劉興記生煎包專門店

性價比超高嘅上海生煎包專門店——劉興記。不但款式多樣，價格親民，最正係一坐低就已經有免費豆漿任飲，絕對係街坊良心店！豆漿係店家自家製，，口感醇厚香濃又唔會死甜，refill又快，絕對係解膩首選！必食推薦：🦐「瀨尿蝦生煎包」$54/4隻劉興記無論傳統口味還是創新款式都做得出色，「瀨尿蝦生煎包」每隻都採用原隻生拆瀨尿蝦入餡，保留蝦汁鮮味！一啖咬落去湯汁瞬間爆發，鮮甜濃郁毫無腥味。外皮焦脆內餡彈牙，口感層次極豐富！🥟「原味生煎包」$20/2隻經典之選！外皮金黃香脆，一咬開熱辣辣肉汁即刻湧出。豬肉餡鮮嫩多汁，湯汁豐盈卻唔油膩，皮薄餡多，絕對係必點！🍙「原味小龍包」$40/4隻皮薄透光卻極具彈性，內餡湯汁豐滿。咬落去汁液四溢，肉香濃郁，湯頭鮮美，水準拍得住上海老店！🍜「担担麵」$45麵條筋道有嚼勁，香辣花生醬同芝麻醬完美融合，濃郁香氣撲鼻而來。重口味愛好者必試！🥒「麻醬青瓜雞絲粉皮」$45清爽之選！粉皮滑嫩冰涼，雞絲鮮美搭配青瓜絲，淋上香濃唔膩嘅特製麻醬，夏日食簡直一流！#劉興記 #生煎包 #瀨尿蝦創新 #任飲豆漿 #抵食之選 #上海老味道 #香港美食…查看更多

今日做孝順女陪媽子去荃灣街市買餸，隨便去附近試試依間連發哥都讚好嘅生煎包專門店👀 大約中午12點入座，好彩唔洗排隊就有位🤓 不過交枱速度好快，排隊都唔洗等太耐~ 餐廳主要做返街坊生意，有好多公公婆婆唔飲早茶都過嚟食🥰【招牌生煎包】💰35/4隻每隻生煎包都係店員即日當場包，誠意滿分💯 外皮好薄，個底煎到好脆，面頭灑上黑芝麻加蔥花，外表已經好吸引🤩 餐廳仲號稱唔爆汁包換👀 一咬落去確實爆汁💥 而且豬肉餡料好新鮮，令人齒頰留香🤤🤤【原味上海小籠包】💰40/4隻小籠包都係無得彈👍🏻 即叫即蒸好新鮮~ 皮薄餡靚同樣爆汁🥰【招牌炸雞扒】💰28即叫即炸雞扒，外皮酥脆、肉質嫩滑💕 幫你切開一塊塊最啱同人share❤️【麻醬青瓜雞絲粉皮】💰45出街食飯最驚餐廳小氣比得少少醬🤏🏻劉興記落醬精神就係落好落滿😂😂 每條粉皮都可以充分爽啲麻醬~ 好食🤤堂食仲有無限refill凍豆漿，店員好主動會經常問洗咪添飲，短短食咗一個鐘都問咗全場4-5次。加上可能比較多長者用餐，店員會友善提醒食客慢慢行，依份窩心喺香港餐飲業真係難得🥲🥲…查看更多

最近減少醣類飲食，今日特別掛住碳水，去咗劉興記食生煎包😅招牌生煎包8隻 $60 - 趁熱咬咗一小口，即見內裏湯汁豐盈，肉鮮汁多，包底一如既往酥脆可口，係掛念嘅味道😊招牌炸豬扒菜飯 $45 - 大塊酥香即炸豬扒切咗6件， 外脆肉嫩，配一口清爽菜飯，超滿足😋麻醬青瓜雞絲粉皮 $45 - 份量好大，麻醬另上，根據個人口味自己涼拌，簡簡單單勝在refreshing👍🏻店舖大方，冰凍豆漿免費奉送，食物水準又一直保持到，如果掛住啲爆汁生煎包可以隨時過嚟滿足一下。…查看更多

週五唔想食住家飯，出左街食上海野，餐廳長龍依舊，夜晚等左十分鐘先入到座，每次幫襯必點生煎包、小籠包同小雲吞!生煎包的味道是皮薄、底脆、餡多汁，咬開時能感受到滿口鮮美的湯汁，搭配底部煎得金黃的酥脆感，以及撒上的芝麻和蔥花的香氣，是一種豐富的口感體驗。小籠包的味道以豬肉的鮮美為主，搭配濃郁的湯汁，口感豐富且清甜。小雲吞搭配清淡但鮮美的湯底，一口一粒，岩岩好!鹹肉菜飯的味道是鹹香、鮮美、油潤的綜合風味，煎香的鹹肉和蔬菜散發出的香氣，讓人食欲大開。 …查看更多

一坐低即刻有豆漿送上，味道自然少甜，幾好飲既，食食下啲姐姐仲擺低一樽仔豆漿比我哋自斟😺非常好嘅安排～👉🏻招牌生煎包一定要試佢嘅生煎包，永遠都係熱辣辣，今日落左單無耐就上左菜，但都係辣口既，皮好薄，一咬肉汁噴射，肉味鮮甜，係新鮮豬肉嘅味道😋👉🏻麻醬手撕雞涼皮好大碗，雞絲同青瓜🥒都唔少，醬料適中，重口味人士都唔使額外加醬🙌🏻另外加少少辣油同醋一齊依更加開胃。👉🏻酥炸排骨係已經去骨既，好方便食。炸得好脆，肉質鬆軟🙌🏻…查看更多