喜滿樓菜館

營業中

休息中

其實一個差字黎形容、都唔夠、睇完電視廣告、主打懷舊餸菜、諗住去一試、點知中伏唔好講嘢食住、座位超逼、我坐一張冇背架凳一路食、一路腰痛、已經逼到想走小店主打少油少鹽、但我食嗰個蒸雞、同糯米飯、鹹到阿媽都唔認得、其實可能一般茶餐廳味道同質素都好過佢、我都係第一次打食評、難食嘅嘢，食得多、忍唔住打食評都係第一次唔會再幫襯

訂咗位，未夠6pm入座都被安排坐個熱到飛起嘅死角位，反映過兩次，店員有調大個冷氣，但係部冷氣係正頭頂，根本就吹唔到，天花板有把由開業至今都無洗過，封晒塵嘅吊扇，對通風毫無幫助，所以唯有熱住咁食飯...先嚟個爵士湯都算係正常發揮。再嚟個咕嚕肉，賣相幾靚，但一食落去除咗又凍又唔脆之外，本身舊豬肉又無肉味又無醃味，似係一舊生豬肉就咁上漿炸定晒係到好耐，等有order就係咁二撈d汁兜兩下就算。然後係個所謂招牌菜芝麻雞拼風沙雞，又係外表好靚，但食落又係無味嘅，食兩三舊已經唔想再食。另外亦叫咗錦鹵雲吞、炒菜、肉絲炒麵，算正常可放得入口，無乜特別。可能係我第一次嚟期望過高啦... 但同枱食飯嘅都認為有d名過其實，同樣做傳統粵菜嘅舖頭好多都整得好食過佢，所以唔會再幫襯喇...

懷舊菜和鑊氣小炒我都啱食，上星期六同埋朋友專程過嚟喜滿樓食晚飯。我哋點了芝麻雞、八珍豆腐、多士丶酸辣骨及椒鹽白飯魚。餐廳對食物質量充滿誠意，雞件切得不是很大件，芝麻雞外皮夠脆唔油膩，肉質嫩滑唔膩口。酸辣骨絕對值得一讚，一字骨肥瘦適宜，一食就知用靚骨。椒鹽白飯魚係我呢餐最鍾意嘅，外脆內軟，脆得唔油，送酒一流。值得一提係蝦多士，蝦滑鮮甜仲夾有原隻蝦，多士香脆，非常有口感。真材實料。個個餸菜都滿意，每道菜都精心炮製，實在難得。

話說我地一行三人5月14日去食dinner 無預約 樓下負責安排入座個位女士同我地講坐樓上 同人搭檯 無時間限制 可以坐耐D我地於是上去樓上樓面負責接待嗰位阿姐一坐低已經不停催促我地落order連睇menu都要係隔離不停俾意見同佢講我地未得住依然不停催促我地大約7點入座點埋菜、上菜 都接近7點半我地三個女仔 一向食嘢唔係狼吞虎嚥點咗三餸 份量也不算少 同埋知道無時間限制咁我地慢慢食 慢慢傾期間係其他客人入座 慢慢坐滿咗樓上氣氛本身幾好我地後尾又加點了一個餸8點嘅時候聽到樓面阿姐的walkie好大聲傳來樓下嘅聲音 對自己同事都幾無禮貌係呼喝式問佢：第一檯入嘅客食完未 叫佢地8:15pm還檯！跟住阿姐走來同我地講 原來係講緊我地 即係我地係聽住樓下位女士呼喝式要求我地還檯我地同阿姐講：頭先樓下安排入座係同我地講 無時間限制wo阿姐都唔知點講 只係好為難咁拋下一句 你地食到8:15pm還檯啦 好嘛Huh？梗係唔好啦！我同阿姐講 樓下唔係咁同我地講 我地唔會8:15還檯跟住樓下個位女子係親自上來 叫我地還檯我地理性同佢溝通 講多次頭先佢本人安排入座點同我地講佢忽然好大聲當住所有客人面前回應我地

留港消費支持小店的情況下，在網上看到KOL大力推介，由於Happy Friday 客滿，要列入後備名單，直到當個星期二才確實到星期五，冇所謂啦！一班為食貓想試新嘢嘛！一行七人相約近期人氣小店，真係食到一肚氣訂枱滿坐情況下，被安排坐樓下，迫住坐細長枱。螳螂式情況開餐，如果是吃碟頭飯的話，是沒有問題，可是大大碟的餸菜和一大鍋燉湯速到，結果倒瀉湯，朋友即時彈起，筆者迫到拎住個袋，都不能立即起身，剛巧隔離枱，又有食客倒瀉滾水，那種混亂情況下，加上他們無禮的態度，真是大開眼界。人齊即開餐，八分鐘內一次過上晒七個餸，包括一鍋燉湯，要求拖住，因為真係食唔切，店員不客氣的回應話: 點解唔預早通知，要一個一個餸上。由於訂枱，有些菜式需要我們一早預訂，包括:黑松露蝦多士:7 件~$220避風塘鮮魷~$138蜜椒脆鱔球~$178秘製新加坡酸辣蝦~$158原隻菠蘿咕嚕肉~$248爵士燉湯6人分量~$498招牌芝麻雞一隻~$368甜品:家鄉炸米糍7粒 ~$103食店門口，大大個招牌寫著”喜滿樓菜館”, 用膳完之後，才明白原來樓上才是菜館，樓下只是茶餐廳。爵士湯$498(六人分量)~如果作為燉湯，比較清淡。原隻菠

連自費飲食網紅都讚，食完有點驚喜。餐牌有很多款鑊氣小菜，主打地道懷舊菜。我們點了招牌菜芝麻雞、梅子荔芋鴨、蝦多士鹹魚煎肉餅同黃金鮮魷。對於最鍾意食雞既我，芝麻雞真係有料到，從來未食過咁特別。雖然食得出係用冰鮮雞，但肉質嫩滑，芝麻沾滿全隻雞，雞味適中，又香又脆皮。梅子荔芋鴨都係懷舊菜，梅子汁夠酸甜，食落唔會油膩，開胃好味。最欣賞係蝦多士，蝦膠中有好多鮮蝦，蝦膠入口好彈牙好鮮味，食得出廚師花了好多心機打出咁彈牙蝦膠。所有菜式都反映到廚師心機，值得讚賞！

食物份量足，碟碟都大大碟，睇見都開心。味道方面都可以：爵士湯偏淡，無嗰種一飲就知好多材煲左好耐嗰種感覺、焗魚腸都唔夠香第一啖仲有啲啲腥、蝦多士非常好味、芝麻雞好香好脆但偏咸、腰果密椒鱔超好味鱔肉大大舊、荷葉膏蟹炒飯都非常出色蟹算大隻。環境方面就認真麻麻，超迫，坐得唔舒服。服務態度都幾好（除咗門口坐收銀枱嗰位阿姨）,上菜速度正常。openrice 訂咗枱後佢哋會whatsapp 菜單俾你睇同預訂，都方便清晰。食飯時間得一個半鐘，其實係趕，但因為坐得唔舒服所以快啲走都ok.

今天下午去土瓜灣高山劇場陪阿媽看大戲，睇完才未夠六點，近近地找間食店吃過晚飯才離開。從OpenRice找到這間所謂「隱世食店」見佢食^評好好就此一試，叫咗芝麻雞、一字骨及小炒王。原本想叫蒸魚腸怎知店員說要預訂才有。咁我就算沒有試啦。一字骨及小炒王的味道都好，但是芝麻雞就有點失望，冰鮮雞肉，沒什麼鮮味。只是芝麻頗多及雞皮幾脆。食店環境就使人失望，被安排上樓上坐，一張大枱跟其他人客人合併，足足坐成12人。三唔識七咁坐左三台人真係冇癮。還有最使人不快的就是服務員的態度奇差。我心想我們都盡量希望多留港消費去支持香港食肆。怎知香港食肆的經營者好不爭氣，班夥計有心趕客咁款。搭枱的年長女士都有同感，唔識路上樓上問多兩句，更俾樓下阿姐呼呼喝喝，搞到佢都話唔會再有下次幫襯啦。唉！食餐飯啫，搞到大家咁唔高興為乜呢？怪不得啲香港年青家庭咁辛苦都要北上。因為消費得來有勝價比、優越感及滿足感。平民食肆想留住顧客，除咗食物要保持水準外，就要花點心思培訓員工好好待客。不要恃住老店就忘記咗對客人的基本禮貌。

芝麻雞好食，爵士湯好飲，但價錢貴，鱔煲惹味但有d鹹，份量係足夠既因為當日book咗五位，但有一個frd臨時話唔嚟，入座只有四個人，比餐廳話要早d通知佢地去換位……全程服務態度都係標準香港茶餐廳咁，好一般😂廁所要兜去餐廳後巷入，唔遠但好滑同埋有少少味建議提早book位，餐廳會WhatsApp send定餐牌，可以提早book定某d菜（但佢地WhatsApp唔會應機），當日人齊之後就可以通知佢直接上菜

元朗冇咩懷舊菜館，經朋友好介紹，所以阿媽生日一家人出去土瓜灣食。樓面阿姐推介幾道懷舊菜包括芝麻雞丶焗魚腸丶蝦多士丶咸魚煎肉餅。佢話芝麻雞呢道菜係功夫菜，花幾個鍾將雞上芝麻及封乾，技巧也流失了。另外個焗魚腸而家好少地方有得食，呢度都算真材實料，而且焗到好香，值得一食。最鍾意個蝦多士，大大隻蝦，啲蝦餃夠晒彈牙，連埋塊脆多士一齊食，多重口感。下次會預訂埋個爵士湯同其他菜式。雖然係遠啲，但係不枉此行，最緊要阿媽生日過得高興。

呢期流行食懷舊菜，朋友帶我去了土瓜灣喜滿樓食下夠唔夠懷舊。呢度除左有多款出名懷舊菜式如芝麻雞、梅子鴨丶蝦多士丶蜜椒鱔球丶焗魚腸，更推行少鹽少油，啱晒我口味，食了幾道拿手菜，真的少鹽少油，味道仍足夠。我最欣賞個燉湯叫爵士湯、材料十足，清甜滋潤，當甜蜜瓜及螺頭遇上金華火腿就是這種味道，另外叫了幾款招牌菜芝麻雞、椒鹽鮑魚、蝦多士、黃金蝦，食過番尋味。芝麻雞算特別，食完才知道什麼叫香脆。食完呢餐完全冇口乾冇味精反應，值得推介比各位健康飲食男女。

不去也罷。每樣餸都冇特別，特別在我從來未試過焗魚腸入邊有叉燒。嗰個湯佢夠膽叫佢做爵士湯。如果爵士知道都激到彈起。猛咁推薦呢個爵士湯嗰啲人究竟有冇飲過爵士湯？有啲飯店係屬於唔會專登去食，經過去食就無妨。呢一間就經過都唔會入去食👎

呢間餐廳鄰近高山公園出名食晚飯小菜，今朝一早經過見有做早餐，一於試試。早餐選擇頗多多，三四十蚊價錢實惠。叫咗A餐金牌沙嗲牛肉配通粉，牛肉粉量多，有口感得嚟好淋同冇筋，沙嗲湯底極濃非常惹味，每啖牛肉同通粉入口都感受到沙嗲嘅辣勁，食完成碗湯係深啡色可見沙嗲味有幾濃，好味！跟餐仲有腸仔煎蛋同牛油方包，味道正常，值得一提係牛油份量極多，唔會好似坊間好多茶記搽得少少。$37飽肚得嚟食到咁高質嘅沙嗲牛，性價比高👍🏻👍🏻

與其等上半年湊熱鬧预訂食"懷舊菜"，倒不如近在咫尺提前一星期網上訂座!沒有KOL助興，一眾食客更專注食物質量和烹調功夫;不可不食的焗魚腸，厚厚的如焗蛋批，吃得出廚房事前花時間和耐性處理魚腸的。黑松露蝦多士是無得輸的令人享受眼福和口福之後說 "值得再嚐"! 看到鄰座日本客人點的以炸物為主，可想而知是佐酒的好選擇, 其時為下午六點，可能是他們的 happy hour!至於爵士湯、芝麻雞和蜜椒腰果脆鱔均屬水準之作，圓滿甜品炸糯米糍，錦上添花不會飽滯。實而不華!

土瓜灣呢間懷舊菜餐廳之前都食過，上星期六再幫襯，當日我地8個人叫咗芝麻雞、爵士燉湯丶蝦多士、蓮藕煎肉餠、鮮菠籮咕噜肉同砵酒蠔煲。小菜色香味都達到水準，個人好鍾意個鮮菠籮咕噜肉，新鮮菠蘿帶出果種鮮甜能同肉香，咕噜肉外脆内嫩。特別推介蝦多士，真材實料，多士夠脆，蝦膠夠彈牙，仲有原隻鮮蝦夾作中間，多層次口感。最激讚係個爵士燉湯，數過啲材料有蜜瓜丶螺頭丶金華火腿丶雞腳同豬𦟌咁多，夠哂滋潤。整體價錢適中，份量都幾多，個人覺得係良朋歡聚唔錯既選擇。