喜滿樓菜館

呢排想食傳統懷舊菜，朋友推介「喜滿樓菜館」呢間，即刻約埋幾個朋友去試吓。首先必食招牌芝麻雞，半隻188蚊夠晒香口，皮脆到咬落「唰」聲，芝麻香滲曬入肉，juicy到咬開有汁，完全係細個阿媽煮嘅味道！跟住叫咗古法焗大鱔煲，198蚊一煲夠3個人share，鱔肉腍滑唔腥，醬汁甜甜地帶少少豉香，撈飯簡直絕配。重點要講膏蟹蒸肉餅，588蚊約1斤，膏蟹滿滿蟹黃，甘香無比，下面肉餅吸曬蟹汁，鬆軟入味，每啖都係鮮味。驚喜係呢度湯水夠足料，不過今次食到撐，下次再試爵士燉湯！整體性價比夠高，懷舊味夠濃，要食記得預訂，唔係真係無位。…查看更多

預約後等近七天才回覆，估計生意忙，但溝通偏慢。到店前已於WhatsApp報入場人數，現場安排與所報有差距，像是未仔細查看。當日幾款炸物偏油，吃完有回油味；服務態度一般，未見主動。價錢算親民，但與線上宣傳有落差。建議加快回訊、準確核對人數，並加強油鍋保養與品質把關。是否合口味見仁見智，我個人暫不考慮二訪。環境整潔度尚可，等位與出餐時間正常，但整體體驗未達預期。供參考，盼店家持續改善。謝謝。以上純感受…查看更多

土瓜灣小街既一間食店，平日做一啲非常之佬既碟頭飯，但係夜晚就會變身手工粵菜半私房菜。 點解話係半私房菜，因為佢最好食既嘢，即係主打既手工粤菜，大部分都係要預訂既。 應該而家仲做埋個套餐，大部分主打野都已經喺入面，畀之前逐樣散叫抵食咗。爵士燉湯，相傳係鄧肇堅爵士既配方。 用螺頭、豬展、雞腳等等，同埋蜜瓜燉成。 通常個個第一次聽到都會問，蜜瓜？？ 係，真係蜜瓜。 燉出嚟既湯，走清甜路線，而唔係一般海鮮湯既暴力甜。 每人有兩碗，仲有一大碟湯料。 未試過，好值得試下。鎮店芝麻雞，個名已經話畀你聽，如果嚟到只識一樣嘢，咁一定就係佢。 芝麻雞炸到皮脆肉嫩。 上面滿滿地鋪滿咗芝麻，令到食落更加香口。雞本身已經好夠芝麻味，而仲跟咗一碟芝麻醬。 建議可以先試咗原味，然之後再試下點少量芝麻醬。蝦多士，呢樣嘢同一個名但係間間舖既做法同造型都會唔同。 而呢度既，係滿滿既蝦餃包住蝦尾。 造型有啲似炸蟹鉗咁樣。 蝦膠十分彈牙，而外表亦炸得好脆。西蘭花炒龍躉，龍躉份量都唔少，魚肉有咬口之餘夠嫩滑。家鄉蓮藕餅，藕餅表面煎到好香，入面食到爽口既蓮藕粒，仲有濃濃既臘味味道。錦鹵雲吞，雲吞皮炸到好脆，錦鹵汁入面有蝦、豬潤、菠蘿青椒等等，十分足料。蜜椒脆鱔，鱔肉嫩滑，去骨，食落淡淡肉。外表由一層甜甜既焦糖包住。 食落口感，同一般蒸鱔完全係兩回事。魚腸蒸蛋，有大中細可以揀，但其實細已經好大砵。 入面唔係有魚腸既蒸蛋，而係滿滿既魚腸，再加入蒸蛋去填滿魚腸之既嘅空隙。 臘味炒飯，飯粒粒分明，入面有各種臘味。 其實去到呢個階段，基本上已經飽咗，但係都成碟清晒。家鄉糯米糍，有紅豆、花生、芝麻三隻味，餵呢個咁豐富既一餐作結尾。…查看更多

依家無論新派、傳統食店，都好識利用社交平台。最近見到喺土瓜灣有間舊式飯店，主打「懷舊」菜；前一日先預訂餸，都係網上有推介嘅 - 咕嚕肉、麻芝雞、梅子蒸蟮（陳村粉底）、蒸魚腸、招牌欖角骨、小炒王、百花蝦球、清炒油麥菜。飲咗幾枝啤酒，6個人，埋單每人$250，價錢唔係貴。但餸菜就一般般，可能人人口味唔同，個人就覺得唔係網上吹捧得咁好！咕嚕肉 - 本來係訂生炒骨，上枱嚟咗咕嚕肉，都無所謂啦，反正都係個酸甜汁啫！上枱賣相ok，用新鮮菠蘿，個汁差啲甜差啲酸！肉有啲咬落去有啲得嚿肥，瘦嘅就韌！麻芝雞 - 當然唔會預新鮮雞，但雞完全無底味！只靠點日式麻芝沙律醬！梅子蒸蟮 - 覺得兩者唔可以做朋友！蒸魚腸 - 洗得乾淨，無鯹味👍🏻，個面烘得夠乾身手。可能大厨就係信心滿滿，所以傳統蒸魚腸應該有嘅油炸鬼面、果皮絲、薑絲都欠奉！招牌欖角骨 - 上枱就聞到欖角香，一字骨骨肉均衡👍🏻小炒王 - 唔錯，韮菜花嫩，配搭魷魚絲、肉絲、腰果香口，好鑊氣。👍🏻百花蝦球 - 唔錯，中規中矩！👍🏻清炒油麥菜 - 小店寫明奉行健康，少油少鹽。總結 - 一間街坊小炒店。…查看更多

周末搵咗間主打懷舊菜嘅喜滿樓，睇餐牌直接揀咗四樣：招牌芝麻雞、梅子荔芋鴨、蜜椒脆鱔球，再加個家鄉梅菜扣肉煲。芝麻雞皮脆肉滑，芝麻香撲鼻，半隻188夠晒兩個人歎；荔芋鴨嘅芋頭綿到入魂，鴨肉吸晒醬汁鮮甜，半隻298抵食；黃金脆鱔球外脆內嫩，咸蛋黃味唔搶腥，加腰果先208；梅菜扣肉煲肥而不膩，梅菜鹹香襯到肉都甜，138唔算貴四樣餸無一踩雷，老師傅嘅火候同味道都係“舊時記憶”，連例湯都夠濃郁。唯一美中不足係燉湯要預訂，今次冇食到，整體分數88分。…查看更多

今晚同朋友衝住喜滿樓嘅熱賣榜嚟試！揀咗五樣：芝麻雞真係脆，芝麻香勁夠，半隻$188抵食；黃金大蝦肉厚彈牙，豉油王味鹹香得嚟唔搶蝦鮮，$268貴少少但值得。鮮菠蘿咕嚕肉酸甜度啱啱好，菠蘿夠爽，$98大件夾抵食；椒鹽鮮魷外脆內軟，椒鹽香唔會太鹹，$128份量大到要share。最驚喜係喜滿小炒王，鑊氣夠曬香，蔥蒜同配料炒到镬氣逼出，$98簡直是「住家菜級」美味！整體來講，每樣都冇踩雷，熱賣榜真係有料到！唯一缺點係要等位，但食到呢啲水準，等多陣都抵。…查看更多

今次同班friend去喜滿樓食飯，真係無得輸，一定要同大家分享下！頭盤經典芝麻雞一試難忘！啲雞皮燒到脆卜卜，啖啖肉都超滑溜，加上佢哋秘製嘅芝麻醬，香濃得嚟又唔會太甜，食到唔停得口，跟住飲咗碗*爵士燉湯，啖湯真係夠晒火候，飲落好濃郁，感覺成個人即刻暖笠笠，好滋補呀。最後翠塘豆腐就清淡啲，但啲豆腐滑溜到呢，配合埋菠菜蓉，食完之前啲濃味嘢，個口舒服返晒！今餐真係大滿足！老友記如果想食傳統粵菜，喜滿樓絕對係信心保證。…查看更多

原本想訂枱慶生日。點知一肚氣。預早致電訂位，接聽女士話未確定訂枱，聽日會回電確認。第二日傍晚未收到回電。唯有再致電餐廳確認。女士接聽電話後，說了一句等等後放下電話聽筒。。。過了三四五六分鐘仍未有回音。奈何收線。過了一陣再致電餐廳，又是女士接聽，又說等等放下聽筒。今次唯有「等」。過了一會終於再接聽。但回覆是明晚只有四人枱（我訂五人枱）。我再說你們不是說會回電跟我確認？現在要我致電再問才說只有四人枱？！只怪生意太好。唔志在。只能「祝願」能繼續生意興隆。:(:(:(:(:(:(…查看更多

OpenRice 唔俾我出劣評 惟有俾埋證據係真係有食啦今次喺喜滿樓嘅用餐體驗可以話係令人失望。晚上去食，點咗三個餸，但足足等咗20分鐘先上第一款，第二個都要再等多5分鐘，最誇張係第三個，等到成碗白飯食完都未有。期間問咗店員進度，佢冇耐煩咁回應一句「整緊」，完全冇打算去查證，連入廚房都冇入過。語氣唔耐煩又冇禮貌，好似我哋問多幾句就係滋擾。再問收銀員，佢擺出一副唔屑樣，同樣答一句「等等啦，餸係順住做」，語氣冷淡，好似我哋催單係做錯晒。整體感覺就係冇人真心想幫你解決問題，只係想搵機會敷衍你走。隔籬枱遲過我哋落單都已經有兩三個餸上枱，對比之下更加顯得問題唔係流程，而係佢哋根本冇認真處理我哋嘅單。餐廳唔止要食物質素好，服務態度更加重要。一間好餐廳係要令客人願意再返嚟，而唔係令大家食完只想走。整體食物味道及質素一般，正常發揮…查看更多

【喜滿樓晚市食評】土瓜灣喜滿樓晚市六位套餐整體味道正常，但個別菜式表現參差爵士湯湯頭濃郁香甜，用料足，火候到位，屬當晚較出色的一道。芝麻雞（招牌菜）芝麻香氣突出，表皮香脆，但雞肉偏老，口感稍韌，作為招牌菜略顯遜色，期望更高。蓮藕餅（臘腸碎）蓮藕餅外脆內軟，臘腸碎增添風味，口感豐富，味道不錯。蝦多士炸得金黃酥脆，蝦膠彈牙，油控得宜，不過無特別驚喜。炸蝦球 &翠塘豆腐蝦球大隻爽口，豆腐內嫩，調味適中，底部有蒸水蛋，兩者搭配平衡。臘味炒飯炒飯乾身夠鑊氣，臘味香濃，但略嫌油份稍多，整體仍算合格。總結套餐整體水準中規中矩，惟招牌芝麻雞未達預期，肉質老化問題較明顯。其他菜式無大瑕疵，但未見突出。適合家庭聚餐，但對招牌菜不宜過高期待。…查看更多

同班舊同學去咗土瓜灣嘅喜滿樓菜館，聽朋友介紹呢度係懷舊粵菜寶藏。必飲嘅爵士湯果然名不虛傳！師傅堅持用原個蜜瓜燉湯，加入螺頭同豬𦟌、嫩雞熬足幾個鐘，飲落清甜潤喉，個湯仲要夠晒火候，飲得出真係落足心機。芝麻雞係我全晚最愛，師傅每日新鮮即炸，雞皮沾滿香脆芝麻，咬落咔呲聲，入面雞肉仲保持到肉汁，沾少少特製芝麻醬一起食，簡直無得彈。芝士蝦多士絕對係邪惡首選。多士炸到金黃鬆脆，蝦膠彈牙又鮮味，仲要鋪滿拉絲芝士，熱辣辣食真係滋味到停唔到口！最欣賞係師傅堅持即叫即做，就算好忙都唔會預先整定，保證每道菜上枱都係最佳狀態。…查看更多

專登走入土瓜灣試吓老字號喜滿樓菜館，果然無失望！首推錦鹵雲吞，雲吞皮炸得啱啱好，外皮脆卜卜，加埋個甜酸汁真係無得輸！海鮮炒粉絲夠乾身，蝦同魷魚鮮味突出，粉絲索晒精華，啖啖都咁惹味。鳳尾蝦球大大粒，咬落爽脆彈牙，個酸汁撈飯真係一流！最驚喜係蓮藕煎肉餅，蓮藕粒爽口加埋半肥瘦豬肉，煎到香噴噴，𥚃面仲有臘腸粒，食落完全唔膩口。特別一提係樓面姐姐服務態度好，笑面迎人。整體鑊氣十足，係街坊價錢大師級的水準，…查看更多

呢間土瓜灣老字號，主打傳統風味、懷舊特色菜，成日都爆滿，今次終於訂到位，點咗佢哋嘅「超筍懷舊宴」，價錢親民，以人均二百左右食到6、7道粵菜經典，CP值相當高，但今次失策在訂位時冇訂到湯，記住湯一定要預先訂先有鎮店芝麻雞：金黃脆皮，咬落真係「卜卜脆」，油香收得好，雞肉仍保持嫩滑多汁，撒上芝麻更添香氣。黑松露蝦多士：份量足、用料實在，蝦膠爽彈，黑松露香氣不搶、反而提升鮮味；外層炸得乾脆不油膩，難怪被稱為土瓜灣名物。鹹魚煎肉餅：鹹鮮平衡，肉香突出，配白飯停唔到口。翠塘豆腐：用玉子豆腐做底嘅蒸豆腐，豆腐幼滑。農家臘味炒飯：米飯分明、火喉到位，臘味香撲鼻，鑊氣滿分。甜品家鄉糯米糍：本身以為係普通嘅糯米糍，點知原來係炸糯米糍，個人普通，但入邊個糯米糍係好煙靭，有麻蓉餡…查看更多

去咗喜滿樓菜館呢間小店，試咗幾道招牌菜，真係要同大家分享下！首先個芝麻雞，外皮炸到金黃香脆，滿滿嘅芝麻鋪滿表面，咬落去雞肉仲好嫩滑，芝麻香同雞油香完美結合，正到爆！爵士燉湯真材實料，湯底清甜得嚟好濃郁，飲完成個身暖笠笠，仲有啖啖肉骨香，好足料！蝦多士係必點之選，多士炸到鬆化，上面嘅蝦膠彈牙又鮮味，點啲甜辣醬食，口感一流。最後個錦鹵雲吞都好出色，雲吞皮炸到脆卜卜，入面餡料鮮美，蘸埋個酸酸甜甜嘅醬汁，開胃又惹味。整體嚟講，喜滿樓呢幾道菜都保持到水準，值得再encore！…查看更多

提前訂位 接聽電話時 該女士稱很繁忙 未知有沒有位 晚一點或明天覆 一等就兩日還未有電話到😏 再致電查詢, 等了八九分鐘, 得到回覆還是要晚一點才知道, 結果晚上九點多來電, 本人預訂的時間已滿, 要遲兩小時才有位, 總算預訂好了... 怎料今天剛收到電話, 說要遷就其他客人 所以要推遲一個多小時, 才有位給我, 否則同時間來要求其搭枱, 😤已提早幾天訂枱及已收到確認的情況下, 都會得到這樣對待, 確令人生氣+ 莫名其妙, 這樣的餐廳服務態度與處理手法, 認真不能接受。。。正PK…查看更多