喜滿樓菜館

呢間喺土瓜灣開咗好耐，熬過疫情嘅喜滿樓菜館，主打傳統風味懷舊特色菜，係街坊口碑極好嘅老字號，晚晚爆場！今次試咗佢哋嘅「喜滿樓超筍懷舊宴」，每位248元(包燉湯)「不包價$198」，四位起，星期一至四適用（假期除外），真係每味都有驚喜！（需要預訂）🍲爵士燉湯用懷舊配方以哈密瓜跟雞腳慢火燉成，湯底濃郁鮮甜啖啖膠原，飲落暖笠笠夠滋補。 👍👍🍗鎮店芝麻雞用上等靚雞，外皮鋪滿香脆芝麻附秘製芝麻醬，皮脆富油香芝麻氣爆棚，雞肉嫩滑緊緻留住肉汁，沾醬雙重芝麻風味一流。 🍤黑松露蝦多士大大件脹卜卜，表層烤金黃酥脆四角香脆，內層蝦肉紮實彈牙包原隻大蝦，黑松露畫龍點睛添香氣，啖啖肉超滿足。 🍤鳳尾鮮蝦球爽口彈牙超有誠意。 🥒翠玉瓜炒龍躉球鑊氣滿滿又健康。 🐟家鄉鹹魚煎肉餅鹹香惹味好送飯。 🍲八珍豆腐加豬膶、叉燒冬菇等同煮，柔潤香濃足八珍入味，豆腐外脆內嫩汁醬濃淡得宜。🍚農家臘味炒飯粒粒分明，臘味香到不得了。 🍡最後甜品家鄉糯米糍軟糯香甜，完美收尾！ 整體食物質素高，價錢親民，啱一家大細／朋友聚餐。係想搵返傳統粵菜味嘅人，一定要試下呢度！。…查看更多

返工咁忙，點都要抽時間同兩位長老👴🏼🧓🏻去食好西☺️今次帶咗佢哋去土瓜灣食懷舊宴喜滿樓超筍懷舊宴 $198/位全部菜式都係即叫即整，鑊氣十足，好有大排檔風味😋👍🏻鎮店芝麻雞 雞件外皮連芝麻炸到外脆內嫩，芝麻味香氣撲鼻，咬落去啖啖肉，正👍🏻鳳尾鮮蝦球蝦球爽口彈牙，鑊氣炒得好香，蝦味鮮甜👍🏻西蘭花炒龍躉西蘭花爽脆，龍躉魚肉厚實滑溜，火候啱啱好，鑊氣香氣一齊爆出嚟😋👍🏻家鄉蓮藕上枱熱辣辣，外皮香脆，入面係蓮藕同肉餡夾埋一齊，好有家的感覺☺️👍🏻錦鹵雲吞雲吞炸到金黃香脆，咬落「卜卜脆」😋再淋上酸甜鹵汁，外脆內嫩，簡直就不得了👍🏻農家臘味炒飯炒飯粒粒分明，臘味香氣同鑊氣一齊爆發，食到停唔到口，好有大排檔炒飯嘅味道🤤👍🏻家鄉糯米糍糯米糍煙韌香甜，分別兩粒蓮蓉，兩粒芝麻，一次過滿足兩款口味😋喜滿樓嘅懷舊宴抵食又有水準，全部即叫即炒，鑊氣十足👍🏻由芝麻雞到炒飯再到糯米糍，每一味都食到懷舊同地道嘅感覺兩位長老表示好滿意🤣…查看更多

抵食又有誠意嘅中菜主打傳統懷舊菜式$198/位有齊七款菜式$248/位包埋大大碗燉湯(我飲咗四碗)味道同份量都無得挑剔✨難怪全場爆滿🥺環境唔算闊落，大家會坐得親密啲🥸但店員服務態度友善！值得支持！/🌟喜滿樓超筍懷舊宴 $248/位-爵士燉湯/龍王杏汁燉白肺湯-鎮店芝麻雞/梅子荔芋鴨 -黑松露蝦多士/鳳尾鮮蝦球-西蘭花炒龍躉/虎蝦球-家鄉蓮藕/鹹魚煎肉餅-錦鹵雲吞&八珍豆腐/翠塘豆腐-農家臘味炒飯/金絲銀柳 (海鮮炒粉絲)-甜品家鄉糯米糍✨爵士燉湯（推薦😍份量大大碗，真材實料🤯鮮甜清潤，清爽不膩，有水果嘅甘甜一人飲咗四碗仍然好enjoy!!✨鎮店芝麻雞雞皮佈滿密密麻麻嘅芝麻粒滿滿的芝麻香氣✨黑松露蝦多士焦脆香口，份量巨型，飽肚感十足✨西蘭花炒龍躉調味恰好，龍躉夠滑✨家鄉蓮藕肉餅（推薦😍一口Size，食到爽脆蓮藕層次香口而且不油膩，好食！✨錦鹵雲吞&八珍豆腐第一次食錦鹵雲吞🙈金黃香脆嘅雲吞蘸上甜酸汁✨農家臘味炒飯（推薦😍粒粒分明，每一啖都好入味冬天食臘味飯特別幸福🥰✨…查看更多

$198起歎足8道懷舊手工菜！✨罕見錦鹵雲吞重現經典🎊土瓜灣嘅喜滿樓一直以傳統風味同懷舊菜聞名🥢，最近試咗佢哋嘅「超筍懷舊宴」，真心抵食！套餐可以揀包唔包燉湯，我今次就試勻多款經典菜式。首先個爵士燉湯夠晒火候，飲落清甜滋潤❤️。鎮店芝麻雞果然名不虛傳，雞皮香脆，芝麻味濃，肉質保持嫩滑🍗。鳳尾鮮蝦球大大隻，爽口彈牙，炒得夠鑊氣🔥。今次有幾道菜特別有驚喜！西蘭花炒龍躉魚肉鮮嫩，西蘭花爽脆🥦。家鄉蓮藕煎肉餅煎得香口，蓮藕粒增添口感，食落唔會太油膩👍。全晚最懷舊必定係錦鹵雲吞！😲 呢個菜式而家好少酒樓會做，炸雲吞脆卜卜，配嘅唔係普通甜酸汁，而係似咕嚕肉汁，裏面仲有蝦球、叉燒同豬潤，味道層次豐富，真係重現舊式酒樓風味🎩。農家臘味炒飯夠晒乾身，臘味香濃🍚。最後以家鄉糯米糍作結，有芝麻同花生味選擇，煙韌軟糯🍡，為成餐畫上完美句號。「喜滿樓超筍懷舊宴」每位$198（不包燉湯）/$248（包燉湯）💰，四位起，星期一至四適用（假期除外）。想食記得要訂座時預訂套餐📞。整體而言，呢個懷舊宴性價比高💯，尤其適合想重溫傳統粵菜風味，或者帶長輩一家聚餐👨👩👧👦。菜式有心思，份量十足，絕對係土瓜灣區內抵食之選！🎉…查看更多

講起傳統粵菜，點少得喜滿樓呢間海鮮酒家？佢哋主打懷舊特色菜，每道都係老香港嘅經典風味✨少油少鹽👍🏻食落健康又過癮！今次推介佢哋嘅「喜滿樓超筍懷舊宴」，四位起，每位$198😍（不包燉湯）或$248（包燉湯），星期一至四適用（假期除外）。超抵食，份量夠晒飽肚，絕對係老友聚會首選！記得預訂，電話23331448，唔好等到位等到心急呀🤣👍🏻開宴先嚟碗爵士燉湯，哈密瓜配豬腱同螺頭，湯頭濃郁香甜，滋陰養顏，飲落暖笠笠，好似媽媽煲嘅靚湯，勁滋補👍🏻跟住頭盤鎮店芝麻雞🐔雞皮脆卜卜，肉滑溜溜，秘製芝麻醬香濃不膩，一啖咬落芝麻香爆棚，食到停唔到口，招牌必點✨海鮮時間🍤鳳尾鮮蝦球炸得金黃酥脆，蝦肉彈牙鮮甜，咬落汁水四溢，配埋酸甜汁，惹味✨‼️虎蝦球大大隻，爽口入味，蝦膠彈牙，油控得宜，食完個個讚新鮮👍🏻素菜清新上陣，家鄉蓮藕外脆內軟，臘腸碎添風味，口感豐富，咬落脆卜卜，家常味濃郁😍✨我最欣賞呢個翠塘豆腐😍👍🏻滑溜嫩滑，清淡解膩，食完之前濃味菜，個口即刻舒服返晒。主食收尾農家臘味炒飯，飯粒鬆散，臘味香氣撲鼻，炒得鑊氣十足‼️✨每粒飯都入味，配埋蛋香，簡單又滿足🎉最後甜品家鄉糯米糍，皮煙韌軟糯，內餡芝麻花生香濃，咬落Q彈有嚼勁，甜度啱啱好👍🏻…查看更多

九月份與同事們的聚會🎈 有人在社交平台上看到想試試的，但我覺得還好，反而列為避雷名單之一🤣。▶️鎮店芝麻雞 雞皮的脂肪處理得不太乾淨，不太純粹，肉質算嫩，但要看部位💁🏻‍♀️。▶️龍王杏汁燉白肺湯 湯還算好喝，但湯渣一般，杏仁味道很濃，如果不喜歡杏仁的朋友建議不要點這個。▶️西蘭花炒龍躉 這是我這餐中最能接受的一道，魚肉嫩滑，西蘭花炒得剛剛好，不硬也不軟。▶️鹹魚煎肉餅 個人覺得偏鹹，但煎得香氣四溢。▶️錦鹵雲吞 排名最後的一道菜，雲吞餡料少到幾乎吃不出來是雲吞，加上醬汁雜亂無章，有叉燒、魷魚、菠蘿、青椒，第一次見這樣的組合🤣。▶️黑松露蝦多士 炸得很酥脆，黑松露香氣濃郁，但偏鹹，感覺醃得比較重。▶️農家臘味炒飯 炒飯火力不足，但臘味香氣十足，提升整體味道。▶️甜品家鄉糯米糍 有花生、芝麻、紅豆三種配料，不算甜，但炸的碳水化合物類食物不太適合我🤣。September Gathering with Colleagues🎈 Someone saw these on social media and wanted to try them, but I think they’re okay—I’d put them on the caution list instead.🤣▶️ Signature Sesame Chicken The fat on the chicken skin isn’t very cleanly rendered, so it’s not very pure. The meat is quite tender, but it depends on the cut 💁🏻‍♀️▶️ Dragon King Apricot Juice Stewed White Lung Soup The soup is pretty good, but the broth is average. The almond flavor is strong, if you don’t like almonds, I’d suggest avoiding this.▶️ Broccoli Stir-fried with Dragon Grouper This was the most acceptable dish for me this meal. The fish is tender and smooth, and the broccoli is cooked just right—neither hard nor soft.▶️ Salted Fish Pan-fried Pork Patties Personally, I found it a bit too salty, but it’s fragrant and well-fried.▶️ Nim Lo Wonton This was the last dish on the menu. The wonton filling was so scant that you could hardly tell it was a wonton. The sauce was a mess, there was char siu, squid, pineapple, green peppers, first time seeing such a combination 🤣▶️ Black Truffle Shrimp Toast Crispy and fragrant, with a strong black truffle aroma. But it was a bit salty, probably marinated quite heavily.▶️ Farmer’s Preserved Meat Fried Rice The fried rice lacked heat, but the preserved meat’s aroma was strong, enhancing the overall flavor.▶️ Sweet DessertGlutinous Rice Balls with Peanuts, Sesame, and Red Bean. Not very sweet. But fried carbohydrate foods aren’t really my thing🤣…查看更多

呢排想食傳統懷舊菜，朋友推介「喜滿樓菜館」呢間，即刻約埋幾個朋友去試吓。首先必食招牌芝麻雞，半隻188蚊夠晒香口，皮脆到咬落「唰」聲，芝麻香滲曬入肉，juicy到咬開有汁，完全係細個阿媽煮嘅味道！跟住叫咗古法焗大鱔煲，198蚊一煲夠3個人share，鱔肉腍滑唔腥，醬汁甜甜地帶少少豉香，撈飯簡直絕配。重點要講膏蟹蒸肉餅，588蚊約1斤，膏蟹滿滿蟹黃，甘香無比，下面肉餅吸曬蟹汁，鬆軟入味，每啖都係鮮味。驚喜係呢度湯水夠足料，不過今次食到撐，下次再試爵士燉湯！整體性價比夠高，懷舊味夠濃，要食記得預訂，唔係真係無位。…查看更多

預約後等近七天才回覆，估計生意忙，但溝通偏慢。到店前已於WhatsApp報入場人數，現場安排與所報有差距，像是未仔細查看。當日幾款炸物偏油，吃完有回油味；服務態度一般，未見主動。價錢算親民，但與線上宣傳有落差。建議加快回訊、準確核對人數，並加強油鍋保養與品質把關。是否合口味見仁見智，我個人暫不考慮二訪。環境整潔度尚可，等位與出餐時間正常，但整體體驗未達預期。供參考，盼店家持續改善。謝謝。以上純感受…查看更多

土瓜灣小街既一間食店，平日做一啲非常之佬既碟頭飯，但係夜晚就會變身手工粵菜半私房菜。 點解話係半私房菜，因為佢最好食既嘢，即係主打既手工粤菜，大部分都係要預訂既。 應該而家仲做埋個套餐，大部分主打野都已經喺入面，畀之前逐樣散叫抵食咗。爵士燉湯，相傳係鄧肇堅爵士既配方。 用螺頭、豬展、雞腳等等，同埋蜜瓜燉成。 通常個個第一次聽到都會問，蜜瓜？？ 係，真係蜜瓜。 燉出嚟既湯，走清甜路線，而唔係一般海鮮湯既暴力甜。 每人有兩碗，仲有一大碟湯料。 未試過，好值得試下。鎮店芝麻雞，個名已經話畀你聽，如果嚟到只識一樣嘢，咁一定就係佢。 芝麻雞炸到皮脆肉嫩。 上面滿滿地鋪滿咗芝麻，令到食落更加香口。雞本身已經好夠芝麻味，而仲跟咗一碟芝麻醬。 建議可以先試咗原味，然之後再試下點少量芝麻醬。蝦多士，呢樣嘢同一個名但係間間舖既做法同造型都會唔同。 而呢度既，係滿滿既蝦餃包住蝦尾。 造型有啲似炸蟹鉗咁樣。 蝦膠十分彈牙，而外表亦炸得好脆。西蘭花炒龍躉，龍躉份量都唔少，魚肉有咬口之餘夠嫩滑。家鄉蓮藕餅，藕餅表面煎到好香，入面食到爽口既蓮藕粒，仲有濃濃既臘味味道。錦鹵雲吞，雲吞皮炸到好脆，錦鹵汁入面有蝦、豬潤、菠蘿青椒等等，十分足料。蜜椒脆鱔，鱔肉嫩滑，去骨，食落淡淡肉。外表由一層甜甜既焦糖包住。 食落口感，同一般蒸鱔完全係兩回事。魚腸蒸蛋，有大中細可以揀，但其實細已經好大砵。 入面唔係有魚腸既蒸蛋，而係滿滿既魚腸，再加入蒸蛋去填滿魚腸之既嘅空隙。 臘味炒飯，飯粒粒分明，入面有各種臘味。 其實去到呢個階段，基本上已經飽咗，但係都成碟清晒。家鄉糯米糍，有紅豆、花生、芝麻三隻味，餵呢個咁豐富既一餐作結尾。…查看更多

依家無論新派、傳統食店，都好識利用社交平台。最近見到喺土瓜灣有間舊式飯店，主打「懷舊」菜；前一日先預訂餸，都係網上有推介嘅 - 咕嚕肉、麻芝雞、梅子蒸蟮（陳村粉底）、蒸魚腸、招牌欖角骨、小炒王、百花蝦球、清炒油麥菜。飲咗幾枝啤酒，6個人，埋單每人$250，價錢唔係貴。但餸菜就一般般，可能人人口味唔同，個人就覺得唔係網上吹捧得咁好！咕嚕肉 - 本來係訂生炒骨，上枱嚟咗咕嚕肉，都無所謂啦，反正都係個酸甜汁啫！上枱賣相ok，用新鮮菠蘿，個汁差啲甜差啲酸！肉有啲咬落去有啲得嚿肥，瘦嘅就韌！麻芝雞 - 當然唔會預新鮮雞，但雞完全無底味！只靠點日式麻芝沙律醬！梅子蒸蟮 - 覺得兩者唔可以做朋友！蒸魚腸 - 洗得乾淨，無鯹味👍🏻，個面烘得夠乾身手。可能大厨就係信心滿滿，所以傳統蒸魚腸應該有嘅油炸鬼面、果皮絲、薑絲都欠奉！招牌欖角骨 - 上枱就聞到欖角香，一字骨骨肉均衡👍🏻小炒王 - 唔錯，韮菜花嫩，配搭魷魚絲、肉絲、腰果香口，好鑊氣。👍🏻百花蝦球 - 唔錯，中規中矩！👍🏻清炒油麥菜 - 小店寫明奉行健康，少油少鹽。總結 - 一間街坊小炒店。…查看更多

周末搵咗間主打懷舊菜嘅喜滿樓，睇餐牌直接揀咗四樣：招牌芝麻雞、梅子荔芋鴨、蜜椒脆鱔球，再加個家鄉梅菜扣肉煲。芝麻雞皮脆肉滑，芝麻香撲鼻，半隻188夠晒兩個人歎；荔芋鴨嘅芋頭綿到入魂，鴨肉吸晒醬汁鮮甜，半隻298抵食；黃金脆鱔球外脆內嫩，咸蛋黃味唔搶腥，加腰果先208；梅菜扣肉煲肥而不膩，梅菜鹹香襯到肉都甜，138唔算貴四樣餸無一踩雷，老師傅嘅火候同味道都係“舊時記憶”，連例湯都夠濃郁。唯一美中不足係燉湯要預訂，今次冇食到，整體分數88分。…查看更多

今晚同朋友衝住喜滿樓嘅熱賣榜嚟試！揀咗五樣：芝麻雞真係脆，芝麻香勁夠，半隻$188抵食；黃金大蝦肉厚彈牙，豉油王味鹹香得嚟唔搶蝦鮮，$268貴少少但值得。鮮菠蘿咕嚕肉酸甜度啱啱好，菠蘿夠爽，$98大件夾抵食；椒鹽鮮魷外脆內軟，椒鹽香唔會太鹹，$128份量大到要share。最驚喜係喜滿小炒王，鑊氣夠曬香，蔥蒜同配料炒到镬氣逼出，$98簡直是「住家菜級」美味！整體來講，每樣都冇踩雷，熱賣榜真係有料到！唯一缺點係要等位，但食到呢啲水準，等多陣都抵。…查看更多

今次同班friend去喜滿樓食飯，真係無得輸，一定要同大家分享下！頭盤經典芝麻雞一試難忘！啲雞皮燒到脆卜卜，啖啖肉都超滑溜，加上佢哋秘製嘅芝麻醬，香濃得嚟又唔會太甜，食到唔停得口，跟住飲咗碗*爵士燉湯，啖湯真係夠晒火候，飲落好濃郁，感覺成個人即刻暖笠笠，好滋補呀。最後翠塘豆腐就清淡啲，但啲豆腐滑溜到呢，配合埋菠菜蓉，食完之前啲濃味嘢，個口舒服返晒！今餐真係大滿足！老友記如果想食傳統粵菜，喜滿樓絕對係信心保證。…查看更多

原本想訂枱慶生日。點知一肚氣。預早致電訂位，接聽女士話未確定訂枱，聽日會回電確認。第二日傍晚未收到回電。唯有再致電餐廳確認。女士接聽電話後，說了一句等等後放下電話聽筒。。。過了三四五六分鐘仍未有回音。奈何收線。過了一陣再致電餐廳，又是女士接聽，又說等等放下聽筒。今次唯有「等」。過了一會終於再接聽。但回覆是明晚只有四人枱（我訂五人枱）。我再說你們不是說會回電跟我確認？現在要我致電再問才說只有四人枱？！只怪生意太好。唔志在。只能「祝願」能繼續生意興隆。…查看更多

OpenRice 唔俾我出劣評 惟有俾埋證據係真係有食啦今次喺喜滿樓嘅用餐體驗可以話係令人失望。晚上去食，點咗三個餸，但足足等咗20分鐘先上第一款，第二個都要再等多5分鐘，最誇張係第三個，等到成碗白飯食完都未有。期間問咗店員進度，佢冇耐煩咁回應一句「整緊」，完全冇打算去查證，連入廚房都冇入過。語氣唔耐煩又冇禮貌，好似我哋問多幾句就係滋擾。再問收銀員，佢擺出一副唔屑樣，同樣答一句「等等啦，餸係順住做」，語氣冷淡，好似我哋催單係做錯晒。整體感覺就係冇人真心想幫你解決問題，只係想搵機會敷衍你走。隔籬枱遲過我哋落單都已經有兩三個餸上枱，對比之下更加顯得問題唔係流程，而係佢哋根本冇認真處理我哋嘅單。餐廳唔止要食物質素好，服務態度更加重要。一間好餐廳係要令客人願意再返嚟，而唔係令大家食完只想走。整體食物味道及質素一般，正常發揮…查看更多