喜滿樓菜館

土瓜灣真係臥虎藏龍！呢間菜館主打嗰種香港快要失傳嘅傳統手工菜，聽到都覺得係時候去尋吓寶啦！ 今次我哋就去試咗佢哋個招牌套餐—「喜滿樓超筍懷舊宴」成個套餐有八道菜，真係食到你捧住個肚走！ 爵士燉湯 (包燉湯版限定)： 未飲已經聞到陣陣香味。用料非常特别，竟然係用日本蜜瓜去燉煮，仲有雞腳、螺頭、金華火腿同豬展，味道十分清甜 客家蓮藕煎肉餅： 肉餅煎得香口，加埋蓮藕粒增加咗脆口嘅口感 黑松露蝦多士 / 鳳尾鮮蝦球 ： 我哋揀咗每樣兩件！餡料真係好飽滿，食到粒粒蝦仁，多士夠哂脆口，仲有淡淡嘅黑松露香，邪惡但係值回票價！ 鎮店芝麻雞： 招牌菜！雞皮用芝麻包住，燒到脆卜卜，咬落去有爆芝麻香，雞肉嫩滑，點埋芝麻醬更惹味 西蘭花炒龍躉： 呢個夠哂鑊氣！龍躉肉厚又滑，西蘭花爽脆，有傳統酒樓小炒嘅水準 錦鹵雲吞： 呢個真係好懷舊！酸酸甜甜嘅醬汁，入面仲有鮮魷、豬潤、蝦仁等配料，撈埋炸到脹卜卜嘅雲吞，酸甜開胃 農家臘味炒飯： 炒飯粒粒分明，臘味香氣十足，夠晒地道風味 家鄉糯米糍： 口感煙煙韌韌，有紅豆同芝麻口味，甜度剛剛好 用 $200 零蚊 就可以食到八道咁有心機、有傳統風味嘅手工菜，真係超值！成餐飯都感受到菜館對傳統風味嘅堅持，絕對唔會令你失望！ $198/位 (唔包燉湯) 或者 $248/位 (包燉湯)，四位起，係星期一至四限定…查看更多

成日聽屋企人講掛住舊時傳統小炒嘅味道帶佢哋去土瓜灣「喜滿樓」試咗個超筍懷舊宴！每位只需$198我地呢個餐無跟燉湯好欣賞店家堅持少油少鹽少味精真係食得健康又盡興鎮店芝麻雞炸得超乾爽唔油膩，表皮密密麻麻芝麻點埋芝麻醬，風味即刻升級，簡直絕配！鳳尾鮮蝦球鮮蝦包住鳳尾炸到金黃，外脆內彈西蘭花炒龍躉西蘭花爽脆，龍躉球嫩滑汁底清鮮完全唔膩，健康開胃滿分！家鄉蓮藕煎肉餅肉餅金黃焦香，咬落啖啖蓮藕錦鹵雲吞雲吞皮薄又香脆，配特製甜酸汁，勁惹味農家臘味炒飯粒粒分明甜品家鄉糯米糍外皮Q彈軟糯，芝麻餡香濃又唔會太甜，完美收尾～…查看更多

喜滿樓超筍懷舊宴土瓜灣的喜滿樓，把經典手工菜一次過呈現，四至七人共享，懷舊滋味滿滿。//鎮店芝麻雞 — 外皮香脆，芝麻粒帶來堅果香，雞肉嫩滑多汁。//黑松露蝦多士 — 蝦膠彈牙鮮甜，松露幽香滲入，入口先脆後濃。//鳳尾鮮蝦球 — 爽脆彈牙，鮮味乾淨利落。//西蘭花炒龍躉 — 魚肉厚嫩帶膠質感，蔬菜清爽平衡。//鹹魚煎肉餅 — 肉餅扎實多汁，鹹魚香氣濃烈，家常風味十足。//翠塘豆腐 — 豆腐滑嫩如絲，海鮮鮮甜與蔬菜爽脆交織。//金絲銀柳（海鮮炒粉絲） — 粉絲吸滿海鮮湯汁，滑溜鮮香不膩。//家鄉糯米糍 — 軟糯香甜，溫潤收尾。📍 地址：土瓜灣安徽街2號地舖「喜滿樓超筍懷舊宴」每位 198元(不包燉湯) / 248元(包燉湯)。四位起，星期一至四適用，假期除外。敬請訂座及預訂此套餐 23331448 。…查看更多

預早訂位，電話真人作實。今早再打去確定訂餐款式。下午就打黎話無訂位，又話早兩日已逐個客confirm 訂位，好似漏單係個客的錯。一句sorry 都無。無能力做好生意就唔好做。無能力接聽電話就唔好接。係咪真係咁好食就唔知，但服務差就梗。不知所謂，睇吓做得幾耐。…查看更多

呢間喺土瓜灣開咗好耐，熬過疫情嘅喜滿樓菜館，主打傳統風味懷舊特色菜，係街坊口碑極好嘅老字號，晚晚爆場！今次試咗佢哋嘅「喜滿樓超筍懷舊宴」，每位248元(包燉湯)「不包價$198」，四位起，星期一至四適用（假期除外），真係每味都有驚喜！（需要預訂）🍲爵士燉湯用懷舊配方以哈密瓜跟雞腳慢火燉成，湯底濃郁鮮甜啖啖膠原，飲落暖笠笠夠滋補。 👍👍🍗鎮店芝麻雞用上等靚雞，外皮鋪滿香脆芝麻附秘製芝麻醬，皮脆富油香芝麻氣爆棚，雞肉嫩滑緊緻留住肉汁，沾醬雙重芝麻風味一流。 🍤黑松露蝦多士大大件脹卜卜，表層烤金黃酥脆四角香脆，內層蝦肉紮實彈牙包原隻大蝦，黑松露畫龍點睛添香氣，啖啖肉超滿足。 🍤鳳尾鮮蝦球爽口彈牙超有誠意。 🥒翠玉瓜炒龍躉球鑊氣滿滿又健康。 🐟家鄉鹹魚煎肉餅鹹香惹味好送飯。 🍲八珍豆腐加豬膶、叉燒冬菇等同煮，柔潤香濃足八珍入味，豆腐外脆內嫩汁醬濃淡得宜。🍚農家臘味炒飯粒粒分明，臘味香到不得了。 🍡最後甜品家鄉糯米糍軟糯香甜，完美收尾！ 整體食物質素高，價錢親民，啱一家大細／朋友聚餐。係想搵返傳統粵菜味嘅人，一定要試下呢度！。…查看更多