劉興記生煎包專門店

營業中

休息中

路過街市街見有新店就入左去試😍係要先付款先坐底的，但只收現金！本身好鍾意食生煎包😛佢啲生煎包重寫左不爆汁會退款haha 招牌上海排骨飯$42排骨炸得好好食好厚肉！菜飯量好多，不過飯煲得有啲太濕雞絲酸辣湯 $30好大碗好好飲！鮮雞湯小雲吞 $30冇諗到咁嘅價錢都有12粒🤣好迷你！重有3條菜添招牌生煎包 $20 2隻蟹黃生煎包 $18 1隻勁多汁 啖啖肉😍😍😍低糖豆漿 $10麻醬雞絲粉皮 $35咁嘅價錢都咁大碗🥺麻醬好好食而且個粉皮好煙韌！

・　招牌生煎包 ($20@2隻)外皮金黃酥脆，內餡鮮嫩多汁。每一口咬下去，都能感受到肉汁在口中爆開的美妙滋味。建議趁熱吃，這樣能品嚐到最好的口感。・　蟹皇生煎包 ($18@1隻)這款生煎包是一道別具特色的創意菜。它的內餡以鮮嫩的蟹肉及蟹黃為主，口感豐富。外皮煎至金黃酥脆，內部的蟹肉鮮美多汁，絕對是海鮮愛好者的美食之選。・　排骨蔥油拌麵 ($42)經過炒製的排骨和蔥油，味道濃郁香氣四溢。排骨的肉質鮮嫩多汁，與蔥油的香味相互融合，讓整道菜更加美味可口。・　麻醬手撕雞絲粉皮 ($35)這道菜以爽滑的粉皮為主要材料，配上麻醬調味和手撕雞絲。麻醬的香氣和雞絲的嫩滑口感相得益彰，讓整道菜色香味俱佳。・　百步香蔥油餅 ($28)蔥油餅外皮酥脆，內部鬆軟。蔥油的香氣和煎炸的口感給人留下深刻的印象。無論是單吃還是搭配其他菜餚，都是一道不容錯過的美食。・　雞絲酸辣湯 ($30)湯酸辣開胃，雞絲的嫩滑增添了豐富的口感，暖身又開胃。

🔸招牌 生煎包  2個 / $20正宗滬式煎湯包頗大隻，包子上面有啲黑芝麻，包底係煎得焦脆嘅，因為太大隻，想先咬半口，一啖咬落去即刻爆汁，裏面啲湯汁唧上鼻哥窿度，好似直入上眼角流出來，即刻攞紙巾擦眼，旁邊啲其他人仲以為我個樣誇張得好食到喊🤤   好彩啲湯汁唔係太熱，而且仲幾好味，鹹甜適中，有啲冬菇嘅香味。 包裏面啲肉饀仲係好嫩滑嘅😘 咁好味嘅煎包只係十蚊一隻都算抵食😚味道：8/10性價比：9/10🔸蟹皇生煎包   2隻 /  $36煎得好香，有啲白芝麻灑喺上面，包裡都係一樣爆汁，滿有湯汁嘅，個皮就薄薄哋脆脆哋。這個包比招牌煎包細一點，剛好一大口一個，唔會爆汁四濺，反而可以食到滿口鮮甜嘅湯汁，包饀啲蟹皇肉比招牌生煎包更美味，師傅係即場包製，好新鮮。味道：8/10性價比：7/10🔸糖醋炸排骨湯麵    $46 糖醋排骨係另外碟上， 肉排本身炸得香口又爽脆，成碟有6小塊，淋咗啲好濃鬱嘅酸甜汁，另外一碗清湯上海粗麵，粗麵同啲湯係淡味清清哋嘅，配咗幾條青菜，鋪上一堆蛋絲，蛋絲冇味但可以令到成碗麵睇起嚟好靚，我就比較中意食濃味嘅糖醋排骨。味道：7/10性價比：7/10🔸雞絲酸辣湯   $30 唔係

今日經過荃灣發現有一間新開的上海小店，主打生煎包，一於試試價錢抵食，套餐有主食+生煎包，都是五十幾蚊🫶🏻❣️蟹黃生煎包 / 招牌生煎包生煎包皮夠煙靭，不易破穿，底煎得微燶香口，最緊要肉汁滿溢，我吃了三口還有肉汁漏出來，非常爆😮 蟹黃味也很出，看到了蟹粉❣️上海排骨菜飯豬扒值得一讚，口感夠鬆軟，不太乾，也有微香❣️麻醬手撕雞冷麵這個醬濃度比較高，建議撈黑醋吃❣️手工豆沙鍋餅$28脆口，不算太甜❣️雞絲酸辣湯酸度足夠，又有五香味道，幾有特色有別於一般酸辣湯

地方細，坐得好迫，同其他客人背貼背。生煎包雖然有爆汁，但係餡好少，其他飯麵都唔好食，酸辣湯好重胡椒粉味。最離譜係$10杯豆漿係得酒樓茶杯仔咁大。千祈唔好俾佢門口發哥張相呃到！

生煎包食生煎包一定要好小心食，如果唔係會爆汁同燙傷，要喺頂咬一小口，吸晒d湯汁等冇咁熱再咬個肉，呢個生煎包冇得頂超多肉汁湯汁，而且個底做得好脆。另一款蟹粉生煎包絕對係必叫，勁多蟹膏蟹肉真材實料，超級鮮味。酸辣湯難得酸辣度攞到平衡，唔會只得酸冇乜辣，稀杰度適中，令人好開胃，加埋胡椒粉調味另有一番風味，咁大碗夠哂2個人share ，先30蚊，絕對性價比高。雞絲粉皮每一塊粉皮都沾上香濃的花生芝麻醬，特別開胃，青瓜絲亦都切得好幼細，係一個唔錯嘅前菜。糖醋骨菜飯糖醋排骨切到細細粒，屬於容易入口的size，方便進食，略嫌肉質偏瘦，醬汁甜中帶酸，掛汁入味，菜飯幾大碗正常發揮。

有冇試過啲生煎包係凍冰冰 冇咩汁而招牌既蟹黃生煎包仲係腥既？E間真係食到生煎包既地板我唔算係食生煎包既專家，但我都知生煎包係咩味，e間鋪頭係大圍同荃灣都有分店，以為係好少少但都好唔掂

一直都好鍾意食生煎包，經過呢度時發現開左新既餐廳，專食生煎包。身為生煎包愛好者，又甘岩見到呢間專食生煎包既餐廳，當然要試一試餐廳既食物啦。大約七點到餐廳，餐廳內已坐滿食客，等左一陣就可以進入。首先在收銀處付款點餐後就就座。我地點左上海排骨湯麵、炸醬拌麵、手工豆沙窩餅同鮮雞湯小雲吞，湯麵同拌麵既麵質軟滑，麵比較粗身，有啲似烏冬。上海排骨炸得鬆脆，肉質軟冧。豆沙窩餅外脆內軟。小雲吞一口一粒，加上鮮甜雞湯一齊食，唔錯。

行過經過見到身為荃灣友都要過嚟試下係出面排咗－陣，都好快入咗去❗️依度係收銀嗌嘢食先，之後再會有人送餐～ 上菜速度正常 唔會等好耐～ 生煎包好好食😋入面好多湯汁❗️必叫❗️有兩件係重牌有兩件係蟹黃，一咬落去真係爆汁仲嗌咗兩杯豆漿好飲唔太甜，我好鐘意飲，唔似坊間個種好甜嘅味再嗌咗個炸排骨，外面炸得好脆，入面－啲都唔乾❗️再叫咗個雲吞食到每舊入面有鮮蝦，足料❗️雞絲粉皮❗️必食，份量好夠，雞絲唔會小～豆沙唔會死甜，出面好脆口，豆沙好香

啲生煎包又係生嘅啲粉皮硬到死除咗麻醬嘅味之外就冇其他味比門口發哥張相呃咗真心唔會再有下次老闆好似唔識管理樓面問咗門口個阿姐十幾次都唔理我完全冇人落單雞絲又少唔會推介

最近呢間劉興記好好討論度，趁住仲未係好多人排隊，即刻試下先！見到出面痴住相，係發哥都捧場食架！先落單俾錢，再搵位坐。一路食既途中一路見到佢係咁有外賣單，好難想像佢其實淨係開張左唔係好耐。  1️⃣招牌生煎包（$20/2） 個底夠脆，面頭有啲黑芝麻，咬落係真係噴汁🫢一啖咬落去果下真係唔小心啲汁噴到落檯面遠處。好彩我地係靠牆坐對面冇人😬呢個爆汁程度好滿意😆  2⃣️蟹黃生煎包（$18/1） 蟹黃版更加更加好食！面頭係白芝麻黎，吸取食上一粒生煎包既經驗，今次有小心啲咁咬開外皮，啜左啲汁先，確保唔浪費任何一滴汁！個汁已經好香蟹味，入面既餡料更加見到蟹肉同蟹粉。好正😍  3⃣️生炸雞扒蔥油拌麵（$42） 蔥油拌麵好香，會相對重口味小小但係未到覺得好鹹咁。蔥油調味重啲，而雞扒就冇咁重調味，我覺得成件事係有平衡到👍  4⃣️雞絲酸辣湯小雲吞（$32） 酸辣湯入面有木耳絲、冬菇、雞絲、豆腐，辣度偏低，酸酸地幾好食。小雲吞有六粒，一啖一粒配埋酸辣湯食味道好豐富～  5⃣️糖醋炸排骨菜飯（$46） 菜飯份量比我想像中大，菜同飯既比例幾乎係一比一👍糖醋排骨都有幾多件，醬汁酸酸甜甜好開胃，係食多幾件都唔會覺得厭既。  6⃣️百步香蔥

荃灣開了一間新餐廳，平日6點前去不用排隊，後來愈來愈多人~招牌生煎包/蟹皇生煎包生煎包底部比較厚，口感酥脆，內裡鮮嫩多汁(一隻生煎包大概倒出一湯匙湯汁)。要小心咬下去時給爆出來的汁燙傷😳 招牌味肉香比較濃，更合個人口味生炸雞扒蔥油拌麵炸雞外皮酥脆，炸粉不是很厚。蔥油味很香，麵條很彈牙~雞絲酸辣湯小雲吞雞絲酸辣湯清爽開胃，味道比想像之中酸一點~小雲吞充滿了鮮嫩的雞肉和香料 手工豆沙窩餅豆沙餡是清甜的，外皮脆脆的，咬下去有點QQ的口感，和朋友一起share吃，份量剛剛好~

招牌生煎包食剩指數：0/100之前食過上環分店幾好食，發現荃灣原來都有分店，就去食返佢最出名嘅生煎包。見到現場有師傅即叫即包，煎完出嚟嘅生煎包，又唔會好油膩。個底煎得幾脆，但係又唔會成個包都好硬。入邊一咬爆晒汁，建議用筷子先整開，唔好直接咬，如果唔係好易焫親😂價錢方面，六隻就$45，都算幾抵食嘅我就冇叫到蟹黃生煎包蟹黃就會貴啲$18/1隻.另外叫咗杯低糖豆漿$10.劉興記地址：荃灣街市街37號地舖

見到新開張好多人排隊，就諗住試一試。入到餐廳環境其實好逼，同後面枱嘅客人背脊貼背脊咁滯，不過唔緊要啦，好快食完！最緊要好食！叫咗兩個套餐，樓面係亂到黐線，豆漿嚟一杯冇嚟一杯，諗住等吓點知原來係等唔到，因為佢哋漏晒單。酸辣湯係凍嘅。同枱搭枱嘅食客佢哋嘅酸辣湯都係凍嘅。同枱兩碗酸辣湯都要換，換完都只係暖。小雲吞嚟咗兩次都係生嘅，冇錯，係兩次都係生。第三次終於熟，但食咗生豬肉，大家諗吓有咩後果。除咗生煎包真係唔洗食其他👎🏾

之前見新開好多日都有多人排隊所以無去食，今日無人就去試吓，以為多人排代表好食係我天真！落單叫招牌生煎包，收銀員入單變左蟹粉生煎包，叫佢改返，佢搞好耐又話唔係好識又話張單入左廚房，心諗是但照要反正甘多人食應該唔差，係估唔到甘難食！蟹粉生煎包其中一粒無湯，另外幾粒味道只可以講不是我口味，我個人覺得好難食，另外叫左碗小雲吞，完全無味，雲吞無味，湯無味，唔知食緊乜！個粉皮亦只可以講不是我口味！好想知之前甘多人排隊係比咩驅使？！食完無嬲咩？