級廚藝，服務細心周到，絕對值得再訪！

上菜安排極有問題。一坐低就點菜，點完菜不停等，等左半個鐘一杯水都冇。好多人，坐位好迫，周圍好嘈。於是叫嘢飲，汽水好快送上來，我地三人繼續等，到我的家人都到埋，都未有得食。佢先到問起得未，吓，我地從來冇叫等齊喎。再等左10分鐘仲未黎，追佢，店員話「我地係要等齊先起架，你冇話起得。」我點完菜，你有冇問我起得定等齊呀？我第一次黎鬼知你D古怪規距，其他店叫完就入單喇，你一直不入單咁奇。終於由坐低即叫菜等左一個鐘先有得食。四個人食左$1300幾( 龍蝦伊麵 芝麻雞 焗魚腸 蝦多士)，但又唔係好好食，冇嘜驚喜，冇下次。

🥢發現左一間超地道嘅香港餐館，呢度九成係本地街坊👴👵仲堅守 「少油！少鹽！少味精！」 三大宗旨～ 食得健康又安心😋【芝麻雞🐔】成碟鋪滿✨金黃芝麻✨，雞皮脆到「咔嚓」聲🔊！重點係完全唔鞋口～秘製芝麻沙律醬兜頭淋落去，鹽焗底味滲透每絲肉鹹香×堅果香×微甜三重暴擊！仲要份量十足，半隻雞夠曬3-4人搶食啊🤤【豉汁排骨蒸陳村粉🍜】「排骨仲多過粉」簡直太唔尊重陳村粉喇🤣舊舊排骨🐖肥瘦勻稱，豉汁香濃到犯規，排骨醃到連骨頭都入味👏陳村粉薄滑掛汁，撈勻醬汁係精髓～ 豉汁鹹鮮帶微甜，忍唔住攞碗白飯撈汁🍚直接清盤冇難度【蜜椒脆鱔球🐟】白鱔去骨處理得超細心食落完全冇骨，啖啖肉超滿足！鱔球外層炸到脆卜卜搭配埋香甜嘅蜜椒醬，蜜糖甜 + 胡椒辛香雙重夾擊，惹味到停唔到口😆💡Tips✅ 晚市爆場！ 訂枱穩陣☎️

久聞土瓜灣喜滿樓菜館名聲，終於前來品嚐，每道菜都令人印象深刻。芝麻雞上桌，香氣便撲鼻而來。雞皮金黃酥脆，裹滿粒粒焦香芝麻，雞肉鮮嫩多汁，甜鹹調味恰到好處，回味悠長。爵士燉湯更是精華，湯頭濃郁醇厚，經過長時間熬煮，食材鮮味完全釋放，入口溫潤順滑，暖胃又暖心。蝦多士外層麵包烤得金黃酥脆，內層蝦肉紮實彈牙，鹹香滋味令人欲罷不能。蓮藕煎肉餅口感豐富，爽脆蓮藕丁與鮮香肉餅完美融合，外皮煎得焦香，內裡軟嫩多汁。喜滿樓憑藉出色的菜品與細緻服務，絕對值得再次光顧！

今年母親節去咗土瓜灣一間排長龍嘅懷舊粵菜館，好彩早兩星期訂咗枱。全圍枱12人叫咗10個餸菜，加一個爵士燉湯。特別推介招牌芝麻雞皮脆肉嫩，手工菜之最，嫩滑雞肉搭上芝麻香脆雞皮。懷舊蝦多士蝦膠彈牙鮮味十足，麵包炸得鬆化唔油膩，傳統做法簡單卻考功夫。家鄉梅菜扣肉，腩肉腍到入口即化，梅菜甜香唔會死鹹，撈飯真係冇得輸。翠塘豆腐，滑嘟嘟豆腐浸住魚湯鮮甜到漏，清淡得來層次豐富。埋單唔使4000元，阿媽食得高興，性價比極高。

上網見唔少人推介打算母親節去試下，所以早幾日打電話訂了18:30。點知餐廳第二日打電話通知一係18:15還枱，一係19:45先有枱。擺明將我哋訂的枱比咗其他客。我哋問點解早一日應承有位，依家又比咗將枱人，餐廳就話冇辦法。我哋再問咁早少少19:30得唔得，佢仲要話咁你嚟到等下啦，態度令人費解。呢種對待客人嘅態度就算食物幾好食都唔會幫襯。睇咗其他人嘅食評見唔止我哋遇到呢個情況，望想去食嘅你哋真係認真考慮清楚。

📢最近去連續去過兩次「#喜滿樓菜館 」，都係喜慶同團年嘅飯局，每款招牌菜夠晒大碟同誠意，果然係老店，自然吸引好多老饕支持，最緊要食得開心又滿足☺️.———————————————————————————.⚜️松露蝦多士🦐🍞💬漲卜卜嘅蝦多士，啖啖有口感，加埋松露香味，食唔停口☺️.⚜️鴛鴦雞🐔💬一半係風沙雞，另一半係芝麻雞，兩邊都一樣咁香口，皮脆肉嫩，非常滋味，記得要預訂☺️.⚜️上湯大蝦煎米粉🦐💬大大隻嘅大蝦，用上湯煮到入晒味，下面用煎米粉墊底，索晒啲湯汁，十分美味又好食😋.⚜️古法炆龍躉球🐟💬龍躉肉好爽滑、加入腐竹、燒肉、冬菇、豆腐等等炆煮，豐富非常，夠晒火喉☺️.⚜️膏蟹蒸肉餅🦀💬超級多膏嘅大肉蟹，加上吸晒蟹肉汁嘅肉餅，保持鮮味又無浪費，實在不錯🧧.⚜️懷舊爵士湯🍈💬日本蜜瓜🍈、金華火腿、螺頭、雞腳、豬𦟌，燉煮嘅爵士湯，清甜滋潤，多謝鄧肇堅爵士嘅心意，十分滿足😌