喜滿樓菜館

營業中

休息中

來土瓜灣喜滿樓菜館特意來吃芝麻雞丶蝦多士和古法焗魚腸，這些懷舊特色菜都快要消失了。除了芝麻雞還有梅子荔芋鴨也很出名。我們四個人叫了半隻芝麻雞，沾滿芝麻的香脆皮，雞肉也嫩滑，不沾醬也入味，還配一碟胡麻醬，沾醬吃又是另一種味道。另外叫了一份蜜椒腰果薯仔牛粒。不得不說這道菜是我吃過最好的。再叫多一個豉椒炒花甲煎米粉底，個米底煎得薄丶脆卜卜，沾上豉椒汁非常惹味。最後叫咗蝦多士、焗魚腸和雞油炒豆苗，雞油香適中，唔太油。這菜館碟碟超足料大份，四個人六個菜剛剛好。下次要去試下他們的排骨陳村粉和蜜椒脆鱔球。

📍#土瓜灣 #喜滿樓#羊羊在土瓜灣#羊羊在九龍土瓜灣都算舊區，有好多有特色嘅小店，今次呢間係食懷舊菜😄懷舊菜即係香港特有菜式，大部分都好花功夫，所以好多舖都唔做🥲今次難得食到，當然要推介俾大家😆老闆仲好好人，時不時問有冇咩需要，又介紹有咩好食🐑趁有機會好食啦，一齊感受下香港特有菜式同人情味🥰👑🐓#芝麻雞 (半隻)必須推介呢個，真係心機菜，很少餐廳供應🥹雞皮上要黏滿芝麻並不容易，仲要經過油炸嘅洗禮仲係到，超勁😳加上芝麻令雞的香味更上一層樓，另外仲增加口感，脆脆嘅雞皮配埋一粒粒嘅芝麻，好特別🤭雞肉炸完仲要保持嫩滑，仲好過出面炸雞舖👍🏻咁複雜都整到咁好食，食到好感動🥲🦐黑松露蝦多士呢到同出面唔同在於唔係用蝦滑，係將蝦仁切碎再打成膠🍤所以係食到粒粒蝦肉，中間仲包咗一大粒蝦，真係真材實料😍🍍鮮菠蘿咕嚕肉這家也是推薦的，做到一直追求的外脆內軟效果😎肉都好實在，勁大塊，沾滿酸酸甜甜嘅醬再拌飯一流👍🏻另外特別之處在於用新鮮菠蘿，超甜又多汁💦同埋食到好有鑊氣，計啲青椒都好正🫑🦑椒鹽魷魚非常惹味，外皮輕薄香脆，內裡魷魚鮮爽😋最重要落咗好多好多炸蒜，食落超級香😤總價錢－別人請客，不知道🤪(有影餐牌，可參考評

四川菜，韓國菜和日本菜都聽得多，究竟香港菜會有些甚麼？原來要吃香港地道風味的菜可以叫懷舊菜，真的是長知識，怕逐漸會消失吃不到，趁這機會來一探究竟。菜式都是即叫即做，有些還是手工製作，很用心的小店。店裏招牌是芝麻雞但我們喜歡蒜就叫了蒜香風沙雞，雞肉的皮又薄又脆，不油膩，裏便的肉又大又嫩滑，啖啖肉，半隻也很大很夠份量。叫了一份印象中好像又吃過類似的但我朋友都還未吃過的錦鹵雲吞，很懷舊的一道菜，是醬汁配炸雲吞。醬汁的味道有點像咕嚕肉酸酸甜甜的，裏面的料頗豐富，有大蝦，魷魚，豬潤和菠蘿等等。蝦肉魷魚彈牙，沒有那種霉掉的感覺，雲吞相當脆口，包裹墨魚滑，全是手工。菜心上湯魚腐裏面魚腐樣子像豆卜，口感介乎於豆卜和羅定魚腐，有點彈性，又有點糯。菜心很大一棵，不會硬，配上上湯清清淡淡配飯一流。把兩樣我喜歡的菜加起來的花甲蒸水蛋就是雙重享受。水蛋滑溜，花甲裏也沒有沙，也是一道配飯神菜。風沙蒜香骨炒很香，吃下去有去大排檔鑊氣的風味，而且相當厚肉，不會一整條大骨只有少少肉。這一類菜館越見越少，不管本地人或外地人，想體驗香港懷舊菜這家就不能錯過了。

媽媽生日諗住一試懷舊小菜，前一日係open rice book左7:00，第日佢打電話黎確認預約時 我已好有禮貌表示想改7:30，佢一句彈埋黎：仲好呀 你太早過到黎都冇位比你…..心諗咩料？有得預約7:00，但原來去到會冇位….去到已經大大聲指示我哋坐低，仲要語氣極差指責埋我小朋友簡位坐，黑口黑面！真心比錢買難受！其實佢哋價錢已經比一般中菜餐廳貴，小菜仲要係普通貨色，咁既價錢出面大把選擇！今次第一次亦都係最後一次！

前日去吃了一家係土瓜灣經常要排隊的港式懷舊菜館。第一樣叫了蒜香風沙雞，金黃脆口的雞皮和鮮嫩多汁的雞肉鋪滿蒜蓉酥，愛這口蒜香的千萬不要錯過！其實這家店最出名的招牌菜還是芝麻雞，可惜我們那天去的時候已經憂賣完。蜜椒脆鱔球，去骨的鱔魚酥酥脆脆，有淡淡的黑胡椒味，連小朋友都很愛吃。招牌欖角骨也是朋友很喜歡的一道菜，蜜汁包裹住鹹鹹香香的排骨，米飯都吃多了幾口！我們本來還想點另一道招牌菜黑松露蝦多士，結果也賣完。老板說因為他們的蝦多士是純手打的，每天有限量，下次再來一定要提前預定。這𥚃推行少鹽少油少味精，很適合帶小朋友來吃飯，而且店員和老板的態度都很好。

上星期再去喜滿樓食晚飯，被少鹽少油吸引，叫了三個好味菜式：芝麻雞每桌必點！酥脆的外皮上鋪了滿滿的芝麻，一上桌就聞到了香味，超級無敵香！雞肉也不柴，很嫩入味，一口咬下去外酥里嫩，配上芝麻醬又是另一種風味，口感很豐富。雞肉是鹽焗風味。椒鹽鮮魷一口咬下去好脆，外皮超級酥脆，是那種老式炸物的味道，魷魚的口感也非常的新鮮，怕膩可以沾上配的喼汁，食落更好味。豉汁排骨蒸陳村粉係意外驚喜的一道菜！我認為係全場最佳，份量足夠，排骨是豉汁風味。陳村粉是最絕的，超級入味，軟糯的口感得到了我和朋友一致好評，吃到最後一直在找還有沒有陳村粉的殘骸。

2023年9月16日晚上，一家去了喜滿樓菜館， 評論該店舖服務態度極差,覺得有冇生意都得咁。上菜也要等二十分鐘以上，到上菜時，$98嘅黑椒牛柳粒只係得七粒牛柳特別細, 仲係普通牛肉,薯仔粒有13粒特別大,薯仔仔多過牛肉，所謂芝麻雞半隻$200,味道冇特別$400 一隻冰鮮雞,問老闆時老闆說該小菜確是它小粒的，態度極差，以後不會再去!本來想一家人開開心心吃一頓飯，誰不知一家掃興而返，勸大家勿去！切勿中伏！

之前爬完山就跟朋友去了這家餐廳，前一天晚上預訂的，兩個人也吃不了多少，有小份的就很不錯，涼瓜炒雞蛋的涼瓜不太入味，但是菠蘿咕咾肉酸酸甜甜很爽口，然後呢這家店服務也不錯。

上星期同朋友試下喜滿樓嘅芝麻雞同蜜椒鱔球。因為得四個人，點了4個招牌菜已夠哂飽。芝麻雞: 皮脆肉嫩，芝麻夠香零舍不同，雖然唔係新鮮雞，手工心機搭夠。招牌欖角骨: 熱辣辣十分香脆可口，欖角份量適中，金沙骨有嚼勁。喜滿小炒王：好多配料有蝦干、魷魚鬚、腰果丶韭菜花，混合一切多種口感，最緊要夠鑊氣，炒很乾身。蜜椒鱔球: 很美觀的一道菜，蜜椒味甜辣適中，色香味齊全，鱔沒有泥味起哂骨，有心思! 環境幹凈舒服，沒有加一小費，沒有開瓶費、切餅費，非一般菜館，最重要呢度實行少鹽少油，食得健康。

老媽子六十大壽，揀土瓜灣喜滿樓因為老媽子鍾意食呢度嘅懷舊菜尤其係芝麻雞同古法焗魚腸，食豪啲更係要有龍蝦。我哋10個人，海鮮叫了豉椒炒聖子煎米粉底同上湯開邊龍蝦，睇下啲相片就流哂口水，夠哂派場。另外叫芝麻雞，外皮夠脆唔油膩，肉質嫩滑唔膩口。椒鹽鮮魷係我呢餐最鍾意嘅，外脆內軟，魷鮮四散脆得唔油。值得一提係蝦多士，蝦滑鮮甜仲夾有原隻蝦，多士香脆，有回感。我哋個個都滿意，每都菜都好食，最緊要老媽子食得高興！

星期三晚八点6一行10人（6 位綠悠咭長，3位美少女1個年青男）点睇都唔似大胃皇。首輪点菜己同個位伙記哥哥講明唔需要加大（佢可能係老細掛）点知佢全數超额同我哋加晒碼，我地肯定食晤晒。結果埋單$2440叫左10個餸1 甜品，一支啤酒3汽水。 講噃食物；際左两味雞，蒸鳝都一般水準。小炒又欠鑊氣，煲仔鳝又無火喉，咭噜肉大大碟用晒肥豬肉。正體講其餘菜式都係二餸飯水平。平均$240位：腦細下我地点會帮襯呀

喜滿樓係我每次嚟到土瓜灣都一定會食嘅餐廳，呢間算係我食過咁多間中菜最好食嘅小菜，加上喺土瓜灣，呢啲咁有質素嘅餐廳唔係咁多。要我推薦最好食嘅一定係芝麻雞，啲芝麻痴晒落啲雞皮上面，令到成隻雞都有好香嘅芝麻味，同埋佢隻雞整得好滑好嫩。另外，我想推薦佢嘅係欖角骨，呢個欖角骨係我食過最好食嘅，佢嘅肉質肥瘦適中，仲要煮得非常入味😋另外佢嘅小炒王一啲都唔hea，好多材料同炒得好香好好食，我尤其是鍾意食佢入面嘅腰果😄咁嘅價錢食到咁嘅質素嘅小菜絕對係超值💯

原隻菠蘿咕嚕肉:呢個原隻菠蘿咕嚕肉實在好出色！首先睇落去，個菠蘿已經係整個完整個隻，唔係用罐頭嘅，色澤鮮豔，好吸引眼球。而個肉係脆口多汁，每啖都有淡淡嘅酸甜味，同菠蘿嘅結合簡直係天衣無縫。外層裹上薄薄一層麵粉炸至金黃酥脆，令到味道更加突出。肉質都好嫩，可以感覺到廚師嘅功夫係點解佢咁成功。呢道原隻菠蘿咕嚕肉實在值得推薦！古法焗魚腸:呢款古法焗魚腸真係令我驚艷！魚腸已經用古法處理，質感細緻，一啖入口即化。焗得恰到好處，表面微微焦香，內裡仍然保持著鮮嫩的口感。而且佢地嘅調味料非常拿手，魚腸吸收咗足夠嘅味道，帶出微妙嘅鮮甜。食落去唔會膩口，令人回味無窮。整體上，呢道古法焗魚腸係一道非常精湛嘅菜式，值得每位食客一試。

朋友約去土瓜灣食懷舊菜，係元朗坐屯馬線去唔駛一個鐘，去到安徽街的喜滿樓，門口好熱鬧，等了一會好快就有位。點了一隻芝麻雞、古法焗魚腸、薑葱蠔煲、支竹豆腐炆東星斑、豉椒排骨蒸陳村粉、新加坡酸辣骨、黃金涼瓜，最後叫個甜品家鄉炸米磁。焗魚腸夠特別，足料夠份量。菜式色香味有水準，熱辣辣的煲仔小菜。薑葱味又唔會蓋過𧐢的味道，𧐢質細嫩又入味，賣相能吸引食慾。整體來說，這𥚃是家常便飯迎合香港人的口味，是我會再光顧的餐廳。

我唔鍾意食煎炸菜式怕熱氣，舊同學約食飯一定捧場，好彩喜滿樓個餐牌有好多唔熱氣菜式，同理價錢唔貴。佢地點左芝麻雞、黃金脆蝦，蜜椒脆鱔球、南乳脆豬手、焗魚腸。我就點左清淡嘅招牌欖角骨、豉椒蒸大鱔陳村粉、上湯魚肚浸勝瓜、黑松露鮮魷蒸肉餅。我一直對食物質素及環境衞生有要求，而令我們一直光顧，當然唔可以差，也不能貴。值得提係呢度有好多健康美食包括涼瓜餐牌及蒸類菜式。服務方面也好，唔會催落單亦唔會趕你走，可自帶紅酒及來料加工。款式多，蒸炒煎炸任君選擇。